کراچی: پاک سرزمین پارٹی کے سربراہ مصطفیٰ کمال نے کراچی میں کامیاب جلسہ منعقد کرنے پراپنے حامیوں کا شکریہ ادا کیا ہے۔
مصطفیٰ کمال کی پاک سرزمین پارٖٹی نے گزشتہ روز کراچی کے باغِ جناح میں اپنا پہلا جلسہ منعقد کیااوران کی پیشن گوئی کے مطابق جلسے میں عوام کی کثیرتعداد موجود تھی۔ مصطفیٰ کمال نے ٹویٹر پراپنے حامیوں کا شکریہ ادا کیا جنہوں نے اس جلسے کو کامیاب بنایا۔
Thankyou #Karachi, thankyou #Pakistan. #BagheJinnah #AzmePakistanJalsa. pic.twitter.com/8N0WjDPS3D
— Syed Mustafa Kamal (@KamalMQM) April 24, 2016
اپنی تقریرمیں مصطفیٰ کمال نے کہا کہ جو حکومت عوام کو پینے کا صاف پانی بھی مہیا نہیں کر سکتی اسے خود کو جمہوری حکومت کہنے کا کوئی حق نہیں۔ اگر عوام کو پینے کا صاف پانی نہ ملے، اگر عوام کے اختیار میں صحت، تعلیم اور سیوریج تک کا نظام نہ ہو تو ہمیں ایسی جمہوریت نہیں چاہیئے۔
پاک سر زمین پارٹی کے سربراہ مصطفیٰ کمال نے یہ بھی کہا ہے کہ پاکستان بہت نازک دور سے گزر رہا ہے، ہم ایسی جمہوریت کو نہیں مانتے کہ جو صرف اسلام آباد یا صوبوں کے ایوانوں تک محدود ہوں۔
#AzmePakistanJalsa bagh e jinnah Karachi pic.twitter.com/8w5FBYdzAu
— MQM Pakistan Digital (@MQMPUpdates) April 24, 2016