Tag: Murtaza Wahab

کراچی : ترجمان سندھ حکومت مرتضی وہاب کا کہنا ہے کہ نواگست کے بعد لاک ڈاؤن رہے گا یا نہیں، ابھی کچھ نہیں کہاجاسکتا، فیصلہ ٹاسک فورس کرے گی۔

تفصیلات کے مطابق سندھ حکومت کے ترجمان مرتضی وہاب نے لاک ڈاؤن کے حوالے سے پریس کانفرنس ککرتے ہوئے کہا کہ 9اگست کے بعد لاک ڈاؤن
کے حوالے سے کچھ نہیں کہا جاسکتا، یہ فیصلے ٹاسک فورس کرتی ہے۔

مرتضیٰ وہاب کا کہنا تھا کہ ہمیں ایس اوپیزکو فالو کرنا ہے اور کورونا کو روکنا ہے، 2لاکھ 11 ہزار لوگوں کو اسی صوبے میں ویکسین لگی ہے۔

سندھ حکومت پر تنقید کے حوالے سے ترجمان نے کہا کہ میں توابھی بھی پی ٹی آئی والوں کوتنقیدکانشانہ نہیں بنارہا، کچھ لوگ منفی سیاست اورپروپیگنڈہ کر رہے ہیں، جن لوگوں نے گزشتہ دنوں ایکسپو سینٹر میں جوکیا وہ غلط ہے۔

گذشتہ رات ڈیفنس میں ہونے والے شادی کی تقریب سے متعلق بیرسٹر مرتضیٰ وہاب کا کہنا تھا کہ پی ٹی آئی رکن قومی اسمبلی کی تقریب میں انتظامیہ گئی اور اسے بندکروایا گیا، قانون کےمطابق جوکارروائی بنتی ہے وہ ہونی چاہیے، وہ افرادجوتقریب میں شرکت کیلئے گئے تھے انہیں بھی سوچنا چاہیے۔

ترجمان سندھ حکومت نے مزید کہا کہ کوشش ہے موبائل ویکسی نیشن سینٹر کو گلی محلوں تک پھیلا دیا جائے اور جولوگ اختیارات کاغلط استعمال کرتےہیں تو کارروائی ہونی چاہیے۔

کراچی: سندھ حکومت کے ترجمان مرتضیٰ وہاب کا کہنا ہے کہ ویکسین لگانیوالوں کی تعدادمیں تیزی سےاضافہ ہورہا ہے ، جس سے ثابت ہوتا ہے ، لوگوں کیلئےموبائل فون سم کتنی اہم ہے۔

تفصیلات کے مطابق سندھ حکومت کے ترجمان مرتضیٰ وہاب نے سماجی رابطے کی ویب سائٹ ٹوئٹر پر اپنے پیغام میں کہا کہ چنددنوں میں ویکسین لگانیوالوں کی تعدادمیں تیزی سےاضافہ ہوا، اضافہ یہ دکھاتا ہے کہ لوگوں کیلئےموبائل فون سم کتنی اہم ہے، لوگوں سےگزارش ہےباقاعدگی سےماسک بھی پہنیں۔

Over the last few days, the number of people getting vaccine in #Karachi has tremendously increased. Shows how inportant mobile sims are for people. Now if only u can #WearMask regularly. Thank u 🙏

— Murtaza Wahab Siddiqui (@murtazawahab1) July 30, 2021

خیال رہے سندھ حکومت کی جانب سے سم بند کرنے کے اعلان کے بعد ایکسپو سینٹر کراچی ویکسین لگوانے والوں کی لمبی قطاریں لگ گئیں۔

محکمہ صحت سندھ سے حاصل کردہ اعداد وشمار میں بتایا گیا کہ گزشتہ 24 گھنٹوں کے دوران سب سے زیادہ ویکسین ضلع شرقی میں لگائی گئی جس کی تعداد 21 ہزار 766 ہے۔

اعداد وشمار کے مطابق ضلع وسطی میں 10 ہزار سے زائد، ضلع کورنگی میں 8 ہزار سے زائد، ضلع ملیر میں 8 ہزار سے زائد، ضلع جنوبی میں 20 ہزار سے زائد جبکہ ضلع غربی میں 8 ہزار سے زائد افرادکو ویکسین لگائی گئی۔

گزشتہ 24 گھنٹوں کے دوران کراچی میں مجموعی طور پر 77 ہزار 715 افراد نے ویکسین لگوائی جبکہ سندھ کے دیگر اضلاع میں 1 لاکھ 11ہزار 260افراد نے ویکسین لگوائی۔

کراچی : سندھ حکومت کے ترجمان بیرسٹر مرتضیٰ وہاب کا کہنا ہے کہ کراچی میں 24گھنٹے میں مثبت کیسز کی شرح 26.3فیصد ہوگئی ہے ، صورتحال یہی رہی توسخت فیصلے کرنا ہوں گے ، سختی عوام کے مفادمیں ہے،لاک ڈاؤن لگاکرخوشی نہیں ہوگی۔

تفصیلات کے مطابق سندھ حکومت کے ترجمان بیرسٹر مرتضیٰ وہاب نے پریس کانفرنس کرتے ہوئے کہا لوگ ویکسین کےحوالےسےمنفی پروپیگنڈا کرکے نقصان  پہنچارہےہیں، کورونا وائرس کیخلاف جنگ کو حکومت اور عوام دونوں لڑرہی ہیں۔

مرتضیٰ وہاب کا کہنا تھا کہ کوروناکیخلاف جنگ میں ہیلتھ کیئرورکرزاورمیڈیابہت اہم ہیں ، اس جنگ کوجیتنےکیلئےسب سےاہم کردارمیڈیاکاہے، میڈیاکوعام آدمی کوایک بار پھر بتانے سمجھانے کی ضرورت ہے کہ کوروناصورتحال کتنی خطرناک ہے، جوخطرناک وائرس کوفلوکہتےہیں اس بیانیے کو شکست  دینےکی ضرورت ہے، میڈیابتائےماسک نہ پہننےاورویکسین نہ لگوانےسےکیاخطرات ہیں۔

ترجمان سندھ حکومت نے کہا کہ 24گھنٹےمیں سندھ میں 16975ٹیسٹ کئےگئے ،2153مثبت کیسزآئے اور اس دوران تقریباً 13فیصد مثبت کیسز کی شرح  ہے، دنیا کے بڑے ممالک کا نظام بھی اس وائرس کادباؤ برداشت نہیں کرپایا، تنقید کا نشانہ بنایاجاتاہے کہ پی پی کراچی اور کاروبار دشمن ہے لیکن ناقدین کو بتانا چاہتاہوں پیپلزپارٹی اور سندھ حکومت عوام دوست ہے، سندھ حکومت سختی کی کوشش کرتی ہے تو آپ کے مفاد کیلئے ہے۔

ان کا کہنا تھا کہ سندھ حکومت نہیں چاہتی کہ خطرناک وائرس لوگوں کو لگے، صرف کراچی میں24گھنٹےمیں6623ٹیسٹ ہوئے ،1743مثبت کیسز سامنے  آئے اور کراچی میں 24گھنٹے میں مثبت کیسز کی شرح 26.3فیصد رہی ، خداراحکومت کی دی ہوئی ہدایات پرعملدرآمدکریں۔

کورونا صورتحال سے متعلق مرتضیٰ وہاب نے مزید کہا کہ کراچی ہم سب کاشہرہےہم یہاں بستےہیں ہماری فیملیزرہتی ہیں، 26جون2021کو سندھ میں کوروناکے511مریض تھے اور 26جولائی2021کو کوروناکیسز کی تعداد2153تک پہنچ گئی، 30روز میں سندھ میں کوروناکیسز میں 4گنا اضافہ ہواہے، بتایا جائے  کیا ہم اس صورتحال کوڈیل کرنےکےمتحمل ہوسکتےہیں۔

ترجمان کا کہنا تھا کہ ڈاکٹرز ،نرسرز، ہیلتھ کیئرعملہ اسوقت پریشان ہیں خدارا ان کی قدر کیجئے ، ہمیں لاک ڈاؤن لگاکرخوشی نہیں ہوگی، یہی صورتحال رہی تو کوئی بھی اس دباؤ کو برداشت نہیں کر پائے گی ، ماسک اپنےبزرگوں اوربچوں کیلئےپہنیں،غیرضروری باہر نہ نکلیں، اپنےکاروبار،کام،روزگارکی خاطر لوگ  گھروں سےنکلتےہیں، آپ ماسک نہیں پہنیں گے تو اپنے بچوں کیلئے خطرہ ہوسکتے ہیں۔

انھوں نے مزید کہا کہ حکومت کچھ نہیں مانگ رہی صرف مدد تعاون مانگ رہی ہے کہ ماسک پہنیں، خدارا اپنے چہرے، ناک اور منہ کو ماسک سے ڈھانپیں ، برطانیہ، یو اے ای ،امریکا میں 60 فیصد آبادی کوویکسین لگ چکی ہے، سندھ حکومت نے مختلف مقامات پر واک ان ویکسین سینٹرز کھولے ہیں ، ویکسین پرمنفی پروپیگنڈے پر توجہ نہ دیں۔

ویکسین لگوانے کے حوالے سے مرتضیٰ وہاب کا کہنا تھا کہ ہر ڈاکٹر جو اس فیلڈ کا ایکسپرٹ ہے ، وہ کہتا ہے کہ ویکسین لگوائیں، میڈیا کو ویکسین لگوانے کے  لئے آگاہی مہم چلانی چاہیے، ہم دعاگوہیں کہ اللہ ہم پرکرم کرےاس وباسےبچائے۔