اسلام آباد: سیکریٹری خارجہ تہمینہ جنجوعہ اور ترجمان دفتر خارجہ ڈاکٹر فیصل ممبئی حملہ کیس میں عدالتی حکم پر انسداد دہشت گردی کی عدالت میں پیش ہوئے۔
تفصیلات کے مطابق اسلام آباد کی انسداد دہشت گردی کی عدالت میں ممبئی حملہ کیس سے متعلق سماعت ہوئی۔ سماعت نسداد دہشت گردی عدالت کے جج شاہ رخ ارجمند نے کی۔
سماعت میں عدالتی حکم پر سیکریٹری خارجہ تہمینہ جنجوعہ اور ترجمان دفتر خارجہ ڈاکٹر فیصل عدالت پہنچ گئے۔ عدالت نے وزارت خارجہ سے بھارتی گواہوں سے متعلق رپورٹ طلب کر رکھی تھی۔
سیکریٹری خارجہ تہمینہ جنجوعہ اور ترجمان دفتر خارجہ ڈاکٹر فیصل نے گواہان کے بیانات ریکارڈ کرنے کے حوالے سے ہونے والی پیش رفت سے عدالت کو آگاہ کیا۔
یاد رہے کہ بھارتی شہر ممبئی میں سنہ 2008 میں حملے کیے گئے تھے جس میں حملہ آوروں سمیت 166 افراد مارے گئے تھے۔ ممبئی حملوں میں ذکی الرحمٰن لکھوی پر ماسٹر مائنڈ ہونے کا الزام ہے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
