ARYNews.tv | Urdu – Har Lamha Bakhabar

Tag: Mumbai

  • شیو سینا کی دھمکیاں : خورشید قصوری کی کتاب کی تقریب رونمائی بھی منسوخ

    شیو سینا کی دھمکیاں : خورشید قصوری کی کتاب کی تقریب رونمائی بھی منسوخ

    ممبئی : بھارت کی ہندو انتہاء پسند تنظیم شیو سینا کی دھمکیوں کے بعد خورشید محمود قصوری کی کتاب کی تقریب رونمائی بھی منسوخ کردی گئی۔

    تفصیلات کے مطابق پاکستان کے سابق وزیرخارجہ خورشید محمود قصوری کی کتاب ’’نہ تو ایک ہاک، اور نہ ہی ایک فاختہ‘‘آبزرور اینڈ ریسرچ فاؤنڈیشن کے زیر اہتمام کی تقریب رونمائی جو بارہ اکتوبر کو ممبئی کے نہرو سینٹر میں منعقد ہونا تھی بھارت کی ہندو انتہاء پسند تنظیم شیو سینا کی دھمکیوں کے باعث منسوخ کردی گئی ہے۔

    ممبئی میں غزل گائیک استاد غلام علی کے شو کی منسوخی کے بعد شیو سینا نے بھارت میں پاکستانی شخصیات کے دوروں کے خلاف احتجاج تیز کرنے کا فیصلہ کیا ہے۔

    انتہا پسند تنظیم کے ترجمان اروند بھوسلے نے کہا ہے کہ ہم اپنے ملک میں کسی پاکستانی کو اہنی سرگرمیاں جاری رکھنے کی اجازت نہیں دیں گے، ورنہ نتائج کے ذمہ دار وہ خود ہوں گے۔

    بھارتی ٹی وی کی رپورٹ کے مطابق شیو سینا کے ایک سینئر رہنما کا کہنا ہے کہ پاکستانی ہمارے فوجیوں کو ہلاک کر رہے ہیں تو ہم اپنے ملک میں پاکستانیوں کو آنے کی اجازت کیوں دیں ؟”

    علاوہ ازیں شیو سینا نے پاکستان کے فنکاروں اور سیاستدانوں اور کھلاڑیوں بھارت کی آمد پر بھی احتجاج کا فیصلہ کیا ہے۔

  • شیو سینا نے بھارتی حکومت سے پاکستان پر حملے کا مطالبہ کردیا

    شیو سینا نے بھارتی حکومت سے پاکستان پر حملے کا مطالبہ کردیا

    ممبئی: ہندو انتہا پسند گروپ شیو سینا نے بھارت کی وفاقی حکومت سے پاکستان پر حملہ کرنے کا مطالبہ کردیا ہے۔

    بھارت کے مقامی اخبار کے مطابق شیو سینا کا کہنا ہے ہے کہ ان کی حکومت پاکستانی وزراء اورجماعت الدعوۃ کے سربراہ حافظ سعید کے بیانات کا جواب نہیں دے رہی۔

    شیو سینا نے یہ بھی کہا ہے کہ پاکستان کے خلاف لائن آف کنٹرول پر فائرنگ کے جواب میں بھارتی افواج کا بھاری تعداد میں جانی نقصان ہواہے۔

    شیو سینا کا یہ بھی دعویٰ ہے کہ بھارتی افواج جب میانمارمیں داخل ہوکرکیمپس کوتباہ کرسکتی ہیں تو پاکستان کا بھی سامنا کرسکتی ہیں۔

    شیوسینا نے یہ بھی اعتراف کیا کہ پاکستان سے مقابلے کے لئے بھارتی حکومت میں سیاسی جذبے کی کمی ہے۔

  • اداکار رنبیر کپور آج تیتیس ویں سالگرہ منا رہے ہیں

    اداکار رنبیر کپور آج تیتیس ویں سالگرہ منا رہے ہیں

    ممبئی: بالی وڈ کے چاکلیٹی ہیرو اداکار رنبیر کپور آج تیتیس ویں سالگرہ منا رہے ہیں۔

    بالی ووڈ کے چاکلیٹی ہیرو رنبیر کپور 28 ستمبر 1982 ءکو بھارتی ریاست مہاراشٹرا کے شہر ممبئی میں پیدا ہوئے، رنبیر بالی ووڈ کی مشہور جوڑی رشی کپور اور نیتو سنگھ کے اکلوتے بیٹے ہیں۔

    رنبیر کپور نے 2007 میں سنجے لیلا بنسالی کی فلم ساوریا سے اپنے کیریئر کا آغاز کیاجس میں اداکاری پر رنبیر کپور کو فلم فیئربیسٹ میل ڈیبیو کے ایوارڈ سے نوازا گیاجس کے بعد انہوں نے کئی فلموں میں اپنی اداکاری کے جوہر دکھائے۔

    دو ہزار گیارہ میں ریلیز ہونی والی فلم راک اسٹار اور دو ہزار بارہ میں فلم برفی نے رنبیر کپور کو شہرت کی بلندیوں پر پہنچا دیا۔

    رنبیر کپور نے اپنی سالگرہ کرن جوہر کی ہدایتکاری میں بننے والی ان کی نئی فلم ’’اے دل ہے مشکل‘‘کے سیٹ پر منائی ہے،اس کے انہوں نے تصویر بھی پوسٹ کی جس میں وہ شاہ رخ خان اور کرن جوہر کے ساتھ دیکھائی دیئے۔

    شاہ رخ خان نے اس ملاقات کے بعد مائیکروبلاگنگ سائٹ پر اپنی کرن اور رنبیر کے ساتھ سیٹ پر لی گئی تصویر بھی شیئر کی ہے۔علاوہ ازیں کنگ خان کاکہنا تھا کہ انکے بچے کرن جوہر اور رنبیر کپور کی ’اے دل ہے مشکل ‘ کا شدت سے انتظار کر رہے ہیں۔ واضح رہے اس فلم میں رنبیر کپو ر سمت ایشوریا رائے اور انوشکا شرما بھی اہم کردار ادا کر رہی ہیں۔

    دوسری جانب رنبیر کے والد رشی کپور نے بھی ٹوئٹر پر رنبیر کی سالگرہ کے موقع پر ٹوئٹ کیا ہے۔

  • سُروں کی ملکہ لتا منگیشکر آج اپنی 86 ویں سالگرہ منارہی ہیں

    سُروں کی ملکہ لتا منگیشکر آج اپنی 86 ویں سالگرہ منارہی ہیں

    ممبئی : سُروں کی ملکہ لتا منگیشکر نے آج اپنی زندگی کی پچاسی ویں بہاردیکھ رہی ہیں، اپنی مدھر آواز سے کانوں میں رس گھولتی عہد ساز گلوکارہ لتا منگیشکر آج اپنی 86 ویں سالگرہ منارہی ہیں۔

    اٹھائیس ستمبرانیس سو انتیس کو بھارت میں پیدا ہونے والی اس گلوکارہ نے گزشتہ سات دہائیوں سے اپنے چاہنے والوں کواپنی آوازکے سحرمیں جکڑرکھا ہے۔

    Lata Mangeshkar

    لتا نے سن انیس سو بیالیس میں اپنے والد کے انتقال کے بعد باقاعدہ گلوکاری شروع کر دی تھی، عہدساز گلوکارہ لتا منگیشکر نے تیرہ برس میں اپنے کیریئرکاآغازکیا جوپچاس ہزارگانوں کاریکارڈ بنانے کے بعد بھی کامیابی سےجاری ہے۔

    لتا منگیشکر بھارت کی دوسری گلوکارہ ہیں، جنہیں سب سے بڑے سویلین اعزاز رتنا ایوارڈ سے نوازا گیا۔ سب سے زیادہ گانے گانے کے لئے لتا کا نام گنیزبک آف ورلڈریکارڈمیں بھی شامل ہے۔

    لتا کے کئی پُرانےگانےآج بھی بے حدمقبول ہیں۔ لتامنگیشکر کی مقبولیت پچھلی تین نسلوں سے لے کرآج تک کم نہیں ہوسکی، لتاکی جادوبھری آوازسے اُن کی عمر کا اندازہ نہیں لگایا جاسکتا۔

    کئی دہائیوں تک سر سنگیت کی نگری پر راج کرنے والی یہ عظیم گلوکارہ اگرچہ اب فلمی دنیا سے کنارہ کش ہو چکی ہیں لیکن گلوکاری سے اس کا رشتہ اسی طرح برقرار ہے اور آخری سانس تک برقرار رہے گا۔

  • سدھارتھ ملہوترا اور عالیہ بھٹ نے شادی کی افواہوں کی تردید کردی

    سدھارتھ ملہوترا اور عالیہ بھٹ نے شادی کی افواہوں کی تردید کردی

    ممبئی : بھارتی فلموں کے اداکار سدھارتھ ملہوترا اور عالیہ بھٹ نے شادی کی افواہوں کی تردید کردی ہے ۔

    تفصیلات کے مطابق بھارتی اداکار سدھارتھ ملہوترا نے بھارتی میڈیا کی جانب سے جاری کی گئی عالیہ بھٹ کے ساتھ شادی کی خبر کی تردید کرتے ہوئے اسے افواہ قرار دیا ہے۔

    انہوں نے کہا کہ ابھی ہماری شادی کی عمر نہیں کیونکہ آج کا تیس سال کا نوجوان ماضی کی بیس سال کے نوجوان کے برابر ہے، اورابھی تو ہم جوان ہیں اور فی الحال شادی کا کوئی ارادہ نہیں۔

    دوسری جانب بالی ووڈ اداکارہ عالیہ بھٹ نے کہا ہے کہ وہ شادی کیلئے اپنے آپ کو بہت کم عمر سمجھتی ہیں۔

    عالیہ بھٹ نے اپنی تازہ گفتگو میں کہا کہ وہ شادی کیلئے بہت چھوٹی ہیں۔ اس لئے انہوں نے شادی کے بارے میں کبھی نہیں سوچا ، ان کی تمام تر توجہ صرف کیریئر پرمرکوز ہے اور وہ خود کو بہترین اداکارہ ثابت کرنے کیلئے کوشاں ہیں۔

    انہوں نے کہا کہ میڈیا ان کی شادی کی افواہیں پھیلا کر مداحوں کو گمراہ کرتا ہے وہ جب بھی شادی کا ارادہ کریں گی خود منظر عام پر آکر اس بات کا اعلان کرینگی۔

    واضح رہے کہ عالیہ بھٹ اور سدھارتھ ملہوترا گزشتہ دنوں اس وقت بھارتی میڈیا کی خبروں کی زینت بنے جب سدھارتھ ملہوترا اور ان کی فیملی کے ہمراہ عالیہ بھٹ نے ڈنر کیا اور ان کے ساتھ کافی وقت بھی گزارا۔

  • سچ بولنے پربھارتی ڈی آئی جی کوسٹ گارڈ کا کورٹ مارشل

    سچ بولنے پربھارتی ڈی آئی جی کوسٹ گارڈ کا کورٹ مارشل

    ممبئی : پاکستان پر جھوٹے الزامات کا بھانڈا پھوڑنے والے بھارتی کوسٹ گارڈ کے سربراہ کیخلاف کورٹ مارشل کا فیصلہ کرلیا گیا۔

    تفصیلات کے مبطابق بھارت کا مکردہ چہرہ بے نقاب ہوگیا، سچ بولنے پر بھارتی ڈی آئی جی کوسٹ گارڈ کے کورٹ مارشل کا فیصلہ کرلیا گیا۔

    لوشالی نے بھارتی وزیر دفاع کی جانب سے کشتی کو دہشت گردوں کی جانب سے اڑانے کا پول ایک انٹرویو میں کھول دیا تھا۔

    لوشالی نے اعتراف کیا تھا کہ مبینہ طور پاکستان کی طرف سے بھارتی سمندری حدود میں داخل ہونے والی کشتی کو ’اڑانے کا حکم‘خود انھوں نے دیا تھا۔

    بھارت نے الزام عائد کیا تھا کہ کشتی میں دہشت گردسوار ہیں جو بھارت میں داخل ہونا چاہتے ہیں، کشتی کو ممبئی کی سمندری حدود میں بھارتی نیوی نے تباہ کردیا تھا۔

  • عالیہ بھٹ کے ساتھ بے باک مناظر ریکارڈ کروانا میری ذاتی مرضی ہے، فواد خان

    عالیہ بھٹ کے ساتھ بے باک مناظر ریکارڈ کروانا میری ذاتی مرضی ہے، فواد خان

    ممبئی: پاکستانی اداکار فواد خان کا کہنا ہے کہ بولڈ سین کرنا نہ کرنا ان کی ذاتی مرضی ہے۔

    ایک انٹرویو دیتے ہوئے فواد خان کا کہنا تھا کہ ان کی آنے والی فلم ’کپور اینڈ سنز‘ کے حوالے سے کئی دنوں تک میڈیا میں قیاس آرائیاں ہوتی رہی جس میں ان کے اور بولی وڈ اداکارہ عالیہ بھٹ کے درمیان بولڈ سین کی خبر پر فواد کا انکار شامل ہیں۔

    فواد کے مطابق ایسے مناظر فلمانا یہ نا فلمانا ان کی ذاتی مرضی ہے اور یہ کوئی بڑی بات نہیں۔

    فواد خان نے اس بات کا بھی اعتراف کیا کے انہیں پاکستان میں اپنے گلوکاری کے دن بہت زیادہ یاد آتے ہیں۔

    اپنے کرئیر کے حوالے سے فواد کا کہنا تھا کہ انہوں نے بہت ہی مختصر کردار ادا کیے ہیں اور خوش قسمتی سے زیادہ تر میں انہوں نے کامیابی حاصل کی۔

    فواد کے مطابق انہوں نے زندگی سے بہت کچھ سیکھا ہے کچھ چیزیں مدد کرتی ہیں البتہ کچھ ایسی بھی ہیں جس کے لیے وہ دعا کرتے ہیں کہ کاش وہ انہیں نہ جانتے ہوتے۔

  • بھارتی فلم بینڈ باجا بارات ٹو بنانے کی تیاریاں جاری

    بھارتی فلم بینڈ باجا بارات ٹو بنانے کی تیاریاں جاری

    ممبئی : بھارتی فلموں کی پروڈکشن کمپنی یش راج فلمز نے اپنی مشہور فلم بینڈ باجا بارات کا دوسرا پارٹ بنانے کا فیصلہ کیا ہے۔

    بھارتی خبر رساں ادارے نے بتایا ہے کہ اس فلم کے مرکزی کردار انوشکا شرما اور رن ویر سنگھ ہی اس فلم  میں اپنی اداکاری کے جوہر دکھائیں گے،جنہوں نے پہلی فلم میں بٹو شرما اور شروتی ککڑ کا کردا ادا کیا تھا۔

    فلم کی کہا نی ایک شادی کے انتظامات کرانے والی کمپنی کے گرد گھومتی ہے۔اس فلم کے ڈائریکٹر ادیتیہ چوپڑہ تھے۔

    مذکورہ فلم نے باکس آفس پر شاندار بزنس کیا تھا، یہ فلم رنویر سنگھ کی پہلی اور انوشکا شرما کی دوسری فلم تھی۔اس کے بعد یہ اداکار Ladies vs Ricky Bahlاور دل دھڑکنے دو میں ایک ساتھ نظر آئے۔

  • فواد خان بھارتی اداکاروں کو اردو سکھا رہے ہیں

    فواد خان بھارتی اداکاروں کو اردو سکھا رہے ہیں

    ممبئی : اداکار فواد خان آج کل بھارتی اداکاروں کو اردو زبان سکھا رہے ہیں۔

    تفصیلات کے مطابق پاکستانی اداکار فواد خان ان دنوں نئی آنے والی بھارتی فلم کپور اینڈ سنز کی تیاریوں میں مصروف ہیں، جس میں رشی کپور، عالیہ بھٹ، سدھاتھ ملہوترااور دیگر اداکار شامل ہیں۔

    فلم میں اردو زبان کے بیشتر الفاط بھی استعمال کئے جا رہے ہیں، فلم کی شوٹنگ کے موقع پر فواد خان اردو کے حوالے سے بھارتی اداکاروں کو آگاہی فراہم کررہے ہیں۔

    بھارتی اداکار سدھاتھ ملہوترا اور فواد خان میں گہری دوستی ہوگئی ہے، سدھاتھ ملہوترا کا کہناہے کہ وہ بہت جلد پاکستان کا دورہ بھی کریں گے۔

    With the kapoor of #kapoorandsons fun night @shakunbatra @_fawadakhan_ n his Mrs #party #chilling #cast #crew

    A photo posted by Sidharth Malhotra (@s1dofficial) on

     

    Nights on #KapoorandSons

    A photo posted by Fawad Khan (@ifawadkhan) on

     

    #KapoorandSons celebrating with #Piku

    A photo posted by Fawad Khan (@ifawadkhan) on

     

    Jab we met

    A photo posted by Fawad Khan (@ifawadkhan) on

     

    At the success party of #Piku. All the very best to Deepika Padukone and her entire team!

    A photo posted by Fawad Khan (@ifawadkhan) on

     

    #Khoobsurat promotions in #Dubai

    A photo posted by Fawad Khan (@ifawadkhan) on

  • نئی بھارتی فلم فینٹوم کا ٹریلر ریلیز کردیا گیا

    نئی بھارتی فلم فینٹوم کا ٹریلر ریلیز کردیا گیا

    ممبئی: بھارتی فلموں  کے سپر اسٹار سیف علی خان اور کترینہ کیف کی نئی آنے والی فلم فینٹوم کا ٹریلر ریلیز کردیا گیا، مذکورہ فلم میں سیف علی خان اور کترینہ کیف نے مرکزی کردار ادا کیا ہے۔ دیگر کرداروں میں سبھاشی چکرورتی اور محمد زیشان ایوب شامل ہیں۔

    مذکورہ فلم کی کہانی 2008 میں ممبئی میں ہونے والی دہشت گردی کے واقعے پر مبنی ہے، اس سے قبل فلم فینٹوم کا پوسٹر چند روز پہلے جاری کیا گیا تھا، اور آج اس کا ٹریلر بھی ریلیز کردیا گیا ہے۔

    ٹریلر کے اجرا کے موقع پر سیف علی خان کا کہنا تھا کہ مجھے اس فلم میں کام کرنا بہت اچھا لگا اور میری خواہش ہے کہ میں اس طرح کی مزید فلموں میں بھی کام کروں۔

    مذکورہ فلم کے پروڈیوسرساجد ناڈیاڈ والا ہیں، ساجد ناڈیاڈ والا نے اس سے پہلے ایک سپرہٹ فلم بے بی بھی بنائی تھی جسے عوام میں بے حد پذیرائی ملی۔

    فلم فینٹوم آئندہ ماہ 28 اگست کو بھارت کے سنیماؤں میں نمائش کیلئے پیش کردی جائے گی۔