ARYNews.tv | Urdu – Har Lamha Bakhabar

Tag: muzakrat

  • عمران خان عوام کے مسائل ریڈیوکے زریعے براہ راست سننے گے

    عمران خان عوام کے مسائل ریڈیوکے زریعے براہ راست سننے گے

    پشاور: چیئرمین پاکستان تحریک انصاف عمران خان کا نئے خیبر پختونخوا کی جانب ایک اور قدم بڑھاتے ہوئے صوبے کے عوام کے مسائل ریڈیوکے زریعے براہ راست سننے اور حل کرنے کا فیصلہ کیا ہے ۔

     کے پی کے حکومت کے ذرائع کے مطابق عمران خان مہینے میں ایک دن خیبر پختونخوا کے سرکاری ریڈیو اسٹیشن پر ایک گھنٹہ براہ راست پروگرام کر کے عوام سے براہ راست بات چیت کے زریعے ان کے مسائل دریافت کریں گے ۔

    ذرائع کے مطابق اس سلسلے کا پہلا پروگرام کل پشاور کے دورے کے موقع پر کریں گے ۔

    پروگرام میں عمران خان کل دن 12:30سے 01:30تک ریڈیو پر عوام سے بات کریں گے ۔

    چیئرمین تحریک انصاف نے عوام سے ریڈیو پر براہ راست رابطے کا فیصلہ خیبر پختونخوا کے لوگوں کی بڑھتی ہوئی شکایات کے باعث کیا ہے ۔

    پی ٹی آئی کے چےئر مین کو شکایات موصول ہوئی تھیں کہ وزراء اور بیوروکریسی تک عام آدمی کی رسائی ممکن نہیں ہے۔

  • شناختی کارڈ ہی ہرشہری کا ٹیکس نمبربھی ہوگا، اسحاق ڈار

    شناختی کارڈ ہی ہرشہری کا ٹیکس نمبربھی ہوگا، اسحاق ڈار

    اسلام آباد: وزیر خزانہ اسحا ق ڈار کا کہنا ہے این ٹی این نمبر اب صرف کمپنیوں کوملیں گے،قومی شناختی نمبر ہی ہرشہری کا ٹیکس نمبر ہوگا۔

     قومی اسمبلی کا اجلاس اسپیکر ایاز صادق کی صدارت میں ہوا وزیر خزانہ اسحاق ڈار نے کہا کہ ایوان کی خود مختاری پر کوئی سودے بازی نہیں کی جائے گی ٹیکسوں کے نفاذ کا حکومت حق رکھتی ہے پیپلز پارٹی کے دور میں بھی اسیے فیصلے کیئے گئے۔

     انہوں نے کہا کہ اس وقت زر مبادلہ کے ذخائر سولہ ارب ڈالر ہیں پٹرول کی قیمتوں میں اضافہ ہوا تو جی ایس ٹی کم کر دیا جائے گا۔

    وزیر خزانہ کا کہنا تھا کہ یکم جولائی سے شناختی کارڈنمبرٹیکس نمبرہوگا، انفرادی نیشنل ٹیکس نمبر ختم کیاجارہا ہے، انہوں نے بتایا کہ این ٹی این نمبر اب صرف کمپنیوں کو دیئے جائیں گے قومی شناختی کارڈ ہی عام شہری کا ٹیکس نمبر ہوگا ۔

    انہوں نے کہا کہ 46ارب روپے کے اضافی ٹیکس لگائے ہیں اشیا پر ریگولیٹری ڈیوٹی 5سے 10 فیصد کردی گئی ہے جبکہ چاکلیٹس،کاسمیٹکس،الیکٹرانکس پر سیلز ٹیکس بڑھایا گیا۔

    اپوزیشن لیڈر خورشید شاہ نے کہا کہ حکومت ماضی کی روایات تبدیل کرے حکمران پورا وقت ملک کو دیں تو کوئی غریب نہ رہے ۔

    سید نوید قمر نے کہا کہ وزیر خزانہ کے اعداد و شمار سے اتفاق نہیں کرتے شیخ رشید احمد ،رشید گوڈیل صاحبزادہ طارق اللہ نے بھی ٹیکسوں کے نفاذ پر تنقید کی۔

     وزیر داخلہ چودھری نثار نے ایوان کو تحریری طور پر بتایا کہ گزشتہ پانچ سال میں ملک بھر میں 638دہشت گرد مارے گئے سب سے زیادہ کے پی کے میں304دہشت گردوں کو ہلاک کیا گیا ٹیکسوں کے نفاذ پر اپوزیشن نے قومی اسمبلی اجلاس سے واک اوٹ کیا قومی اسمبلی کا اجلاس جمعہ کی صبع ساڑھے دس بجے دو بارہ ہو گا۔

  • دس کروڑ موبائل فون سمیں غیرتصدیق شدہ ہیں، چوہدری نثار

    دس کروڑ موبائل فون سمیں غیرتصدیق شدہ ہیں، چوہدری نثار

    اسلام آباد : وفاقی وزیر داخلہ چوہدری نثارنے کہا ہے کہ پاکستان میں ساٹھ تنظیمیں کالعدم ہیں جنہیں قانون کے دھارے میں لائیں گے۔بھارت کے کہنے پر کسی کو دہشت گرد قرار نہیں دے سکتے۔

    ان خیالات کا اظہار انہوں نے قومی اسمبلی میں خطاب کرتے ہوئے کیا۔ ان کا کہنا تھا کہ دس کروڑ موبائل فون سمیں غیر تصدیق شدہ ہیں۔

    انہوں نے کہا کہ ہم تیرہ سال سے دہشت گردی کا سامنا کر رہے ہیں،تاریخ میں پہلی مرتبہ سویلین حکومت نے قیام امن کیلئے مذاکرات کئے،مسئلے کو افہام و تفہیم سے حل کرنے کی کوشش کی لیکن ہماری پرامن پالیسی کو کمزوری سمجھا گیا۔ ایک طرف جنگ بندی تو دوسری جانب خود کش دھماکے کئے گئے۔

    انہوں نے کہا کہ دہشت گردوں کیخلاف کارروائی کا فیصلہ وزیراعظم میاں نواز شریف نے کیا، انہوں نے میڈیا کے کردار کو سراہتے ہوئے کہا کہ پاکستانی میڈیا نے مکمل طور پر حب الوطنی کا مظاہرہ کرتے ہوئے دہشت گردوں کی خبروں کو بڑھا چڑھا پیش نہیں کیا۔

    ان کا کہنا تھا کہ قومی ایکشن پلان کے مطابق اب تک بائیس دہشت گردوں کو تختہ دار پر چڑھایا گیا، اور پھانسی پانے والے تمام مجرمان دہشت گردی کی سنگین کارروائیوں میں ملوّث تھے۔

    ملٹری کورٹس کے حوالے سے ان کا کہنا تھا کہ اب تک فوجی عدالتوں میں  بیس مقدمات بھیجے جاچکے ہیں،جن میں سے بارہ مقدمات پر جلد کام شروع ہو جائے گا۔

  • الطاف حسین کے پاس ڈیتھ اسکواڈ ہے، عمران خان

    الطاف حسین کے پاس ڈیتھ اسکواڈ ہے، عمران خان

      اسلام آباد: عمران خان نے کہا ہے کہ الطاف حسین کےپاس ڈیتھ اسکواڈہےاپنےہی لوگوں کوماردیتے ہیں، میاں صاحب سانحہ بلدیہ کا کیس الطاف حسین کےخلاف شروع کریں۔

    چیئرمین تحریک انصاف عمران خان ایک بار پھر قائد ایم کیوایم کے بیان پربدستوربرہم ہوئے، عمران خان کا کہنا تھا کہ ظالم گیڈر،لوگوں کومرواتاہے،لمبی تقریریں کرتاہے اور میڈیا بندوقوں کے ڈرسے دکھاتا ہے۔

    عمران خا ن نےاپنی پرجوش تقرریر کے دوران ایم کیوایم کے کارکنوں سے سوال بھی داغ دیا، انہوں نے کہا کہ کوئی آپ کی بہنوں کیلئے ایسے الفاظ استعمال کرتاتو؟،آپ جلسے کررہے ہوبجائے اس کے کہ خودکوالگ کرو۔

    عمران خان کاکہنا تھا کہ ریڈ لائٹ ایریا میں رہنے والے بھی الطاف حسین سے زیادہ قابل احترام ہیں۔

    عمران خان نے غیر پارلیمانی زبان استعمال کرتے ہوئے کہا کہ ہیرامنڈی میں بیٹھے لوگ الطاف حسین سے زیادہ غیرت مند ہیں، عمران خان کاکہناتھا موت سے نہیں ڈرتاجلد کراچی جاؤں گا۔

    عمران خان کامزید کہناتھا میاں صاحب آپ اگرسنجیدہ ہیں توالطاف حسین کے خلاف کیس شروع کریں۔

  • مافیا سیاست,سیاسی عسکری ونگزکا خاتمہ ہوناچاہئیے،عمران خان

    مافیا سیاست,سیاسی عسکری ونگزکا خاتمہ ہوناچاہئیے،عمران خان

    اسلام آباد: تحریک انصاف کے چیئرمین عمران خان نے کہاہےمافیا سیاست اورسیاسی جماعتوں کے عسکری ونگ کا خاتمہ ہونا چاہئیے۔

    بلدیہ ٹاؤن فیکٹری میں آگ لگی نہیں لگائی گئی تھی،اس انکشاف نے جہاں جھلس کر جاں بحق ہونےوالوں کےلواحقین کاغم تازہ کردیا وہیں سیاسی قیادت کوبھی اس خبرسے زبردست جھٹکا لگا۔

    تحریک انصاف کےچیئرمین عمران خان ٹویٹر پیغام میں کہا ہے کہ اُنہیں سانحہ بلدیہ کی جے آئی ٹی رپورٹ سے دھچکا لگاہے۔

     عمران خان نے بھتہ مافیاکے مکروہ فعل کو غیر انسانی عمل قرار دیا۔

    عمران خان نے مزید کہا ہے کہ سیاسی جماعتوں کے عسکری ونگ اور سیاسی مافیا کا خاتمہ ہوناچاہئے۔

  • ایازصادق اب چلےجائیں گے، عمران خان کا دعویٰ

    ایازصادق اب چلےجائیں گے، عمران خان کا دعویٰ

    اسلام آباد: عمران خان نے کہا ہے کہ انتخابات میں اصل کھیل ریٹرننگ افسران نےکھیلاہے۔

    پریس کانفرنس کرتے ہوئے پاکستان تحریک انصاف کے چیئرمین عمران خان کا کہنا تھا کہ این اے125کی تصویر سامنے آگئی ہے، ہمیں پتاچل گیا الیکشن کیسے فکس کیا گیا۔

    عمران خان نے کہا ہے کہ انتخابات میں اصل کھیل ریٹرننگ افسران نےکھیلا ہم نےفرانزک لیبارٹری سےووٹوں کی تصدیق کرائی ہے جس میں ریٹرننگ افسران کےدستخط جعلی نکلے۔

    انہوں نے کہا کہ گلگت بلتستان میں شفاف انتخابات چاہتے ہیں،حکومت نے گلگت بلتستان کے الیکشن میں دھاندلی کی منصوبہ بندی کرلی ہے۔

    تحریک انصاف کے سربراہ عمران خان نے دعویٰ کیا ہے دھاندلی ثابت ہوگئی ہے ایاز صادق جلد چلے جائیں گے ،چیئرمین تحریک انصاف نے گلگت بلستان کی نگراں حکومت سپریم کورٹ میں چیلنج کرنے کا اعلان کردیا۔

  • پاکستان آئی ایم ایف مذاکرات:گیس کی قیمت میں اضافہ پراصرار

    پاکستان آئی ایم ایف مذاکرات:گیس کی قیمت میں اضافہ پراصرار

    دبئی : پاکستان اورآئی ایم ایف  کے مذاکرات دبئی میں جاری ہیں، مذاکرات میں گیس کی قیمت میں اضافہ کیلئے دباؤ، حکام کی یقین دہانیاں۔

    تفصیلات کے مطابق پاکستان اور عالمی مالیاتی ادارے کے مذاکرات دبئی میں جاری ہیں، آئی ایم ایف نے ایک بار پھر گیس کی قیمتوں میں اضافے کو ایشو بنالیا۔

    پاکستان اور عالمی مالیاتی ادارے کے درمیان پالیسی مذاکرات کے دوران آئی ایم ایف نے ایک بار پھر گیس کی قیمتوں میں اضافہ  کر نے پراستفسار کیا۔

    اس کے علاوہ عالمی مالیاتی ادارے نے وزیرخزانہ اسٹیٹ بینک کی خود مختاری کے سلسلے میں ہونے والی تاخیر پرتشویش کا اظہار کیا ہے۔

    گیس کی قیمتوں میں اضافہ نہ کرنے کے بارے میں وزیرخزانہ نے فنڈ کو بتایا کہ ملک کے سیاسی حالات گیس کی قیمتوں میں اضافے کی اجازت نہیں دیتے۔ مناسب وقت کا انتظار ہے۔

  • کراچی: دہشت گردی کیخلاف سول سو سائٹی کا مظا ہرہ

    کراچی: دہشت گردی کیخلاف سول سو سائٹی کا مظا ہرہ

    کراچی: دہشت گردی و ٹارگٹ کلنگ کیخلاف سول سو سائٹی نے وزیر اعلی ہا ؤس کے قر یب مظاہرہ و دھرنا دیا ۔

    کراچی میں وزیر اعلیٰ ہاؤس کے باہر دہشتگردی کے خلاف سول سوسائٹی نے احتجاجی مارچ کیا، پولیس اور مظاہرین میں تلخ کلامی کے بعد مظاہرین نے وزیر اعلیٰ ہاؤس کے قریب دھرنا دے دیا۔

    سول سوسائٹی کی جانب سے دہشتگردی کے خلاف وزیر اعلیٰ ہاؤس کے باہر احتجاج کیا گیا جس میں بڑی تعداد میں لوگوں نے شرکت کی۔ اس موقع پر مظاہرین نے دہشتگردوں کے خلاف بینرز بھی اٹھا رکھے تھے۔

    مظاہرین کو روکنے کے لیے پولیس کی بھاری نفری کو وزیر اعلیٰ ہاؤس کے اطراف تعینات کیا گیا تھا تاہم جب مظاہرین نے وزیر اعلیٰ ہاؤس جانے کی کوشش کی تو پولیس نے مظاہرین کو روکا۔

    اس دوران پولیس اور مظاہرین میں تلخ کلامی اور دھکم پیل ہوئی جس کے بعد مظاہرین نے وزیر اعلیٰ ہاؤس کے قریب دھرنا دے دیا۔

  • پرویز رشید نےعمران خان کی پریس کانفرنس جھوٹی قرار دیدیں

    پرویز رشید نےعمران خان کی پریس کانفرنس جھوٹی قرار دیدیں

    اسلام آباد: وفاقی وزیر اطلاعات پرویز رشید نے عمران خان کی پریس کانفرنس جھوٹی قرار دیدیں۔

    پارلیمنٹ ہائوس کے باہر میڈیا سےگفتگو میں پرویز رشید نے کہا کہ عمران خان آٹھ مہینے ٹریبیونل گئے ہی نہیں، انکا کہنا تھا کہ ڈی چوک میں کنٹینر لگا کر جوڈیشل کمیشن کی راہ میں روڑے اٹکائے گئے، جوڈیشل کمیشن آج بھی بن سکتا ہے۔

     پرویز رشید نے کہا کہ عمران خان الیکشن کے بعد سے دھاندلی کا ڈھنڈھورا پیٹتے چلے آرہے ہیں اور انہوں نے عوام کو بھی ذہنی اذیت میں مبتلا کر رکھا تھا، ڈی چوک پر دھرنے کے نام پر تماشہ رچایا گیا جس کے نقصانات پاکستان کو برداشت کرنا پڑے۔

     انہوں نےکہا کہ عمران خان ہر وقت عام انتخابات کے بیلٹ پیپرز اردو بازار سے چھپوانے کا راگ الاپتے رہتے تھے اور انہوں نے جتنی بھی سیاست کی وہ سب الیکشن کمیشن پر الزامات تھے جبکہ ہمیں امید تھی کہ چیف الیکشن کمشنر سےملاقات میں عمران یہ تمام باتیں کریں گے جس پر وہ انہیں مطمئن کرتے۔

    وفاقی وزیر اطلاعات کا کہنا تھا کہ عمران خان جس کے بھی گھر گئے بعد میں اسی پر الزامات لگائے جس کی واضح مثال سابق چیف جسٹس افتخار محمد چوہدری کی ہے۔

  • نوازشریف نے ہمیشہ غریب اور امیر کے درمیان فرق بڑھایا ہے، عمران خان

    نوازشریف نے ہمیشہ غریب اور امیر کے درمیان فرق بڑھایا ہے، عمران خان

    اسلام آباد: چیئرمین تحریک انصاف عمران خان نے پیٹرولیم مصنوعات کی قیمتوں پر اضافی ٹیکس عائد کئے جانے پر سخت رد عمل کا اظہار کرتے ہوئے کہا ہے کہ شریف برادران عوام پر ٹیکسز کا نا قابل برداشت بوجھ لاد رہے ہیں۔

    پیٹرولیم مصنوعات کی قیمتوں میں پانچ فیصد اضافی ٹیکس پر اپنے ایک ٹویٹ میں رد عمل کا اظہار کرتے ہوئے عمران خان نے کہا کہ نواز شریف کے تینوں ادوار میں غریب اور امیر کے درمیان فرق بڑھا ہے۔

    انہوں نے کہا کہ امیر لوگوں کی سہولت کے لئے غریبوں پر ٹیکس عائد کر دیا گیا ہے،جو ہر لحاظ سے غریب مخالف پالیسی ہے۔

     

    واضح رہے کہ پٹرول سستا ہوا تو پیٹرول پمپ والوں نےہٹ دھرمی دکھادی،کراچی سمیت کئی شہروں میں پٹرول ملنا بند ہوگیا۔