اوسلو : ناروے کے شہر اوسلو میں ایک عجیب اور پراسرار روشنی نے وہاں کے باشندوں کو عجیب سے خوف کا شکار بنادیا، سوشل میڈیا پر ویڈیو وائرل ہوگئی۔
گزشتہ رات ناروے میں ہونے والے ایک واقعے نے ہلچل مچا دی، اوسلو میں رات گئے ایک روشنی کے پراسرار ہیولے نے شہریوں کو پریشانی میں مبتلا کردیا۔
غیر ملکی خبر رساں ادارے کی رپورٹ کے مطابق سوشل میڈیا پر وائرل ہونے والی ویڈیو میں دیکھا جاسکتا ہے کہ آسمان کی جانب سے زمین پر تیزی سے آتا ہوا ایک روشنی کا گولہ ہے۔
Video av meteoren, fra @meteornettverk inatt. pic.twitter.com/hayrVTJyU9
— astronewth (@astronewth) July 25, 2021
اس گولے کی چمک سے پوری فضا میں روشنی ہی روشنی پھیل جاتی ہے۔ چند لمحات میں پھیلنے والی اس روشنی کو بہت سے شہریوں نے اپنے موبائل کیمروں میں محفوظ کیا۔
اس حوالے سے ناروے کے میٹیر نیٹ ورک نے بتایا کہ مذکورہ واقعہ رات کے تقریباً ایک بجے پیش آیا اس روشنی کے گولے کی رفتار تقریبا 36۔36- 500ایم پی ایچ تھی اور کم از کم پانچ سیکنڈ تک نظر آیا تھا۔
Meteor in Oslo pic.twitter.com/HodXe9RfrF
— Mikael Berg (@mikaelberg2k) July 24, 2021
میٹیر نیٹ ورک کے مطابق روشنی کا گولہ جنوبی اسکینڈی نیویا کے علاقوں میں واضح طور پر دیکھا گیا اور امید ہے کہ زمین کے کسی مقام پر گرا ہے، تاہم یہ ایک ڈراؤنا اور خطرناک واقعہ ہے۔
نیٹ ورک ترجمان نے مزید بتایا کہ پراسرار واقعے کے بارے میں حکام کو شہریوں کی متعدد ہنگامی فون کالز موصول ہوئیں تاہم خوش قسمتی سے کسی شہری کے زخمی ہونے یا کسی مالی نقصان کی اطلاع نہیں ملی ہے۔
#METEORITT#Larvik#Tesla pic.twitter.com/dgGiwiUu5q
— adressami (@dexcash) July 24, 2021
مقامی ماہرین اب روشنی کی حقیقت اور منزل معلوم کرنے کے لئے ویڈیو فوٹیجز اور دیگر ڈیٹا کا تجزیہ کر رہے ہیں۔ ماہرین کی ایک ٹیم کو اس علاقے میں بھی بھیجا گیا ہے جہاں اس روشنی کے اترنے کا شبہ ہے۔
یہ ٹیم فی الحال ناروے کے دارالحکومت اوسلو سے تقریباً 60 کلومیٹر مغرب میں واقع ایک جنگل کی نگرانی اور جانچ پڑتال کررہی ہے جس کے بارے میں خیال کیا جارہا ہے کہ یہ اس حادثے کا مقام ہے۔
