Tag: Murad Ali Shah

کراچی: وزیرا علیٰ سندھ مراد علی شاہ نے کہا کہ سانحہ سہون میں سیکیورٹی لیپس تھے، خود کش حملہ آوروں کا تعلق سندھ سے نہیں تھا، ایسا کیسے سوچا جاسکتا ہے، دھمال کےدوران بجلی بند کی جائے.

تفصیلات کے مطابق سندھ اسمبلی کے اجلاس کے دوران وزیراعلیٰ سندھ مراد علی شاہ سانحہ سیہون پرپالیسی بیان دیتے ہوئے کہا کہ سانحہ میں خودکش حملہ آور نے سب کو نشانہ بنایا تھا، انہوں نے تسلیلم کیا کہ سیہون سانحہ میں سیکیورٹی لیپس تھے.

مزید پڑھیں:سیہون دھماکہ: وزیراعلیٰ سندھ کامناسب سیکورٹی نہ ہونے کااعتراف

انہوں نے کہا کہ ایسا کیسے سوچا جاسکتا ہے، دھمال کےدوران بجلی بند کی جائے، درگاہ کے داخلی دروازے پر کیمرے کام کررہے تھے، ان ہی ، کیمروں کی مدد سے حملہ آوراور سہولت کاروں کو شناخت کی گئی ہے، ان کا کہنا تھا کہ خود کش حملہ آوروں کا تعلق سندھ سے نہیں تھا۔

مزید پڑھیں:اہم ترین سانحہ سیہون، خودکش حملہ آورکی شناخت کرلی، آئی جی سندھ

دھماکا 7بجے ہوا جبکہ میرے پاس 7 بجکر4 منٹ پراطلاع آگئی تھی، دھماکے کے آدھے گھنٹے بعد ہی وزیرصحت سیہون روانہ ہوگئے تھے، میں نے خود 3 سے 4 گھنٹےمیں متعدد بارایم ایس سیہون اسپتال سے رابطے میں رہا تھا.

وزیراعلیٰ ہاوس سے ہی ابتدائی مراحل کوکنٹرول کیا نیوی حکام سےبات کی توانہوں ہیلی کاپٹرفراہم کیا،آرمی چیف نے سیہون کے لیےسی 130طیارے کا انتظام کرایا تھا، بعد ازاں سیہون رات ساڑھے 12 بجے پہنچا تو سیدھااسپتال گیا تھا.

مرادعلی شاہ نے کہا کہ سیہون ایک تعلقہ ہیڈ کوارٹرہے، وہاں50بسترکااسپتال ہے، جبکہ حقیقت کے برعکس یہ کہا گیا 50 کلومیٹرتک کوئی اسپتال نہیں ہے.

مزید پڑھیں:اہم ترین درگاہ لعل شہباز قلندر پر خودکش حملہ،76افراد شہید، 250 زخمی

سیہون میں تمام سہولتیں میسرتھیں ، 500 لوگ زخمی ہوئے،500 ایمبولینس تو وہاں نہیں تھیں،اتنا بڑا واقعہ کراچی میں ہوتا تو یہاں بھی مشکلات ہوجاتیں۔

انہوں نے سیہون اسپتال کےایم ایس کی تعریف کرتے ہوئے کہا کہ جیسا کام انہوں نے کیا ہے،وہ انعام کا مستحق ہے.

کراچی: وزیراعلیٰ سندھ نے کہا ہے کہ آئین کے تحت گیس جہاں سے مل رہی ہے، اس پر پہلا حق اس صوبے کا ہے، البتہ اپنی ضروریات پوری کرنے کے بعد دوسرے صوبوں کو دے سکتے ہیں.

تفصیلات کے مطابق وزیراعلیٰ سندھ سی سی آئی اجلاس میں شرکت کے لئے اسلام آباد روانہ ہوگئے ، مراد علی شاہ سی سی آئی اجلاس میں گیس کی تقسیم کا معاملہ اٹھائیں گے.

وزیراعلیٰ سندھ کا کہنا ہے کہ گیس کی تقسیم، قیمت اور ٹیرف کا تعین ای سی سی کا اختیار نہیں ہے، آئین کے تحت گیس جہاں سے مل رہی ہے، اس پر پہلا حق اس صوبے کا ہے، البتہ اپنی ضروریات پوری کرنے کے بعد دوسرے صوبوں کو دے سکتے ہیں، سندھ کا کیس میں خود لڑوں گا، انہوں نے کہا میں انجینئر کے ساتھ قانون دان کا بیٹا بھی ہوں.

مزید پڑھیں:گھوٹکی سندھ میں گیس کا نیا ذخیرہ دریافت

ترجمان وزیراعلیٰ سندھ کا کہنا ہے کہ آئینی تشریح کے لیے سی سی آئی نے ایک کمیٹی بنائی گئی ہے، جس کے قانون اور انصاف کے وفاقی وزیر چیئرمین ہیں، وزیراعلیٰ سندھ قانونی وزیر کی حیثیت سےشرکت کریں گے،صوبوں کے وزرا قانون،اےجی اور اٹارنی جنرل شرکت کریں گے.