ARYNews.tv | Urdu – Har Lamha Bakhabar

Tag: Mushtaq Ghani’s brother

  • وزیرمشتاق غنی کے بھائی کےگھرکمسن ملازمہ کی ہلاکت،پوسٹ مارٹم کیلئے مصباح کی قبرکشائی آج ہوگی

    وزیرمشتاق غنی کے بھائی کےگھرکمسن ملازمہ کی ہلاکت،پوسٹ مارٹم کیلئے مصباح کی قبرکشائی آج ہوگی

    ایبٹ آباد: خیبر پختو نخوا کے وزیر مشتاق غنی کے بھائی کےگھرکمسن ملازمہ کی پراسرار ہلاکت کے معاملے پر پوسٹ مارٹم کیلئے مصباح کی قبرکشائی آج ہوگی جبکی سپریم کورٹ نے واقعہ کا ازخودنوٹس لے لیا ہے۔

    تفصیلات کے مطابق خیبر پختو نخوا کے وزیر مشتاق غنی کے بھائی کے گھر کمسن ملازمہ کی موت کیسے ہوئی، پوسٹ مارٹم کے بعددودھ کا دودھ پانی ہو جائے گا۔

    عدالت کے حکم پر12سالہ مصباح کی قبر کشائی اور پوسٹمارٹم آج کیا جائے گا، عدالت نے پوسٹمارٹم کے دوران ماہر فرانزک ایکسپرٹ کی خدمات لینے کا حکم دیا ہے۔

    دوسری جانب چیف جسٹس آف پاکستان نے 12 سالہ ملازمہ کی پراسرار ہلاکت کا ازخود نوٹس لیا ہوا ہے اور آئی جی خیبر پختونخوا کو تین دن میں رپورٹ جمع کرانےکی ہدایت کی ہے۔

    گذشتہ روز فیکٹ فائنڈنگ کمیٹی نے ابتدائی رپورٹ ڈی آئی جی ہزارہ سعید وزیرکو پیش کی ، رپورٹ آئی جی خیبر پختونخواہ صلاح الدین محسود کو ارسال کی جائے گی۔

    مزید پڑھیں : صوبائی وزیر مشتاق غنی کے بھائی کے گھر کمسن گھریلو ملازمہ کی ہلاکت، فیکٹ فائنڈنگ کمیٹی تشکیل

    فیکٹ فائینڈنگ کمیٹی کی درخواست پرمجسٹریٹ نے حقائق جاننے کے لئے مصباح کی قبر کشائی کی اجازت دی جبکہ مصباح کا معائنہ کرنے والے ڈاکٹروں کے خلاف کاروائی کی سفارش کے لئے سیکرٹری صحت کو خط لکھنے کا فیصلہ کیا گیا ہے۔

    یاد رہے کہ کمسن گھریلو ملازمہ مصباح ہلاکت کیس میں ڈی آئی جی ہزارہ سعید وزیرنے سول سوسائٹی اور افسران کی فیکٹ فائنڈنگ کمیٹی تشکیل دی تھی، کمیٹی کی سربراہی چائلڈ پروٹیکشن آفیسر اور ڈی پی او نے کی جبکہ کمیٹی میں ریٹائرڈ لیفٹننٹ جنرل سلیم ایاز رانا بھی شامل ہے۔

    واضح رہے کہ بارہ سال کی مصباح اپنی بہن اقصی کے ہمراہ شعیب غنی کے گھر ملازمہ تھی، چا روز قبل اسے تشویشناک حالت میں اسپتال لایا گیا، مصباح کی لاش راتوں رات گاؤں روانہ کر دی گئی،پوسٹ مارٹم کرایا گیا نہ پولیس کو کانوں کان خبر ہوئی۔

    آئی جی خیبرپختونخواہ نے واقعے کا نوٹس لیا، جس کےبعدازسر نو تفتیش شروع کر دی گئی تھی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔

  • صوبائی وزیر مشتاق غنی کے بھائی کے گھر کمسن گھریلو ملازمہ کی ہلاکت، فیکٹ فائنڈنگ کمیٹی تشکیل

    صوبائی وزیر مشتاق غنی کے بھائی کے گھر کمسن گھریلو ملازمہ کی ہلاکت، فیکٹ فائنڈنگ کمیٹی تشکیل

    پشاور : خیبرپختونخواکےوزیرہائرایجوکیشن مشتاق غنی کے بھائی شعیب غنی کے گھر بچی کی ہلاکت کے معاملے پر ڈی آئی جی ہزارہ نےفیکٹ فائنڈنگ کمیٹی بنا دی، جس میں پاک فوج کے سابق لیفٹننٹ جنرل بھی شامل ہیں، کمیٹی چوبیس گھنٹے میں تحقیقاتی رپورٹ پیش کرے گی۔

    تفصیلات کے مطابق ایبٹ آباد میں صوبائی مشتاق غنی کے بھائی شعیب غنی کے گھرکمسن ملازمہ کی موت کا واقعہ نیا رخ اختیار کر گیا، کمسن گھریلو ملازمہ مصباح ہلاکت کیس میں ڈی آئی جی ہزارہ سعید وزیرنے سول سوسائٹی اور افسران کی فیکٹ فائنڈنگ کمیٹی تشکیل دے دی، جس نے آج سے باقاعدہ تحقیقات کا آغاز کر دی۔

    کمیٹی کی سربراہی چائلڈ پروٹیکشن آفیسر اورڈی پی او کریں گے، کمیٹی میں ریٹائرڈ لیفٹننٹ جنرل سلیم ایاز رانا کو بھی شامل کیا گیا ہے، فیکٹ فائنڈنگ کمیٹی چوبیس گھنٹے میں تفتیش مکمل کرکے رپورٹ ڈی آئی جی کو پیش کرے گی، مزید ٹھوس شواہد کیلئے لڑکی کی قبر کشائی بھی کی جائے گی۔

    مصباح کے والدین کا کہنا ہے بیٹیاں تعلیم کیلئے شعیب غنی کے گھر چھوڑی تھیں، مصباح اور اقصاء کو تعلیم کیلئے چھوڑا گیا تو انھیں ماہانہ پندرہ سو روپے اجرت کیوں دی جاتی تھی۔

    مزید پڑھیں : صوبائی وزیرمشتاق غنی کے بھائی کے گھرکمسن ملازمہ کی موت، آئی جی کے پی کے حکم پر تفتیش

    جاری

    بارہ سال کی مصباح اپنی بہن اقصی کے ہمراہ شعیب غنی کے گھر ملازمہ تھی، چا روز قبل اسے تشویشناک حالت میں اسپتال لایا گیا، مصباح کی لاش راتوں رات گاؤں روانہ کر دی گئی،پوسٹ مارٹم کرایا گیا نہ پولیس کو کانوں کان خبر ہوئی۔

    آئی جی خیبرپختونخواہ نے واقعے کا نوٹس لیا، جس کےبعدازسر نو تفتیش شروع کر دی گئی تھی۔

    مشتاق غنی کا کہنا تھا کہ مصباح ہماری بچی تھی،تفتیش ہونی چاہیے۔

    خیال رہے کہ اس سے قبل مشتاق غنی کےبھائی کے گھر سے سجاد نامی ملازم کی لٹکی ہوئی لاش ملی تھی، جسے خودکشی کا رنگ دیا گیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • صوبائی وزیرمشتاق غنی کے بھائی کے گھرکمسن ملازمہ کی موت، آئی جی کے پی کے حکم پر تفتیش جاری

    صوبائی وزیرمشتاق غنی کے بھائی کے گھرکمسن ملازمہ کی موت، آئی جی کے پی کے حکم پر تفتیش جاری

    ایبٹ آباد : خیبر پختون خوا حکومت کے صوبائی وزیر مشتاق غنی کے بھائی شعیب غنی کے گھر کمسن گھریلو ملازمہ کی موت کے معاملے پر آئی جی خیبر پختو نخوا صلاح الدین محسود کے حکم پرپولیس نے تفتیش کا دائرہ کار بڑھا دیا ہے۔

    تفصیلات کے مطابق ایبٹ آباد میں صوبائی وزیرمشتاق غنی کے بھائی شعیب غنی کے گھر کمسن ملازمہ کی موت کے واقعہ پر آئی جی خیبر پختو نخوا کے حکم پر پولیس نے تفتیش کا دائرہ بڑھادیا۔

    پولیس نے بچی کے والدین کے بیانات اور ڈی ایچ کیواسپتال کے ڈاکٹرز کے بیان بھی قلمبند کیے گئے۔

    ڈاکٹر زبیر کے مطابق بچی کی موت طبی ہے۔

    پولیس کے مطابق لواحقین کی جانب سے قانونی کارروائی کے لیے کوئی درخواست موصول نہیں ہوئی جبکہ بچی کی میڈیکل رپورٹ موصول ہونے کے بعد تفتیش کو آگے بڑھانے میں مدد ملے گی۔

    بارہ سالہ مصباح پندرہ سو روپے ماہانہ پر کام کرتی تھی جبکہ مصباح کی میت راتوں رات گاؤں پہنچائی گئی، پولیس واقعہ سے مکمل لاعلم رہی اور قانونی کاروائی بھی نہیں کی گئی تھی۔

    دوسری جانب مشتاق غنی کا کہنا ہے کہ بچی کے ساتھ زیادتی ہوئی تو وہ مصباح کے والدین کے ساتھ کھڑا ہوں گا۔

    دوسری جانب پیپلزپارٹی نے مشتاق غنی کے بھائی کے گھر ملازمہ کی موت کی تحقیقات کا مطالبہ کردیا ہے  ہمایوں خان کا کہنا ہے کہ تحقیقات سے پہلے پولیس ترجمان کی وضاحت سوالیہ نشان ہے، پولیس ترجمان کی وضاحت نے معاملہ مشکوک کردیا۔

    رہنماپیپلزپارٹی نے کہا کہ  شریفہ بی بی کامجرم اب تک کیوں گرفتار نہیں ہوا، پی ٹی آئی حکومت عاصمہ کےمجرم کوبھی بے نقاب نہیں کرسکی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔