Tag: Murtaza Wahab

کراچی :سندھ حکومت کے ترجمان مرتضیٰ وہاب کا کہنا ہے کہ کروناوائرس میں مبتلا13 مریض زیرعلاج ہیں ، ایئرپورٹ پر مانیٹرنگ کو مزید مؤثر بنانے کی ضرورت ہے ، وفاقی حکومت سے گزارش کروں گا سسٹم کو مزید بہتر بنائے۔

تفصیلات کے مطابق سندھ حکومت کے ترجمان مرتضیٰ وہاب نے میڈیا سے گفتگو کرتے ہوئے کہا 2300لوگ ایران سے 15جنوری کےبعدسندھ میں آئے، ان تمام لوگوں سے رابطہ ہوچکا ہے اور صحت عملہ ان کامعائنہ کرچکا ہے، اب تک 188 میں سے ،14لوگوں کاکوروناٹیسٹ مثبت آیا ، جن کا علاج آئسولیشن وارڈ میں ہورہا ہے۔

مرتضیٰ وہاب کا کہنا تھا کہ کروناوائرس میں مبتلا13 مریض زیرعلاج ہیں، 13افرادکی ذاتی تفصیلات سوشل میڈیا پر شیئر نہ کی جائیں ، کروناوائرس میں مبتلا 14 لوگ بیرون ملک سے پاکستان آئے تھے، وائرس سے اب تک کوئی بھی مقامی شخص متاثر نہیں ہوا، صورتحال اللہ کے احسان سے کنٹرول میں ہے۔

ترجمان نے کہا کہ کروناوائرس کے 13مریض کاتعلق کراچی اور ایک حیدرآباد سےہے، ایئرپورٹ پر مانیٹرنگ کو مزید مؤثر بنانے کی ضرورت ہے، سی پورٹ ہو یا ایئرپورٹ ہو ان پر کنٹرول وفاقی حکومت کا ہے ، مانیٹرنگ درست ہوتی تو 14مریضوں کوایئرپورٹ پرہی روک لیاجاتا۔

ان کا کہنا تھا کہ سندھ حکومت پہلے دن سے کروناوائرس پر متحرک انداز سے کام کررہی ہے، وزیراعلیٰ ہاؤس میں روزانہ شام کو کروناوائرس پر ٹاسک فورس کا اجلاس ہوتاہے، اجلاس میں ایئرپورٹ اور ایف آئی اے حکام بھی شریک ہوتے ہیں۔

مرتضیٰ وہاب نے کہا کہ وفاق کو باور کرایا ہے کہ ایئرپورٹ کا سسٹم مربوط انداز میں کام نہیں کررہا، ایئرپورٹ عملے کو مسافروں سے صحیح طریقےسے پوچھ گچھ کرنے کی ضرورت ہے، سعودی عرب سے ایک رائیٹر کراچی آئیں اور ٹوئٹ کیا کوئی پوچھ گچھ نہیں کی گئی۔

سندھ حکومت کے ترجمان کا کہنا تھا کہ وفاق کی جانب سے ایئرپورٹ پر مزید اقدامات کی ضرورت ہے، سندھ حکومت صوبے میں مربوط انداز میں اقدامات کررہی ہے، ہمارا دائرہ کارایئرپورٹ کے باہر ہے ، وفاقی حکومت سے گزارش کروں گا سسٹم کو مزید بہتر بنائے۔

انھوں نے مزید کہا کہ کروناوائرس کی نگرانی وزیراعظم عمران خان کو خود کرنی چاہیے، وفاقی حکومت ٹوئٹر اور میڈیا پر نظرآتی ہے مگر عملی اقدامات نہیں ، ایئرپورٹ ہماری ذمہ داری نہیں مگر ہم سب کو کرداراداکرنا ہوگا، وفاقی حکومت سے گزارش ہیں کہ مزید سنجیدگی سے معاملے کودیکھے۔

مرتضیٰ وہاب کا کہنا تھا کہ پورٹس آف انٹریز کو مانیٹر کرنا وفاق کی ذمہ داری ہے ، کوئٹہ میں بھی ایک کیس رپورٹ ہوناتفتان بارڈر کی مانیٹرنگ پر سوالیہ نشان ہے، بارڈرز کومانیٹر اورسرویلنس کی ذمہ داری وفاقی حکومت کی ہے ، بلیم گیم نہیں کررہا صرف قوم کے سامنے حقائق رکھناچاہتاہوں۔

ترجمان نے کہا کہ اسکولوں اور پی ایس ایل میچز کو ایک زاویے سے نہیں دیکھ سکتے ، اسکولوں اور کالجوں میں تدریسی عمل معطل کرنے سے نقصان ہورہاہے، سندھ حکومت آئندہ چندروز میں اسکول،کالجز،جامعات سےمتعلق فیصلہ کرے گی۔

کراچی :سندھ حکومت کے ترجمان مرتضی وہاب نے کہا ہے کہ مولانافضل الرحمان کے دھرنے کی اخلاقی حمایت کریں گے لیکن پیپلزپارٹی دھرنے میں شریک نہیں ہوگی۔

تفصیلات کے مطابق پیپلزپارٹی رہنما اور مشیر وزیراعلی سندھ مرتضی وہاب نے اے آر وائی نیوز کے پروگرام باخبر سویرا میں گفتگو کرتے ہوئے کہا مولانافضل الرحمان کے دھرنے کی اخلاقی حمایت کریں گے لیکن عملی طور پر پیپلزپارٹی دھرنے میں شریک نہیں ہوں گے۔

مرتضیٰ وہاب کا کہنا تھا کہ بلاول بھٹو بھی اظہارکرچکے ہیں ، جمہوریت کوخطرات لاحق ہیں ، بلاول بھٹو عوام کو مسائل سے نکالنا چاہتے ہیں۔

مرتضیٰ وہاب کا کہنا تھا کہ وفاقی وزرا اپنے کام کے علاوہ سب کام کرتےہیں ، شیخ رشید ریلوے کو بہتر بنانے کے بجائے سیاست میں مصروف ہیں، شیخ رشید کو چاہیے کہ وہ وزیراعظم کو مشورے دیں پیپلزپارٹی کو اس کی ضرورت نہیں ہے۔

یاد رہے پاکستان پیپلز پارٹی کے چیئرمین بلاول بھٹو کا کہنا تھا کہ پیپلز پارٹی ایسا کوئی قدم نہیں اٹھائے گی جس سے جمہوریت کو نقصان ہو، ہم ظلم برداشت کرنے کو تیار ہیں مگر سمجھوتہ نہیں کریں گے۔

مزید پڑھیں : پیپلز پارٹی ایسا کوئی قدم نہیں اٹھائے گی جس سے جمہوریت کو نقصان ہو: بلاول بھٹو

بلاول کا کہنا تھا کہ مولانا فضل الرحمٰن نے 27 اکتوبر کو یوم سیاہ کا اعلان کیا ہے، مولانا فضل الرحمٰن کی کس حد تک مدد کر سکتے ہیں پارٹی اجلاس بلایا ہے

واضح رہے مولانا فضل الرحمان نے 27 اکتوبر کو اسلام آباد کی طرف مارچ کا اعلان کرتے ہوئے کہا تھا آزادی مارچ کی تاریخ سے متعلق کوئی تبدیلی نہیں ہوگی، ملک بھر سے اس مارچ میں قافلے شریک ہوں گے۔