کراچی : وزیر مملکت برائے مواصلات مراد سعید نے کہا ہے کہ موٹروے پولیس ایک ایسا ادارہ ہے جس پر پورے ملک کو فخر ہے، ترقی پانے والے افسران کو مبارک باد پیش کرتا ہوں۔
ان خیالات کا اظہار انہوں نے کراچی میں موٹر وے پولیس کے افسران واہلکاروں کو رینک لگانے کی تقریب سے خطاب کرتے ہوئے کیا، اس موقع پر آئی جی موٹر ویز پولیس اے ڈی خواجہ اور دیگر افسران بھی موجود تھے۔
وزیر مملکت برائے مواصلات مراد سعید کا مزید کہنا تھا کہ موٹروے پولیس کے معیار کو بہتر بنانے کے لئے جدید ٹیکنالوجی کو متعارف کروایا جائے گا، اچھی کارکردگی کا مظاہرہ کرنے والوں کو ریوارڈ سے نوازا جائے گا۔
انہوں نے کہا کہ شاہراہیں ہمارا قومی اثاثہ ہیں اور ان کی حفاظت ہمارا قومی فریضہ ہے، گرین پاکستان اور کلین پاکستان مہم میں بھر پور حصہ لیں گے۔
اس موقع پر تقریب سے خطاب کرتے ہوئے آئی جی موٹرویز پولیس اے ڈی خواجہ نے کہا کہ تمام ٹرانسپورٹرز بالخصوص کار کیرئرز یونین کی جانب سے قانون پر عمل درآمد کرانے کی یقین دہانی خوش آئند ہے۔
بعد ازاں وزیر مملکت مراد سعید اور اے ڈی خواجہ نے افسران و اہلکاروں کو بیجز لگائے۔
کراچی : ڈپٹی اسپیکرسندھ اسمبلی شہلارضا نے کہا ہے کہ کیپٹن صفدر اور مریم نواز کے بیانات بہت خطرناک ہیں، چوہدری نثارکو ان لوگوں کو سمجھانا چاہئے کہ وہ کیا کررہے ہیں۔
ان خیالات کا اظہار انہوں نے اے آر وائی نیوز کے پروگرام پاور پلے میں میزبان ارشد شریف سے خصوصی گفتگو کرتے ہوئے کیا، اس موقع پر پی ٹی آئی کے رہنما مراد سعید بھی موجود تھے۔
شہلا رضا نے کہا کہ سابق وزیر داخلہ چوہدری نثار نے بتایا بھی تھا کہ ملک کو بیرونی خطرات درپیش ہیں، اس کے باوجود نااہل وزیر اعظم کی صاحبزادی مریم نواز اور ان کے زوہر کیپٹن صفدر کے بیانات کافی حد تک خطرناک ہیں۔
مریم نواز کا بیان تھا کہ اپنے والد کی نااہلی کا بدلہ حسینہ واجد کی طرح لوں گی، جبکہ نواز شریف کے داماد نے اپنے ایک خطاب میں نئے بنگلہ دیش کا حوالہ دیا، سب کچھ جانتے ہوئے بھی تصادم کا راستہ اختیار کیا جارہا ہے۔
انہوں نے کہا کہ چوہدری نثارکو ان لوگوں کو سمجھانا چاہئے کہ وہ کیا کررہے ہیں، ملک کو اندرونی نہیں بیرونی خطرات درپیش ہیں۔
ایک سوال کے جواب میں پی پی رہنما شہلا رضا کا کہنا تھا کہ ماضی میں پی پی رہنماؤں کا نام ای سی ایل میں ڈالا گیا تھا لیکن اب حسن اور حسین نواز کا نام نہیں ڈالا گیا، حسن حسین نواز کل کو واپس نہ آئے تو آپ کیا کرلیں گے، شہلارضا نے خدشہ ظاہر کیا کہ چیئرمین نیب نوازشریف کے معاملےمیں انصاف نہیں کرپائیں گے۔
شریف فیملی کا نام ای سی ایل میں ڈالا جائے، مراد سعید
پروگرام میں گفتگو کرتے ہوئے پی ٹی آئی رہنما مراد سعید نے کہا کہ شریف فیملی کا نام ای سی ایل میں ڈالنا چاہئے،
سال دو ہزار میں بھی یہ لوگ معاہدہ کرکے بھاگ گئے تھے۔
چیئرمین ایس ای سی پی ظفرحجازی کا نام تو ای سی ایل میں ڈال دیا گیا لیکن ظفرحجازی نے جن کیلئے کام کیا ان کا نام ای سی ایل میں نہیں ڈالا گیا۔
مراد سعید نے کہا کہ حدیبیہ پیپر ملز سے متعلق نیب کو دی گئی عدالتی مہلت ختم ہوگئی ہے، نیب کی اس معاملے میں سنجیدگی سب کے سامنے ہے، شریف خاندان سند یافتہ چور ثابت ہوگیا، اب یہ سب جیل جائیں گے۔
ایک سوال کے جواب میں مراد سعید نے کہا کہ بھارتی جاسوس کلبھوشن یادیو اور افغانستان کے معاملے کو ٹھیک طریقے سے نہیں دیکھا گیا، حکومت معاملات کو ٹھیک طریقے سے ڈیل نہیں کررہی۔
انہوں نے کہا کہ اگرملک کو خطرہ ہے تو چوہدری نثار ایوان میں بتاتے، کشمیر سمیت تمام معاملات کیلئےخارجہ پالیسی کی ضرورت ہے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔
سوات: جاوید لطیف جھگڑا کے خلاف اور مراد سعید کی حمایت میں تحریک انصاف کے کارکن سڑکوں پر نکل آئے اور لیگی رہنما کی رکنیت ختم کرنے کا مطالبہ کردیا۔
تفصیلات کے مطابق تحریک انصاف کے ایم پی اے فضل حکیم کی قیادت میں سوات کے کارکنان نے احتجاجی ریلی نکالی ، ریلی کے شرکا نے گو نواز گو کے نعرے لگائے اور مسلم لیگ کی قیادت سے جاوید لطیف کی رکنیت ختم کرنے کا مطالبہ بھی کیا۔
یاد رہے مسلم لیگ ن کے رکن قومی اسمبلی جاوید لطیف نے مراد سعید سے جھگڑے کے بعد گھر کی خواتین سے متعلق نازیبا الفاظ استعمال کیے تھے، جس پر اسپیکر اسمبلی نے تحقیقاتی کمیٹی بھی قائم کی تھی۔
کمیٹی کی جانب سے آنے والی رپورٹ میں مؤقف اختیار کیا گیا ہے کہ ’’جاوید لطیف کی جانب سے نازیبا الفاظ کے استعمال کے بعد مراد سعید کو غصہ آیا اور نوبت ہاتھا پائی تک پہنچی‘‘۔
جاوید لطیف نے کی جانب سے لگائے جانے والے الزامات پر تمام سیاسی جماعتوں نے لیگی رکن قومی اسمبلی کے رویے کی شدید الفاظ میں مذمت کی جبکہ سوشل میڈیا پر بھی جاوید لطیف کو تنقید کا نشانہ بنایا گیا۔
