Tag: Murtaza Wahab

کراچی : سندھ حکومت کے ترجمان مرتضیٰ وہاب کا کہنا ہے کہ گزشتہ ایک ماہ میں نمبرزآف کورونامریض ڈبل ہوگئے، ڈاکٹرزبتاتے ہیں کہ اگلے 14روز بہت اہم ہیں، اگر اگلے 14روز احتیاط کرلی تو دن بہتر ہوسکتے ہیں۔

تفصیلات کے مطابق سندھ حکومت کے ترجمان مرتضیٰ وہاب نے پریس کانفرنس کرتے ہوئے کہا کل محکمہ داخلہ سندھ نےنوٹی فکیشن جاری کیا، کورونا کے حوالے سے نئی پابندیاں لگائی گئی ہیں، وزیراعلیٰ سندھ نےحکومت کی جانب سےفیصلوں سےآگاہ کیا۔

مرتضیٰ وہاب کا کہنا تھا کہ سندھ حکومت فیصلےکرتی ہےاورانتظامیہ عمل کرائےتولوگ ناراض ہوتےہیں ، انتظامیہ کی جانب سےعمل نہ کرایاجائےتوبھی لوگ ناراض ہوتےہیں، سندھ حکومت کہہ رہی ہےکہ غیرضروری طورپراپنےگھروں سےنہ نکلیں۔

کورونا صورتحال کے حوالے سے ترجمان نے بتایا کہ گزشتہ7روزمیں کراچی میں کوروناکیسز کی شرح12.7فیصدرہی، حیدرآبادضلع میں 10.8 فیصد کورونا پوزیٹو ریشو رہا ہے، 24 اپریل کے مقابلےمیں اس وقت تعداد دگنی ہوچکی ہے، 24 اپریل کو 855 اور 24 مئی کو ڈبل فیگر ہوچکی ہے۔

ان کا کہنا تھا کہ گزشتہ ایک ماہ میں نمبرزآف کورونامریض ڈبل ہوگئے، 204مریضوں میں اضافہ ہواہے، نیپا کےقریب سندھ ڈیزیز اسٹیٹیوٹ ، لیاقت نیشنل اسپتال ،ایس آئی یوٹی میں ایک بھی بیڈخالی نہیں۔

مرتضیٰ وہاب نے سوال کیا کیا اس وبا کو ہم آپے سے باہر ہونے دیں، کیا اس وبا کے نمبرز کو اسی طرح بڑھنے کی اجازت دیں یا روکیں، دنیا میں کورونا مریض بڑھ رہے تھے تو ہم نے سخت فیصلے کیے، نتیجے میں پہلی اور دوسری لہرمیں بڑے پیمانے سے بچ گئے۔

ترجمان نے کہا ایک بار پھر حکومت کو وہ مشکل فیصلے کرنا پڑ رہے ہیں، نہیں چاہتے کرفیو لگایا جائے، چیزوں کو مکمل بند کر دیاجائے، آپ چاہتےہیں کہ معمولات زندگی معمول پرہوں تو ہمارا ساتھ دینا ہوگا، اگرآپ چاہتےہیں مزیدسختی نہ ہوتوحکومتی گائیڈلائن کواپناناہوگا، آپ سب کوایس اوپی پرعمل،ماسک پہننا ہوگا ویکسین لگوانا ہوگی۔

ان کا کہنا تھا کہ دکھ اورافسوس ہوتاہےجب لوگ شٹربندکرکےاپنابزنس چلارہےہوں، حکومت کو کوئی شوق نہیں آپ کے شٹرگرانے کا مگرمیتیں اٹھانے کا بھی نہیں۔

مرتضیٰ وہاب نے مزید کہا اگرپارک کےدروازےبندہوتےہیں تودیواریں پھلانگ کرجاتےہیں، ریسٹورانٹ بندکیےمگرمالکان نےکہاکہ ٹیک اوےکی اجازت دےدیں، سندھ حکومت نے کہا چولہا چلنا چاہئےڈلیوری ٹیک اوےکی اجازت دی، آپ چلےجائیں ریسٹورانٹ شٹر بند کر کے بندکمروں میں کھانےکھلارہےہیں، شٹربند کر کے کھانا کھلائیں گے تو سخت فیصلے کرنا ہوں گے۔

سندھ حکومت کے ترجمان کا کہنا تھا کہ سندھ حکومت نےشادی ہالزبندکردیےلوگوں نےاپنےگھردےدیے، اب شادی ہالزکےبجائےگھروں میں تقریبات ہورہی ہیں، ہمارااختلاف مصروفیات سےنہیں ہجوم سےہے، آپ حکومت کاساتھ دیں ورنہ سخت فیصلےکرنا ہوں گے۔

انھوں نے مزید کہا کہ ڈاکٹرزبتاتے ہیں کہ اگلے 14روز بہت اہم ہیں، اگر اگلے 14روزاحتیاط کرلی تودن بہترہوسکتےہیں، کل اتوارکےروزسیکڑوں کی تعدادمیں پارکس میں رش تھا، آج مجبوراًسندھ حکومت کوفیصلہ کرناپڑاکہ پارکس بندہونگے،ہرجگہ دفاترمیں بھی ایس اوپیزکی خلاف ورزی کی جارہی ہے۔

کراچی : سندھ حکومت کے ترجمان مرتضیٰ وہاب نے کہا کہ دنیا بھرمیں کورونا سے جو تباہی ہوئی وہ پاکستان میں نہیں ہوئی ، صحیح وقت پرصحیح فیصلوں سے بہت فائدہ ہوا، خدارا کورونا وائرس کو ہلکا نہ لیں، ماسک کااستعمال ضرور اور باقاعدگی سے کریں۔

تفصیلات کے مطابق سندھ حکومت کے ترجمان مرتضیٰ وہاب نے میڈیا سے گفتگو کرتے ہوئے کہا پیپلزپارٹی کی اعلیٰ قیادت بہادری سے کیسز کا سامنا کرے گی، جب کیس ثبوتوں کی بناپرچلےگاتوقیادت باعزت بری ہوگی۔

کورونا کے حوالے سے مرتضیٰ وہاب کا کہنا تھا کہ دنیابھرمیں کوروناسےجوتباہی ہوئی وہ پاکستان میں نہیں ہوئی، ہم نےدیگرممالک سےسیکھااورکوروناکوڈیل کرناشروع کیا، سندھ میں تقریباً16یا26کیسزآئےہم نےلاک ڈاؤن پرعمل شروع کیا، صحیح وقت پرصحیح فیصلوں سےبہت فائدہ ہوا، کریڈٹ کوئی بھی لے ہمارا مقصد قوم کو تحفظ فراہم کرنا تھا۔

ترجمان سندھ حکومت نے کہا کہ ذمے داری کامظاہرہ کرنے کی ضرورت ہے کوروناابھی ختم نہیں ہوا، خداراکوروناوائرس کوہلکانہ لیں،ماسک کااستعمال ضرور اور باقاعدگی سے کریں۔

ان کا کہنا تھا کہ سندھ حکومت ہویاوفاقی ،آئین پاکستان سب سےمقدم ہے، بدقسمتی سےوفاقی حکومت آئین پاکستان کو سمجھنے میں شاید دلچسپی نہیں رکھتی، آرٹیکل 158 بیان کرتا ہے کہ جس صوبے سے گیس نکلے پہلا حق اسی کا ہوگا۔

مرتضیٰ وہاب نے کہا کہ گیس میں2500 ایم ایم سی ایف ڈی سندھ کی پیداوار ہے، اس وقت 900 سے 1050 ایم ایم سی ایف ڈی سندھ کو دی جارہی ہے، سندھ کےعوام گیس لوڈشیڈنگ سے شدید متاثر ہو رہے ہیں، احتجاج کرتے ہیں تو وفاق کہتا ہے سندھ حکومت لائن نہیں ڈالنے دے رہی۔

ترجمان کا کہنا تھا کہ جب آئین میں لکھا ہے کہ ترجیح صوبے کو دی جائے گی تو ترجیح دیں، وزیراعظم کہتےہیں کہ سردیوں میں شدیدگیس لوڈشیڈنگ ہونے والی ہے ، واحد حکومت ہے، جو کہہ رہی ہے حالات خطرناک ہیں ہم کچھ نہیں کرسکتے۔

انھوں نے مزید کہا کہ وزیراعلیٰ سندھ نے وزیراعظم کولوگوں کی امدادکیلئےخط لکھا، اب تک وزیراعظم کی جانب سےکوئی جواب نہیں آیا، وزیراعظم اور وفاقی کابینہ سےسوال ہےیہ20اضلاع پاکستان کاحصہ نہیں، لوگ تکلیف میں ہیں سندھ حکومت فلاحی ادارےریلیفدےرہےہیں، جس طرح کی مددکی توقع وفاق کی جانب سے تھی وہ نظرنہیں آئی۔