Tag: Murad Saeed

اسلام آباد: وفاقی وزیر مراد سعید نے بلاول بھٹو کے خطاب پر ردِ عمل ظاہر کرتے ہوئے کہا ہے کہ وہ اس بات کا جواب دیں کہ سب سے زیادہ غربت سندھ میں کیوں ہے، تھر میں ہر سال بھوک اور پیاس سے سیکڑوں بچے انتقال کر جاتے ہیں۔

تفصیلات کے مطابق وفاقی وزیر نے کہا کہ حادثاتی چیئرمین کو سمجھنا ہوگا عوام ووٹ دیتی ہے تو سیٹ ملتی ہے، جب زیادہ عوام زیادہ حلقوں میں ووٹ دے تو زیادہ سیٹیں ملتی ہیں، جب عوام میں شعور آتا ہے تو لاڑکانہ سے آپ کی سیاست کا خاتمہ ہوتا ہے، جب زیادہ شعور آتا ہے تو سندھ کی سیاست بھی خطرے میں پڑ جاتی ہے۔

مراد سعید نے کہا کہ پرچی لہرا کے سیاست میں آنے والے کو عوام اور ان کے مسائل کا کیا علم، ان کا رونا ابو کے لیے ہے، عوام کا لوٹا ہوا پیسا واپس دے دو ابو لے لو، اس بات کا جواب دیں کہ سب سے زیادہ بچے سندھ میں کیوں تعلیم سے محروم ہیں، سندھ کی ترقی کا پیسا آپ کے ابو نے جعلی اکاؤنٹ میں ڈالا۔

یہ بھی پڑھیں:  کسی دباؤ میں آکر جمہوریت پر سمجھوتہ نہیں کریں گے، بلاول بھٹو زرداری

ان کا کہنا تھا صحیح احتساب ہو تو آکسفورڈ کی فیس بھی واپس کرنی پڑے گی، عمران خان نے ملک میں غربت کے خاتمے کا پروگرام احساس شروع کیا، ہر پاکستانی کے مفت علاج کے لیے صحت انصاف کارڈ کا آغاز کیا، سڑکوں پر سونے والوں کو اٹھا کر مہمان خانے لے آئے۔

مراد سعید نے مزید کہا آپ کے ابو امریکا سے این آر او مانگنے جاتے اور جواب میں ڈومور کا مطالبہ لے آتے، عمران خان نے ملک کا مقدمہ آنکھوں میں آنکھیں ڈال کر لڑا، کرپشن سے ڈوبی معیشت کو آئی سی یو سے نکال کر سنبھالا دیا، پاکستان کی پوزیشن کاروبار کے مواقع کی آسانی میں 28 درجے بہتر ہوئی۔

انھوں نے کہا کہ عمران خان کشمیر کا سفیر بنا تو 54 سال بعد یو این میں کشمیر پر بحث ہوئی، آج عمران خان کی وجہ سے کشمیر عالمی ایشو بن چکا ہے، انشاء اللہ پاکستان کو مدینے کی ریاست بنانے کا خواب پورا ہوگا۔

اسلام آباد : وزیرمواصلات مراد سعید نے کہا ہے کہ ہم نے سب سے پہلے خود سے احتساب شروع کیااور وزارت سنبھالنے کے بعد کرپشن بے نقاب کرکے 10ارب ریکور کئے، ریاست کا ایک ایک پیسہ بچانے کی جتنی کوشش کرسکتا ہوں کررہا ہوں۔

تفصیلات کے مطابق وزیرمواصلات مراد سعید نے تقریب سے خطاب کرتے ہوئے کہا آئی جی موٹروے اور افسران کو مبارکباد دیتا ہوں، آپ لوگوں کی وجہ سے آج ادارہ فعال ہے، این ایچ اے اور موٹر وے پولیس نے محدود وسائل میں کام کیا، جتنے بھی موٹر ویز بن رہے ہیں ان پر نئی بھرتیوں شروع ہوگئیں ہیں۔

مراد سعید کا کہنا تھا کہ گزشتہ دورمیں سی پیک کے تحت 510کلو میٹر سڑک کا آغاز ہوا تھا، اب ہم 1275 کلومیٹر سڑکوں کا آغاز کرنے جارہےہیں، حکومت میں آئے تو تمام ادارے خسارے میں تھے ، مغربی روٹ اب خواب اوروعدہ نہیں حقیقت ہے، سی پیک اب آہستہ آہستہ آگے جارہاہے۔

وفاقی وزیر نے کہا کہ این ایچ اے اپنے پیسے سے سڑکیں بنائے گا، بجٹ سے پیسہ نہیں لے گا، ادارے بحالی اور بہتری کی جانب جارہے ہیں، قوم کو فائدہ ہوگا، 2018 میں جب حکومت بنی تو ملک 24 ہزار ارب قرضے میں تھا، ہر ادارہ گروی رکھوا دیا گیا تھا تو ملک کیسے ترقی کرے گا۔

مزید پڑھیں : حادثاتی چیئرمین دکھڑا والد کا سناتے ہیں، دھمکیاں ہمیں دیتے ہیں، مراد سعید

ان کا کہنا تھا کہ ایسا نظام لیکر آرہے ہیں، جس سے آپ کیلئے آسانیاں پیداہوں، امپورٹ بہت زیادہ تھی ،ایکسپورٹ نہ ہونے کے برابر تھی، مشکل مرحلہ گزر گیا اب ایکسپورٹ بڑھ رہی ہے، ملک میں اب آمدنی کاپیسہ قوم پرلگےگا۔

مراد سعید نے کہا کہ وزارت سنبھالنے کے بعد کرپشن بےنقاب کرکے10ارب ریکور کئے، ہم نےسب سےپہلےخودسےاحتساب شروع کیا، ریاست کا ایک ایک پیسہ بچانے کی جتنی کوشش کرسکتا ہوں کررہا ہوں، ایم ایل ون شروع ہوگاتوآپکی ترقی کی رفتار میں تیزی آجائےگی۔

وفاقی وزیرمواصلات کا کہنا تھا کہ وزیراعظم عمران خان اپنےگھرمیں رہ رہےہیں، بنی گالہ کی سڑک بھی وزیراعظم نےاپنےپیسوں سےبنوائی، نوجوانوں کو موٹر وے پولیس میں معیاری سہولتیں ملیں گی۔

انھوں نے مزید کہا کوئی بھوکا نہیں سوئے گا تو یہی فلاحی ریاست کہلاتی ہے، اگر کوئی کتا بھی بھوکا مرجائے تو ریاست ذمہ دارہوتی ہے، لنگرخانے کھل رہے ہیں تو فخرکریں تنقید کے بجائے سراہنا چاہئے۔