Tag: Mureed Abbas Murder Case

کراچی : عدالت نے مریدعباس قتل کیس میں مفرور ملزم عادل زمان کو اشتہاری قراردینے کیلئے دوبارہ اشتہارات شائع کرنے کا حکم دے دیا۔

تفصیلات کے مطابق کراچی میں ایڈیشنل ڈسٹرکٹ اینڈ سیشن جج ساؤتھ میں مریدعباس قتل کیس کی سماعت ہوئی ، سماعت میں مفرور ملزم عادل زمان کو اشتہاری قراردینے کے اشتہار کے نکات پرعدالت نے اعتراض اٹھادیا۔

عدالت نے تفتشیی افسر کو دوبارہ اشتہارات شائع کرنے کا حکم دے دیا ،آئی او نے بتایا کہ لاہورسےسی سی ٹی وی کی فرانزک ہوگئی،آئندہ سماعت پررپورٹ پیش کریں گے۔

عدالت نےآئندہ سماعت پرسی سی ٹی وی فوٹیج کی فرانزک رپورٹ طلب کرلی جبکہ 9 جنوری کوتفتیشی افسر سے پیشرفت رپورٹ بھی طلب کرلی ہے۔

خیال رہے اینکر مریدعباس قتل کیس میں ضمانت خارج ہونے ملزم عادل زمان عدالت سے فرار ہوگیا تھا ، جس پر سپریم کورٹ نے ملزم کو گرفتار کرکے واپس جیل بھیجنے کا حکم دیا تھا۔

کراچی : کراچی کی انسداد دہشت گردی عدالت نے اینکرمرید عباس قتل کیس سے دہشت گردی کی دفعات ختم کردیں ، ملزم عاطف زمان نے دہشت گردی کی دفعات کوچیلنج کیا تھا۔

تفصیلات کے مطابق کراچی میں اینکرمرید عباس سمیت دو افراد کے قتل کیس میں پھر نیا موڑ آگیا، کراچی کی انسداد دہشت گردی عدالت نے مقدمے سے دہشت گردی کی دفعات ختم کردیں اور کیس دوبارہ سیشن عدالت بھیج دیا اور کہا لین دین پرقتل کاکیس سیشن عدالت میں چلنا چاہیئے۔

وکیل صفائی نے دلائل دئیے کہ لین دین کےتنازع پرقتل کا کیس سیشن عدالت میں چلنا چاہیئے، جس پر مدعی کے وکیل کا کہنا تھا کہ قتل کے بعد اب تک علاقے کی مارکیٹیں سنسان ہیں، لوگ خوف زدہ ہیں۔

عدالت نے فریقین کو سننےکے بعد کیس منتقلی کا حکم دیتے ہوئے سماعت سات اکتوبر تک ملتوی کردی۔

پولیس کاکہنا ہے کہ مقدمے کی سیشن عدالت منتقلی کے خلاف اعلی عدالت سے رجوع کیا جائےگا ، تفتیشی افسرکے مطابق عاطف زمان نے شہر میں دہشت پھیلائی، ثبوت دیں گے۔

یاد رہے ملزم عاطف زمان نے دہشت گردی کی دفعات  کو چیلنج کیا تھا ۔

واضح رہے 3 ماہ قبل ملزم عاطف زمان نے پیسوں کی تنازع پر اینکر مرید عباس اور مشترکہ دوست خضر حیات کو قتل کر دیا تھا، جب پولیس ملزم کو گرفتار کرنے پہنچے، تو اس نے خود کو گولی مار لی، مگر طبی مدد ملنے کے بعد وہ بچ گیا۔

اس کیس نے ملک بھر میں‌ کھلبلی مچا دی اور کروڑوں کے فراڈ کا انکشاف ہوا، جس میں میڈیا انڈسٹری سمیت مختلف شعبوں کی اہم شخصیات کا پیسہ لگا ہوا تھا۔

ابتدا میں اپنے جرم کا اعتراف کرنے والے عاطف زمان نے بعد ازاں عدالت میں کیس لڑنے کا فیصلہ کیا تھا۔