سابق کرکٹر باسط علی نے کہا ہے کہ ملتان سلطان کی ٹیم کو خود اعتمادی لے ڈوبی ہے۔
اے آر وائی نیوز کے پروگرام گفتگو کرتے ہوئے سابق کرکٹر باسط علی نے کہا کہ ملتان سلطان کی ٹیم پچھلے 4 سال سے فائنل میں پہنچ رہی ہے جبکہ ایک بار فاتح بھی رہ چکی ہے۔
انہوں نے کہا کہ اس سال بھی ملتان سلطان کی ٹیم کو گمان تھا کہ ہم تو فائنل میں پہنچ جائیں گے، ٹورنامنٹ سے پہلے ہی ملتان ٹیم کے کپتان رضوان نے کہا تھا کہ ہماری نظر فائنل پر ہے۔
سابق کرکٹر باسط علی نے مزید کہا کہ ملتان سلطان کی پی ایس ایل میں پہلے باہر ہونے کہ وجہ یہ بھی ہے کہ اس سال ان کی ٹیم میں سندھ کے شاہنواز دھانی اور احسان اللہ جیسے بولر بھی نہیں تھے، ان کی ٹیم سلیکشن میں بھی گڑ بڑ ہوگئی۔
واضح رہے کہ پاکستان سپر لیگ( پی ایس ایل) 10 میں کراچی کنگز کے ہاتھوں شکست کے بعد ملتان سلطانز ٹرافی جیتنے کی دوڑ سے باہر ہوگئی ہے۔
جمعرات کو لاہور کے قذافی اسٹیڈیم میں کھیلے گئے پہلے میچ میں کراچی کنگز نے ملتان سلطانز کو 87 رنز سے شکست دے کر پلے آف سے باہر کر دیا تھا۔
کپتان شاہین شاہ آفریدی کا کہنا ہے کہ دوسرے ایلیمینٹر میں اسلام آباد یونائیٹڈ کے خلاف سنسنی خیز میچ میں کامیابی کے بعد لاہور قلندرز کی نظریں اب ٹرافی پر مرکوز ہیں، ایک ماہ ٹیم نے شاندار کرکٹ کھیلی، ملتان سلطانز کی ٹیم بھرپور فارم میں ہے تاہم لاہور قلندرز اسے ہرانے کی مکمل صلاحیت رکھتے ہیں۔
انہوں نے کہا کہ لاہور قلندرز نے اب تک ایونٹ میں بہترین کرکٹ کھیلی، انھیں کراؤڈ سے بھی بھرپور سپورٹ میسر ہوگی، امید ہے کہ فائنل میں ملتان سلطانز کے شائقین بھی بڑی تعداد میں اسٹیڈیم کا رخ کریں گے، گزشتہ سال ملتان سلطانز نے ابوظبی کے خالی اسٹیڈیم میں ٹرافی اٹھائی تھی مگر اس مرتبہ تماشائیوں سے بھرے قذافی اسٹیڈیم لاہور میں فائنل جیتیں گے۔
