Tag: Mushaal Hussein Mullick

اسلام آباد : حریت رہنما یاسین ملک کی اہلیہ مشعال ملک کا کہنا ہے کہ یاسین ملک سےشادی کرناانقلابی قدم تھااور ان کے ساتھ زندگی گزارناآسان نہیں۔

تفصیلات کے مطابق حریت رہنما یاسین ملک کی اہلیہ مشعال ملک نے اپنے بیان میں کہا یاسین ملک سےاسی جگہ پرپہلی بار آٹو گراف لیا تھا، یاسین ملک سے شادی کرناانقلابی قدم تھا، پہلی بار سری نگرگئی توچیخناشروع کردیا، یاسین ملک نےکہا بہت خوبصورت جگہ ہےمگردردسےبھری ہے۔

مشعال ملک کا کہنا تھا کہ یاسین ملک کے ساتھ زندگی گزارناآسان نہیں، وہ آدھاوقت جیل،آدھا وقت لوگوں میں رہتے ہیں، ان کی بیوی ہونےکی وجہ سےجیل میں تلاشی لی جاتی تھی، میری بیٹی کی عجیب طرح سے تلاشی لی جاتی رہی۔

حریت رہنما یاسین ملک کی اہلیہ نے کہا کہ پاکستانی ہونےکی وجہ سے کشمیر کی جیل میں براسلوک ہوتارہا، میری بچی کےبال نوچے جاتےرہے،دودھ پھینکا جاتا رہا، سری نگر میں اپنے آپ کو بہت بے بس محسوس کیا، کشمیرمیں کالج اورگھروں کے باہر بھارتی  فوج ہے۔

ان کا مزید کہنا تھا کہ میری ماں نےکہاکہ تم کشمیرکی آواز بنو، باہر نکلو اور بھارت کا اصل چہرہ دنیاکودکھاؤ۔

مزید پڑھیں : کشمیر کو منی ہندوستان بنانے کی کوشش کی جا رہی ہے، مشعال ملک

یاد رہے لاہور میں مشعال ملک نے تقریب سے خطاب کرتے ہوئے کہا تھا کہ مقبوضہ کشمیر میں کرفیو تو ہوتا رہتا تھا اب تو ظلم  کے پہاڑ توڑے جا رہے ہیں، کشمیر کو منی ہندوستان بنانے کی کوشش کی جا رہی ہے۔

مشعال ملک کا کہنا تھا کہ مسئلہ کشمیر سے متعلق اقوام متحدہ کی قرارداد پر عمل درآمد کرایا جائے، پاکستان کا سب سے بڑا ایشو کشمیر ہے اس سے بڑھ کر کچھ نہیں، کشمیری حریت رہنماؤں کو سیولین ایوارڈز دیے جائیں، شاہراؤں کے نام کشمیریوں کے نام پر رکھے جائیں۔

انہوں نے مزید کہا کہ کشمیری حق خود ارادیت سے کم کچھ قبول نہیں کریں گے۔

اسلام آباد: حریت رہنما یاسین ملک کی اہلیہ مشعال ملک کا کہنا ہے کہ کریک ڈاؤن کے باعث مقبوضہ کشمیرمیں کسی سے کوئی رابطہ نہیں ہو پا رہا۔

تفصیلات کے مطابق کشمیری رہنما یاسین ملک کی اہلیہ مشعال ملک نے اے آروائی نیوز کے پروگرام باخبرسویرا میں بات چیت کرتے ہوئے کہا کہ ساری توجہ سلامتی کونسل کا اجلاس بلانے پر ہونی چاہیے۔

مشعال ملک نے کہا کہ مسئلہ کشمیرسے متعلق مقدمہ پہلے ہی سلامتی کونسل میں موجود ہے۔

انہوں نے کہا کہ مقبوضہ کشمیرمیں ایک طرف اسلحہ بردار افواج اوردوسری طرف نہتےعوام ہیں، نہتےعوام نے اسلحہ بردار افواج کا مقابلہ اب تک بڑی بہادری سے کیا ہے۔

مشعال ملک نے کہا کہ عالمی دنیا سے پوچھنا ہے کہ ان کا نوٹس لینے کے لیے کشمیریوں کوکتنا خون بہانا پڑے گا۔

انہوں نے کہا کہ کریک ڈاؤن کے باعث مقبوضہ کشمیرمیں کسی سے کوئی رابطہ نہیں ہوپا رہا، جو اطلاعات مل رہی ہیں ان کے مطابق لوگوں کو باہر نکلنے نہیں دیا جا رہا۔

مشعال ملک نے کہا کہ یاسین ملک کی طبیعت بہت خراب ہے انہیں ڈیتھ سیل میں رکھا گیا ہے، ان کی جان کوخطرہ ہے، ہمارا مطالبہ ہے انہیں فوری اسپتال منتقل کیا جائے۔

واضح رہے کہ بھارتی فوج نے مقبوضہ کشمیر میں کرفیو نافذ کر رکھا ہے، موبائل اور انٹرنیٹ سروس معطل ہے، شہریوں میں شدید خوف و ہراس پایا جاتا ہے۔

اسلام آباد: حریت رہنما یاسین ملک کی اہلیہ مشعال ملک کا کہنا ہے کہ بھارت دنیا کا مافیا اورقبضہ گروپ ہے، آرٹیکل 370 کا خاتمہ جنگی جرم ہے ، معاملے کو اقوام متحدہ میں لے جایا جائے۔

تفصیلات کے مطابق کشمیری رہنما یاسین ملک کی اہلیہ مشعال ملک نے کہا ہے کہ کشمیرکی تحریک میں آج سیاہ ترین دن ہے، مقبوضہ کشمیرکی جداگانہ حیثیت بھی ختم کردی گئی۔

مشعال ملک نے کہا کہ بھارت دنیا کا مافیا اور قبضہ گروپ ہے جس نے کوئی قانون نہیں مانا، بھارت نے آج تک کشمیریوں کا خون چوسا ہے۔ مقبوضہ کشمیرسے متعلق اقوام متحدہ کی قراردادیں موجود ہیں، کوئی بھی غیرمقامی قانون مقبوضہ کشمیرمیں زمین نہیں لے سکتا۔

آرٹیکل 370 کیا تھا؟ مقبوضہ کشمیر کے شہریوں کو کیا نقصان ہوگا؟

حریت رہنما یاسین ملک کی اہلیہ نے کہا کہ بھارت مقبوضہ کشمیر میں اپنی فوجی نفری بڑھا رہا ہے، مسئلے کو فوری طور پر اقوام متحدہ کی سلامتی کونسل لے جایا جائے۔

مشعال ملک  کا یہ بھی کہنا ہے کہ بھارت مقبوضہ کشمیرمیں اپنی فوجی نفری بڑھا رہا ہے، جنگی ہیلی کاپٹروں سے مقبوضہ کشمیرمیں نگرانی کی جا رہی ہے۔

انہوں نے کہا کہ 1947 میں بھارت نے ہزاروں کشمیریوں کوقتل کیا، وہی گیم پلان اب پھرسے دہرایا جا رہا ہے۔

بھارت نےمقبوضہ کشمیرکی خصوصی حیثیت ختم کردی

یاد رہے کہ آج بھارت نے مقبوضہ کشمیرکی خصوصی حیثیت ختم کردی ، بھارتی صدر نے آرٹیکل 370 ختم کرنے کے بل پر دستخط بھی کردیے ہیں۔

مقبوضہ کشمیرکی صورت حال پربھارتی پارلیمنٹ کا اجلاس ہوا تھا، بھارتی وزیراعظم نریندر مودی پارلیمنٹ کے اجلاس میں شریک ہوئے تھے۔

بھارتی وزیرداخلہ امیت شاہ نے آرٹیکل 370 ختم کرنے کا بل پارلیمنٹ میں پیش کیا،بل کی تجاویز کے تحت غیر مقامی افراد مقبوضہ کشمیر میں سرکاری نوکریاں حاصل کرسکیں گے اور 370 ختم ہونے سے مقبوضہ کشمیرکی خصوصی حیثیت ختم ہوجائے گی۔

بعد ازاں بھارتی صدر نے آرٹیکل 370 ختم کرنے کے بل پر دستخط کر دیے اور گورنر کاعہدہ ختم کرکے اختیارات کونسل آف منسٹرز کو دے دیے۔