Tag: mulaqat

ایم کیوایم اور پی پی کے چار سینیٹرز بلامقابلہ کامیاب

کراچی: سینیٹ کے انتخابات میں کاغذات نامزدگی واپس لینے کا وقت ختم ہو گیا،سندھ سےبیرسٹر سیف ،نگہت مرزا ، فاروق ایچ نائیک اور سسی پلیجوبلامقابلہ منتخب ہو گئے ۔

سینیٹ الیکشن کیلئے کاغذات نامزدگی واپس لینے کا وقت ختم ہو گیا اور سندھ اسمبلی سے ایم کیو ایم کے دو دو امیدوار بلا مقابلہ منتخب ہو گئے ۔

کاغذات نامزدگی واپس لئے جانے کے بعد کے پی کے اسمبلی سے بارہ نشستوں کے لیے ستائیس امیدوار میدان میں رہ گئے ہیں۔

بلوچستان سے چھ امیدواروں کے دستبردار ہونے کے بعد سینیٹ کی بارہ نشستوں پر بتیس امیدوار مد مقابل ہونگے فاٹا کے 2اُمیدواروں نے کاغذات نامزدگی واپس لے لئے جس کے بعد فاٹا 4 نشستوں پر 36 اُمیدوار میدوان میں ہیں۔

اسلام آباد کی دو نشستوں پر کسی اُمیدوار نے کاغذات نامزدگی واپس نہیں لے، یہاں 2 نشستوں کے لئے 8اُمید وار میدان میں ہیں ،اُمیدواروں کی حتمی فہرست آج جاری کردی جائےگی۔

فروری 28, 2015
سینیٹ الیکشن: پی پی اورمتحدہ کا مقابل امیدوارنہ لانے کا فیصلہ

کراچی : سینیٹ الیکشن کے لئے جوڑ توڑ اور سیاسی جماعتوں میں تعاون کےلئے مشاورت کا سلسلہ جاری ہے، سیٹ ایڈجسٹمنٹ کے لئے پیپلز پارٹی اورمتحدہ قومی موومنٹ ایک بارپھر باہم شیر و شکر ہونے کے لئے تیار ہو گئیں۔

تفصیلات کے مطابق پاکستان پیپلزپارٹی اور متحدہ قومی موومنٹ کے درمیان تعلقات میں جمی برف ایک بار پھر پگھلنے لگی۔

ایم کیو ایم کے وفد نے پیپلز پارٹی کے مرکزی رہنما اورسابق وزیر داخلہ رحمان ملک سے وزیراعلیٰ ہاؤس کراچی میں ملاقات کی۔

اس موقع پر سینیٹ انتخابات کے حوالے سے بات چیت کی گئی ۔ملاقات میں ناموں کو حتمی شکل دینے، سینیٹ الیکشن میں سیٹ ایڈجسٹمنٹ فارمولا، ایم کیو ایم، پی پی تعلقات، مفاہمتی عمل اور صوبے کی سیاسی صورتحال پر بھی تبادلہ خیال کیاگیا۔

ملاقات کے بعد میڈیا سے گفتگو کرتے ہوئے رحمان ملک کا کہنا تھاکہ ایم کیو ایم اور پیپلز پارٹی ایک دوسرے کےمقابل امیدوار نہیں لا رہے۔ایم کیوایم کے رہنما سید سرداراحمد کا کہنا تھابعض معاملات پرتحفظات دور کر لئے گئے ہیں۔

ذرائع کےمطابق سینیٹ انتخابات میں ایم کیوایم کی جانب سےٹیکنوکریٹس کیلئےمیاں محمدعتیق،جرنل کیلئےخوش بخت شجاعت، بیرسٹر سیف اور خواتین کی نشست کیلیےنگہت مرزاکو ٹکٹ دیئےجانے کا امکان ہے۔

دوسری جانب الطاف حسین کی جانب سے توثیق کیلئےامیدواروں کی حتمی فہرست لندن ارسال کردی گئی ہے۔

فروری 28, 2015
بجلی بحران سے نمٹنے کیلئے تعاون کررہے ہیں،امریکی سفیر

کراچی : پاکستان میں امریکی سفیررچرڈ اولسن کا کہنا ہے کہ امریکا پاکستان میں بجلی بحران سے نمٹنے کیلئے ہرممکن تعاون کر رہا ہے ۔

تفصیلات کے مطابق کراچی میں وفاقی وزیرتجارت انجینئرخرم دستگیر خان سے امریکی بزنس کونسل کے وفد نے ملاقات کی، ملاقات کے دوران دونوں ممالک کے رہنماؤں کے درمیان باہمی دلچسپی اور پاک امریکا تجارتی تعلقات کے فروغ کے حوالے سے امور پر تبادلہ خیال کیا گیا۔

امریکی سفیر رچرڈ اولسن نے کہا کہ دونوں ممالک کے درمیان معاشی تعاون دونوں مما لک کیلئے فائدہ مند ہے۔ انہوں نے کہا کہ امریکا پاکستانی مصنوعات کا سب سے بڑا امپورٹر اور بڑا سرمایہ کار ملک ہے۔

امریکا پاکستان میں سرمایہ کاری کے مزید مواقع تلاش کر رہا ہے۔ امریکی تعاون سے سال دوہزار اٹھارہ تک چودہ سو میگاواٹ اور دوہزاراٹھائیس تک دو ہزارمیگا واٹ بجلی نیشنل گرڈ میں شامل ہوجائے گی۔

جس سے پاکستان کو درپیش توانائی بحران کے خاتمہ میں کافی حد تک مدد ملے گی۔

فروری 27, 2015
سابق صدر زرداری سے چینی وزیر خارجہ کی ملاقات

اسلام آباد: سابق صدر آصف علی زرداری سے چین کے وزیر خارجہ او ر امریکا سمیت مختلف ممالک کے سفیروں نے اہم ملاقاتیں کی ہیں۔

اسلام آباد کے زرداری ہاوٴس میں سابق صدر زرداری سے پاکستان کے دورے پر آئے ہوئے چینی وزیر خارجہ نے ملاقات کی ۔ ملاقات میں دونوں رہنماوٴں کے درمیان پاک چین تعلقات اور خطے کی صورتحال پر تبادلہ خیال کیا گیا۔

ملاقات میں وزیراعلی سندھ قائم علی شاہ، سابق وزیر اعظم راجہ پرویز اشرف، یوسف رضا گیلانی، سابق وزیرداخلہ رحمان ملک، شیری رحمان اور سندھ کے صوبائی وزیر مراد علی شاہ نے سابق صدر زرداری کی معاونت کی۔

اس کے علاوہ پاکستان میں تعینات ڈنمارک کے سفیر جیسپرسورن سن، اسپین کے سفیر کار باجوژا اور امریکی سفیر رچرڈ اولسن نے بھی سابق صدر زرداری سے ملاقاتیں کیں۔

فروری 13, 2015
وزیراعظم نوازشریف سے چینی وزیر خارجہ کی ملاقات

اسلام آباد:وزیر اعظم نواز شریف سے چینی وزیر خارجہ وانگ ژی نے وزیراعظم ہاؤس میں ملاقات جس میں پاک چین تعلقات پر تبادلہ خیال کیا گیا۔

اس موقع پر وزیراعظم نے کہا کہ چین کے ساتھ مضبوط دوستی پاکستان کی خارجہ پالیسی کی اہم جزو ہے۔چین پاکستان کا ہمیشہ سے مخلص دوست ہے ۔

انہوں نے کہا کہ پاکستان چین کی اقتصادی راہداری کو انتہائی اہمیت دیتے ہے ۔وزیراعظم نے کہا کہ چین کے صدر شی جن ینگ کے دورہ پاکستان کے منتظر ہیں۔

چینی شہریوں کی سلامتی کیلئے خصوصی اقدامات کیے جارہے ہیں۔وزیراعظم نے کہا کہ چینی صدر کے دورہ پاکستان سے راہداری کے تحت جلد مکمل ہونے والے منصوبوں پر پیشرفت تیز ہوگی۔

چینی وزیر خارجہ وانگ ژی نے کہا کہ ان کے دورے کا مقصد چینی صدر کے رواں سال دورہ پاکستان کے حوالے سے تیاری ہے۔چینی وزیر خارجہ نے وزیراعظم نواز شریف کو چینی صدر کی جانب سے خیر سگالی کا پیغام بھی پہنچایا۔

ملاقات میں مشیر خارجہ سرتاج عزیز، وزیر خزانہ اسحاق ڈار،وزیر منصوبہ بندی احسن اقبال بھی موجود تھے۔

فروری 13, 2015
چوہدری سرورکا پی ٹی آئی میں شامل ہونے کا فیصلہ

اسلام آباد: پنجاب کے سابق گورنر چوہدری سرور نے پاکستان تحریک انصاف میں شامل ہونے کا فیصلہ کر لیا۔

تفصیلات کے مطابق سابق گورنر پنجاب چوہدری سرور نے پی ٹی آئی میں شمولیت کا فیصلہ کرلیاہے، اس سلسلے میں انہوں نے بنی گالا میں عمران خان سے ملاقات کی۔

ملاقات کے بعد چوہدری سرور عمران خان کے ہمراہ بنی گالہ سے ہوٹل کیلئے روانہ ہوئے، اس موقع پر کارکنان کا جوش قابل دید تھا اور وہ عمران خان کے حق میں نعرے بازی کرتے رہے۔

میڈیا سے گفتگو کرتے ہوئے عمران خان نے کہا کہ چوہدری سرور کی پی ٹی آئی میں شمولیت کا فیصلہ خوش آئند ہے ۔

انہوں نے ایک بار پھر ایم کیو ایم کے قائد الطاف حسین کو شدید تنقید کا نشانہ بناتے ہوئے کہا کہ میرا غصہ ابھی ٹھنڈا نہیں ہوا ہے،میں بہت جلد کراچی جاؤں گا، موت سے نہیں ڈرتا، اگلی پریس کانفرنس میں مزید حقائق سے پردہ اُٹھاؤں گا۔

فروری 10, 2015
سانحہ بلدیہ ٹاؤن کےملزمان کوہرقیمت پرسزاملنی چاہیے، ڈاکٹرعشرت العباد

کراچی : گورنرسندھ ڈاکٹرعشرت العباد کا کہنا ہے کہ سانحہ بلدیہ ٹاؤن کے ملزمان کو کیفرکردار تک پہنچانا ناگزیر ہے،مقدمہ عدالت میں ہے، اس پربات کرنے سے گریز کرناچاہیے۔

گورنر سندھ ڈاکٹر عشرت العباد خان کا کہنا ہے کہ سانحہ بلدیہ دلخراش واقعہ تھا، جو بھی ملوث ہو اسے سزا ملنی چاہیئے۔

ڈاکٹر عشرت العباد نے کہا کہ سانحہ بلدیہ کی رپورٹ عدالت میں جمع ہے، اس پر انصاف ہونا چاہیئے۔

انہوں نے کہا کہ بجلی کا مسئلہ سیاسی نہیں بلکہ انتظامی معاملہ ہے، کے الیکٹرک شہر میں سپلائی بہتر کر رہی ہے۔

واضح رہے کہ جے آئی ٹی کی رپورٹ میں انکشاف کیا گیا ہے کہ سانحہ بلدیہ فیکٹری کوآگ بھتہ نہ دینے پرلگائی گئی اور اس واقعے کا مرکزی ملزم ایک سیاسی جماعت کا عہدیدارہے۔

فروری 7, 2015
دھاندلی سے متعلق پی ٹی آئی کے تحفظات کی حمایت کرتے ہیں، رحمٰن ملک

اسلام آباد: پیپلز پارٹی دھاندلی سے متعلق پی ٹی آئی کے تحفظات کی حمایت کرتی ہے،ان خیالات کا اظہار پاکستان پیپلز پارٹی کے رہنماء سینیٹر رحمٰن ملک نے پی ٹی آئی کے سیکرٹری جنرل جہانگیر ترین سے اہم ملاقات کے موقع پر کہی ۔

ملاقات میں عدالتی کمیشن کے قیام اور سینیٹ انتخابات سے متعلق تفصیلی تبادلہ خیال بھی ہوا، دونوں رہنماؤں کے درمیان ملاقات اسلام آباد میں جہانگیر ترین کی رہائش گاہ پر ہوئی۔

رحمٰن ملک نے کہاکہ پیپلز پارٹی دھاندلی سے متعلق پی ٹی آئی کے تحفظات کی حمایت کرتی ہے،پی ٹی آئی ہی نہیں ان کی جماعت بھی دھاندلی کی تحقیقات کے لئے عدالتی کمیشن کے قیام کی حامی ہے۔

اس موقع پر دونوں رہنماؤں کے درمیان سینیٹ انتخابات سے متعلق تفصیلی تبادلہ خیال ہوا ،جبکہ پنجاب اور کے پی کے سے سینیٹ انتخابات میں ایک دوسرے سے تعاون پر بھی بات چیت ہوئی۔دونوں رہنماؤں نے موجودہ سکیورٹی کی صورت حال پر بھی گفتگو کی۔

فروری 4, 2015
کراچی:غریب والدین 6 بچے ایدھی ہوم چھوڑ گئے

کراچی: ماں باپ غربت سے تنگ آکر چھ بچوں کو ایدھی ہوم چھوڑ گئے، گورنر سندھ نے اے آر وائی نیوزکی خبر کا نوٹس لے لیا۔

سنگ دل والدین چھ بچے ایدھی ہوم چھوڑ گئے،بچوں کی عمریں آٹھ ماہ سے آٹھ سال تک ہیں، جب بچے ایدھی ہوم لائے گئے تو ان کے جسم پر کپڑے تک نہیں تھے۔

ماں باپ غربت کے باعث اپنے جگر کے ٹکڑے ایدھی ہوم چھوڑنے پر مجبور ہوئے، معصوم بچوں کا کہناتھا کہ امی ابو نے نانا کے گھر جانے کا کہہ کریہاں چھوڑدیا۔

گورنرڈاکٹرعشرت العباد نےایدھی سینٹرمیں چھوڑے گئےچھ بچوں کےاخراجات اٹھانےکاوعدہ کرلیا۔

اے آروائی نیوز کی خبر پر نوٹس لیتے ہوئے گورنر سندھ نے گورنر ہاوس کے عملے کو فوری طور پر ہدایت کی اور کہا کہ گو رنر ہا وس کا عملہ فوری طور پر ایدھی سینٹرجاکر معاملے کی جانچ پڑتال کرے۔

گورنر سندھ نے یہ بھی اعلان کیا کہ وہ ان بچوں کے تمام اخراجا ت خود برداشت کریں گے اور بچے اپنے والدین کے پاس رہائش پذیر رہیں گے۔

فروری 3, 2015
وزیراعظم نواز شریف اور امریکی وزیر خارجہ جان کیری کی ملاقات

اسلام آباد: وزیراعظم اور امریکی وزیر خارجہ جان کیری کی ملاقات میں پاک امریکہ تعلقات اور خطے کی مجموعی صورتحال پر تبادلہ خیال کیا گیا۔

امریکی وزیر خارجہ نے وزیر اعظم نواز شریف سے اسلام آباد میں وزیر اعظم ہاوس میں ملاقات کی،جس میں وزیر اعظم نواز شریف کا کہنا تھا کہ سانحہ پشاور پر وہ صدر اوباما کی دوستی اور تعاون کو قدر کی نگاہ سے دیکھتے ہیں، ان کا کہنا تھاکہ امریکہ خارجہ پالیسی میں پاکستان کااہم ترین شراکت دارہے۔

وزیراعظم کاکہنا تھا کہ پاکستان مصنوعات کی امریکی منڈیوں میں زیادہ رسائی اور روزگار میں اضافےکےلئے امریکی سرمایہ کاری کا خواہشمند ہے، امریکی وزیر خارجہ جان کیری نے سانحہ پشاور پر تعزیت کرتے ہوئے کہا کہ دہشتگرد پاکستان اور امریکا کے مشترکہ دشمن ہیں اور امریکہ شدت پسندی کے خاتمے کے لئے پاکستان سے تعاون جاری رکھے گا۔

جنوری 12, 2015