قومی اسمبلی کے حلقہ این اے 122 لاہور سے پی ٹی آئی رہنما لطیف کھوسہ نے ن لیگ کے مرکزی رہنما خواجہ سعد رفیق کو شکست دے دی ہے۔
غیر سرکاری اور غیر حتمی نتائج کے مطابق اس حلقے سے پی ٹی آئی کے مرکزی رہنما نے آزاد امیدوار کی حیثیت سے ایک لاکھ 17 ہزار 109 ووٹ لے کر کامیابی حاصل کی۔
پاکستان مسلم لیگ ن کے رہنماء خواجہ سعد رفیق 77 ہزار 907 ووٹ لے کر دوسرے نمبر پر رہے ہیں۔
سردار لطیف کھوسہ کی جیت پر مسلم لیگ کے رہنما خواجہ سعد رفیق کا سماجی رابطے کی ویب سائٹ (ایکس) پر ٹوئٹ کرتے ہوئے کہنا تھا کہ ”عوامی فیصلے پر خوش دلی سے سر ِ تسلیم خم“۔
خواجہ سعد رفیق کا مزید کہنا تھا کہ اللہ آنیوالی پارلیمان کو متحد ہوکر قومی بحرانوں پر قابو پانے کی توفیق عطا فرمائے۔
