ARYNews.tv | Urdu – Har Lamha Bakhabar

Tag: Mumbai airport

  • مسافر طیارے کو بم سے اُڑانے کی دھمکی، ممبئی ایئرپورٹ پر ہائی الرٹ

    مسافر طیارے کو بم سے اُڑانے کی دھمکی، ممبئی ایئرپورٹ پر ہائی الرٹ

    بھارتی مسافر طیارے کو بم سے اڑانے کی دھمکی کے بعد ممبئی ایئرپورٹ پر ہائی الرٹ جاری کردیا گیا ہے۔

    بھارتی میڈیا کے مطابق مسافر طیارہ ممبئی سے نیویارک روانہ ہورہا تھا، رات دو بجے طیارے نے ممبئی ایئرپورٹ سے اڑان بھری، جس کے فوراً بعد ایئر پورٹ انتظامیہ کو بم کی دھمکی موصول ہوئی۔ اطلاع ملنے کے بعد پرواز کو دہلی کی جانب موڑ دیا گیا۔

    دوسری جانب دو اور بھارتی پروازوں میں اسی طرح کی بم کی اطلاع موصول ہونے کی اطلاعات سامنے آئی ہیں۔

    انڈیگو کی دو پروازیں جو ایک ممبئی سے مسقط اور ایک جدہ کے لیے روانہ ہو رہی تھیں، پیر کو بم کی دھمکیوں کے بعد ممبئی ائیرپورٹ پر اتار لی گئیں۔

    دوسری جانب بھارتی ریاست تمل ناڈو میں دو ٹرینوں میں خوفناک تصادم میں درجنوں افراد زخمی ہو گئے۔

    تمل ناڈو میں جمعہ کی شب اس وقت خوفناک حادثہ پیش آیا جب بہار کی طرف جارہی باگمتی ایکسپریس کی مال گاڑی سے ٹکر ہو گئی جس کے نتیجے میں مسافر ٹرین کی کئی بوگیاں پٹڑی سے اتر گئیں اور آگ بھڑک اٹھی۔

    ریلوے بورڈ کے انفارمیشن اینڈ پبلسٹی کے ایگزیکٹیو ڈائریکٹر دلیپ کمار نے بتایا کہ 12578 باگمتی ایکسپریس کے حادثے کے بعد ریسکیو ٹیموں نے امدادی کاروائیاں کرتے ہوئے 90 فیصد سے زائد مسافروں کو کامیابی سے ریسکیو کیا۔

    شہریوں نے مال بردار ٹرین لوٹ لی، ویڈیو وائرل

    سدن ریلوے کے جنرل منیجر اور چنئی ڈویژن کے ڈویژنل ریلوے مینیجر (ڈی آر ایم) جائے حادثہ پر پہنچ رہے ہیں جب کہ چنئی اسٹیشن سے انتظامات کر رہا ہے تاکہ بقیہ مسافروں کو محفوظ طریقے سے ان کی منزل تک پہنچایا جا سکے۔

  • ایک ہی وقت رن وے پر اترنے، ٹیک آف کرنے والے طیارے ٹکراؤ سے بال بال بچ گئے، سنسنی خیز ویڈیو

    ایک ہی وقت رن وے پر اترنے، ٹیک آف کرنے والے طیارے ٹکراؤ سے بال بال بچ گئے، سنسنی خیز ویڈیو

    ممبئی ایئرپورٹ کی ایک سنسنی خیز ویڈیو سامنے آئی ہے، جس میں دو طیاروں نے خطرے سے دوچار ہوتے ہوئے، رن پر اترنے اور ٹیک آف کرنے کے سلسلے میں بالکل ایک فلمی اسٹنٹ کی طرح کا منظر پیش کیا۔

    وائرل ویڈیو میں دیکھا جا سکتا ہے کہ ممبئی ایئرپورٹ پر 2 طیارے بالکل ایک ہی وقت میں ایک ہی رن وے پر اترتے اور ٹیک آف کر رہے ہیں، بھارتی سول ایوی ایشن کے ڈی جی نے اس واقعے کی جانچ کا حکم دے دیا ہے۔

    ہفتے کے روز ممبئی ایئرپورٹ پر اس وقت ایک بڑا حادثہ ہوتے ہوتے رہ گیا، جب انڈیگو کا ایک طیارہ رن پر اتر رہا تھا، اور ایئر انڈیا کا طیارہ ایک منٹ سے بھی کم وقت میں اِسی رن وے سے ٹیک آف کر رہا تھا۔

    سوشل میڈیا پلیٹ فارمز پر وائرل ویڈیو دیکھ کر صارفین بھی حیران رہ گئے، اور انھوں نے حفاظتی خدشات سخت تشویش کا اظہار کیا۔ دوسری طرف ڈی جی سی اے نے ایک بیان میں کہا کہ واقعے کے وقت ڈیوٹی کرنے والے ایئر ٹریفک کنٹرولر کو برطرف کر دیا گیا ہے۔

    انڈیگو نے اپنے بیان میں وضاحت کی کہ اسے اے ٹی سی نے کلیئرنس دی تھی، 8 جون کو اس کے طیارے نے اے ٹی سی کی ہدایات کے مطابق اپروچ اور لینڈنگ جاری رکھی، اور پائلٹ ان کمانڈ نے دی گئی ہدایات پر عمل کیا۔

    ایئرپورٹس اتھارٹی آف انڈیا کے مطابق قاعدہ یہ ہے کہ ایک طیارہ جب رن وے کے آخری سرے کو عبور کر لے، اس کے بعد اے ٹی سی کسی اور طیارے کو لینڈنگ کلیئرنس دے سکتا ہے۔

  • دوران پرواز طیارے کا انجن فیل، کیا ہنگامی لینڈنگ میں کامیاب ہوا؟

    دوران پرواز طیارے کا انجن فیل، کیا ہنگامی لینڈنگ میں کامیاب ہوا؟

    نئی دہلی: ممبئی ایئرپورٹ سے ٹیک آف کرنے والے بھارتی ائیر لائن ایئر انڈیا کے طیارے کو فضا میں انجن فیل ہونے کی وجہ سے ایئرپورٹ پر ہنگامی لینڈنگ کرنا پڑی۔

    بھارتی میڈیا رپورٹ کے مطابق ٹاٹا گروپ کے زیر انتظام ایئر انڈیا کے ایک طیارے نے ممبئی ایئرپورٹ پر ہنگامی لینڈنگ کی، حکام نے بتایا کہ تکنیکی خرابی کے باعث طیارے کا ایک انجن ہوا میں بند ہو گیا تھا تاہم طیارہ محفوظ لینڈنگ میں کامیاب رہا۔

    ایئر انڈیا کے ترجمان کے مطابق تمام مسافروں کو دوسرے طیارے کے لئے ذریعے بنگلورو بھیج دیا گیا، انہوں نے بتایاکہ ایئر انڈیا سلامتی کو بہت اہمیت دیتا ہے اور ہمارا عملہ ان حالات سے نمٹنے میں ماہر ہے، ہماری انجینئرنگ اور دیکھ بھال کی ٹیموں نے فوری طور پر اس معاملے کی تفتیش شروع کر دی ہے۔

    واضح رہے کہ ایئر انڈیا کے ’اے320نیو‘ طیارے میں ’سی ایف ایم‘ کے لیپ انجن نصب ہوتے ہیں۔

    اس سے قبل اپریل میں بھی ایئرانڈیا طیارے کی پرواز ریاست امرتسر سے دارالحکومت نئی دہلی جارہی تھی کہ اسی دوران طیارے کی کھڑی کا فریم نکل گیا تھا جس کے نتیجے میں خاتون اور تین مسافر زخمی ہوئے تھے۔

    یہ بھی پڑھیں: بھارت، دوران پرواز طیارے کو حادثہ، تین مسافر زخمی

    بھارتی میڈیا کے مطابق یہ حادثہ 19 اپریل جمعرات کو پیش آیا جسے انتظامیہ کی جانب سے چھپانے کی کوشش کی گئی مگر طیارے میں سوار مسافر نے ویڈیو بنا کر سوشل میڈیا پر شیئر کی تو معاملہ ذرائع ابلاغ تک پہنچا۔

    یاد رہے کہ رواں سال جنوری میں مطابق امریکی ریاست شکاگو میں دوران پرواز چھوٹے طیارے پی سی 12 کا ٹائر رہائشی آبادی پر جاگرا ،خوش قسمتی سے حادثے میں کوئی جانی نقصان نہیں ہوا تھا۔