ARYNews.tv | Urdu – Har Lamha Bakhabar

Tag: mulaqat

  • پاک سرزمین پارٹی کے وفد کی پی ٹی آئی رہنماؤں سے ملاقات

    پاک سرزمین پارٹی کے وفد کی پی ٹی آئی رہنماؤں سے ملاقات

    کراچی : پاک سرزمین پارٹی کے وفد نے تحریک انصاف کے رہنماؤں سے ملاقات کر کے انہیں24اپریل کے جلسےمیں شرکت کی دعوت دے دی۔

    تفصیلات کے مطابق پاک سرزمین پارٹی کا وفد ملاقات کے لئے پی ٹی آئی رہنما عمران اسماعیل کے گھر پہنچا۔ وفد میں رضاہارون، ڈاکٹرصغیر، وسیم آفتاب اور دیگرشامل تھے۔

    ذرائع کے مطابق تحریک انصاف کے رہنما عمران اسماعیل  نے کہا ہے کہ پاک سر زمین پارٹی کے رہنماﺅں کی آمد کا خیر مقدم کرتے ہیں ۔

    پاک سرزمین کے رہنماؤں نے 24اپریل کے جلسے میں شرکت کی دعوت دی ہے، لیکن جلسے میں شرکت نہیں کر سکتے ۔ان کا کہنا ہے کہ اگر 24اپریل کو تحریک انصاف کا یوم تاسیس نہ ہوتا تو جلسے میں ضرور شرکت کرتے۔

    ملاقات کے بعد میڈیا سے گفتگو کرتے ہوئے رضا ہارون نے کہا کہ تمام محب وطن پارٹیوں تک پاک سرزمین پارٹی کا پیغام پہنچائیں گے۔

     

  • کراچی آپریشن مدت اوررفتارکی قیدسےآزادہے، ڈی جی رینجرز

    کراچی آپریشن مدت اوررفتارکی قیدسےآزادہے، ڈی جی رینجرز

    کراچی: ڈی جی رینجرزسندھ نے کہا ہے کہ کراچی آپریشن مدت اوررفتارکی قید سے آزادہے۔جو دہشت گردی کےخاتمےتک جاری رہےگا، مذہبی اور سیاسی جماعتیں دہشتگردوں کوپناہ نہ لینےدیں۔

    کراچی میں آل پاکستان سیکیورٹی سروسزکے ستر رکنی وفد نے رینجرز ہیڈکوارٹرزکادورہ کیا، اس موقع پر ڈی جی رینجرز نے وفد سے گفتگو میں کہا کہ کراچی آپریشن کسی پارٹی کےخلاف نہیں، رینجرزکامقصدجرائم پیشہ افرادکاخاتمہ ہے۔

    انہوں نے کہا کہ آپریشن مدت اوررفتارکی قیدسےآزادہے، مذہبی اورسیاسی جماعتیں دہشتگردوں کوپناہ نہ لینےدیں، آپریشن دہشت گردی کےمکمل خاتمےتک جاری رہےگا۔

    ڈی جی رینجرز نے سیکیورٹی کمپنیز کے وفد سے کہا کہ وہ قانون نافذ کرنےوالےاداروں سےمعلومات شیئرکریں۔

  • جنرل راحیل شریف سے برطانوی وزیرخارجہ فلپ ہیمنڈ کی ملاقات

    جنرل راحیل شریف سے برطانوی وزیرخارجہ فلپ ہیمنڈ کی ملاقات

    راولپنڈی : چیف آف آرمی اسٹاف جنر ل راحیل شریف سے برطانوی وزیر خارجہ فلپ ہیمنڈ نے ملاقات کی.ملاقات میں باہمی دلچسپی کے امور اور خطے کی سیکیورٹی صورتحال پرتبادلہ خیال کیا گیا ۔

    آئی ایس پی آر کی جانب سے جاری بیان میں کہا گیا ہے کہ آرمی چیف جنرل راحیل شریف سے برطانوی وزیر خارجہ کی ملاقات جی ایچ کیو میں ہوئی ۔

    اس موقع پربرطانوی وزیرخارجہ کا کہنا تھا کہ دہشت گردی کے خلاف جنگ میں پاک فوج کی قر بانیاں لائق تحسین ہیں ،خطے میں استحکام کے لیے پاک فوج کا کردار قابل ستائش ہے۔

    اس موقع پربرطانوی وزیرخارجہ نےیادگارشہداء پرپھولوں کی چادرچڑھائی۔

     

  • اداکارہ وینا ملک کی شوہرکے ہمراہ عمران خان سے ملاقات

    اداکارہ وینا ملک کی شوہرکے ہمراہ عمران خان سے ملاقات

    اسلام آباد : اداکارہ وینا ملک اپنے شوہر اسد خٹک کے ہمراہ عمران خان سے ملنے بنی گالا پہنچ گئیں۔

    تفصیلات کے مطابق اگزشتہ دنوں دبئی سے پاکستان آنے والی اداکارہ وینا ملک اپنے شوہر کے ہمراہ آج شام اسلام آباد میں سربراہ تحریک انصاف عمران خان سے ملاقات کیلئے ان کی رہائش گاہ پہنچیں۔

    قومی لباس میں زیب تن دونوں میاں بیوی نے عمران خان اور نعیم الحق سے ملاقات کی،ڈیڑھ گھنٹہ تک جاری رہنے والی ملاقات کے دوران اسد خٹک نے عمران خان کو مختلف دھنوں پر ترانہ اور نغمے سنائے جس سے عمران خان بے حد محظوظ ہوئے۔

    ملاقات کے دوران ہلکے پھلکے انداز میں سیاسی گفتگو بھی کی گئی۔ ملاقات کے اختتام پر وینا ملک اور اسد خٹک میڈیا سے بات چیت کئے بغیر روانہ ہو گئے۔

    بعد ازاں ترجمان تحریک انصاف نعیم الحق نے میڈیا سے گفتگو میں بتایا کہ وینا ملک اور اسد خٹک کی عمران خان سے خوشگوار ماحول میں ملاقات ہوئی، تاہم یہ ملاقات غیر سیاسی تھی اور دونوں میاں بیوی میں سے کسی کے پاکستان تحریک انصاف میں شمولیت سے متعلق کوئی بات نہیں ہوئی۔

  • وزیر اعظم اورصدرمملکت کے درمیان ملاقات، اہم امورپرتبادلہ خیال

    وزیر اعظم اورصدرمملکت کے درمیان ملاقات، اہم امورپرتبادلہ خیال

    اسلام آباد : صدر مملکت ممنون حسین اور وزیر اعظم محمد نواز شریف نے پاک چین اقتصادی راہداری ، توانائی کے منصوبوں پر پیش رفت اور دہشت گردی کے خلاف آپریشن ضرب عضب کی مؤثر کارروائیوں پر اطمینان کا اظہار کیا ہے۔

    تفصیلات کے مطابق وزیراعظم نوازشریف نے صدر مملکت ممنون حسین سے ایوان صدر میں ملاقات کی، دونوں رہنماؤں کے درمیان ملاقات ایک گھنٹہ تک جاری رہی ۔

    ملاقات کے دوران کراچی سمیت ملک میں امن و امان کی صورت حال سمیت حکومتی کارکردگی کے حوالے سے مختلف امور پر غورو خوص کیا گیا، جبکہ ملاقات میں وزیراعظم نوازشریف نے ممنون حسین کو اپنے حالیہ دورہ قطر اور ایل این جی کی معاہدہ پر اعتماد میں بھی لیا ۔

    وزیر اعظم نے صدرکو اپنی حکومت کی پالیسیوں اور مختلف منصوبوں پر ہونے والی پیش رفت سے آگاہ کیا۔ دونوں رہنماؤں نے اس عزم کا اظہار بھی کیا کہ حکومت کی بہتر معاشی پالیسیوں کے ذریعے صحت اور تعلیم کے شعبوں میں بہتری لائی جائے گی۔

    وزیراعظم نے ملک میں توانائی کے منصوبوں پر ہونے والی پیش رفت سے آگاہ کیا اور بتایا کہ توقع ہے کہ ان منصوبوں کی بروقت تکمیل سے ملک میں لوڈشیڈنگ کا خاتمہ ہو جائے گا۔

    انہوں نے صدر کو قطر کے ساتھ ایل این جی معاہدے سمیت اپنے بیرونی دوروں اور ان مواقع پر مختلف حکومتوں کے ساتھ ہونے والے معاہدوں اور مفاہمت کی یادداشتوں کے بارے میں بھی اعتماد میں لیا۔

  • رینجرز نے شہر میں خوف و ہراس پھیلانے کا نوٹس لے لیا

    رینجرز نے شہر میں خوف و ہراس پھیلانے کا نوٹس لے لیا

    کراچی: رینجرز نے شہر میں خوف و ہراس پھیلانے کا نوٹس لے لیا، ترجمان رینجرز کہتے ہیں کہ قانون نافذ کرنے والے ادارے شہر میں متحرک ہیں۔

    رینجر زکی جانب سے جاری اعلامیہ میں کہا گیا ہے کہ بعض عناصر کی جانب سے شہر میں خوف و ہراس اور سراسیمگی پھیلانے کا رینجرز نے نوٹس لیا ہے ۔

    ترجمان کے مطابق قانون نافذ کرنے والے ادارے عوام کی سیکیورٹی کو یقینی بنانے کیلئے پوری طرح چوکس ہیں ، کراچی کی عوام قانون نافذ کرنے والے اداروں پر بھروسہ رکھیں اور کسی بھی مشکوک سرگرمی کی اطلاع رینجرز ہیلپ لائن پر دیں۔

    دوسری جانب ترجمان رینجرز سندھ کے مطابق رینجرز ہیڈکوارٹرز میں ڈی جی رینجرز میجر جنرل بلال اکبر کی صدارت اعلیٰ سطحی اجلاس ہوا جس میں سینئر اسٹاف افسران ،پراسیکیوشن افسران اور رینجرز لاء افسران کی شرکت ۔

    اجلاس میں عدالتی حکم کے باوجود 28 ملزمان کی جے آئی ٹی بنانے میں تاخیر پر تشویش کااظہار کیاگیا، ڈی جی رینجرز نے سندھ میں رینجرز لاء افسران اور پراسیکیوشن افسران کو ملزمان کے مقدمات کو جلد نمٹانے کی ہدایت کی ہے۔

    واضح رہے کہ عدالت کی طرف سے ریمانڈ برائے تحقیقات پر دیے گئے ملزمان کی جے آئی ٹیز کو 15 دن کے اندر بنانے کا حکم دیا گیا تھا۔

  • وزیراعظم نوازشریف سےبرطانوی ہائی کمشنرکی الوداعی ملاقات

    وزیراعظم نوازشریف سےبرطانوی ہائی کمشنرکی الوداعی ملاقات

    اسلام آباد : برطانیہ کے ہائی کمشنرفلپ بارٹن نے وزیراعظم نوازشریف سے الوداعی ملاقات کی۔ ملاقات میں دوطرفہ تعلقات اوردیگرامورپرتبادلہ خیال کیا گیا۔

    وزیراعظم نوازشریف نے برطانوی ہائی کمشنرسے ملاقات میں کہا کہ برطانیہ سے تجارت وسرمایہ کاری سمیت مختلف شعبوں میں دوطرفہ تعاون کومزید فروغ دینا چاہتے ہیں۔

    وزیراعظم نے پاکستان اوربرطانیہ کے تعلقات مضبوط بنانے میں فلپ بارٹن کے کردار کوسراہا۔

    برطانوی ہائی کمشنرفلپ بارٹن کا کہنا تھا برطانیہ اورپاکستان کے دوستانہ تعلقات ہیں۔برطانیہ کی ترقی اورخوشحالی میں پاکستانی تارکین وطن کا کردارقابل تحسین ہے۔دونوں ملکوں کو قریب لانے میں بھی برطانیہ میں مقیم پاکستانیوں نے اہم کرداراداکیا ہے۔

  • ڈی جی رینجرز سے پی آئی اے جوائنٹ ایکشن کمیٹی رہنماؤں کی ملاقات

    ڈی جی رینجرز سے پی آئی اے جوائنٹ ایکشن کمیٹی رہنماؤں کی ملاقات

    کراچی : ڈی جی رینجرز نے پی آئی اے جوائنٹ ایکشن کمیٹی کومنصفانہ تحقیقات کی یقین دہانی کراتے ہوئےکہا ہے کہ ذمہ داروں کوکیفرکردار تک پہنچا یا جائے گا۔

    تفصیلات کے مطابق پی آئی اے کی جوائنٹ ایکشن کمیٹی کے عہدیداران نے ڈی جی رینجرز بلال اکبر سے ملاقات کی، ملاقات میں پی آئی اےملازمین کی ہلاکت اورلاپتہ رہنماؤں سےمتعلق بات چیت کی گئی.

    وفد نے میجر جنر بلال اکبر کو اپنے تحفظات سے بھی آگاہ کیا، میجر جنرل بلال اکبر نےوفد کو یقین دہانی کرائی کہ دو فروری کےواقعے کی تحقیقات منصفانہ ہونگی۔ ذمہ داروں کوکیفرَکردارتک پہنچایا جائےگا،

    ڈی جی رینجرزنےکہا کہ ملوث افراد تک پہنچنےکیلئےجوائنٹ ایکشن کمیٹی بھی تحقیقاتی کمیٹی کی مدد کرے۔ کمیٹی کے پاس اگر کوئی شواہدہیں توسامنے لائےجائیں۔

    ڈی جی رینجرزکاکہنا تھا کہ کیس کی پیش رفت سےبھی جوائنٹ ایکشن کمیٹی کو آگاہ کیاجاتارہیگا۔ جوائنٹ ایکشن کمیٹی نےڈی جی رینجرز کو بتایاکہ رینجرز کی جاری ویڈیو میں نقاب پوش پی آئی اےکاملازم ہے۔ آنسو گیس سے بچنے کیلئے اس نے چہرہ ڈھانپ رکھا تھا۔

  • پسماندہ علاقوں میں خوراک کی کمی کا مسئلہ حل کیا جائے، بلاول بھٹو زرداری

    پسماندہ علاقوں میں خوراک کی کمی کا مسئلہ حل کیا جائے، بلاول بھٹو زرداری

    کراچی : پاکستان پیپلزپارٹی کے چیئرمین بلاول بھٹو زرداری نے وزیراعلیٰ سندھ سے کہا ہے کہ پورے صوبے میں خصوصاً تھر، کوہستان اور کاچھو جیسے پسماندہ علاقوں میں خواتین اور بچوں میں خوراک کی کمی کے مسئلے سے نمٹنے کے لئے ” نیوٹریشن مہم“ شروع کی جائے۔

    بلاول بھٹو زرداری نے ان خیالات کا اظہار آج بلاول ہاوٴس کراچی میں وزیراعلیٰ سندھ سید قائم علی شاہ سے ملاقات کے دوران کیا۔

    اس موقع پر وزیراعلیٰ سندھ سید قائم علی شاہ نے چیئرمین بلاول بھٹو زرداری کو صوبے میں امن وامان کی صورتحال اورصوبائی حکومت کی جانب سے جاری اور مکمل کئے گئے ترقیاتی کاموں کے متعلق بریفنگ دی۔

    بلاول بھٹو زداری نے کہا کہ جتنا جلد ہو سکے تمام صوبائی محکموں کو ای۔گورننس پر منتقل کیا جائے، انہوں نے زور دیا کہ صحت اور تعلیم کے محکموں کی بہتر کارکردگی کو مزید مستحکم اور وسیع کیا جائے۔

  • آصف زرداری امریکہ میں اہم عہدیداروں سے ملاقاتیں کریں گے

    آصف زرداری امریکہ میں اہم عہدیداروں سے ملاقاتیں کریں گے

    واشنگٹن : سابق صدر آصف زرداری امریکہ پہنچ گئے۔ واشنگٹن میں بلاول بھٹو اور آصف زرداری اعلی امریکی عہدیداروں سے ملاقاتیں کریں گے۔

    تفصیلات کے مطابق سابق صدر آصف علی زرداری جو ان دنوں نیو یارک میں ہیں، وہ آئندہ چند روز میں امریکہ میں اہم عہدیداروں سے ملاقاتیں کریں گے۔

    اس سلسلے میں امریکہ میں تیاریاں شروع کر دی گئی ہیں۔ جبکہ بلاول بھٹو زرداری اس وقت اسلام آباد میں ہیں جہاں سے وہ بھی امریکہ جا رہے ہیں۔

    بلاول بھٹو کے ساتھ امریکہ میں سابق سفیر شیریں رحمان بھی جائیں گی۔ ذرائع کے مطابق آصف زرداری بلاول بھٹو اور شیریں رحمان کے ہمراہ واشنگٹن جائیں گے۔

    زرداری اور بلاول کی امریکہ آمد کسی نئی سیاسی محاذ آرائی کا پیش خیمہ ہے کیونکہ حالیہ دنوں میں حکومتی کارروائیوں سے پیپلز پارٹی کافی ناخوش ہے۔

    ذرائع کا کہنا ہے کہ آصف زرداری پاکستانی اسٹیلشمنٹ اور سندھ میں اپنی حکومت کیخلاف سلوک کے حوالے سے شکایات لے کر پہنچے ہیں۔