پولیس کے مطابق لیاری کےعلاقے کمہارواڑہ میں دو گروپوں کے درمیان فائرنگ کا تبادلہ ہوا جس کی زد میں آکر ایک شخص جان سے گیا،تاہم جس کی شناخت نہ ہوسکی، کمہار واڑہ میں ہی لوٹ مار کی واردات کے دوران مزاحمت کر نے پر ڈکیتوں نے فائرنگ کرکےایک شخص کو زخمی کردیا،نیو کراچی کے علاقے اللہ والی چورنگی کے قریب گھرکے باہر بیٹھا پچیس سالہ نوجوان فائرنگ سے موت کی ابدی نیند سو گیا۔a
کراچی کے علاقے سمن آباد بلاک اٹھارہ میں تین افراد پر نامعلوم مسلح افراد نے فائرنگ کردی،۔ جس پر تینوں افراد نے بھاگ کر جان بچانے کی کوشش کی تاہم مسلح دہشتگردوں نے تینوں کا پیچھا کرکے قریب سے گولیاں ماردیں، جس کے باعث تینوں افراد شدید زخمی ہوگئے۔
زخمی افراد کو طبی امداد کے لئے اسپتال منتقل کیا گیا، جہاں زخموں کی تاب نہ لاکر دو افراد ذیشان اورثاقب جاں بحق ہوگئے، جاں بحق ہونے والے دونوں افراد آپس میں کزن ہیں اور مقامی صحافی کے بھانجے ہیں۔
پولیس نے جائے وقوعہ سے نائن ایم ایم پستول کی گولیوں کے خول تحویل میں لے لئے ہیں، حکام کے مطابق واقعے کی مزید تفتیش کی جارہی ہے، ادھرماڑی پور اور ناظم آباد میں بھی فائرنگ سے دو افراد زخمی ہوگئے ہیں۔
کراچی: شہرقائد کےعلاقے سہراب گوٹھ میں پولیس مقابلےکے دوران سات دہشت گردہلاک ہوگئے۔
کراچی میں دہشت گردوں کےخلاف کامیاب ایکشن، پولیس سہراب گوٹھ کےعلاقےمچھرکالونی میں چھپے دہشت گردوں کوپکڑنے گئی توملزمان بوکھلاہٹ کاشکارہوگئےاورپولیس پرفائرنگ کردی، تین ملزمان توفرارہوگئے لیکن سات پولیس سے ہونےمقابلے کے دوران مارے گئے۔
ایس ایس پی ملیرراؤانوارنے بتایا کہ ملزمان کے قبضے سے بھاری تعداد میں اسلحہ دستی بم اورگولہ بارود برآمد ہواہے، ملزمان بال بم سےحملے کرتے تھے۔
پولیس کے مطابق کارروائی کے دوران بارودی مواد پھٹنے ایک کمرے میں آگ بھی لگ گئی، ملزمان کی شناخت تو نہیں ہوسکی لیکن پولیس کاکہناہے ہلاک ملزمان کاتعلق دہشت گرد تنظیم سے ہے۔
کراچی میں بدامنی کی لہر برقرارپولیس اہلکاروں کی ٹارگٹ کلنگ میں پھرتیزی آگئی ہے۔ سخی حسن کے چورنگی کے نزدیک نامعلوم ملزمان نے فائرنگ کرکے سب انسپکٹر رانا سرور کو موت کے گھاٹ اتاردیا،فورکے چورنگی کےقریب بھی پولیس اہلکار کو نشانہ بنایا گیا،حیدری تھانے پرنامعلوم ملزمان نےکریکرسےحملہ کیا جس دو پولیس اہلکارزخمی ہوئے،نارتھ ناظم آباد میں سیفی کالج کےقریب فائرنگ کرکے ریٹائرڈ پروفیسرانیس انور کو قتل کردیا گیا،جنجال گوٹھ میں فائرنگ سےعمران نامی شخص لقمہ اجل بنا۔
پرانا گولیمارمیں ندی سے ایک لاش ملی ناردرن بائی پاس میں ہاتھ پاؤں بندھی ایک شخص کی لاش ملی،مقتول کی شناخت جاوید کے نام سے ہوئی، اورنگی ٹاوٴن سیکٹر گیارہ میں صابری چوک کے قریب نامعلوم دہشت گردوں نے ہوٹل پرفائرنگ سے سابق کونسلررشید اپنے بیٹےعادل سمیت جاں بحق ہوگئے۔
گلبہار قبرستان کے قریب سے ایک شخص کی تشددزدہ بوری بندلاش ملی،ملیرمیمن گوٹھ سے خاتون کی گولیاں لگی لاش ملی،کورنگی زمان ٹاوٴن سے رکشہ ڈرائیور جاویدکی لاش ملی، جسے تشددکے بعد گلےمیں پھندا ڈال کرقتل کیا گیا،منگھوپیرایم پی آر کالونی اور بلدیہ اتحاد ٹاؤن میں فائرنگ سے تین افراد زخمی ہوئے۔a
کراچی میں دہشت گردوں کاراج ہے،پولیس اور رینجرز بے بس ہیں دوگھنٹے میں چھ افراد کی ٹارگٹ کلنگ سےشہرمیں خوف وہراس پھیل گیا،پولیس کےمطابق نصیرآباد کے علاقے میں نامعلوم افرا د کی دکان پرفائرنگ سےحیدرعباس رضوی کے کوآرڈینٹر سلمان جان کی باز ی ہارگیا۔
سرجانی میں فائرنگ سے مذہبی جماعت سے وابستہ عمران نامی شخص کو قتل کردیا گیا،پاک کالونی میں لاشاری محلہ میں فائرنگ سےاشرف بلوچ نامی شخص جان کی بازی ہارگیا،عوامی کالونی میں دودھ کی دکان پر فائرنگ سےدوبھائیوں سمیت تین افراد جاں بحق ہوگئے،مقتولین کی شناخت ارشدرستم،عرفان رستم اور سلیم اختر کے ناموں سے ہوئی ہے۔
حیدری مارکیٹ کے قریب مفتی نعیم کےداماد مولانا مسعود کو نشانہ بنایاگیا،لیاری چاکیواڑہ میں فائرنگ سے ایک شخص جاں بحق اورایک زخمی ہوا،لیاقت آباد ایف سی ایریا اور پاک کالونی میں فائرنگ سے دوافراد جان سے گئے،کارساز روڈ سے ایک شخص کی لاش ملی جس کی شناخت نہیں ہوسکی ہے۔
پولیس کے مطابق سائٹ کےعلاقےمیں مبینہ پولیس مقابلےمیں کلعدم تنظیم سے وابستہ تین ملزمان مارے گئے، ملزمان اے ایس آئی حمید خٹک سمیت پولیس اہلکاروں کےقتل،بھتے اور ڈکیتوں کی متعدد وارداتوں میں ملوث تھے۔
گلشن اقبال میں بھی ایک ڈاکو مارا گیا، کھارادر میں فائرنگ کے واقعے میں پولیس اہلکار حاتم موریو جاں بحق ہوا، لانڈھی ، قائد آباد اور اورنگی ٹاون میں فائرنگ سے تین افراد جان کی بازی ہار گئے جبکہ ناظم آباد میں ٹرانسپوٹر کے گھر کے باہر کریکر کا دھماکا کیا گیا۔
کراچی:شہر قائد میں فائرنگ اور پرتشدد واقعات میں دوپولیس اہلکار سمیت سات افراد جاں بحق دوافراد زخمی ہوگئے۔
پولیس کےمطابق حب ساکران روڈ پرفائرنگ سےدو پولیس اہلکارشہید ہوگئے،نیپا چورنگی کے قریب نامعلوم افراد کی فائرنگ سےایک شخص جاں بحق اورایک زخمی ہوا،نیشنل ہائی وے نصیر آباد سے ایک شخص کی تشددزدہ لاش ملی، لیاقت آباد چار نمبر کے قریب نامعلوم افراد کی گاڑی پرفائرنگ سے ایک شخص جاں بحق ہوگیا،مقتول کی شناخت غفران کےنام سے ہوئی ہے۔
شریف آباد میں نامعلوم افراد کی فائرنگ سےصابر نامی شخص جان کی بازی ہارگیا، منگھوپیرسےلاش ملی مقتول کو فائرنگ کرکے قتل کیا گیا۔
کوئٹہ: سمنگلی ائیربیس پردہشتگردوں نےحملہ کردیا سیکیورٹی فورسزکی کارروائی میں چاردہشتگردمارے گئے،دہشتگردوں کی فائرنگ سے نوسیکیورٹی اہلکارزخمی ہو گئے۔
سیکورٹی فورسزنے کوئٹہ میں سمنگلی ایئربیس پرحملےکی کوشش ناکام بناتےہوئےچھ دہشتگردوںکوہلاک کردیا،پاک فضائیہ کےترجمان کےمطابق دہشتگرد سمنگلی ایئربیس میں داخل ہونا چاہتے تھے لیکن اس سے پہلے ہی انہیں رکنے کا اشارہ کیا گیا جس پر گاڑی میں سوار دہشتگردوں نےسیکورٹی فورسز پرفائرنگ کردی،فائرنگ کے شدید تبادلے کے فوراً بعد پولیس کی بھاری نفری طلب کرلی گئی۔
اس دوران سیکیورٹی فورسزنےسمنگلی ائیربیس کےتمام راستےبند کردئیے،اس دوران دہشتگردوں نے سات راکٹ بھی فائرکیےجوخطا گئےدہشتگردوں سےمقابلےمیں سات سیکورٹی اہلکارزخمی ہو ئے، پولیس کی ایک گاڑی راکٹ لگنےسے تباہ ہوگئی،وزیر داخلہ بلوچستان سرفراز بگٹی کا کہنا ہےکہ علاقےمیں سرچ آپریشن شروع کر دیا ہے ،کچھ موڑپرایک گاڑی سےچارراکٹ برآمد ہوئے۔
کراچی:انیس سوبانوےآپریشن میں حصہ لینے والے پولیس آفیسر ایس ایچ او پریڈی پولیس اسٹیشن غضنفر کاظمی کو تھانے سے گھرجاتے ہوئے گولیاں مارکرہلاک کردیاگیا۔
کراچی میں قانون نافذ کرنے والےاداروں کےاہلکارمسلسل نشانے پرہیں،کبھی رینجرز اہلکار وں کو نشانہ بنایا جاتا ہےتوکبھی پولیس اہلکارنشانہ بن جاتےہیں۔
پولیس ذرائع کےمطابق ایس ایچ او پریڑی غضنفرکاظمی اپنی ڈیوٹی ختم کر کے گاڑی میں تھانے سے گھرجارہےتھےکہ نامعلوم افرادنےان کی گاڑی پرگولیوں کی بوچھاڑ کر دی،غضنفرکاظمی پرچھ گولیاں فائرکی گئیں،چارسرمیں لگیں جس سے وہ موقع پرہی جاں بحق ہو گئے۔
ایڈیشنل آئی جی غلام قادر تھیبو کہتےہیں کہ ایس ایچ اوپریڈی کوقتل کی دھمکیاں مل رہی تھی،ایس ایچ اوپریڈی کےقتل کی تحقیقات کےلئےپانچ رکنی کمیٹی تشکیل دےدی گئی ہے جس کی سربراہی ڈی آئی جی ساؤتھ عبدالخالق شیخ کرینگے۔
پنسلوانیا:امریکی ریاست پنسلوانیا کےاسپتال میں مسلح شخص نے فائرنگ کرکے ایک خاتون کوہلاکااوردوافرادکو زخمی کردیا۔
امریکی ریاست پنسلوانیا میں ایک مسلح شخص نےاسپتال میں گھس کرفائرنگ کردی جس کے نتیجے میں اسپتال میں موجود خاتون سماجی کارکن ہلاک ہوگئی جبکہ ایک ڈاکٹر زخمی ہوگیا۔
اسپتال کےسیکیورٹی عملے نےکارروائی کرتے ہوئےحملہ آورکو زخمی حالت میں گرفتارکرلیا،ابتدائی تحقیقات کےمطابق پولیس نےحملہ آورکو ذہنی مریض قراردیا ہے۔