ARYNews.tv | Urdu – Har Lamha Bakhabar

Tag: Multan

  • اے آر وائی نیوز کی 16ویں سالگرہ، ملک بھر میں تقریبات، عوام کی مبارک باد

    اے آر وائی نیوز کی 16ویں سالگرہ، ملک بھر میں تقریبات، عوام کی مبارک باد

    کراچی : اے آر وائی کی 16 ویں سالگرہ کے موقع پر ملک بھر کے دفاتر میں تقریبات کا انعقاد کیا جس میں مختلف سیاسی و سماجی رہنماؤں نے شرکت کر کے ادارے کی خدمات کو سراہا۔

    تفصیلات کے مطابق اے آر وائی کی 16 ویں سالگرہ کے موقع پر کراچی بیورو آفس میں کیک کاٹنے کی تقریب کا انعقاد کیا گیا جس میں مختلف سیاسی جماعتوں کے رہنماؤں نے شرکت کی۔

    Celeberaion-2

    اس موقع پر پیپلزپارٹی کے رہنماء و مشیر اطلاعات و نشریات سندھ مولا بخش چانڈیو نے اے آر وائی کی خدمات کو سراہا جبکہ تحریک انصاف کے رہنماؤں عارف علوی اور عمران اسماعیل نے بھی تقریب میں شرکت کر کے اے آر وائی کی خدمات کا اعتراف کیا۔

    Celeberation-3

    ایم کیو ایم پاکستان کے رہنماء خالد مقبول صدیقی نے سالگرہ کی مبارک باد دیتے ہوئے اے آر وائی کی قربانیوں کو سراہا اور اس کے روشن مستقبل کے لیے نیک خواہشات کا بھی اظہار کیا،علاوہ ازیں پاکستان عوامی تحریک، جماعت اسلامی و دیگر سیاسی جماعتوں کی جانب سے اے آر وائی کو مبارک باد پیش کی گئی۔

    Celeberaion-2

    دوسری جانب کوئٹہ میں بھی اے آر وائی نیٹ ورک کی  16ویں سالگرہ کا کیک کاٹا گیا، اس ضمن میں کوئٹہ پریس کلب پر شاندار تقریب کا انعقاد کیا گیا جس میں ترجمان بلوچستان حکومت انوار الحق کاکڑ، ڈپٹی میئر کوئٹہ محمد یونس کے علاوہ صحافیوں نے بھی شرکت کی۔

    Celeberation-1

    ترجمان بلوچستان انوار الحق کاکڑ نے اے آر وائی  کی خدمات کی تعریف کرتے ہوئے کہا کہ ’’اے آر وائی نے الیکٹرانک میڈیا کی دنیا میں مثبت راہیں متعین کی ہیں ‘‘۔

  • ملتان ٹرین حادثہ، سیاسی رہنمائوں کا تحقیقات کا مطالبہ

    ملتان ٹرین حادثہ، سیاسی رہنمائوں کا تحقیقات کا مطالبہ

    ملتان میں ٹرین حادثے پر سیاسی رہنماؤں نے دکھ کا اظہار کرتے ہوئے تحقیقات اور لواحقین و زخمیوں کی مدد کا مطالبہ کیا ہے جبکہ خورشید شاہ نے نواز شریف کو تنقید کا نشانہ بنایا ہے۔

    چیئرمین تحریک انصاف عمران خان نے ٹوئٹ کیا ہے کہ قیمتی انسانی جانوں کے ضیاع پر افسوس ہوا، زخمیوں کی جلد صحت یابی کے لیے دعاگو ہیں، انہوں نے ٹرین حادثے کی تحقیقات کا مطالبہ کرتے ہوئے کہا کہ حادثے کی آزادانہ اورمنصفانہ تحقیقات کرائی جائیں۔

    سابق وزیراعظم و پیپلز پارٹی کے رہنما یوسف رضا گیلانی نے کہا ہے کہ حادثے پر دکھ ہوا، معاملے کی تحقیقات کرائی جائیں، لواحقین اور زخمیوں کے لیے معاوضوں کا اعلان کیا جائے۔

    قبل ازیں قومی اسمبلی میں قائد حزب اختلاف خورشید شاہ نے ٹرین حادثے پر نواز شریف کو تنقید کا نشانہ بناتے ہوئے عوام کو صحت، تعلیم اور دیگر بنیادی سہولتیں فراہم کرنے کا مطالبہ کیا تھا۔

    یہ پڑھیں: نواز شریف نہیں عمران خان کے لیے دعاگو ہوں، خورشید شاہ

  • قندیل بلوچ کے بھائیوں کواشتہاری ملزم قراردلوانے کیلیے درخواست دائر

    قندیل بلوچ کے بھائیوں کواشتہاری ملزم قراردلوانے کیلیے درخواست دائر

    ملتان : سوشل میڈیا سے شہرت کی بلندیوں کو چھونے والی مقتولہ ماڈل گرل قندیل بلوچ کے قتل میں ملوث اس کے دو بھائیوں کو اشتہاری ملزم قراردلوانے کے لیے پولیس نے ملتان کی مقامی عدالت میں درخواست دائر کی ہے۔

    درخواست میں مؤقف اختیار کیا گیا ہے کہ دونوں ملزمان تفتیش کے سلسلے میں پولیس کے سامنے پیش نہیں ہو رہے اس لیے اُن کے وارنٹ گرفتاری جاری کرنے کے ساتھ ساتھ اُنھیں اشتہاری قرار دیا جائے۔

    درخواست میں قندیل بلوچ کے جن دو بھائیوں کا ذکر کیا گیا ہے ان میں سے پہلا اسلم شاہین جو پاک فوج میں نائب صوبیدارکے عہدے پرفائزہے اورمقامی پولیس کے مطابق وہ ان دنوں کراچی میں تعینات ہے۔

    دوسرے ملزم عارف کے اس واقعے میں ملوث ہونے کے بارے میں مرکزی ملزم اورقندیل کے بھائی وسیم نے پولیس کو دوران تفتیش بتایا تھا۔

    ملزم اسلم شاہین کو مقتولہ قندیل کے والد نے اس مقدمے میں نامزد بھی کیا ہوا ہے جبکہ ملزم عارف کے بارے میں بتایا جاتا ہے کہ وہ سعودی عرب میں تھا تاہم قندیل بلوچ کے قتل کے موقع پر وہ پاکستان میں ہی موجود تھا۔

    مزید پڑھیں : ماڈل قندیل بلوچ کو قتل کر دیا گیا

    دوسری جانب ملزم عارف کی گرفتاری کے لیے تفتیشی ٹیم نے محتلف جگہوں پر چھاپے بھی مارے ہیں لیکن ابھی تک اس میں کامیابی نہیں ملی۔

    پولیس کے مطابق ملزم اسلم شاہین کو قندیل بلوچ کے قتل کے مقدمے میں تفتیش کے لیے پولیس کے سامنے پیش ہونے کے لیے متعدد بار نوٹس بھیجے گئے لیکن وہ پیش نہیں ہوا۔

     

  • قندیل بلوچ کیس : قتل میں خاندان کے دیگر افراد بھی ملوث ہیں، تفتیشی ٹیم

    قندیل بلوچ کیس : قتل میں خاندان کے دیگر افراد بھی ملوث ہیں، تفتیشی ٹیم

    ملتان : ماڈل گرل قندیل بلوچ قتل کیس میں اہم پیش رفت سامنے آئی ہے، مقتولہ کے قتل کیلئے خاندان کے لوگوں نے باقاعدہ منصوبہ بندی کی تھی

    ۔ تفصیلات کے مطابق سوشل میڈیا سے شہرت کی بلندیوں پر پہنچنے والی ماڈل گرل قندیل بلوچ کے قتل کی تفتیش کرنے والی ٹیم کا کہنا ہے کہ قندیل بلو چ کے قتل میں خاندان کے لوگوں نے باقاعدہ منصوبہ بندی کی تھی۔

    ٹیم نے اب اس مقدمے میں قندیل بلوچ کے ایک اور بھائی محمد عارف کو بھی نامزد کیا ہے جوان دنوں روز گار کے سلسلے میں سعودی عرب میں مقیم ہے۔

    اس کے علاوہ قندیل بلوچ کے ایک اور رشتہ دار ظفر کا نام بھی اس مقدمے میں شامل تفتیش کیا گیا ہے۔

    برطانوی نشریاتی ادارے بی بی سی کے مطابق پولیس نے اب تک صرف دو افراد کے تحویل میں ہونے کی تصدیق کی ہے جن میں مقتولہ کے بھائی وسیم اور کزن حق نواز شامل ہے۔ ملزم حق نواز ان دنوں جسمانی ریمانڈ پر پولیس کی تحویل میں ہے۔

    ذرائع کا کہنا ہے کہ موبائل فون ریکارڈ کے مطابق قندیل بلوچ کے قتل سے ایک ہفتہ قبل اور اس واقعہ کے تین روز کے بعد بھی عارف نے حق نواز اور وسیم سے مسلسل رابطے کیے۔

    واضح رہے کہ پولیس نے اس مقدمے میں غیرت کے نام پر قتل کی دفعہ بھی شامل کی ہے جس کی تحت اب مدعی چاہے بھی تو ملزمان کو معاف نہیں کر سکتا۔

    مزید پڑھیں: قندیل بلوچ کے قتل کی منصوبہ بندی بیرون ملک کی گئی، ملزم وسیم کا انکشاف

    یاد رہے کہ ماڈل قندیل بلوچ قتل کیس میں نامزد ملزم وسیم نےغیرت کے نام پر اپنی بہن اور معروف ماڈل قندیل بلوچ کو اُن کے گھر واقع ملتان میں قتل کرنے کا اعتراف کیا تھا۔

    ان دنوں قندیل بلوچ اپنے والدین سے ملنے گھر آئی ہوئی تھی کہ رات سوتے ہوئے اُس کے بھائی نے وسیم نے گلا دبا کر قتل کیا، اور پھر گاؤں فرار ہو گیا تھا جہاں پولیس نے چھاپہ مار کارروائی میں ملزم کو گرفتار کرلیا تھا۔

  • قندیل بلوچ کو نشہ آور دوا دے کر قتل کیا گیا، پولی گرافک ٹیسٹ رپورٹ

    قندیل بلوچ کو نشہ آور دوا دے کر قتل کیا گیا، پولی گرافک ٹیسٹ رپورٹ

    ملتان : قندیل بلوچ قتل کیس میں مقتولہ کے بھائی ملزم وسیم کے پولی گرافک ٹیسٹ کی رپورٹ آگئی۔ رپورٹ کے مطابق قتل سے پہلے قندیل کو نشہ آور دوا دی گئی۔

    تفصیلات کے مطابق قندیل بلوچ قتل کی تحقیقات کا جدید طریقہ اختیار کیا گیا ہے، ملزم کے وسیم کے پولی گرافک ٹیسٹ کی رپورٹ آگئی۔

    رپورٹ کے مطابق قندیل بلوچ کو قتل کرنے سے پہلے نشہ آور دوا پلائی گئی۔ ملزم وسیم نے اپنے والدین کو بھی خواب آور دوا پلا کر سُلایا اور پھر قندیل کو قتل کیا۔

    پولیس ذرائع کے مطابق واردات میں ملزم وسیم کے ساتھ اس کا کزن رب نواز بھی موجود تھا ۔ وسیم نے بہن کے پاؤں پکڑے اور رب نواز نے اس کا گلا گھونٹا۔

    ملزم وسیم دوران تفتیش یہ بھی انکشاف کرچکا ہے کہ قتل کامنصوبہ بڑے بھائی عارف نے بنایا جو بیرون ملک مقیم ہے۔ اسی نے کزن حق نوازکو قتل میں معاونت کرنے کا کہا تھا۔

     

  • قندیل بلوچ کیس : پولی گرافک ٹیسٹ کے بعد ملزم وسیم کے بیان میں تضاد

    قندیل بلوچ کیس : پولی گرافک ٹیسٹ کے بعد ملزم وسیم کے بیان میں تضاد

    ملتان : قندیل بلوچ قتل کیس کے ملزم وسیم کے پولی گرافک ٹیسٹ کے بعد بیانات میں تضاد سامنے آگیا۔ ٹیسٹ کی رپورٹ آئندہ ہفتے پولیس کودی جائے گی۔

    تفصیلات کے مطابق قندیل بلوچ قتل کیس میں پولیس نے تفتیش کا جدید طریقہ اپنایا جس میں ملزم کے بیان میں تضاد کا انکشاف ہوگیا۔

    ملزم وسیم کے بیان کی حقیقت جاننے کیلیے لاہور میں پولی گرافک ٹیسٹ کیا گیا جس میں معلوم ہوا کہ وسیم متضاد بیان دے رہا ہے ٹیسٹ کی رپورٹ  پولیس کو اگلے ہفتے دی جائے گی۔

    ملزم وسیم نے پہلے قتل کا اعتراف کیا تھا اور پھر یہ بیان بھی دیا کہ قتل میں وہ اکیلا نہیں رشتہ دار بھی شامل تھا ۔شریک ملزم حق نواز نے ڈیرہ غازی خان سے کار کرائے پر حاصل کی تھی۔

    کارروائی کے دوران ڈرائیورباہر پہرہ دیتا رہا ۔ کیس میں پولیس قندیل بلوچ کی دو بھابھیوں کو بھی شامل تفتیش کرچکی ہے۔

    واضح رہے گزشتہ دنوں ماڈل گرل قندیل بلوچ کو اُن کے گھر واقع ملتان میں قتل کردیا گیا تھا، قندیل بلوچ اپنے والدین سے ملنے گھر آئی ہوئیں تھیں کہ رات کو سوتے ہوئے اُن کے بھائی وسیم نے گلا دبا کر قندیل بلوچ کو قتل کردیا تھا، بعد ازاں پولیس نے چھاپہ مار کارروائی میں ملزم کو گرفتار کرلیا تھا۔

     

  • قندیل بلوچ کی پُراسرار ہلاکت پر سیاسی رہنماؤں اور نامور شخصیات کی مذمت

    قندیل بلوچ کی پُراسرار ہلاکت پر سیاسی رہنماؤں اور نامور شخصیات کی مذمت

    کراچی : سوشل میڈیا پر اپنی ویڈیوز سے شہرت پانے والی پاکستانی ماڈل قندیل بلوچ کو ملتان میں قتل کردیا گیا ہے۔

    تفصیلات کے مطابق ماڈل قندیل بلوچ کو مبینہ طور پر انکے بھائی نے گلا گھونٹ کر قتل کیا، آر پی او ملتان نے واقعے کی تصدیق کردی، پولیس کا کہنا ہے کہ واقعے کے بعد ملزم موقع سے فرار ہوگیا۔

    قندیل بلوچ کو پاکستانی سوشل میڈیا کا سپر سٹار سمجھا جاتا تھا اور جہاں فیس بک پر انھیں فالو کرنے والوں کی تعدادپانچ لاکھ سے زیادہ ہے وہیں ان کا شمار پاکستان میں گوگل پر سب سے زیادہ تلاش کیے جانے والی دس شخصیات میں ہوتا تھا۔

    ماڈل قندیل بلوچ کے پُراسرار قتل پر سیاسی اور شوبز افراد کی جانب سے سوشل میڈیا پر مذمت کی گئی ۔

    قندیل بلوچ کے انتقال کے بعدمفتی عبدالقوی نے میڈیا سے بات کرتے ہوئے کہا کہ قندیل بلوچ کے قتل کی مذمت کرتاہوں، قندیل بلوچ کومیں نے معاف کردیا تھا،قندیل بلوچ کے بھائی نے غیرت کے معاملے پرقتل کیا ہوگا،الزام لگانے والے محترمہ کے انجام سے عبرت حاصل کریں۔

    سابق صدرآصف زرداری کی صاحبزادی بختاور بھٹو ذرداری نے قندیل بلوچ کے قاتل کو سخت سزا دینے کا مطالبہ کیا ہے۔

    ماڈل قندیل بلوچ کے قتل پر بختاور بھٹو بھی بول اٹھیں، بختاور بھٹو نے ٹوئٹر پیغام میں کہا کہ قندیل بلوچ کے بھائی کو سخت سے سخت سزا ملنی چاہئیے تاکہ کوئی دوسرا یہ نہ کرسکے ۔

    بختاور بھٹو کا کہنا تھا کہ ہمیں مستقبل میں ایسے واقعات روکنے کیلئے کھڑا ہونا چاہئیے، سابق صدرآصف زرداری کی دوسری صاحبزادی آصیفہ بھٹو زرداری نے بھی قندیل بلوچ کے قتل کی مذمت کی ۔

     

  • ماڈل قندیل بلوچ کو قتل کر دیا گیا

    ماڈل قندیل بلوچ کو قتل کر دیا گیا

    ملتان : سوشل میڈیا پر اپنی ویڈیوز سے شہرت پانے والی پاکستانی ماڈل قندیل بلوچ کو ملتان میں قتل کردیا گیا ہے۔

    qabdeel

    ابتدائی اطلاعات کے مطابق ماڈل قندیل بلوچ کو مبینہ طور پر انکے بھائی نے گلا گھونٹ کر قتل کیا، آر پی او ملتان نے واقعے کی تصدیق کردی، پولیس کا کہنا ہے کہ واقعے کے بعد ملزم موقع سے فرار ہوگیا، جس کی گرفتاری کیلئے چھاپے مارے جا رہے ہیں، قتل میں ملوث ملزم کا نام وسیم بتایا جارہا ہے۔

    سی پی او ملتان اظہراکرم کا کہنا ہے کہ قندیل بلوچ کو ان کے بھائی نے قتل کیا، بھائی نے غیرت کے نام پر مبینہ طور پر قندیل کو قتل کیا گیا۔

    qndeelfn

    ذرائع کا کہنا ہے کہ قندیل بلوچ چاند رات سے مظفر آباد کے علاقے گرین ٹاؤن میں اپنے گھر پر مقیم تھیں، جہاں سے پولیس نے گولیوں کے خول بھی برآمد کیے ہیں، فورینزک ٹیمیں جائے وقوع پر پہنچ چکی ہیں جبکہ پنجاب پولیس کے سربراہ نے اس واقعے کا نوٹس لے لیا ہے۔

    قندیل بلوچ نے پاکستان تحریک انصاف کے چیئرمین عمران خان کو بھی شادی کی پیشکش کر چکی تھی۔

    qandelll

    اس سے قبل ماہِ رمضان میں رویت ہلال کمیٹی کے رکن مفتی عبدالقوی کے ساتھ ’سیلفیز‘ بھی منظرِ عام پر آئی تھیں، جن کے باعث مفتی عبدالقوی کو کمیٹی کی رکنیت سے بھی ہٹا دیا گیا تھا۔

    واضح رہے کہ قندیل بلوچ نے وزارت داخلہ کو ایک خط لکھا تھا جس میں سیکیورٹی تحفظ فراہم کرنے کی درخواست کی تھی۔ قندیل بلوچ نے مطالبہ کیا تھا کہ ان کی شناختی دستاویزات سوشل میڈیا کے ذریعے عام کرنے والوں کیخلاف بھی کارروائی کی جائے۔

    انکا کہنا تھا کہ ان کی زندگی کو خطرہ ہے، انھیں دھمکی آمیز فون کالز آ رہی ہیں۔

    خیال رہے کہ قندیل بلوچ کا شمار پاکستان میں گوگل پر سب سے زیادہ تلاش کیے جانے والی دس شخصیات میں ہوتا تھا وہیں انکے فیس بک پر انھیں فالو کرنے والوں کی تعداد پانچ لاکھ سے زیادہ ہے۔

  • پانامہ لیکس: عوام حکمرانوں کا سڑکوں پر بے رحم احتساب کریں گے، لیاقت بلوچ

    پانامہ لیکس: عوام حکمرانوں کا سڑکوں پر بے رحم احتساب کریں گے، لیاقت بلوچ

    ملتان : قائم مقام امیر جماعت اسلامی لیاقت بلوچ نے کہا ہے کہ اگر عدالتی کمیشن نہ بنا اور ٹی او آر طے نہ ہوئے تو معاملہ سڑکوں پر آجائے گا، سڑکوں پر عوام حکمرانوں کا بے رحم احتساب کریں گے جس سے سب سے زیادہ خطرہ جمہوریت کو ہو گا۔

    یہ بات انہوں نے دفتر جماعت اسلامی ملتان میں افطار پارٹی سے قبل میڈیا گفتگو کرتے ہوئے کیا، قائم مقام امیر جماعت اسلامی لیاقت بلوچ نے کہا کہ کرپشن کے حوالے سے بلاامتیاز تحقیقات اور احتساب ہونا چاہیئے۔

    جماعت اسلامی کی کرپشن فری پاکستان کی تحریک کو جاری رکھا جائے گا۔ انہوں نے کہا کہ 24جولائی کو راولپنڈی میں عوامی پیدل مارچ کریں گے۔

    بھارت کی نیو کلئیر سپلائی گروپ میں شمولیت کے حوالے سے کئے گئے ایک سوال کے جواب میں ان کا کہنا تھا کہ چین اور دیگر ممالک کا خیر مقدم کرتے ہیں جنہوں نے بھارت کا راستہ روکا۔

    لیاقت بلوچ کا کہنا تھا کہ اصولی طور پر ہمارے ملک کا معاشی نظام کشکول پر بنا ہوا ہے، بجٹ کے حوالے سے انہوں نے کہا کہ موجودہ بجٹ میں عوام کو ریلیف نہیں دیا گیا۔

    بجٹ میں جنوبی پنجاب کو کم بجٹ دینا محرومیوں کو فروع دے گا۔ ان کا کہنا تھا کہ چھوٹے کاشتکاروں کے مسائل حل کیے بغیر زراعت ترقی نہیں کرے گی۔

    لیاقت بلوچ نے کہا کہ سعودی عرب سے اچھے تعلقات ہیں پاکستان اپنے باڈر کے حساب سے چین افغانستان اور ایران جیسے ہمسایہ ممالک سے بہتر تعلقات بنانے چاہیئں۔

     

  • خون میں پانی کی ملاوٹ کرنے والے بلڈ بینک کے چار کارندے گرفتار

    خون میں پانی کی ملاوٹ کرنے والے بلڈ بینک کے چار کارندے گرفتار

    ملتان : ہوس کے پجاریوں نے دولت کی خاطر انسانی زندگیوں سے کھیلنا شروع کردیا، پولیس نے پانی ملا خون فراہم کرنے والے نجی بلڈ بینک کے خلاف کارروائی کرکے خاتون سمیت چار ملزمان کو گرفتارکرلیا۔

    دودھ اور دیگر اشیا میں ملاوٹ تو سنی تھی لیکن خون میں پانی کی ملاوٹ بھی ہونے لگی۔ ملتان کے ایک نجی بلڈ بینک میں پانی ملاخون دینےکا انکشاف ہوا ہے، نجی بلڈبینک میں بچے کو پانی ملاخون لگایا گیا تھا، بچے کی طبیعت بگڑنے پر نشتر اسپتال کے ڈاکٹروں نے نجی بلڈبینک کےخلاف کارروائی کرتے ہوئے ایک خاتون سمیت 4 ملزمان کو پولیس کےحوالےکردیا۔

    اے آر وائی نیوز کی خبر پر حکومت پنجاب نے نوٹس لے لیا۔ وزیراعلیٰ پنجاب نے متعلقہ حکام اور صوبائی وزارت انسانی حقوق سے رپورٹ طلب کرلی۔

    وزیر برائے انسانی حقوق طاہر خلیل سندھو نے آر پی او ملتان کو خون کا نمونہ لاہور بھجوانے کی ہدایت کردی۔ ان کا کہنا تھا کہ ملزمان کے مکمل نیٹ ورک کو آئندہ چوبیس گھنٹے میں گرفتار کرلیا جائے گا۔