Tag: muzakrat

اسلام آباد: عمران خان کا کہنا ہے قوم فیصلہ کرچکی ہے کہ اب قبضہ گروپ کا مزید ظلم برداشت نہیں کرے گی۔

آزادی مارچ کے شرکاءسے خطاب میں چیئرمین تحریک انصاف عمران خان نے کہا کہ عام انتخابات میں بد ترین دھاندلی ہو ئی ہے، حکمرانوں کو پتہ ہے اگر ہم کامیاب ہوگئے تو ان کی دکانداری  بند ہو جائے گی، ان کا کہنا تھا ظلم کے خلاف ڈٹ کر مقابلہ کرنا ہوگا،18 سال کی سیاست میں قوم میں پہلی بار ولولہ دیکھ رہا ہوں،نئے پاکستان کی بنیاد عدل اور انصاف پر رکھیں گے ۔ عمران خان کا کہنا تھا 45 سال پہلے پی آئی اے دنیا کی دوسری بہترین ایئرلائن تھی، سستی روٹی سکیم بدنام ایفی ڈرین عباسی کے حوالے کردی گئی ۔

عمران خان کا کہنا تھا این اے 73بھکرمیں مسلم لیگ ن دھاندلی کے ذریعے جیتی، مولانا کو چیلینج کرتا ہوں ، ذرا سی بھی شک ہے تو  پی کے 68 میں دوبارہ گنتی کروالو، ان کا کہنا تھا ایازصادق کو اپنی کامیابی کا یقین ہے تو کیوں سٹے آرڈر لے رکھا ہے ۔

ان کا کہنا تھا کہ تحریک آزادی کے بعد یہ تحریک سب سے بڑی ہے، ہم اپنے لئے نہیں بلکہ مظلوم طبقے کے لئے جدوجہد کر رہے ہیں، ان لوگوں کے لئے قربانیاں دے رہے ہیں جنہیں حکمران بھیڑ بکریوں کی طرح رکھتے ہیں اوران بچوں کے لئے لڑ رہے ہیں جنہیں ان کے بنیادی حق تعلیم کے حصول سے دور رکھا جاتا ہے۔

انہوں نے خیبر پختونخوا کے حوالے سے بتایا کہ خیبر پختونخوا حکومت تمام صو بوں سے بہتر ہے، خیبر پختونخوا میں کرپشن پر قابو پایا گیا، 302 کرپٹ افسران کو پکڑا، کے پی کے میں ایف آئی آر آن لائن درج ہوتی ہے، صو بے میں پو لیس بھرتیاں سیاسی بیناد پر نہیں ہوتیں، 15ہزار ٹیچرز کو میرٹ پر ملازمتیں فراہم کیں صو بے میں کسی کا کوٹہ نہیں ہو تا، 70فیصد اسکول لڑکیوں کیلئے قائم کئے جا ئیں گے۔

عمران خان نے کہا کہ عوام جب تک ظلم کیخلاف کھڑے نہیں ہونگے، یہ نظام ایسے ہی چلتا رہے گا، اللہ نے تقدیر بدلنے کا موقع دیا ہے، پاکستانیوں! وقت ضائع نہ کرو۔ وزیراعظم کے استعفے کیلئے تمام پاکستانیوں کو سڑکوں پر نکلنا ہوگا۔

اسلام آباد: عمران خان نے کل سیالکوٹ میں سیلاب سے متاثرہ علاقوں کا دورہ کرنے کا اعلان کردیا، انہوں نے عوام سے سیلاب متاثرین کی مدد کرنے کی اپیل کی ہے۔

اسلام آباد میں آزادی دھرنے کے شرکاء سےخطاب میں پاکستان تحریک انصاف کے چیئرمین عمران خان کا کہنا تھا مخیر حضرات  سیلاب زدگان کی ہر ممکن کی کریں ، پورے پنجاب کا پیسہ لاہور میں خرچ ہوا پھر بھی لاہور ڈوب گیا، شہبازشریف نے 2012ء میں آنے والے سیلاب سے کوئی سبق نہیں سیکھا، اگر ڈیم بناتے جاتے تو پانی بچایا اور سردیوں میں استعمال کیا جاسکتا تھا، ان کا کہنا تھا شہباز شریف یہ تمہاری چھٹی باری ہے ڈرامے بند کرو اور ڈیم بناؤ ۔

عمران کا کہنا تھا کہ فافین کی جانب سے کہا گیا کہ 90حلقوں میں ریٹرننگ افسران نے انتخابی لسٹوں میں تبدیلی کیاور پولنگ پلان میں تبدیلی کی جبکہ 35حلقوں میں پنکچر لگائے گئے کہ امیدواروں کے ووٹ مسترد کر دئے گئے، شائد یہی نجم سیٹھی کے پنکچر تھے، مزید یہ کہ400 الیکشن مانیٹرز کی جانب سے تیار کی گئی رپورٹ بھی جاری نہیں کی گئی۔

عمران خان کا کہنا تھا چینی صدر سرمایہ کاری کیلیے نہیں، قرضے دینے آرہا تھا، ان کا کہنا تھا قوم کو انصاف اور تعلیم دینا ہو گی،ہم دنیا کی مدد کیا کریں گے، وہ وقت جلد آئے گا جب لوگ پاکستان میں نوکریاں کرنے آیا کریں گے۔

عمران خان کا کہنا ہے کہ پاکستان کو اسلامی فلاحی ریاست بناکر دکھاؤں گا، کمزور پر اب کوئی ظلم نہیں کرسکے گا، پولیس اور ججز کی تنخواہیں بڑھائیں گے، قوم کو انصاف اور تعلیم ملے تو ملک ترقی کرتا ہے، ن لیگ کے علاوہ تمام جماعتوں نے دھاندلی کا الزام لگایا، زرداری نے سندھ میں وہی کیا جو نواز شریف نے پنجاب میں کیا، جیتنے والے امیدواروں کے ووٹ مسترد کرکے انہیں ہرایا گیا۔

انہوں نے کہا کہ 2012ء کی انکم اسٹیٹمنٹ میں نواز شریف کے پاس کوئی جائیداد نہیں، 2013ء میں میاں صاحب کے اثاثے 200 کروڑ ہوجاتے ہیں، میاں صاحب نے 6 ارب روپے کا قرضہ واپس نہیں کیا، اقتدار میں آگیا تو نواز شریف سے پیسہ واپس لوں گا۔

اسلام آباد: پاکستان تحریک انصاف کے چیئرمین عمران خان نے آزادی مارچ کے شرکاء سے خطاب کرتے ہوئےکہا ہے کہ نواز شریف ضمیر کے سوداگر ہیں،اُن سے کہنا چاہتا ہوں کہ نظریات بکتے نہیں ہیں۔

ڈی چوک میں واپسی کے بعد اپنے خطاب میں عمران خان کا کہنا تھاکہ نواز شریف دیکھ لیں چوبیس دن بعد بھی کتنےلوگ یہاں بیٹھے ہیں،عمران خان نے کہا کہ نواز شریف کو چیلنج ہے ایک دن میں اتنے لوگ نکال کردکھادیں، اگر آبھی گئےتو ملازمین اور پٹواری ہونگے۔

اُنہوں نے کہا کہ لوگوں کے سودے کرنے والے سن لیں جنون کا سودا نہیں ہوتا، عمران خان نےعوام سےکہاکہ آپ پاکستان کی تقدیر بدل رہےہیں، اگر آپ کامیاب ہوگئےتو کی حکمرانوں کی سیاسی دوکانیں ختم ہوجائیں گی۔

ان کا کہنا تھا کہ نواز شریف اور آصف زرداری آپس میں نورا کشتی کررہے ہیں ، عوام کا سمندر دیکھ کر میاں صاحب سابق صدر کے ڈرائیور بن گئے اور ستر کھانوں سے ان کی تواضع کی۔

انہوں نے کہا کہ اعتزاز احسن کے داد دیتا ہوں ان کی اس گفتگو پر جو کہ انہوں نے پارلیمنٹ میں کی۔

اسلام آباد:  عمران خان نے کہا ہے کہ دنیا کے ہر جمہوری نظام کی روایت ہے کہ کسی کے خلاف تحقیقات ہو تواُسے استعفیٰ دینا پڑتا ہے۔

اسلام آباد میں دھرنے کے شرکاء سے خطاب کے دوران پاکستان تحریکِ انصاف کے چیئرمین عمران خان کا کہناتھا کہ نواز شریف براہ راست دھاندلی کے ذمہ دار ہیں، 11 مئی کو صرفسترہ فیصد نتائج آنے پر میاں صاحب  نے کیسے جیت کی خبر سنادی تھی، میاں صاحب کہے رہے تھے مجھے واضع برتری دلانا ، کس کو پیغام دے رہے تھے، میچ ختم ہونے سے پہلے نتائج بتانا میچ فکسنگ ہوتا ہے۔

عمران خان نے کہا کہ تحقیقات میں دھاندلی ثابت نہ ہو تو واپس آجائیں،  میں نے کہا کہ 4 حلقے کھول دیں پتہ لگ جائے گا کس نے دھاندلی کی ہے، انہوں نے جان بوجھ کر ایسا نہیں کیا کیوں کہ ن لیگ آئی ہی دھاندلی کی وجہ سے ہے ، یہ انصاف ہونے نہیں دیتے۔

ان کا کہنا تھا کہ دھاندلی میں ملوث افراد کے احتساب تک جمہوریت نہیں آسکتی،  نواز شریف کو پہلی دھاندلی کی سزا مل جاتی تو دوبارہ جرات نہ ہوتی۔ انہوں نے کہا کہ اعتزاز احسن اور فضل الرحمان بھی کہ رہے تھے دھاندلی ہوئی ہے ،بلوچستان میں اختر مینگل نے بھی کہا کہ دھاندلی ہوئی ہے، ن لیگ تحریک انصاف کی سونامی سے ڈر گئی تھی، ہمیں پتہ ہے حقیقی جمہوریت کیا ہوتی ہے، اگر کسی نے نہیں کہا تو وہ محمود اچکزئی ہیں جنہوں نے دھاندلی کی بات ہی نہیں کی کیونکہ ان کے 8 رشتہ دار بڑے بڑے عہدوں پر ہیں اوربھائی گورنر بن گیا ہے۔

جاوید ہاشمی کو مخاطب کرتے ہوئے انہوں نے کہا کہ جاوید ہاشمی کی اس بات سے تکلیف ہوئی کہ عمران خان کسی کے اشارے پر چل رہا ہے، ہاشمی صاحب! آپ جانتے ہیں کہ عمران خان کسی کے اشارے پر نہیں چلتا، 14 ماہ پہلے ہی آپ کو بتا دیا تھا کہ انصاف نہ ملا تو سڑکوں پر نکلیں گے۔ نواز شریف کو معلوم ہے کہ شفاف الیکشن ہوا تو وہ ہمیشہ کیلئے الوداع ہو جائیں گے، ان کا کہنا تھا کہ میں نے جتنی زیادہ عزت جاوید ہاشمی کی اتنی کسی سیاستدان کی نہیں کی۔

عمران خان نے کہا کہ ہارمان کر چلے گئے تو ہماری نسلیں صدیوں تک غلام رہیں گی،شریف خاندان کے 8 لوگوں نے منی لانڈرنگ  کی۔ کل تمام ارکان استعفی دیں اور نئے شفاف انتخابات کا انتظار کریں گے۔ سب سے پہلے نوازشریف کا احتساب ہونا چاہیے۔

ان کا کہنا تھا کہ چودھری نثار نے کہا کہ تھورے لوگ ہیں اور وہ بھی دہشت گرد ہیں، میں ”فیلڈ مارشل” چودھری نثار علی خان سے پوچھنا چاہتا ہوں کہ آنسو گیس میں لوگ مر گئے، ہمارا قصور کیا تھا؟،ضیا الحق اور پرویز مشرف کے دور میں بھی ایسا نہیں ہوا۔

اسلام آباد : عمران خان نےکہاہےکہ موجودہ پارلیمنٹ نےجمہوریت کو جتنا نقصان پہنچایا ہےاتنا نقصان کسی آمر نے بھی نہیں پہنچایا۔

پاکستان تحریک انصاف کےچئیرمین عمران خان نے آزادی مارچ کے دھرنے کے شرکاء سے خطاب کرتے ہوئے کہا کہ یورپ میں اس طرح دھاندلی کر کے جعلی حکومت قائم کرنے کرنا ممکن نہیں کیونکہ وہاں ادارے مضبوط ہیں اور حقیقی جمہوریت ہے۔ مجھے سیاست میں آنے سے پہلے ہی بہت شہرت ملی، اقتدار کو کوئی شوق نہیں ہے۔

انہوں نے کہا کہ آمر سے زیادہ موجودہ پارلیمنٹ نے جمہوریت کو نقصان پہنچایا، انہوں نے کہا جتنی بہتر جمہوریت اتنا بہتر انصاف ہوتا ہے، جمہوریت میں انسانوں کی بجائے پہلے میٹروبس پر پیسے خرچ نہیں ہوتے، پاکستان میں ظلم کا نظام چل رہا ہے، ہم پاکستانیوں کو ایک قوم بنا رہے ہیں اس معاشرے کو درست سمت میں لے کر جائیں گے۔

ان کا مزید کہنا تھا ایسا الیکشن کرانے سے ملک میں جمہوریت نہیں آتی نواز شریف کی طرح حسنی مبارک الیکشن کراتا تھا لیکن جمہوریت نہیں تھی، جب ہم نئے پاکستان کی بات کرتے ہیں تو حقیقی جمہوریت کی بات کرتے ہیں حقیقی جمہوریت میں لوگوں کو ایمپاور کیا جاتا ہے، آدھا یورپ جمہوریت کیوجہ سے آگے اور جہاں جمہوریت نہیں تھی وہ پیچھے رہ گیا ہے۔

عمران خان نے نواز شریف کو مخاطب کرتے ہوئے کہا کہ نواز شریف برطانیہ میں تو بہت کاروبار کرتے ہیں مگر اپنا پیسہ پاکستان نہیں لاتے کیونکہ انہیں پتہ ہے کہ اگر انہوں نے ایسا کیا تو سوال ہو گا کہ یہ پیسہ کہاں سے کمایا گیا ہے، آج ظالم اکٹھے ہیں اور مظلوم بٹے ہوئے ہیں، میاں صاحب! پیار سے کہہ رہا ہوں آپ کی  اننگ ختم ہوگئی، پویلین لوٹ جائیں، اب آپ کو کوئی نہیں بچاسکتا، کل یا پرسوں آپ کو جانا ہوگا وقت ختم ہوگیا، امپائر کی انگلی اوپر جانے والی ہے۔