پاکستان شوبز انڈسٹری کے سینئر اداکار مصطفیٰ قریشی نے کہا ہے کہ انہوں نے اپنی زندگی میں ہی اپنی قبر کی جگہ مختص کروالی ہے۔
ایک یو ٹیوب چینل کو دیئے گئے انٹرویو میں سینئر اداکار مصطفیٰ قریشی کا کہنا تھا کہ میری اہلیہ کی تدفین کراچی میں عبداللہ شاہ غازی مزار کے احاطے میں ہوئی تھی، محکمہ ثقافت سندھ کی جانب سے میری اہلیہ کی قبر کے لیے محکمہ اوقاف کو 5 لاکھ روپے کا معاوضہ بھی دیا تھا۔
سینئر اداکار مصطفیٰ قریشی نے خواہش ظاہر کی کہ میرے انتقال کے بعد میری تدفین بھی میری اہلیہ کی قبر کے قریب ہی کی جائے لہٰذا میں نے اپنے لیے قبر کی جگہ مختص کروادی ہے کیونکہ وہاں صرف ایک ہی قبر کی جگہ بچ گئی تھی۔
سینئر اداکار کا مزید کہنا تھا کہ مجھے بھی اپنی قبر کے لیے 5 لاکھ روپے دینے ہیں لیکن فی الحال میں نے پیسے نہیں دیے ہیں اور قبر کی جگہ پر پتھر رکھ دیا ہے، جس پر لکھا ہے کہ جگہ مختص برائے مصطفیٰ قریشی۔
مصطفیٰ قریشی نے کہا کہ میری خواہش ہے کہ محکمہ اوقاف مجھ سے قبر کا معاوضہ نہ لے بلکہ کسی بھی فنکار سے قبر کا معاوضہ نہیں لینا انہوں نے کہا کہ میں نے محکمہ ثقافت کو میری قبر کا معاوضہ دینے سے منع کردیا ہے۔
انتقال کی خبر جھوٹ نکلی، پونم پانڈے نے ویڈیو بیان جاری کردیا
یاد رہے کہ سینئر اداکار مصطفیٰ قریشی کی اہلیہ گلوکارہ و اداکارہ روبینہ قریشی سال 2022 میں فانی دنیا کو خیر باد کہہ گئی تھیں۔
اس سے قبل اسلام آباد ہائی کورٹ کے جسٹس محسن اختر کیانی بھی آج کرونا وائرس کا شکار ہوئے، معزز جج نے طبیعت ناسازی کے باعث کرونا ٹیسٹ کرایا، جس کا نتیجہ مثبت آیا، رپورٹ مثبت آنے کے بعد جسٹس محسن اختر نے خود کو قرنطینہ کرلیا ہے۔
