Tag: murder

بھارت میں بیوہ خاتون اور اس کے گھر والوں نے ایک نوجوان کو بے رحمانہ طریقے سے سرعام مار مار کر قتل کردیا، پولیس نے واقعے کا مقدمہ درج کرلیا۔

بھارتی میڈیا کے مطابق ریاست تلنگانہ کے منچریال ضلع میں ایک نوجوان کی دل دہلانے والے قتل کی واردات سامنے آئی ہے، محبت کے نام پر ایک بیوہ کو ہراساں کرنے والے مہیش نامی نوجوان کو بیوہ اور اس کے گھر والوں نے پتھر سر کچل کر مار ڈالا۔

جب مہیش پر بیوہ خاتون اور اس کے گھر والے حملہ کررہے تھے اس وقت سڑک پر جانے والے راہگیر اور اطراف کے علاقوں کے عوام سب تماشا دیکھ رہے تھے لیکن کوئی بھی انھیں روکنے کے لیے آگے نہیں آیا۔

رپورٹ میں بتایا گیا ہے کہ 24 سالہ مہیش اسی گاؤں کی ایک لڑکی سے چند سال قبل محبت کرتا تھا بعد ازاں اس لڑکی کی شادی دوسرے شخص کے ساتھ ہوگئی اور وہ اپنے سسرالی گاؤں میں رہنے لگی جس کا مہیش کو بہت رنج تھا۔

Trigger warning

మంచిర్యాల – పట్టపగలు మహేష్ అనే యువకుడు హత్య

గత కొన్ని నెలలుగా ప్రేమ పేరుతో ఓ వివాహితను వేదింపులకు గురి చేస్తున్న మహేష్.

బండ రాయితో కొట్టి హత్య చేసిన వివాహిత తరుపు బంధువులు pic.twitter.com/Lo8FE6lvXM

— Telugu Scribe (@TeluguScribe) April 25, 2023

شادی کے بعد سے مہیش مذکورہ خاتون کو ہراساں کررہا تھا، مہیش نے اس لڑکی کی چند تصاویر اور ویڈیوز سوشل میڈیا پر وائرل کردی جس کو دیکھنے کے بعد خاتون کے شوہر نے بےعزتی محسوس کرتے ہوئے ایک سال قبل خودکشی کرلی تھی۔

شوہر کی خودکشی کے بعد خاتون اپنے والدین کے پاس آگئی جس کے بعد مہیش اسے تنگ کرنا روز کا معمول بنا لیا، کئی بار پولیس اسٹیشن میں مہیش کے خلاف شکایت بھی کی گئی لیکن اس کے رویہ میں کوئی تبدیلی نہیں آئی۔

مہیش کی ان حرکتوں کو برداشت نہ کرتے ہوئے بیوہ خاتون نے اپنے گھر والوں کے ساتھ مل کر سڑک پر ہی مہیش کو پکڑ لیا پہلے اس پر تشدد کیا اور بعد ازاں سر پر وزنی پتھر سے مار مار کر قتل کردیا۔ پولیس نے مقدمہ درج کرکے تفتیش کا آغاز کردیا ہے۔