ARYNews.tv | Urdu – Har Lamha Bakhabar

Tag: Murad Saeed

  • وفاقی وزیر مراد سعید نے ملکی تاریخ کا تیز ترین ریکارڈ ریونیو حاصل کر لیا

    وفاقی وزیر مراد سعید نے ملکی تاریخ کا تیز ترین ریکارڈ ریونیو حاصل کر لیا

    اسلام آباد: وفاقی وزیر مراد سعید نے نا ممکن کو ممکن کر دکھایا اور دونوں وزارتوں میں ملکی تاریخ کا تیز ترین ریکارڈ ریونیو حاصل کر لیا، وزارت مواصلات کا ریونیو 4 ماہ میں 9 ارب 54 کروڑ روپے تک جا پہنچا۔

    تفصیلات کے مطابق وفاقی حکومت کا ملکی اداروں کو خسارے سے نکال کر منافع بخش بنانے کا عزم، پاکستان پوسٹ اور وزارت مواصلات میں اربوں روپے کا منافع ریکارڈ کیا گیا، مراد سعید نے دونوں وزارتوں میں ملکی تاریخ کاتیز ترین ریکارڈریونیوحاصل کیا۔

    وزارت مواصلات کا ریونیو 4 ماہ میں 9 ارب 54 کروڑ روپے تک پہنچ گیا، ادارے میں احتساب کےعمل سے 4 ارب 32 کروڑ سےزائد کی وصولی ہوئی۔

    پاکستان پوسٹ میں بھی ملکی تاریخ کا ریکارڈ ریونیو حاصل کیا اور 3ماہ میں انقلابی اقدامات سے ریونیو میں 184 فیصد تک کا اضافہ کیا۔

    ایکسپورٹ پارسل،الیکٹرانک منی آرڈر اور ای کامرس پر عوام کا بھرپور اعتماد حاصل ہوا ، ارجنٹ میل اورسیم ڈے ڈیلیوری سروس بھی ریونیو میں اضافے کی بڑی وجہ ہے ، سروسز کے آغازکےچند دن میں پاکستان پوسٹ کو ایک ارب 17 کروڑ کی آمدن ہوئی۔

    یاد رہے وفاقی وزیر مراد سعید نے پاکستان پوسٹ میں ای کامرس سروس کا افتتاح کیا تھا، صارفین آن لائن شاپنگ اور کیش آن ڈیلیوری کی سہولت حاصل کر سکیں گے، مراد سعید کا کہنا تھا نئی سروس سےادارہ معاشی خود کفالت کی طرف گامزن ہوگا۔

    مزید پڑھیں : پاکستان پوسٹ میں ای کامرس سروس کا افتتاح، مراد سعید کا وزیر اعظم کا خواب پورا کرنے کا عزم

    اس سے قبل گزشتہ سال نومبر میں وزیر مملکت برائے مواصلات مراد سعید نے ملک بھر میں ون ڈے ڈیلیوری سسٹم کا افتتاح کیا تھا۔

    واضح رہے تحریک انصاف کی حکومت کے 100 دن پورے ہونے پر وزیر اعظم عمران خان کی زیر صدارت ہونے والے وفاقی کابینہ کے خصوصی اجلاس میں وزراء کی کارکردگی کا جائزہ لیا گیا تھا، جس میں وزیر مملکت مراد سعید کی کارکردگی متاثر کن رہی تھی۔

    مراد سعید نے 100 روز میں وزارت مواصلات کے اخراجات میں 50 فیصد کمی کی تھی اور 46 کروڑ روپے کی ریکوری کر کے ریونیو میں 3 ارب 72 کروڑ روپے کا اضافہ کیا تھا۔

    بعد ازاں وزیر اعظم عمران خان نے مراد سعید کو وفاقی وزیر بنانے کا فیصلہ کیا تھا۔

  • پاکستان پوسٹ میں ای کامرس سروس کا افتتاح، مراد سعید کا وزیر اعظم کا خواب پورا کرنے کا عزم

    پاکستان پوسٹ میں ای کامرس سروس کا افتتاح، مراد سعید کا وزیر اعظم کا خواب پورا کرنے کا عزم

    اسلام آباد :وفاقی وزیر مراد سعید نے پاکستان پوسٹ میں ای کامرس سروس کا افتتاح کردیا، صارفین آن لائن شاپنگ اور کیش آن ڈیلیوری کی سہولت  حاصل کر سکیں گے، مراد سعید کا کہنا ہے نئی سروس سےادارہ معاشی خود کفالت کی طرف گامزن ہوگا۔

    تفصیلات کے مطابق پاکستان پوسٹ میں ای کامرس سروس کے آغاز کی تقریب آج اسلام آباد میں منعقد ہوئی، جس سے خطاب کرتے ہوئے وفاقی وزیر مواصلات و پوسٹل سروسز مراد سعید کا کہنا ہے کہ ملک میں ای کامرس کابزنس ایک ارب ڈالرتک جائے گا، پاکستان پوسٹ اہم ملکی ادارہ ہے، جو ترقی کی راہ پر گامزن ہے۔

    مراد سعید کا کہنا تھا کہ پاکستان پوسٹ کا مجموعی خسارہ 52ارب روپے تھا، ای کامرس سروس سے 120 ادارے منسلک ہو چکے ہیں، کاروبار کرنے والوں کو ایک چھتری تلے جمع کریں گے، تمام چھوٹے بڑے کاروباری افراد کو ایک جگہ لائیں گے، عوام ہمیں خامیاں بتاتےجائیں ہم انہیں دورکریں گے۔

    وفاقی وزیر نے کہا کہ پاکستان کو بدلنے کاعمران خان کا خواب پورا کریں گے، عمران خان کی سیاسی تربیت سےبننے والی ٹیم پاکستان بدلے گی۔

    وفاقی وزیر نے کہا کہ عثمان بزدار کے وزیراعلی بننے پر سب کو خوش ہونا چاہیے تھا، انھیں عوامی مسائل کی بہتر سمجھ ہے، وہ پنجاب کی حالت زار بدلیں گے، ان کے گھر پرپولیس کی نفری تعینات نہیں۔

    عوام کو گھر بیٹھے ہر سہولت کم قیمت پر دینا ترجیح ہے، مراد سعید

    خیال رہے کہ اس سروس سے صارفین آن لائن شاپنگ اور کیش آن ڈیلیوری کی سہولت حاصل کر سکیں گے اور مہنگی نجی کوریئر سروسز کی نسبت پاکستان پوسٹ کم چارجز وصول کرے گا

    مراد سعید کا کہنا ہے کہ آن لائن بزنس کرنے والی بڑی کمپنیوں سے رابطہ کر رہے ہیں، عوام کو گھر بیٹھے ہر سہولت کم قیمت پر دینا ترجیح ہے، ، پاکستان پوسٹ کو صارفین کی آن لائن شاپنگ کا ڈیلیوری پارٹنر بنا رہے ہیں، عوام قومی ادارے پر انحصار کریں، بہتری محسوس کریں گے۔

    واضح رہے کہ گزشتہ سال نومبر میں وزیر مملکت برائے مواصلات مراد سعید نے ملک بھر میں ون ڈے ڈیلیوری سسٹم کا افتتاح کیا تھا، ان کا کہنا تھا کہ پاکستان پوسٹ تقریباً 10 ارب سالانہ خسارے میں رہا ہے، پاکستان پوسٹ میں بہت صلاحیت ہے، پوسٹ کے نظام میں بہتری کی ضرورت ہے۔

    مزید پڑھیں: وزیر مملکت نے پاکستان پوسٹ کی ون ڈے ڈیلیوری سسٹم کا افتتاح کردیا

    ان کا کہنا تھا کہ 50 ہزار روپے تک کی بھیجی گئی رقم گھر کے دروازے پر مل سکے گی۔ ون ڈے ڈیلیوری کی سہولت ابتدائی طور پر 25 شہروں میں ہوگی۔ الیکٹرانک منی آرڈر کی سہولت 80 شہروں میں دے رہے ہیں۔

  • ملتان سکھر موٹروے میں ن لیگ کے بڑے گھپلوں کےثبوت موجود ہیں، مرادسعید

    ملتان سکھر موٹروے میں ن لیگ کے بڑے گھپلوں کےثبوت موجود ہیں، مرادسعید

    اسلام آباد: وفاقی وزیر مواصلات مراد سعید کا کہنا ہے کہ ملتان سکھر موٹروے میں ن لیگ نےقومی خزانے کوساٹھ سے ستر ارب روپے کا نقصان پہنچایا، جس کے ثبوت موجود ہیں، ثبوتوں کے ساتھ لوٹے گئے پیسے واپس لیں گے۔

    تفصیلات کے مطابق وزیرمواصلات مرادسعید نے میڈیا بریفنگ میں کہا ملتان سکھرموٹروےمنصوبے میں ن لیگ کی کارکردگی باعث تشویش ہے، نوازشریف،احسن اقبال،جاویدصادق نےکمپنی سےمعاہدہ کیا، ن لیگ نے بڑے منصوبےکمیشن کےحصول کیلئےشروع کئے اور حکومت کی بدانتظامی کی وجہ سےمنصوبےکی لاگت بڑھی۔

    ن لیگ حکومت نے ملتان سکھر موٹروے میں ن لیگ نےقومی خزانے کو کم از کم ساٹھ سے ستر ارب روپے کا نقصان پہنچایا، بڑے گھپلے کے ثبوت موجود ہیں، گھپلے کے مرکزی کردار احسن اقبال اور جاوید صادق ہیں، ن لیگ نے جاوید صادق کو فرنٹ مین کی حیثیت سے رکھا۔

    وزارت مواصلات نے5ماہ میں 4ارب33 کروڑ کی وصولی کی، پاکستان کے پیسے کو بے دردی سے لوٹاگیا، نیب کے پاس جانے والے مقدمات کی تفصیلات جانناچاہتے ہیں۔

    خیال رہےسابق دور حکومت میں کرپشن کا ایک اور بڑا اسکینڈل سامنے آیا، جس میں نواز شریف شہباز شریف، اور احسن اقبال کے ملوث ہونے کا انکشاف ہوا تھا ۔

    مزیدپڑھیں : ایک اور بڑا کرپشن اسکینڈل: نواز شریف، شہباز شریف کے ملوث ہونے کا انکشاف

    حکومتی ذرائع کا کہنا تھاکہ غیر ملکی انجینئرنگ کنسٹرکشن کمپنی اور جاوید صادق کی ڈیلز کی اہم دستاویزات سامنے آ گئیں ہیں ، جس میں نواز شریف کی جگہ دستخط کرنے والے لیگی وزیر احسن اقبال بھی ملوث ہے جبکہ نواز شریف اور شہباز شریف کا فرنٹ مین کون تھا؟ سابق لیگی وزیر احسن اقبال نے غیر ملکی کمپنی سے معاہدے کیسے کئے؟

    ذرائع کے مطابق ایسے منصوبوں کا آغاز کیا گیا جو وفاقی کابینہ اور لاء ڈیپارٹمنٹ سے منظور نہیں ہوئے، منصوبے کا پی سی ون 257 ارب کا تیار ہوا مگر بڈنگ 406 ارب روپے میں کی گئی۔

    کومتی ذرائع کا کہنا تھا کہ حکومت نے نجی ہوٹلز میں ہونے والی اہم ملاقاتوں کی تفصیلات بھی حاصل کر لیں، فرنٹ مین کے ذریعے قومی خزانے کو کم از کم 60 ارب روپے کا نقصان پہنچایا گیا۔

  • حکومت کا قومی شاہراہوں پر رائٹ آف وے کے لئے دئیےگئے این او سیز کا آڈٹ کرانے کا اعلان

    حکومت کا قومی شاہراہوں پر رائٹ آف وے کے لئے دئیےگئے این او سیز کا آڈٹ کرانے کا اعلان

    اسلام آباد : حکومت نے قومی شاہراہوں پر رائٹ آف وے کے لئے دئیےگئے این او سیز کا آڈٹ کرانے اور  آئندہ این اوسی کے لئے اوپن بڈنگ کرانے کااعلان کردیاہے جبکہ  قومی شاہراہوں کاراستہ مفت استعمال کرنے والوں سےکروڑوں ریکورکرلیےگئے ہیں۔

    تفصیلات کے مطابق حکومت نے قومی شاہراہوں پر رائٹ آف وے سے متعلق بڑا فیصلہ کرتے ہوئے رائٹ آف وےکےلئےدئیےگئےاین او سیز کا آڈٹ کرانے کا اعلان کردیا اور وفاقی وزیر مواصلات مرادسعید نے متعلقہ اداروں سےرابطہ کرلیا ہے۔

    ذرائع کا کہنا ہے کہ سابق دورحکومت میں شاہراہوں کے اطراف مہنگی زمین کی بندربانٹ کاانکشاف ہوا ، قیمتی اراضی کےاستعمال کیلئےاین اوسیزمحض جان پہچان کی بنیادپردیئےگئے۔

    وفاقی وزیر مواصلات مرادسعید کا کہنا ہے کہ شاہراہوں کےاطراف پٹرول پمپس اورقیام گاہیں قائم کی گئیں، کروڑوں روپےکی زمین سےہاؤسنگ سوسائٹیز کو راستہ دیاگیا، قیمتی راستہ دینےکےبدلےقومی خزانےکوکوئی فائدہ نہیں ہوا۔

    قومی شاہراہوں کا راستہ مفت استعمال کرنے والوں سےوصولی شروع

    قومی شاہراوں کا راستہ مفت استعمال کرنے والوں سےوصولی شروع کردی گئی ہے اور وزارت مواصلات کی جگہ استعمال کرنےوالوں سےکروڑوں ریکورکرلیےگئے ہیں، مرادسعید نے بتایا وصولی کےبعدرائٹ آف وےکاریونیو100فیصدبڑھ گیا، مجموعی طورپروزارت مواصلات کی آمدن13 ارب 78کروڑروپےتک پہنچ گئی جبکہ 3 ماہ میں وزارت کا منافع 2 ارب 30کروڑ روپے بڑھ گیا ہے۔

    آئندہ این اوسی کے لئے اوپن بڈنگ کرانے کااعلان

    وفاقی وزیر نے آئندہ این اوسی کے لئے اوپن بڈنگ کرانے کااعلان کرتے ہوئے کہا رائٹ آف وےسےحاصل آمدن سےقومی خزانےکوکروڑوں کافائدہ ہو۔

  • جرمن سفیر کی مراد سعید سے ملاقات، پاکستان پوسٹ کی کارکردگی کو سراہا

    جرمن سفیر کی مراد سعید سے ملاقات، پاکستان پوسٹ کی کارکردگی کو سراہا

    اسلام آباد: پاکستان میں متعین جرمن سفیر مارٹن کوبلر نے وفاقی وزیر مواصلات مراد سعید سے ملاقات کی اور پاکستان پوسٹ کی نمایاں بہتری کو سراہا۔

    تفصیلات کے مطابق وفاقی وزیر برائے مواصلات مراد سعید سے مارٹن کوبلر کی ملاقات اسلام آباد میں ہوئی جس میں جرمن سفیر نے پاکستان پوسٹ کی جانب سےسروس کےمعیارمیں نمایاں بہتری پر تعریف کی۔

    مارٹن کوبلر کا کہنا تھا کہ پاکستان پوسٹ بہت تیزی سےبہتری کی جانب گامزن ہے، موجودہ حکومت کےاقدامات کےنتیجےمیں سروس کامعیاربہت بہترہوا، میں نے پاکستان پوسٹ کےذریعےبرلن میں اپنےاہل خانہ کوتحفہ بھجوایا۔

    جرمن سفیر کا کہنا تھا کہ تھا کہ اسلام آباد سے برلن بھیجا گیا تحفہ حیرت انگیز طور پر 7 روز اہل خانہ کو موصول ہوگیا، جس میں صرف 200 روپے خرچ ہوئے۔

    وفاقی وزیر مواصلات نے جرمن سفیر کا دفتر آنے پر شکریہ ادا کرتے ہوئے کہا کہ ’پاکستان پوسٹ قوم کا بہترین اثاثہ ہے، مارٹن کوبلر کی جانب سے تعاون کی پیش کش نہایت اہم ہے جس کی قدر کرتے ہیں‘۔

    مزید پڑھیں: پاکستان پوسٹ کی ساکھ میں بہتری، غیرملکی سفیر پاکستان پوسٹ استعمال کرنے لگے

    اُن کا کہنا تھا کہ جرمنی کی حکومت کے ساتھ تعاون کے لیے جامع منصوبہ بندی کریں گے۔

    یاد رہے کہ 8 روز قبل جرمن سفیر نے اپنے اہل خانہ کو تحفہ بھیجا تھا جس کی انہوں نے تصویر بھی سماجی رابطے کی ویب سائٹ پر شیئر کی تھی۔

    جرمن سفیر مارٹن کوبلر کا کہنا تھا کہ مجھے اس بات کی بہت خوشی ہے کہ پاکستان پوسٹ سامان کی ترسیل کا بااعتماد ادارہ بن چکا ہے، پاکستان پوسٹ کے ذریعے برلن میں موجود اہل خانہ کو تحفہ ارسال کیا ہے۔

    مارٹن کوبلر نے ڈاک خانے پر عمدہ سہولتوں اور دوستانہ ملازمین پر مراد سعید کا شکریہ ادا کرتے ہوئے اس کا سہرا وفاقی وزیر برائے مواصلات کو دیا تھا۔

    واضح رہے کہ گزشتہ سال نومبر میں وزیر مملکت برائے مواصلات مراد سعید نے ملک بھر میں ون ڈے ڈیلیوری سسٹم کا افتتاح کیا تھا، ان کا کہنا تھا کہ پاکستان پوسٹ تقریباً 10 ارب سالانہ خسارے میں رہا ہے، پاکستان پوسٹ میں بہت صلاحیت ہے، پوسٹ کے نظام میں بہتری کی ضرورت ہے۔

    یہ بھی پڑھیں: وزیر مملکت نے پاکستان پوسٹ کی ون ڈے ڈیلیوری سسٹم کا افتتاح 

    ان کا کہنا تھا کہ 50 ہزار روپے تک کی بھیجی گئی رقم گھر کے دروازے پر مل سکے گی۔ ون ڈے ڈیلیوری کی سہولت ابتدائی طور پر 25 شہروں میں ہوگی۔ الیکٹرانک منی آرڈر کی سہولت 80 شہروں میں دے رہے ہیں۔

    وزیر مملکت نے کہا کہ پوسٹل سروسز کو جدت کی نئی راہوں پر لے جانے کا فیصلہ کیا ہے، پاکستان بھر کے ڈاک خانوں کا معیار تبدیل کریں گے۔ 13 ہزار ڈاک خانوں کو جدید ترین پوسٹل سروسز کا مرکز بنائیں گے۔

  • اپوزیشن عوام کے ایشوز پر اکٹھی ہوتی تو بات سمجھ میں آتی: مراد سعید

    اپوزیشن عوام کے ایشوز پر اکٹھی ہوتی تو بات سمجھ میں آتی: مراد سعید

    اسلام آباد: وفاقی وزیر برائے مواصلات مراد سعید کا کہنا ہے کہ بلاول بھٹو اور ن لیگ کو مبارک باد پیش کرتا ہوں، جس نے کہا تھا گلیوں میں نہ گھسیٹا تو نام بدل دینا، آج دونوں ایک ساتھ ہیں۔ عوام کے ایشوز پر اکٹھے ہوتے تو بات سمجھ میں آتی۔

    تفصیلات کے مطابق وفاقی وزیر برائے مواصلات مراد سعید نے قومی اسمبلی کے اجلاس میں اظہار خیال کرتے ہوئے کہا کہ فاٹا کے ممبر کے نکات کی حمایت کرتا ہوں، فاٹا دہشت گردی سے متاثر رہا ہے، وہاں کے لوگ بہت کچھ دیکھ چکے۔ فاٹا ریفارمز کی تحریک کے دوران ہم بھی شانہ بشانہ کھڑے تھے۔

    مراد سعید نے کہا کہ اپوزیشن نے یہاں بیٹھ کر تالیاں بجائیں، این ایف سی میں فاٹا کے لوگوں کو ان کا حق دے دیں۔

    وفاقی وزیر کا کہنا تھا کہ بلاول بھٹو نے ایگزٹ کنٹرول لسٹ سے متعلق بات کی، انہوں نے سابق وزیر اعظم سے متعلق بھی بات کی۔ جس پر کیسز چل رہے تھے سابق وزیر اعظم نے اپنے جہاز میں اسے فرار کروایا۔

    انہوں نے کہا کہ جن کے بچوں کی جائیدادیں سامنے آئیں وہ بھی اب تک مفرور ہیں، ہم نے کبھی نہیں کہا کہ 18 ویں ترمیم ختم کرنا چاہتے ہیں، بجلی کی تقسیم سے متعلق فارمولہ تھا اس پر من و عن عمل کرتے۔

    مراد سعید کا کہنا تھا کہ ہم 18 ویں ترمیم کے حق میں ہیں، صوبوں کو ان کا حق دینے کے حق میں ہیں۔ نام نکالنے کا فیصلہ پسند ہے، سرکاری اسپتالوں کا فیصلہ پسند نہیں۔

    انہوں نے کہا کہ بلاول بھٹو اور ن لیگ کو مبارک باد پیش کرتا ہوں، جس نے کہا تھا گلیوں میں نہ گھسیٹا تو نام بدل دینا، آج دونوں ایک ساتھ ہیں۔

    وفاقی وزیر کا کہنا تھا کہ ڈھائی کروڑ بچوں کو اسکول لانے پر بات کرتے تو خوشی ہوتی، گزشتہ 2 ادوار میں لیا گیا بھاری قرضہ کہاں خرچ ہوا۔ عوام کے ایشوز پر اکٹھے ہوتے تو بات سمجھ میں آتی۔

    انہوں نے کہا کہ کسی پر جے آئی ٹی بنے تو آپ ریاست کو ڈائس پر کھڑے ہو کر نہیں لٹکا سکتے، ملک کو معاشی بحران سے نکالیں گے، پالیسیوں پر عمل ہو رہا ہے۔

  • ہر کیس کھلے گا، سب کو حساب دینا ہوگا: وفاقی وزیر مراد سعید

    ہر کیس کھلے گا، سب کو حساب دینا ہوگا: وفاقی وزیر مراد سعید

    اسلام آباد: وفاقی وزیر برائے مواصلات مراد سعید نے کہا ہے کہ جب بھی ان کے مقدمات کھلتے ہیں، یہ سب آپس میں مل جاتے ہیں.

    ان خیالات کا اظہار انھوں نے اسمبلی میں تقریر کرتے ہوئے کیا. مرادسعید کا کہنا تھا کہ آج اپوزیشن والوں‌ ملتے ہوئے اور مسکراتے ہوئے دیکھے گئے.

    وفاقی وزیر نے کہا کہ فالودے والے، رکشے والے کے اکاؤنٹس سے اربوں روپے ملے، اب کبھی سندھ، کبھی پنجاب کا نعرہ لگا کر وفاق کو کمزورکرنے کی باتیں ہوتی رہی ہیں، مگر ہر کیس کھلےگا، سب کو حساب دینا ہوگا، ان کی نظروں کے سامنے پاکستان ترقی کرے گا.

    مزید پڑھیں: ن لیگ اور پیپلز پارٹی مہمند ڈیم کو متنازع بنا رہی ہیں: فیصل واوڈا

    انھوں نے اپوزیشن لیڈر کی تقریر اور رویے پر تنقید کرتے ہوئے کہا کہ شہبازشریف گالم گلوچ کا الزام لگا کر چلے گئے، شہبازشریف نے بینر لگائےتھے سنڈےہویامنڈےروز کھاؤ 2انڈے، شہبازشریف نےخودمرغوں،انڈوں کےکاروبار کے لئے حمزہ شہباز کو آگے کیا، آج اس پر تنقید کر رہے ہیں۔

    مزید پڑھیں: مہمند ڈیم کے ٹھیکے سے متعلق پارلیمنٹ کی کمیٹی بنائی جائے ،شہبازشریف

    مراد سعید کا کہنا تھا کہ آج تو سابقہ وزیرخارجہ و بجلی نہ پانی خواجہ آصف نے بھی اسمبلی میں‌ بات کی، جو امریکا میں جاکر کالعدم تنظیموں کو تسلیم کرنے کی باتیں کرتے رہے، خواجہ آصف امریکا گئےتو ٹرمپ دھمکی پر پارلیمنٹ نےقرارداد پاس کی.

    ان کا کہنا ہے کہ ملک میں تاریخ کی سب سے زیادہ سرمایہ کاری لے کرآئیں گے، اپوزیشن لیڈرنے سوالات اٹھائے جوابات سننے کا وقت آگیا، تو پارلیمنٹ سے بھاگ گئے.

  • وزیراعظم کا وژن ہے بزنس کمیونٹی کیلئے آسانیاں پیداکرنی ہیں، وفاقی وزیر مرادسعید

    وزیراعظم کا وژن ہے بزنس کمیونٹی کیلئے آسانیاں پیداکرنی ہیں، وفاقی وزیر مرادسعید

    اسلام آباد: وفاقی وزیرپوسٹل اینڈسروسزمرادسعید کا کہنا ہے کہ وزیراعظم کا وژن ہے بزنس کمیونٹی کے لئے آسانیاں پیدا کرنی ہیں، اداروں کونقصان سے نکال کر منافع بخش بنانا چاہتے ہیں، یقین ہے انشااللہ ایک دن ہم سب پاکستان کو بدلیں گے۔

    تفصیلات کے مطابق وفاقی وزیرپوسٹل اینڈسروسزمرادسعید نے ایکسپورٹ پارسل سروس کی افتتاحی تقریب سے خطاب کرتے ہوئے وزیراعظم کاوژن ہے، بزنس کمیونٹی کے لئے آسانیاں پیدا کرنی ہیں، یاکستان میں پوسٹ کی کارکردگی کےاقدامات کررہےہیں، میں کہتاہوں پاکستان پوسٹ آپ کا دوست ہے۔

    مراد سعید کا کہنا تھا کہ اداروں کونقصان سے نکال کرمنافع بخش بناناچاہتے ہیں، پاکستان پوسٹ بھی خسارے میں جانےوالاادارہ ہے، ہم پاکستان پوسٹ کو خسارے سے نکالیں گے، پاکستان پوسٹ175 فیصد سستا پارسل پہنچاتا ہے۔

    [bs-quote quote=”اداروں کونقصان سےنکال کرمنافع بخش بناناچاہتے ہیں، یقین ہے انشااللہ ایک دن ہم سب پاکستان کو بدلیں گے” style=”style-6″ align=”left” author_name=”مراد سعید "][/bs-quote]

    وفاقی وزیر نے کہا پاکستان پوسٹ 72گھنٹےکی گارنٹڈ پوسٹل سروس دےگا، ہم پارسل کی بروقت ڈیلیوری کی ضمانت دے رہے ہیں ، ہم نے قدم آگے بڑھانا ہے اور پوسٹ آفس کے نظام کو عوام نے بہتر بنانا ہے۔

    ان کا کہنا تھا کہ پاکستان کے بچوں کیلئے اس ادارے کو مضبوط بنانا ہے، یقین ہے انشااللہ ایک دن ہم سب پاکستان کو بدلیں گے، ہم نجی شعبےکو متوجہ کرنا چاہتے ہیں۔

    مراد سعید نے کہا آن لائن سروس میں پک اپ سروس بھی متعارف کریں گے اور ایپ کو آسان بنانے کی کوسشش کریں گے، ائیر پورٹ پر جلد کسٹم کلیئرنس کیلئے ایک ڈیوٹی آفیسر تعینات کریں گے، فروری میں ای ایم ایس سروس کا دائرہ دنیا بھر میں پھیلایا جائے گا۔

    انہوں نے کہا کہ ملازمین سے بات کرتاہوں انہیں یقین ہے ہم ایک ٹیم ہیں، ای کامرس بہت بڑی مارکیٹ ہے اس میں ایک ارب 50 کروڑ ڈالر کی گنجائش ہے، ہم 25 جنوری تک پاکستان پوسٹ کی برانچوں میں 15 ہزار کا اضافہ کریں گے۔

  • وفاقی وزیر مرادسعید آج ایکسپورٹ پارسل سروس کا افتتاح کریں گے

    وفاقی وزیر مرادسعید آج ایکسپورٹ پارسل سروس کا افتتاح کریں گے

    اسلام آباد : وفاقی وزیرپوسٹل اینڈسروسزمرادسعید ایکسپورٹ پارسل سروس کا آج افتتاح کریں گے، جس کے بعد بیرون ملک بھیجےجانےوالے پارسل 72گھنٹے میں ڈیلیور ہوں گے، پہلے مرحلے میں سعودی عرب، یو اے ای، تھائی لینڈ، آسٹریلیا، جاپان اور برطانیہ شامل ہیں۔

    تفصیلات کے مطابق وفاقی حکومت نے پاکستان پوسٹ میں ایک اور انقلابی اقدام کرتے ہوئے بیرون ملک بھیجنےکے لیے ایکسپورٹ پارسل سروس شروع کرنے کا فیصلہ کیا ہے ، جس کے بعد بیرون ملک بھیجے جانے والے پارسل 72گھنٹے میں ڈیلیور ہوں گے اور پاکستان پوسٹ 72 گھنٹے میں پارسل کی ڈیلیوری کی گارنٹی دےگا۔

    پہلےمرحلے میں سعودی عرب، یو اے ای، تھائی لینڈ، آسٹریلیا، جاپان اور برطانیہ شامل ہیں جبکہ دوسرے مرحلے میں تھرڈ پارٹی کے ذریعے دنیا کے دیگر ممالک تک سروس ہوگی۔

    وفاقی وزیرپوسٹل اینڈسروسزمرادسعید ایکسپورٹ پارسل سروس کا باقاعدہ اعلان آج دوپہر 2بجےکریں گے۔

    مرادسعید کا کہنا ہے کہ ایکسپورٹ پارسل کی آزمائشی سروس کامیاب ہوچکی ہے اور پارسل کے چارجز دیگر نجی سروسز سے 5 گنا کم ہوں گے، آج سیالکوٹ، فیصل آباد اور لاہور سے سروس کا آغاز ہوگا۔

    وفاقی وزیر نے مزید کہا کہ خصوصی بکنگ پوائنٹس اورکلیکشن پوائنٹس بنادئیےگئےہیں، بیرون ملک پارسل بھیجنا ہوتوصارف کوگھربیٹھے سہولت ملےگی۔

    مزید پڑھیں : محکمہ ڈاک ایکسپورٹ پارسل کا انعقاد 14 جنوری سے کرے گا

    یاد رہے 28 دسمبر کو وزیر مواصلات مراد سعید نے پریس کانفرنس سے خطاب کرتے ہوئے کہا تھا محکمہ ڈاک ایکسپورٹ پارسل کا انعقاد 14 جنوری سے کرے گا، 15 جنوری سے ای کامرس کا آغاز کردیں گے اور 23 مارچ کو باقاعدہ لاجسٹک کی مارکیٹ میں جا رہے ہیں۔

    وفاقی وزیر کا کہنا تھا کہ ہم نے ایک دن میں ڈیلیوری کی سہولت چند شہروں میں دی، کوئی محکمہ ڈاک نہیں جاسکتا تو محکمے کے لوگ آپ کے گھر پہنچائیں گے، 10 روز میں ملک کے بڑے شہروں میں سروس لانچ کر رہے ہیں، تمام شکایات کو خود دیکھ رہا ہوں۔

    اس سے قبل نومبر 2018 میں  وزیر مملکت برائے مواصلات مراد سعید نے ملک بھر میں ون ڈے ڈیلیوری سسٹم کا افتتاح کیا تھا اور کہا تھا کہ  پاکستان پوسٹ کا عملہ 50 ہزار روپے تک کی بھیجی گئی رقم گھر کی دہلیز پر پہنچائے گا۔

    ان کا کہنا تھا کہ  ون ڈے ڈیلیوری کی سہولت ابتدائی طور پر 25 شہروں میں ہوگی جبکہ الیکٹرانک منی آرڈر کی سہولت 80 شہروں میں دے رہے ہیں۔

  • عجلت اور بغیر منصوبہ بندی درجنوں شاہراہیں بنائی گئیں: مراد سعید

    عجلت اور بغیر منصوبہ بندی درجنوں شاہراہیں بنائی گئیں: مراد سعید

    اسلام آباد: وفاقی وزیر مواصلات مراد سعید نے ناقص منصوبہ بندی پر اعلیٰ حکام پر برہمی کا اظہار کرتے ہوئے کہا کہ انتہائی عجلت اور بغیر منصوبہ بندی درجنوں شاہراہیں بنائی گئیں، کسی شاہراہ کو قابل استعمال بنانے کے لیے منصوبہ بندی نہیں کی گئی۔

    تفصیلات کے مطابق وفاقی وزیر مواصلات مراد سعید کی زیر صدارت نیشنل ہائی ویز اینڈ موٹر ویز حکام کا اجلاس منعقد ہوا۔ دوران اجلاس وزیر مواصلات ناقص منصوبہ بندی پر اعلیٰ حکام پر برہم ہوگئے۔

    مراد سعید کا کہنا تھا کہ انتہائی عجلت اور بغیر منصوبہ بندی درجنوں شاہراہیں بنائی گئیں، کسی شاہراہ کو قابل استعمال بنانے کے لیے منصوبہ بندی نہیں کی گئی۔

    وزیر مواصلات نے غیر ضروری گاڑیوں کی ڈیمانڈ کو پی سی ون سے نکالنے کا حکم دے دیا۔ انہوں نے کہا کہ صرف سڑک کافی نہیں، مواصلاتی نظام اور دیگر سہولتیں بھی دیکھیں۔

    انہوں نے کہا کہ گزشتہ حکومت کی تمام توجہ اور وسائل سڑکوں کی تعمیر میں جھونکے گئے، سڑکوں کو سفر کے قابل بنانے کے لیے 14 ہزار پولیس اہلکار درکار ہیں، گزشتہ حکومت کی متعارف بدترین روایات بدلنا ہوں گی۔

    مراد سعید نے ہدایت کی کہ آئندہ کسی بھی منصوبے کی تعمیر سے قبل منصوبہ بندی یقینی بنائیں۔

    خیال رہے کہ مراد سعید کو چند روز قبل ہی وزیر مملکت سے وفاقی وزیر کے عہدے پر تعینات کیا گیا تھا۔

    مراد سعید کے مطابق حکومت کے ابتدائی 100 روز میں وزارت مواصلات کے اخراجات میں 50 فیصد کمی کی گئی اور 46 کروڑ روپے کی ریکوری کر کے ریونیو میں 3 ارب 72 کروڑ روپے کا اضافہ کیا گیا۔