لاہور: مجلس وحدت مسلمین کے وفد نے ایم کیو ایم کے رہنما باؤ انور کے قتل کی تعزیت کے لئے ایم کیو ایم پنجاب کے سیکرٹیریٹ کا دورہ کیا اور فاتحہ خوانی کی۔
مجلس وحدت مسلمین کے دس رکنی وفد کی قیادت سید اسد عباس نقوی نے کی۔ سید اسد عباس نقوی نے کہا کہ وہ باؤ انور کے قتل پر ایم کیو ایم کے دکھ میں برابر کے شریک ہیں۔
انہوں نے حکموت سے مطالبہ کیا کہ باؤ انور سمیت دیگر جماعتوں کے رہنماؤں میں ملوث قاتلوں کو فی الفور گرفتار کیا جائے اور پنجاب میں امن و امان کی صورتحال کو بہتر بنایا جائے۔
لاہور: پاکستان عوامی تحریک اور مجلس وحدت مسلمین کے رہنماؤں نے فیصل آباد میں پی ٹی آئی کے کارکنوں کے قتل کی مذمت کرتے ہوئے کہا ہے کہ وہ تحریک انصاف کے اگلے مرحلے کے احتجاج میں شرکت کا اعلان جلد کرینگے۔
لاہور میں مشترکہ پریس کانفرنس سے خطاب کرتے ہوئے پاکستان عوامی تحریک کے سیکرٹری جنرل خرم نواز گنڈا پوراو مجلس وحدت مسلمین کے رہنماء ناصر شیرازی نے کہا کہ فیصل آباد میں جو کچھ ہوا، وہ رانا ثناءاللہ اور پرویز رشید کے اشتعال انگیز بیانات کا نتیجہ ہے۔
خرم نواز گنڈاپور کا کہنا تھا کہ پنجاب پولیس کے پاس بہیمانہ تشدد کے سوا ہجوم کنٹرول کرنے کا کوئی طریقہ نہیں، پاکستان عوامی تحریک، ایم ڈبلیو ایم اور تحریک انصاف کا طریقہ جدا مگر منزل ایک ہے۔ انہوں نے کہا کہ ایک شادی میں شرکت نہ کرنے سے رشتہ داری ختم نہیں ہو جاتی، پی ٹی آئی والے ہمارے کزن ہیں، اگلے احتجاج میں شرکت کا اعلان جلد کرینگے۔ ایم ڈبلیو ایم کے رہنماء ناصر شیرازی نے کہا کہ رانا ثناءاللہ کے طالبان، داعش اور غنڈوں سے تعلقات ہیں، تحریک انصاف کے رہنماؤں سے رابطے ہیں، اگلے احتجاج میں شرکت کرینگے۔
لاہور: پاکستان عوامی تحریک اوراس کی اتحادی جماعتوں نے تحریک انصاف کے 30 نومبر کے جلسے میں شرکت نہ کرنے کا فیصلہ کیا ہے۔ خرم نواز گنڈاپور کا کہنا ہے کہ پی ٹی آئی کے مؤقف کی حمایت کرتے ہیں، نواز شریف جعلی انتخابات کے ذریعے اقتدار میں آئے ہیں۔
لاہور میں پاکستان عوامی تحریک اور اس کی اتحادی جماعتوں، مسلم لیگ قاف، مجلس وحدت مسلمین اور سنی اتحاد کونسل کا مشترکہ اجلاس ہوا، جس میں تحریک انصاف کے کل اسلام آباد جلسے میں شرکت نہ کرنے کا فیصلہ کیا گیا۔
اجلاس کے بعد میڈیا سے گفتگو کرتے ہوئے خرم نواز گنڈاپور نے کہا کہ تحریک انصاف کے موقف سے مکمل اتفاق ہے، مکمل مشاورت نہ ہونے کے باعث اسلام آباد جلسے میں شرکت نہیں کریں گے۔ مشاورت مکمل نہ ہونے کی ایک وجہ ڈاکٹر طاہرالقادری کی علالت اور علامہ راجہ ناصر عباس کا غیر ملکی دورہ ہے۔
انہوں نے کہا کہ نوازشریف باطل الیکشن کے ذریعے وزیر اعظم بنے، انہیں تسلیم نہیں کرتے، پرویز رشید کی زبان اُن کے کنٹرول میں نہیں، وہ بتائیں کہ گلگت بلتستان پاکستان کا حصہ نہیں تو کس کا ہے، نوازشریف اس بیان کا نوٹس لینا چاہیئے۔
اسلام آٓباد: اسلام آباد میں دہشتگردوں کی فائرنگ سے مجلس وحدت المسلمین کے رہنما علامہ نواز عرفانی جاں بحق ہوگئے۔
پولیس کے مطابق علامہ نوازعرفانی پارہ چنار سے اسلام آباد آرہے تھے کہ تھانہ گولڑہ کی حدود میں نامعلوم افراد نے فائرنگ کردی۔
فائرنگ کے نتیجے میں ایم ڈبلیو ایم کے سیکریٹری جنرل راجہ ناصر عباس نے واقعے کی شدید مذمت کرتے ہوئے ملزمان کی گرفتار ی کیلئے بارہ گھنٹے کا الٹی میٹم دیا ہے۔ عدم گرفتاری پرآئندہ کا لائحہ عمل طے کیا جائے گا۔
راولپنڈی: وفاقی حکومت کی ہدایت پر انتظامیہ نے راولپنڈی سے اسلام آباد آنے والے راستوں کو کنٹینر لگا کر ہر قسم کے ٹریفک کی آمد و رفت کے لئے بند کردیا گیا ہے جس کہ باعث سینکڑوں گاڑیاں لنک روڈ پر پھنس گئی ہیں۔
اےآروائی نیوز کے نمائندے بابر ملک نے تفصیلات سے آگاہ کرتے ہوئے بتایا کہ یہ وہ وقت ہے کہ جب پاکستان تحریکِ انصاف کے کارکنان کی بڑی تعداد دھرنے میں شرکت کے لئے راولپنڈی سے اسلام آباد ریڈ زون کی جانب سفر کرتی ہے اور وفاقی انتظامیہ نے ان کارکنان کی آمد کو روکنے کے لئے مری روڈ ، فیض آباد ہائی وے اور لنک روڈ کو کنٹینر لگا کر کسی بھی قسم کے ٹریفک کی آمد و رفت کے لئے بند کردیا ہے۔
انہوں نے مزید بتایا کہ مجلسِ وحدت المسلمین کی ایک ریلی ڈاکٹر طاہر القادری کے انقلاب مارچ اور دھرنے کے شرکاء سے اظہار یکجہتی کے لئے جارہی تھی لیکن اسے بھی اسلام آباد میں داخلے کی اجازت نہیں ملی۔
علاوہ ازیں یکایک کنٹینر لگا کر راستہ مکمل طور پر بند کردینے سے جڑواں شہروں کے باشندےبھی اپنی منزل ِ مقصود تک پہنچنے سے قاصر ہیں۔ لنک روڈ پر سینکروں گاڑیوں کی قطاریں لگ گئی ہیں جن میں کئی ایمبو لینسیں بھی پھنس گئی ہیں۔
گذشتہ روز وفاقی وزیرِ داخلہ چوہدری نثار علی خان نے پریس کانفرنس میں میڈیا سے گفتگو کرتے ہوئے دعویٰ کیا تھا کہ کنٹینر صرف دھرنوں کے شرکاء کی سیکیورٹی کے لئے لگائے گئے ہیں لیکن آج کے واقعے نے ان کے اس دعوے کی قلعی کھول دی ہے۔
لاہور:پاکستان عوامی تحریک نے پنجاب پولیس کے بد ترین تشدد اورکارکنوں کی شہادت کے بعد آئندہ لائحہ عمل طے کرنے کے لئے ہنگامی اجلاس طلب کرلیا ہے۔
پاکستان عوامی تحریک نے پنجاب بھرمیں یوم شہدا میں شرکت کے لئےآنے والےقافلوں پررات بھر کریک ڈائون اور بسوں پر فائرنگ اور شیلنگ سےہونے والی شہادتوں پر غور اورآئندہ لائحہ عمل پرغورکیلئےہنگامی اجلاس طلب کر لیا ہے۔
اجلاس میں سنی اتحاد کونسل،مجلس وحدت مسلمین،پاکستان مسلم لیگ ق اور دیگر جماعتوںکے رہنما شرکت کریں گے۔
پاکستان عوامی تحریک کے رہنما رحیق عباسی نے میڈیا سے بات چیت میں کہا ہے، خواتین کو بالوں سے پکڑ کر بسوں سے اتارا گیا،ایسا ظلم و تشدد تواسرائیل نے فلسطینیوں پر نہیں کیا،ان کا کہنا تھا کہ خدشہ ہے کہ پولیس شہیدوں کے جسد خاکی اور زخمیوں کو غائب کر سکتی ہے۔
اسلام آباد : سابق صدر آصف علی زرداری نے ڈاکٹر طاہرالقادری کو ٹیلی فون کیا ہے، انقلاب مارچ پر دونوں رہنماوں نے تبادلہ خیال کیا اور جمہوریت کے استحکام پر زوردیا ہے۔
پیپلزپارٹی کے شریک چیرمین اور سابق صدر آصف علی زرداری نے دو مرتبہ طاہرالقادری سے فون پر بات کی، مجوزہ انقلاب پر تبادلہ خیال کیا،انہوں نے سانحہ ماڈل ٹاون میں پاکستان عوامی تحریک کے جاں بحق ہونے والے کارکنوں کی تعزیت کی، اور دعائے مغفرت بھی کی،سابق صدر نے ڈاکٹر طاہرالقادری کو معاملات مفاہمت اور مذاکرات سے حل کرنے پر زوردیتے ہوئے کہا کہ ایسے اقدام سے گریز کریں جس سے جمہوریت کا نقصان ہو۔
انہوں نے کہا کہ ملک میں جمہوری استحکام کارکنوں کی محنتوں اور قائدین کے خون سے پیدا ہوا ہے، اسے عدم استحکام سے دوچار نہ کیا جائے،تاہم ڈاکٹر طاہرالقادری نے سابق صدر پر واضح کیا کہ ان کی جدوجہد جدوجہد آئین اور جمہوریت کے لیے ہے،لیکن موجودہ نظام کو جمہوری نہیں کہا جاسکتا، ان کا کہنا تھاکہ یہ دھاندلی کی پیداوار حکومت ہے، اور وہ چاہتے ہیں کہ عوام کو شریک اقتدار کرنے کے لئے ضروری ہے کہ انقلاب لایا جائے۔
لاہور: پاکستان عوامی تحریک کے سربراہ ڈاکٹرطاہرالقادری اور مسلم لیگ ق کے سربراہ چودھری شجاعت حسین کے درمیان ملاقات ہوئی۔ دونوں رہنماؤں نے اے پی سی کی قرارداد پر عملدرآمد پر زور دیا۔ پاکستان عوامی تحریک کے سربراہ ڈاکٹر طاہرالقادری اور مسلم لیگ ق کے سربراہ چودھری شجاعت حسین کے درمیان ملاقات ہوئی ۔
ملاقات میں طاہرالقادری نے چودھری شجاعت کو حکومت کی طرف سے ہونے والے رابطوں پر بریفنگ دی۔ چودھری شجاعت نے سابق صدر آصف علی زرداری سے ہونے والی گفتگو پرڈاکٹر طاہرالقادری کو اعتماد میں لیا ۔
دونوں رہنماؤں نے اس بات پر اتفاق کیا کہ جب تک سانحہ ماڈل ٹاؤن پر ہونے والی اے پی سی کی قرارداد پر عمل درآمد نہیں ہوجاتا ، حکومت سے کوئی بات چیت نہیں ہوسکتی ۔ ملاقات کے بعد دونوں رہنما مجلس وحدت المسلمین کے صوبائی سیکرٹریٹ پہنچے جہاں ان کا استقبال علامہ امین شہیدی نے کیا۔
لاہور:چوھدری شجاعت حسین اور چوھدری پرویز الیہ نےلاہور میں ڈاکٹرطاہرالقادری کی رہائشگاہ جا کر ان سے ملاقات کی جس میں ملکی اورسیاسی صورتحال پرتبادلہ خیال کیا گیا۔
ماڈل ٹاون لاہورمیں مسلم لیگ ق کےسربراہ چوہدری شجاعت حسین اورچوھدری پرویز الہی نے ڈاکٹرطاہرالقادری کی رہاٗشگاہ پر ان سے ملاقات کی جس میں طاہرالقادری کے 10 نکاتی ایجنڈے اورمجلس وحدت المسلمین کی جانب سے دئےگئ4 نکات پرغوراور تبادلہ خیال کیا گیا۔
اس سےقبل سنی اتحادکونسل کےچئیرمین صاحبزادہ حامدرضا اورمجلس وحد مسلمین کے مرکزی رہنماعلامی ناصرعباس نےبھی ڈاکٹرطاہرالقادی سےملاقات کی۔
ایک سوال کے جواب میں صاحبزادہ حامد رضا کا کہنا تھا کہ تمام جماعتوں سے معاملات چل رہے ہیں عمران خان سے بھی بات چیت چل رہی ہے اور جلد ہی کوئی اچھی خبر سنایں گے۔
کراچی: فرقہ وارانہ دہشت گردی کی کاروائی میں نامعلوم مسلح افراد نے علامہ طالب جوہری کے داماد ایڈووکیٹ مبارک رضاکاظمی نشانہ بنایا اور فرار ہوگئے۔ ایڈووکیٹ مبارک علی کا قتل پر کراچی بار ، سندھ بار اور پاکستان بار ایسو سی ایشن نے کل ہڑتال کا اعلان کیا ہے۔
شہر قائد میں جہاں آپریشن جاری ہے وہی ٹارگٹ کلنگ کے واقعات بھی روکنے کا نام نہیں لے رہے گلشن اقبال بلاک تیرہ ڈی ٹو میں مبارک حسین کاظمی کی گاڑی پر مسلح افراد نے فائرنگ کر دی جس کے نتیجے میں مبارک رضا کاظمی موقع پرجاں بحق ہوگئے۔
ایس پی گلشن اقبال کے مطابق مبارک حسین کے قاتلوں کو عزیز بھٹی پولیس نے روکنے کی کوشش کی تھی ملزمان نے پولیس پر فائرنگ کی جس پر جوابی کارروائی میں ایک ملزم زخمی ہوا نیپا چورنگی کے قریب موجود دیگر ساتھی زخمی ملزم کو لے کر فرار ہوگئے۔
ایڈووکیٹ مبارک رضا کے قتل پر ایم کیوایم ، مجلس وحدت المسلمین اور وکلا برادری کی جانب سے اظہار مذمت کیاگیا ہے۔