Tag: Murtaza Wahab

کراچی: میئر کراچی مرتضیٰ وہاب نے کہا ہے کہ کراچی والوں کے مسائل حل کرنا ہے، باتوں سے اگر کام ہوتے تو نعیم الرحمان اقوام متحدہ کے سیکرٹری بن چکے ہوتے۔

تفصیلات کے مطابق میئر کراچی مرتضیٰ وہاب نے میڈیا سے گفتگو میں کہا کہ کسی کو میں یا میری جماعت پسند نہیں تو نہ ہو مگر کراچی کیلئے لازمی سوچیں،لوگوں کو تکلیف دے کر اس احتجاج پر یقین نہیں رکھتا۔

انہوں نے کہا کہ کسی کو میں یا میری جماعت پسند نہیں تو نہ ہو مگر کراچی کے لئے لازمی سوچیں سیاسی احتجاج پر یقین رکھتا ہوں لوگوں کو تکلیف دے اس احتجاج پر یقین نہیں رکھتا سندھ اسمبلی کی عمارت کا ایک تقدس ہے۔

’’ لیاقت علی خان نے پاکستان کا جھنڈا اسی اسمبلی میں لہرایا تھا اسی اسمبلی کا ہی گھیراو کیا جارہا ہے جن کو عوام نے مسترد کیا وہ اجتجاج کررہے ہیں، جن کو عوام نے 8 فروری کو مسترد کیا انکو ہمیشہ عوام نے مسترد کیا ‘‘۔

میئر کراچی کا کہنا تھا کہ جے یو آئی کو کبھی کراچی سے سیٹ نہیں ملی، جماعت اسلامی اپنے عروج کے دور میں کبھی نہیں جیتی، کراچی میں اس وقت مختلف جماعتوں کا اسٹیک ہے سب کو کام میں دھیان دینا ہوگا۔

انہوں نے کہا کہ کراچی والوں کے مسائل حل کرنا ہے، باتوں سے اگر کام ہوتے تو نعیم الرحمان اقوام متحدہ کے سیکٹری بن چکے ہوتے باتوں سے کام ہوتا تو حلیم عادل او آئی سی کے ممبر بن چکے ہوتے۔

مرتضیٰ وہاب نے کہا کہ ہم ن لیگ کے ساتھ کچھ شرائط پر اتحاد پر ہیں، ہم نے ان سے کہا تھا سندھ کا گورنر پی پی سے ہوگا لیکن معاہدہ یہ ہوا کہ پنجاب کا گورنر پی پی اور سندھ کا ن لیگ سے ہوگا، امید کرتا ہوں ن لیگ اپنے وعدے کی پاسداری کرے گی۔

انہوں نے کہا کہ کراچی میں بگاڑ کے کون کون ذمہ دار ہیں سب کو پتہ ہے ہمیں تو بگاڑ کو ٹھیک کرنا ہے کے ایم سی کے اثاثوں کو بحال کرنا چاہتے ہیں بند اسپورٹس کی چیزوں کو کھولنا ہماری ترجیح ہے۔

میئر کراچی نے کہا کہ اسکواش کپملکس موجود ہے مگر بچے کھیل نہیں جاسکتے، کے ایم سی کی جائیداد پر لوگوں نے قبضہ کرلیا ہے، کے ایم سی اسپورٹس کمپلکس میں ممبر شپ اسٹارٹ کروں تو اعتراض شروع ہوجاتا ہے۔

کراچی: میئر کراچی مرتضی وہاب کا کہنا ہے کہ کراچی کی تمام میجر شاہراؤں سے ہم نے پانی نکال لیا۔

تفصیلات کے مطابق میئر کراچی مرتضی وہاب کا کہنا ہے کہ میرا سارا عملہ، واٹر بورڈ کا ہو یا کے ایم سی کا ہو اس وقت گراؤنڈ پر موجود ہے، شہر کی تمام میجر شاہراؤں سے ہم نے پانی نکال لیا۔

انہوں نے رات گئے میڈیا سے بات کرتے ہوئے کہا کہ اس وقت نرسری کے مقام پر اس لئے کھڑا ہوں، جب بارش ہوئی تھی نرسری کے مقام کی تصاویر اور ویڈیوز دکھائی گئی، آپ نے دیکھا نالوں نے پرفارم کیا، عملہ نے پانی کی نکاسی کو یقینی بنایا۔

انہوں نے کہا کہ اس مقامات پر پانی کا پرابلم تھا جس سے ٹریفک کے مسائل ہوئے، یہ روڈ اب بالکل کلیئر ہو چکے ہیں میں نے خود ان تمام جگہوں کا دورہ کیا، ٹریفک اس وقت روا ں دواں ہے۔

میئر کراچی نے کہا کہ کام کرنے کیلئے کام کرنے کی ضرورت ہوتی ہے باتیں کرنے کی نہیں، ہم  نے ذمہ داری کو نبھانے کی حد الامکان کوشش کی، جو بھی وسائل تھے وہ عوام کی خدمت اور مسائل کو حل کرنے کیلئے خرچ کئے۔

میئر کراچی کا کہنا تھا کہ شارع فیصل پر ٹریفک کے مسائل تھے، ٹریفک پولیس کے فرائض پر سوالات کھڑے ہوتے ہیں، میں نے آئی جی صاحب سے بات کی، وزیر اعلیٰ سندھ سے بھی بات کرونگا، ٹریفک پولیس کا عملہ مجھے گراؤنڈ پر کام کرتا ہوا نظر نہیں آیا۔

واضح رہے کہ کراچی میں گزشتہ رات ہونے والی طوفانی بارش کا پانی اب بھی کئی علاقوں میں موجود ہے جبکہ شہر میں آج بھی بارش کی پیشگوئی کی گئی ہے۔