Tag: Mustafa kamal

کراچی : پاک سرزمین پارٹی کے سربراہ مصطفیٰ کمال نے کہا ہے کہ لوگ کہہ رہے ہیں مولانا بند گلی میں پھنس گئے جبکہ ایسابالکل نہیں ہے، لوگ مولانا صاحب کے ذریعے اپنے کام نکلواتے جارہے ہیں۔

تفصیلات کے مطابق پاک سرزمین پارٹی کے سربراہ مصطفیٰ کمال نے غیرقانونی الاٹمنٹ کیس میں پیشی کے موقع پر میڈیا سے گفتگو میں کہا کہ یہاں والوں کو بغیر ویزے کے آنے جانے دیں، سرحد بھی کھولنا چاہیے کیونکہ لوگ بھارت جاتے ہیں۔

مصطفیٰ کمال کا کہنا تھا کہ وزیراعظم اپوزیشن سے بات اور آئینی تقاضے پورے کرنے کو تیارنہیں، آئین کہتا ہے کہ وزیراعظم اور اپوزیشن لیڈر ملکر معاملات حل کریں، وزیراعظم سندھ آتے ہیں اور چلے جاتے ہیں، بات نہیں کرتے۔

مولانا مارچ کے حوالے سے پی ایس پی سربراہ نے کہا کہ لوگ کہہ رہے ہیں مولانا بند گلی میں پھنس گئے ، نہیں ایسابالکل نہیں ہے وہ بندگلی میں نہیں، لوگ مولانا صاحب کے ذریعے اپنے کام نکلواتے جارہے ہیں، مولانا صاحب موجودہ حکومت سے الیکٹورل نظام پر بات کریں اور ڈیجیٹل الیکشن پر بات منوائیں۔

مزید پڑھیں : وفاق اور سندھ سمیت سب کراچی سے کچرا اٹھانے میں ناکام ہوگئے، مصطفیٰ کمال

کراچی کی صورتحال سے متعلق ان کا کہنا تھا کہ پہلے کچرا اٹھانا مسئلہ تھا اب کچرا بھول گئے ہیں، اب کتے کے کاٹے کی ویکسین مسئلہ بن گیا ہے، جب تک لوگ کھڑے نہیں ہوں گے تو مسائل حل نہیں ہوں گے۔

اس سے قبل  سندھ ہائی کورٹ میں مصطفی کمال ودیگرکیخلاف غیرقانونی الاٹمنٹ کیس کی سماعت ہوئی، جس میں عدالت نے  دلائل مکمل ہونے پر فیصلہ محفوظ کرلیا اور فریقین کو تحریری دلائل پیش کرنےکیلئے3دن کی مہلت دے دی۔

چیف جسٹس نے استفسار کیا  کیا کسی ہاکرکورقم واپس ملی ہے یاہاکرزبھی ڈمی تھے؟ جس پرپراسیکیوٹر نیب نے بتایا کہ   سیکریٹری کے ذریعے رقم واپس کردی گئی تھی، ،چیف جسٹس ہائی کورٹ نے مزید کہا کہ یہی ہوتا ہے یہاں کورنگی والوں کوواٹربورڈکی زمین پربٹھا دیاگیاتھا، یہاں اسی طرح غریبوں کی خدمت ہوتی ہے۔

کراچی : پاک سرزمین پارٹی کے سربراہ مصطفی کمال نے کہا کراچی کاسب سے بڑامسئلہ کچرا ہے،سندھ حکومت اور وفاقی حکومت مسئلے کے حل کے لیے کودپڑیں ،میرے خلاف کیس کے نام پرانصاف کے ساتھ بھونڈا مذاق کیا گیا۔

تفصیلات کے مطابق پاک سرزمین پارٹی کے سربراہ مصطفی کمال نے احتساب عدالت میں پیشی پر میڈیا سے گفتگو کرتے ہوئے کہا آج کراچی کایہ حال ہے کہ ملک کے سب سے بڑے شہر کا کچرہ نہیں اٹھ رہا ، سندھ حکومت، وفاقی حکومت مسئلے کے حل کے لیے کود گئیں ہیں۔

مصطفی کمال کا کہنا تھا کہ کوئی پوچھے گا کہ اربوں روپےکہاں جارہےہیں، پاکستان میں اچھے آدمی کانجام اچھا نہیں ہے۔

پی ایس پی سربراہ نے کہا جس زمین کی الاٹمنٹ کا کیس بنایاگیا،وہ تیس سال سےپرائیویٹ لینڈ ہے،پرائیویٹ لینڈ سرکاری آدمی کیسے الاٹ کرسکتا ہے، کیس کے نام پر انصاف اور عدالت کے ساتھ بھونڈا مذاق ہے۔

ان کا کہنا تھا کہ میرےخلاف کیس ہی سرے سے ہی بےبنیاد ہے، زمین کبھی سرکاری زمین تھی ہی نہیں، اس کیس کا عنوان ہی غلط ہے، کوئی بینک ٹرائل ،کرپشن یا کوئی بھی جائیداد نہیں نکال پائے۔

مصطفی کمال نے کہا کہ شہر کیلئے میراپلان کیاہے،ماضی کی کارکردگی سےاندازہ لگالیں، میرے دشمن بھی کہتے ہیں یہ کام کرسکتا ہے۔

چیئرمین پی ایس پی کا کہنا تھا کہ ہمیں مارنے والوں کاہاتھ روکناپڑے گا،دنیامطلبی ہے، کشمیری پاکستانیوں کی ظاہری مدد مانگ رہے ہیں، بھارت پہلے سے جنگ کررہاہے اور ہر دن لائن آف کنٹرول کی خلاف ورزی کررہاہے۔

اس سے قبل کراچی میں ساحل کے قریب زمین کی غیرقانونی الاٹمنٹ کیس میں مصطفی کمال، سابق ڈی جی ایس بی سی اےافتخار قائمخانی سمیت دیگر ملزمان کی احتساب عدالت میں پیش ہوئے ، نیب کے تفتیشی افسر عبدالفتح پیش نہ ہوئے ۔

فاضل جج نے استفسار کیا مفرور ملزمان کی کیا رپورٹ ہے؟ نیب وکیل نے بتایا مفرور ملزمان کے گھروں پر نوٹس ارسال کردیئے تھے، لگتا ہے کچھ ملزمان پاکستان سے باہر ہیں، وکلا صفائی نےتیاری کے لئے مہلت طلب کی۔

جس پرعدالت نے سماعت پانچ اکتوبر تک ملتوی کردی۔

کراچی : پاک سر زمین پارٹی کے سربراہ مصطفیٰ کمال نے کہا وزیراعظم اورآرمی چیف کراچی آئیں اور صورتحال ٹھیک کریں، شہری حکومت میں کردار والے لوگ نہیں ہیں۔

تفصیلات کے مطابق پاک سر زمین پارٹی کے سربراہ مصطفیٰ کمال نے اے آر وائی نیوز کے پروگرام باخبر سویرا میں گفتگو کرتے ہوئے کہا وزیراعظم اورآرمی چیف کراچی آئیں صورتحال ٹھیک کریں۔

مصطفیٰ کمال کا کہنا تھا کہ کراچی کےسیاست دان لڑائی نہیں کررہے، میں تو یہ بتارہا ہوں کہ شہر کیسے چلتا تھا، کراچی والوں کو خود دیکھنا ہے کہ کون کام نہیں کررہا۔

پی ایس پی سربراہ نے کہا شہری حکومت میں کردار والے لوگ نہیں ہیں، ان کے پاس لندن والے اختیار ہوں تو بھی یہی حال ہوگا، ہمارے دور میں لوگوں کے مسائل حل ہو رہے تھے۔

مزید پڑھیں : میرے پاس بھی وہی اختیارات تھے، جو آج وسیم اختر کے پاس ہیں: مصطفیٰ کمال

ان کا مزید کہنا تھا کہ عالمی جریدےنےمجھےدنیاکے3بہترین میئرمیں شامل کیاتھا، نیویارک ٹائمزمیں آج کراچی میں مکھیوں پرآرٹیکل چھپ رہے ہیں۔

یاد رہے مصطفیٰ کمال نے کہا تھا کہ میرے پاس بھی وہی اختیارات تھے، جو آج وسیم اختر کے پاس ہیں، میئرکراچی اگرغلط بات کریں گے، تو کیا میں تنقید نہ کروں، میں کسی سے نہیں لڑ نہیں رہا، صرف مسائل کے حل کی بات کررہا ہوں، کراچی کےمسائل پرسیاست نہیں کررہا ہوں۔

ان کا کہنا تھا کہ کراچی کی مکھیوں پرامریکی اخبارمیں خبرچھپی ہے، جو افسوس کا مقام ہے، میری کسی سے دشمنی نہیں، کراچی کے لئے میں گاربیج ڈائریکٹر بننے پر بھی تیار ہوگیا، حالاں کہ ایک جماعت کا سربراہ ہوں، اب اس کے بعد میری نیت پرکیا شک کیا جا سکتا ہے۔