Tag: Mumtaz Zahra Baloch

پیرس: فرانس میں پاکستانی سفیر ممتاز زہرہ بلوچ نے آنے والی نسلوں کے لیے سمندری تحفظ کے لیے عالمی سطح پر اقدامات کا مطالبہ کیا ہے۔

تفصیلات کے مطابق فرانس کے شہر نیس میں اقوام متحدہ کی تیسری اوشین کانفرنس منعقد ہوئی جس سے خطاب کرتے ہوئے ممتاز زہرہ بلوچ نے سمندری وسائل اور ماحولیاتی نظام کی تنزلی کے چیلنج سے نمٹنے کے لیے پاکستان کی کوششوں پر روشنی ڈالی۔

پاکستانی سفیر نے بین الاقوامی تعاون کی اہمیت پر زور دیتے ہوئے اس بات کی نشان دہی کی کہ صرف الگ تھلگ قومی کوششیں سمندری اور ساحلی وسائل کے تحفظ اور پائیدار استعمال کے لیے کافی نہیں ہوں گی۔

سفیر نے اوشین کانفرنس میں سمندروں کی حفاظت کے لیے مالیاتی، ٹیکنالوجی کی منتقلی، اور صلاحیت کی تعمیر جیسے وسیع پیمانے پر عمل درآمد کے ذریعے عالمی حل تلاش کرنے پر زور دیا۔ انھوں نے موسمیاتی تبدیلیوں سے نمٹنے میں مشترکہ لیکن مختلف ذمہ داریوں اور متعلقہ صلاحیتوں کے اصول کی مرکزیت کا بھی اظہار کیا۔

کینیڈا میں مودی کی جی سیون سمٹ آمد پر سکھوں کے تاریخی احتجاج کا منصوبہ

ممتاز زہرہ بلوچ نے پاکستان کے BBNJ معاہدے پر دستخط کرنے کے ارادے کا اظہار کیا، سفیر نے بحیرہ عرب کے ماحولیاتی نظام پر پاکستان کی تشویش کا اظہار کیا، اور کہا کہ پڑوس میں ایک ملک کی طرف سے دیرینہ تعاون پر مبنی پانی کی تقسیم کے معاہدے اور انتظامات میں خلل ڈالنے کے یک طرفہ اقدامات سے بحیرہ عرب کے ماحولیاتی نظام پر پڑنے والے اثرات سنگین ہو سکتے ہیں۔

انھوں نے عالمی برادری پر زور دیا کہ وہ پانی کو ہتھیار بنانے کی بھارتی کوششوں کی مذمت کرے، اور بین الاقوامی قانون اور معاہدوں کی ذمہ داریوں کو برقرار رکھنے کا مطالبہ کرے۔

اسلام آباد: ترجمان دفتر خارجہ نے کہا ہے کہ پاکستان نے رواں برس جنوبی ایشیا کے تمام ممالک سے اچھے تعلقات کے لیے کام کیا، تاہم بھارت کے ساتھ تعلقات میں کوئی خصوصی پیش رفت نہ ہو سکی۔

تفصیلات کے مطابق ترجمان دفتر خارجہ ممتاز زہرا بلوچ نے ہفتہ وار بریفنگ دی، جس میں انھوں نے کہا کہ 2023 میں پاکستان نے اپنے شراکت داروں کے ساتھ تعاون جاری رکھا، اور او آئی سی کانٹیکٹ گروپ برائے کشمیر و فلسطین میں فعال کردار جاری رکھا۔

انھوں نے کہا پاکستان نے رواں برس جنوبی ایشیا کے تمام ممالک سے اچھے تعلقات کے لیے کام کیا، لیکن بھارت کے ساتھ تعلقات میں کوئی خصوصی پیش رفت نہ ہو سکی، ہندوتوا سے متاثرہ بی جے پی نے تعلقات میں پیش رفت میں رکاوٹیں ڈالیں۔

ترجمان کا کہنا تھا بھارت نے مقبوضہ جموں و کشمیر کے عوام پر مظالم کا سلسلہ جاری رکھا، جب کہ او آئی سی نے بھی کشمیر پر حمایت جاری رکھی، او آئی سی نمائندہ خصوصی اور برطانوی پارلیمینٹیرین کے وفود نے آزاد کشمیر کا دورہ کیا۔ انھوں نے کہا نائیجراور اٹلی میں پھنسے ہوئے پاکستانیوں کو وطن واپس لایا گیا۔

نگراں وزیر خارجہ جلیل عباس جیلانی نے بھی دفتر خارجہ میں سال کے اختتام پر بریفنگ دی، انھوں نے کہا کشمیر کی حیثیت سے متعلق بھارتی سپریم کورٹ کا فیصلہ خلاف قانون ہے، بھارتی قانونی ماہرین نے بھی اس فیصلے کو غیر قانونی کہا۔

انھوں نے کہا پاکستان نے رواں برس سفارتی اور بین الاقوامی سطح پر متحرک کردار ادا کیا، نگراں وزیر اعظم نے چین کا اہم دورہ کیا، جس میں سی پیک کے دوسرے مرحلے کے حوالے سے اہم معاہدے ہوئے، پاکستان اور کویت کے درمیان بھی اہم معاہدے ہوئے، اور آنے والے مہینوں میں مزید اہم معاہدے ہوں گے۔

نگراں وزیر خارجہ نے کہا سعودی عرب کے ساتھ بھی متعدد معاہدے ہونے جا رہے ہیں۔