ARYNews.tv | Urdu – Har Lamha Bakhabar

Tag: Murad Saeed

  • شہدا کے ساتھ کھڑا ہونے کے بجائے حادثاتی چیئرمین فسادیوں کے ساتھ کھڑا ہے: مراد سعید

    شہدا کے ساتھ کھڑا ہونے کے بجائے حادثاتی چیئرمین فسادیوں کے ساتھ کھڑا ہے: مراد سعید

    اسلام آباد: وفاقی وزیر مراد سعید نے کہا ہے کہ شہدا کے ساتھ کھڑا ہونےکے بجائےحادثاتی چیئرمین فسادیوں کے ساتھ کھڑا ہے.

    ان خیالات کا اظہار مراد سعید نے پیپلز پارٹی کے چیئرمین بلاول بھٹو کے خطاب پر ردعمل دیتے ہوئے کیا.

    انھوں نے کہا، سوچا تھا، پرچی والا چیئرمین اپنے والد کے سیاہ کارناموں پر معافی مانگے گا، قبائلی عوام سے سچ بولے گا، مگر ایسا نہیں‌ ہوا، چارسدہ کا جلسہ حادثاتی چیئرمین کے لئے سیاسی شرمندگی کا سامان کر گیا.

    مراد سعید نے کہا کہ حکومت162ارب ضم شدہ اضلاع کی تعمیر و ترقی پرصرف کرنے جا رہی ہے، حادثاتی چیئرمین کی جماعت نے چھ بار آئی ایم ایف کی دہلیز پر سجدہ کیا، حادثاتی چیئرمین اپنے والد کے جرائم پر شرمندہ کیوں نہیں ہوتا.

    انھوں نے کہا کہ حادثاتی چیئرمین پاناما کوئین کا اتحادی، ڈرگ لارڈ کا وکیل بن گیا، پختونخوا کے عوام کا سیاسی شعور دیگر حصوں سے سب سے زیادہ ہے، وہاں کے عوام نے حادثاتی چیئرمین کے والد کی سیاست، کرپشن دریا برد کر دی، حادثاتی چیئرمین فاٹا انضمام کے مخالف مولوی کے ہاتھ پربیعت کرچکا ہے.

    مزید پڑھیں: قبائلی علاقوں کی تاریخ میں سب سے زیادہ پیسا آصف زرداری دور میں دیا گیا: بلاول بھٹو

    عوام جانتے ہیں کہ پی پی پی نے سندھ کوایڈز جیسی جان لیوا بیماری کاگڑھ بنا دیا، پی پی نے تھر کو موت کی وادی، کراچی کو کوڑے کا ڈھیر بنا ڈالا، پی پی کے کرتوتوں پرسپریم کورٹ کہنے پرمجبورہوگئی ہے کہ سندھ کرپٹ ترین صوبہ ہے

    انھوں نے کہا کہ جتنا مرضی شور مچائیں چوروں، منشیات کا دھندہ کرنے والوں سے رعایت نہیں ہوگی، کراچی سے خیبر تک سیاست، حکومت اور معیشت آلودہ کرنے والوں کا محاسبہ کریں گے.

  • مراد سعید کی پیپلز پارٹی پر کڑی تنقید، اوباما اور کونڈولیزا رائس کی کتابیں‌ بہ طور ثبوت پیش کر دیں

    مراد سعید کی پیپلز پارٹی پر کڑی تنقید، اوباما اور کونڈولیزا رائس کی کتابیں‌ بہ طور ثبوت پیش کر دیں

    اسلام آباد: وفاقی وزیر برائے مواصلات مراد سعید نے قومی اسمبلی میں دھواں دار تقریر کرتے پیپلز پارٹی کو شدید تنقید کا نشانہ بنایا.

    تفصیلات کے مطابق مراد سعید نے اپنے موقف کے ثبوت میں سابق صدر باراک اوباما اور سابق امریکی وزیر خارجہ کونڈو لیزا رائس کی کتاب پیش کر دی.

    مراد سعید نے کہا کہ پیپلز پارٹی والے تو این آراو کے لئے امریکا کے بھی پاؤں پڑے گئے. بے نظیربھٹونے امریکی حکام سےکہا کرپشن کے چارجز سے نجات دلائیں اور ہمیں دوبارہ وزیراعظم بنا دیں.

    انھوں نے دونوں کتابوں سے حوالے دیتے ہوئے کہا کہ جب یہ ڈیل کرلیتے ہیں تو پھرانھیں امریکا کی بات بھی ماننا پڑتی ہے۔

    مزید پڑھیں:ؒ مولانا نوکری کی تلاش میں زرداری کے فرزند کے پاس گئے: مراد سعید کا پریس کانفرنس پر ردِ عمل

    زرداری صاحب نےسی آئی اےکے ڈائریکٹرسےملاقاتیں کیں، جن میں حسین حقانی بھی ساتھ تھا، جو آج بھی پاکستان کے خلاف زہراگل رہاہے۔

    مراد سعید نے الزام لگایا کہ آصف علی زرداری نے امریکی سفیرسے کہا، آپ ڈرون گراتے جائیں، ہم تشویش کر کے سوجائیں گے۔

    انھوں نے کہا کہ نوازشریف بیمارہوتے ہیں توسرکاری خزانے سے تین لاکھ ستائیس ہزارڈالرخرچ ہوتے ہیں‌، خصوصی طیارے نوازشریف کا انتظار کرتے ہیں، اس پر بھی عوام کا پیسہ ہی خرچ ہوتا تھا.

  • احسن اقبال کی پاکستان پوسٹ میں بہتر کارکردگی کاکریڈٹ لینےکی کوشش، مراد سعیدکا جوابی وار

    احسن اقبال کی پاکستان پوسٹ میں بہتر کارکردگی کاکریڈٹ لینےکی کوشش، مراد سعیدکا جوابی وار

    اسلام آباد : مسلم لیگ ن کے رہنما احسن اقبال کی پاکستان پوسٹ میں بہترکارکردگی کاکریڈٹ لینےکی کوشش میں مرادسعید نے جوابی وار کرتے ہوئے پوسٹل سروسزمیں حالیہ اقدامات کی رپورٹ جاری کردی۔

    تفصیلات کے مطابق مسلم لیگ ن کے رہنما احسن اقبال نے چند ماہ میں شروع منصوبوں کو لیگی حکومت کاایجنڈاقرار دے دیا اور پاکستان پوسٹ میں بہترکارکردگی کاکریڈٹ لینےکی کوشش کی۔

    جس پر وزیر مواصلات مراد سعید نے جواب دیتے ہوئے پاکستان پوسٹ میں ترقی کیلئے حالیہ انقلابی اقدامات کی رپورٹ جاری کردی ، جس میں بتایا گیا پوسٹل کے فرسودہ نظام کوجدیدٹیکنالوجی میں بدلنےکافیصلہ کیاتھا، لیگی دور میں پوسٹ کا سالانہ خسارہ 12 ارب سے تجاوز کر چکا تھا۔

    رپورٹ میں کہا گیا موجودہ حکومت نے خسارے کے بجائے 624 کروڑ کا ریونیو بڑھایا، پاکستان پوسٹ میں ای کامرس کا آغاز صرف3 ماہ پہلے ہوا، مفت ترسیلات  زر بھیجنے کی سہولت 2 ہفتے پہلے شروع ہوئی۔

    جاری رپورٹ کے مطابق ون ڈے ڈیلیوری اور الیکٹرانک منی آرڈر کی سہولت شروع کی گئی، موبائل ایپ کاآغازمرادسعیدکی وزارت کےدوسرےماہ میں ہوا، پاکستان  پوسٹ کےتمام ریسٹ ہاؤسزکھولنےکافیصلہ بھی گزشتہ ماہ ہوا۔

    مرادسعید کا کہنا تھا بیرون ملک پارسل کی سہولت لیگی دورحکومت میں کیوں نہ دی گئی، حالیہ شروع منصوبوں کا لیگی حکومت کے ایجنڈے سے تعلق نہیں، منصوبوں کا آغاز، سوچ اور بنیاد موجودہ حکومت نے ڈالی۔

    مزید پڑھیں : احسن اقبال سے کہتا ہوں آپ کے گھبرانے کا وقت آچکا ہے، مراد سعید

    یاد رہے چند روز قبل وزیر برائے مواصلات مراد سعید نے پریس کانفرنس کرتے ہوئے کہا تھا  کہ ملک کا بچہ بچہ کہہ رہا ہے پاکستان کو لوٹنے والوں کا احتساب کیا جائے، احسن اقبال سے کہتا ہوں آپ کے گھبرانے کا وقت آچکا ہے، کرپشن کے خاتمے تک ترقی کی منازل طے نہیں کی جا سکتی۔

    ان کا کہنا تھا عمران خان کی قیادت میں کرپشن کا خاتمہ کریں گے، جس جس نے ملک لوٹا اس سے پیسہ واپس نکالیں گے، احسن اقبال کے کیس سے آغاز کر دیا ہے۔ احسن اقبال وزیر منصوبہ بندی ہو کر وزیر مواصلات کی جگہ دستخط کرتے رہے۔

    وفاقی وزیر کا کہنا تھا کہ ملک لوٹنے اور معاشی بدحالی کا شکار کرنے والوں کا حساب ہونا چاہیئے، صرف پکڑ دھکڑ نہیں ہوگی بلکہ وصولی بھی کریں گے۔

  • نیشنل ہائی وے اتھارٹی میں ساڑھے 11، پوسٹل سروس کا 6 ارب ریونیو بڑھایا: مراد سعید

    نیشنل ہائی وے اتھارٹی میں ساڑھے 11، پوسٹل سروس کا 6 ارب ریونیو بڑھایا: مراد سعید

    اسلام آباد: وفاقی وزیر برائے مواصلات مراد سعید کا کہنا ہے کہ وزیر اعظم کے کہنے پر ہم نے ریونیو بڑھائے۔ نیشنل ہائی وے اتھارٹی میں ساڑھے 11 اور پوسٹل سروس کا 6 ارب ریونیو بڑھایا۔

    تفصیلات کے مطابق وفاقی وزیر برائے مواصلات مراد سعید نے پریس کانفرنس کرتے ہوئے کہا کہ ملک کا بچہ بچہ کہہ رہا ہے پاکستان کو لوٹنے والوں کا احتساب کیا جائے، احسن اقبال سے کہتا ہوں آپ کے گھبرانے کا وقت آچکا ہے۔ کرپشن کے خاتمے تک ترقی کی منازل طے نہیں کی جا سکتی۔

    مراد سعید نے کہا کہ وزارت مواصلات کے اخراجات میں نمایاں کمی لائے، ملک کے دیگر اداروں کے اخراجات میں بھی کمی لائیں گے۔ ملک میں 50 فیصد آبادی غربت کی لکیر سے نیچے زندگی گزار رہی ہے۔ ملک میں ڈھائی کروڑ بچہ اسکول جانے سے محروم ہے۔

    انہوں نے کہا کہ عمران خان کی قیادت میں کرپشن کا خاتمہ کریں گے، جس جس نے ملک لوٹا اس سے پیسہ واپس نکالیں گے۔ احسن اقبال کے کیس سے آغاز کر دیا ہے۔ احسن اقبال وزیر منصوبہ بندی ہو کر وزیر مواصلات کی جگہ دستخط کرتے رہے۔

    وفاقی وزیر کا کہنا تھا کہ میرے زیر استعمال کوئی گاڑی نہیں، احسن اقبال سے 5 سوال پوچھے انہوں نے جواب نہیں دیا۔ کمیشن میں ارکان 10 سال کے قرض کا کھرا نکالیں گے۔ ملک لوٹنے اور معاشی بدحالی کا شکار کرنے والوں کا حساب ہونا چاہیئے، صرف پکڑ دھکڑ نہیں ہوگی بلکہ وصولی بھی کریں گے۔

    انہوں نے کہا کہ ہماری منسٹری میں انٹرٹینمنٹ بھی ختم کردی گئی ہے۔ ہم نے ای بڈنگ کا سلسلہ شروع کردیا، قرضوں پر کمیشن کا بننا ہمارے منشور میں شامل ہے، نیشنل ہائی وے سے 4 سو 30 کروڑ روپے وصول کر چکے ہیں۔ وصولی وزارت مواصلات کمیشن میں ایک ہفتے میں جمع کروائیں گے۔

    وفاقی وزیر کا کہنا تھا کہ ہم نے بھرپور کوشش کی کہ وزیر اعظم کے ہر اعلان پر عمل کریں۔ وزیر اعظم نے کہا کہ ریونیو بڑھائیں گے تو ہم نے ریونیو بڑھائے۔ این ایچ اے میں ساڑھے 11 اور پوسٹل سروس کے ریونیو 6 ارب بڑھائے۔ لیاری ایکسپریس وے میں 34 کروڑ کی وصولی کی۔

  • وفاقی وزیر مرادسعید کی ایک اور بڑی کامیابی

    وفاقی وزیر مرادسعید کی ایک اور بڑی کامیابی

    اسلام آباد :مرادسعید نے وزارت پوسٹل اور مواصلات میں ریکارڈ ریونیوحاصل کرلیا ، وزارت مواصلات کا ریونیو 11 ارب 48 کروڑ سے بھی تجاوز کر گیا۔

    تفصیلات کے مطابق وفاقی وزیرمرادسعید کو ایک اور بڑی کامیابی مل گئی ، مرادسعید نے زیر انتظام دونوں وزارتوں میں ریکارڈریونیوحاصل کرلیا، وزارت پوسٹل کے بعد مواصلات میں بھی اربوں روپے کی آمدن حاصل کی ۔

    وزارت مواصلات کا ریونیو11 ارب 48کروڑ سے بھی تجاوز کرگیا ہے۔

    وفاقی وزیر نے ادارے میں بدعنوانی اور کرپشن کے خلاف کریک ڈاؤن کیا اور احتساب کےعمل سے400 کروڑ روپے سے زائد کی ریکوری کرلی، بے ضابطگیوں کی تحقیقات کے لئے نیب اور ایف آئی اے سے مدد لی گئی۔

    نیب اور ایف آئی اے کو تمام کیسز کا ریکارڈ اور دستاویزمہیاکئےگئےہیں، 4 مزیدپروجیکٹ کا آڈٹ مکمل کرلیا گیا ہے اور ریکوری کاعمل شروع کیا تھا۔

    این ایچ اے کو اپنے پاؤں پر کھڑا کرنے کے لئے بزنس پلان بھی تیار ہے اور تمام شاہراہوں کی جی آئی ایس میپنگ پر کام تیزی سے جاری ہے جبکہ ای بڈنگ، ای ٹینڈرنگ، ای بلنگ کا عمل بھی آخری مراحل میں ہیں۔

    مزید پڑھیں : رواں سال پاکستان پوسٹ کا ریوینو 8 ارب سے بڑھ کر 14 بلین ہوگیا، مراد سعید

    یاد رہے مراد سعید نے بتایا تھا پاکستان پوسٹ کا گذشتہ سال اپریل کے ماہ تک کا ریونیو 8 ارب تھا، رواں سال پاکستان پوسٹ کا ریونیو اپریل تک 14 ارب ہو گیا ہے۔ پاکستان پوسٹ نے اپریل تک600 کروڑ کا اضافہ کرلیا ہے۔

    فروری میں مراد سعید نے دونوں وزارتوں میں ملکی تاریخ کا تیز ترین ریکارڈ ریونیو حاصل کیا تھا، وزارت مواصلات کا ریونیو 4 ماہ میں 9 ارب 54 کروڑ روپے تک جا پہنچا تھا۔

    ارجنٹ میل اورسیم ڈے ڈیلیوری سروس بھی ریونیو میں اضافے کی بڑی وجہ ہے ، سروسز کے آغازکےچند دن میں پاکستان پوسٹ کو ایک ارب 17 کروڑ کی آمدن ہوئی تھی۔

    واضح رہے تحریک انصاف کی حکومت کے 100 دن پورے ہونے پر وزیر اعظم عمران خان کی زیر صدارت ہونے والے وفاقی کابینہ کے خصوصی اجلاس میں وزراء کی کارکردگی کا جائزہ لیا گیا تھا، جس میں وزیر مملکت مراد سعید کی کارکردگی متاثر کن رہی تھی۔

    مراد سعید نے 100 روز میں وزارت مواصلات کے اخراجات میں 50 فیصد کمی کی تھی اور 46 کروڑ روپے کی ریکوری کر کے ریونیو میں 3 ارب 72 کروڑ روپے کا اضافہ کیا تھا۔

    بعد ازاں وزیر اعظم عمران خان نے مراد سعید کو وفاقی وزیر بنانے کا فیصلہ کیا تھا۔

  • نوازشریف کے جیل جانےمیں عمران خان کاکردارنہیں ، مراد سعید

    نوازشریف کے جیل جانےمیں عمران خان کاکردارنہیں ، مراد سعید

    اسلام آباد : وزیرمواصلات مرادسعید نے کہا نوازشریف کے جیل جانےمیں عمران خان کاکردارنہیں،نوازشریف کی قید میں اولاد ، پرویز رشید جیسے مشیروں کا کردار ہے، منطق مانی جائےتونوازشریف کوشاہدخاقان نےجیل میں ڈالا۔

    تفصیلات کے مطابق وزیرمواصلات مرادسعید کا کہنا ہے کہ مجرم کوسیاسی رہنماپیش کرنےکی کوشش میں ناکامی ہی ملےگی، پرویز رشید روز اول سےکسی غلط فہمی کاشکارہیں، قوم نوازشریف کی وارداتوں سےغافل نہیں۔

    وزفاقی وزیر کا کہنا تھا نوازشریف کےجیل جانےمیں عمران خان کاکردارنہیں،نوازشریف کی قید میں اولاد ، پرویز رشید جیسے مشیروں کا کردار ہے، چوری اس وقت پکڑی گئی جب وہ خودمطلق العنان وزیراعظم تھے۔

    منطق مانی جائےتونوازشریف کوشاہدخاقان نےجیل میں ڈالا

    مراد سعید کہا نوازشریف پرسارامقدمہ خودمسلم لیگ ن کےدوراقتدارمیں چلا، منطق مانی جائےتونوازشریف کوشاہدخاقان نےجیل میں ڈالا، ڈان لیکس کےموجدبتائیں عمران خان نےنوازپرکون سا مقدمہ کیا۔

    ان کا کہنا تھا شریف برادران کی جرات وبہادری کامظاہرہ قوم دیکھ رہی ہے، نکے بابو پہلے ہی پتلی گلی سے نکل چکے ہیں اور بڑے میاں بیماری کی آڑمیں فرارکی راہیں تلاش کررہے ہیں۔

    نکے بابو پہلے ہی پتلی گلی سے نکل چکے ہیں اور بڑے میاں بیماری کی آڑمیں فرارکی راہیں تلاش کررہے ہیں

    وزیرمواصلات نے کہا شعبہ ہائےزندگی کیطرح سیاست کی تطہیرکاعمل بھی جاری ہے، جھوٹ، مکاری کےبجائےقوم اصول،نظریےکی سیاست چاہتی ہے۔

    مزید پڑھیں: میاں صاحب کی کرپشن آج پوری دنیا کے لیے نشان عبرت بن چکی ہے، مراد سعید

    یاد رہے چند روز قبل مراد سعید نے کہا تھا کہ میاں صاحب کی سیاست جھوٹ، فراڈ، دھوکا دہی سے عبارت ہے، حضور یہ ہیں وہ ذرائع سے لے کر بیماری کے ڈرامے تک ہر تماشا فلاپ ہوا۔

    ان کا کہنا تھا میاں صاحب کی کرپشن آج پوری دنیا کے لیے نشان عبرت بن چکی ہے، بیماری کی آڑ میں ملک سے بھاگنے کی کوشش ناکام ہوئی ہے۔

  • جلدپوری دنیا میں میڈ ان پاکستان پروڈکٹس پروجیکٹ کا آغاز کیا جائے گا، مراد سعید

    جلدپوری دنیا میں میڈ ان پاکستان پروڈکٹس پروجیکٹ کا آغاز کیا جائے گا، مراد سعید

    اسلام آباد: وفاقی وزیر مواصلات مراد سعید نے کہا پاکستان پوسٹ کاریوینو آٹھ ارب سے بڑھ کر چودہ ارب ہوگیا ہے، جلدپوری دنیامیں میڈ ان پاکستان پروڈکٹس پروجیکٹ کا آغاز کیا جائے گا۔

    تفصیلات کے مطابق وفاقی وزیر مواصلات مراد سعید نے اپنے بیان میں کہا عمران خان کی قیادت میں ملکی ادارے بہتر ہونے لگے، پاکستان پوسٹ کاگزشتہ سال اس وقت تک ریوینو8ارب تھا اور رواں سال پاکستان پوسٹ کا اپریل تک ریوینو 14 بلین ہوگیا۔

    مراد سعید کا کہنا تھا پاکستان پوسٹ نے اپریل تک600 کروڑ کا اضافہ کرلیا، تمام اداروں کوخسارے سے نکال کرمنافع بخش بنائیں گے۔

    وزیر مواصلات نے کہا پاکستان پوسٹ جلدلاجسٹک سیکٹرمیں انقلاب برپا کرے گا، بزنس بڑھنے سے ریلوے سے مزید بوگیاں بھی مانگ لی ہیں، سامان زیادہ ہونے سے مزیدبوگیاں درکار ہیں۔

    ان کا مزید کہنا تھا جلدپوری دنیامیں میڈ ان پاکستان پروڈکٹس پروجیکٹ کاآغازکیاجائے گا۔

    مزید پڑھیں : میڈ اِن پاکستان برانڈ کو آئندہ 6 ماہ میں پوری دنیا میں متعارف کرائیں گے، مراد سعید

    یاد رہے چند روز قبل وزیر مواصلات مراد سعید نے کہا تھا وزیراعظم عمران خان پہلے ہی اعلان کرچکے ہیں کہ ملکی معیشت کو ترقی کی راہ پر گامزن کرنے لیے کرپشن کا مکمل خاتمہ کیا جائے گا، حکومت اداروں کو مزید مستحکم اور سیاست سے پاک کرنے کی کوششیں کررہی ہے۔

    مراد سعید کا کہنا تھا پاکستان پوسٹل ای کامرس سے 614 برانڈ کو متعارف کرارہا ہے، میڈ اِن پاکستان برانڈ کو آئندہ 6 ماہ میں متعارف کرائیں گے، پاکستان پوسٹ میں سیاست کی وجہ سے 52 ارب روپے خسارے میں ہے، ہر سال 13 ارب روپے کا خسارہ ہورہا ہے، پوسٹل سروس کو جدید تقاضوں سے ہم آہنگ کرنے سے کارکردگی بہتر ہوئی ہے۔

    انہوں نے کہا تھا کہ وزیراعظم عمران خان خود احتسابی پر یقین رکھتے ہیں، لوٹی دولت واپس لائیں گے اور قوم پر لگائیں گے۔

  • ایک پرچی لہرا کر آگئے اور چیئرمین بن گئے، کیا یہ مذاق ہے؟ مراد سعید

    ایک پرچی لہرا کر آگئے اور چیئرمین بن گئے، کیا یہ مذاق ہے؟ مراد سعید

    اسلام آباد: وفاقی وزیر مواصلات مراد سعید کا کہنا ہے کہ سندھ کی بات کرو تو اپوزیشن شور شرابہ کرتی ہے، ایک پرچی لہرا کر آگئے اور چیئرمین بن گئے، کیا یہ مذاق ہے؟

    تفصیلات کے مطابق قومی اسمبلی کے اجلاس میں وفاقی وزیر مواصلات مراد سعید کی تقریر کے دوران اپوزیشن نے ہنگامہ کھڑا کردیا۔ اپوزیشن ارکان اسپیکر کے ڈائس کے گرد کھڑے ہوگئے جبکہ شور شرابے سے مراد سعید کو تقریر بھی نہ کرنے دی گئی۔

    مراد سعید نے اپوزیشن پر تنقید کرتے ہوئے کہا کہ لمبی تقریریں کرتے ہیں جب جواب کا وقت آتا ہے تو سننے کی ہمت نہیں ہوتی۔ آج لاڑکانہ سے رکن قومی اسمبلی نے گفتگو کی ہے۔ میں سمجھتا تھا بلاول بھٹو لاڑکانہ میں ایڈز پر بات کریں گے لیکن بلاول نے اس کا ذکر تک نہ کیا۔

    انہوں نے کہا کہ کراچی کے اسپتالوں میں غلط انجیکشن سے بچے مر رہے ہیں، آج ہمیں اپوزیشن سے اس کے بارے میں سوال کرنا تھا لیکن انہوں نے ہنگامہ کھڑا کردیا ہے۔

    مراد سعید نے کہا کہ تھر میں بھوک سے لوگ مر رہے ہیں، ان سے پوچھا جائے تو فالودے والے اور پکوڑے والے سے پیسہ نکلتا ہے۔ ایان علی اور بلاول بھٹو کو ایک ہی اکاؤنٹ سے پیسہ گیا ہے۔

    انہوں نے کہا کہ راؤ انوار ان کا بہادر بچہ ہے، سندھ کے لوگوں کے ساتھ ظلم ہو رہا ہے۔ قرضہ 6 ہزار سے 30 ہزار ارب تک پہنچ گیا پوچھا جائے پیسہ کہاں خرچ ہوا۔ اسٹیٹ بینک رپورٹ کے مطابق سب سے زیادہ غربت سندھ میں ہے۔

    مراد سعید کا کہنا تھا کہ لاڑکانہ میں ایڈز اور تھر میں بچوں کی اموات کا جواب کون دے گا۔ آصف زرداری کے بیرون ملک موجود محل اور سوئس اکاؤنٹس میں پیسہ ہے۔ ہمیں پتہ تھا سندھ کی بات کریں گے تو یہ شور شرابہ کریں گے۔

    وفاقی وزیر نے پیپلز پارٹی کے چیئرمین بلاول بھٹو پر کڑی تنقید کرتے ہوئے کہا کہ ان کی قابلیت کیا ہے ان کو کیا سمجھ ہے انہوں نے دیکھا کیا ہے، ’ایک پرچی لہرا کر آگیا اور چیئرمین بن گیا کیا یہ مذاق ہے۔ ایان علی اور بلاول بھٹو کو ایک ہی جگہ سے پیسہ آتا ہے یہ ہمارا قصور نہیں۔ اپوزیشن والے ایک ایک گھنٹہ تقریر کرتے ہیں اور پھر چلے جاتے ہیں‘۔

    مراد سعید کی تقریر کے دوران اسپیکر اپوزیشن ارکان کو خاموش ہونے اور انہیں اپنی جگہ پر بیٹھنے کا کہتے رہے لیکن ارکان ٹس سے مس نہ ہوئے۔ اسپیکر نے قومی اسمبلی کے اجلاس میں 10 منٹ کا وقفہ کردیا۔

  • حکومت پاکستان کو فلاحی ریاست بنانے کے لیے پُرعزم ہے، مراد سعید

    حکومت پاکستان کو فلاحی ریاست بنانے کے لیے پُرعزم ہے، مراد سعید

    اسلام آباد: وفاقی وزیر مواصلات مراد سعید نے کہا کہ حکومت اداروں کو مزید مستحکم اور سیاست سے پاک کرنے کی کوششیں کررہی ہے۔

    تفصیلات کے مطابق وفاقی وزیر برائے مواصلات مراد سعید کا کہنا ہے کہ حکومت پاکستان کو فلاحی ریاست بنانے کے لیے پُرعزم ہے۔

    انہوں نے کہا کہ وزیراعظم عمران خان پہلے ہی اعلان کرچکے ہیں کہ ملکی معیشت کو ترقی کی راہ پر گامزن کرنے لیے کرپشن کا مکمل خاتمہ کیا جائے گا۔

    مراد سعید نے کہا کہ حکومت اداروں کو مزید مستحکم اور سیاست سے پاک کرنے کی کوششیں کررہی ہے۔

    یاد رہے کہ یکم مئی کو پاکستان تحریک انصاف کے 23 ویں یوم تاسیس پر اسلام آباد میں تقریب سے خطاب کرتے ہوئے وزیراعظم عمران خان کا کہنا تھا کہ احساس پروگرام غربت کے خاتمے کے لیے تحریک انصاف کی حکومت کا ایک تاریخی پروگرام ہوگا۔

    وزیراعظم عمران خان کا کہنا تھا کہ وہ مدینہ کی اسلامی ریاست کی طرز پر ملک کو ترقی اور خوشحالی کی راہ پر گامزن کریں گے۔

  • شہباز شریف رفو چکر ہوگئے: مراد سعید

    شہباز شریف رفو چکر ہوگئے: مراد سعید

    اسلام آباد: وفاقی وزیر برائے مواصلات مراد سعید نے کہا ہے کہ آدھی شریف فیملی پہلے ہی بیرون ملک ہے، اب شہباز شریف بھی رفو چکر ہوگئے.

    ان خیالات کا اظہار انھوں نے شہباز شریف کے لندن میں‌ قیام کو طول دینے کی خبروں پر ردعمل دیتے ہوئے کیا. ان کا کہنا تھا کہ شریف خاندان کے سمدھی ان کے بچےتو پہلےہی بیرون ملک فرارہیں، ٹی ٹی اسکینڈل سامنے آنے کے بعد شہباز شریف بھی چلے گئے.

    وفاقی وزیر نے کہا کہ ٹی ٹی سے متعلق سوال پوچھو، تو اداروں پرتنقید شروع کر دیتے ہیں، جو ہم کہتے ہیں کہ پورا ٹبرچور ہے، وہ بالکل درست ہے، یہ لوگ صرف حکومت کرنے پاکستان آتے ہیں.

    وفاقی وزیرمراد سعید نے کہا کہ اسحاق ڈار وزیر خزانہ تھے، لیکن شریف خاندان کے لیے منی لانڈرنگ کرتے تھے، آج اسحاق ڈار کے خلاف کیس بنا تو بیماری کا بہانہ کر کے بیرون ملک جا بیٹھے.

    مزید پڑھیں: کیا خادم اعلیٰ وطن واپس آئیں گے؟

    مراد سعید نے کہا کہ ان لوگوں نے پاکستان کو بے دردی سے لوٹا ہے، منی لانڈرنگ، کمیشن کے ذریعے یہ لوگ پیسہ بناتے تھے.

    وفاقی وزیر برائے مواصلات مراد سعید کا کہنا تھا کہ یہ سب بھاگ رہے ہیں، راہ فراراختیارکر رہے ہیں،.