لاہور: الیکشن ٹریبونل نے حلقہ این اے ایک سو بائیس کے ووٹوں کی نادرا سے تصدیق کرانے کے خلاف سردار ایاز صادق کی درخواست مسترد کردی۔
ٹریبونل میں حلقہ این اے ایک سو بائیس کے ووٹوں کی نادرا سے تصدیق کرانے کے خلاف سردار ایاز صادق کی درخواست کی سماعت ہوئی۔
سردار ایاز صادق کے وکیل نے دلائل دیئے کہ نادرا کو ووٹوں کی تصدیق کا اختیار حاصل نہیں نہ ہی اسے ایسا حکم دیا جاسکتا ہے الیکشن ٹریبونل وضاحت کرے کہ کس قانون کے تحت اس نے نادرا کو ووٹوں کی تصدیق کا حکم دیا۔
الیکشن ٹریبونل نے نادرا کو حکم دیا کہ وہ کاؤنٹر فائلوں اور رجسٹرڈ ووٹوں کی بھی تصدیق کرے جبکہ نادرا کے پاس ایسا کوئی طریقہ کار موجود نہیں، جس کے ذریعے تصدیق کی جاسکے۔
ٹریبونل کے فیصلے میں سکم ہیں، جنھیں دور کیا جائے جبکہ اعدادو شمار کی متعدد غلطیاں ہیں جنھیں درست کیا جائے۔
عمران خان کے وکیل نے دلائل دیئے کہ ٹریبونل کا حکم قانون کے مطابق ہے اور ٹریبونل کو یہ اختیار حاصل ہے، نادرا کوووٹوں کے نشانات کی تصدیق کا حکم دے سکے، ٹریبونل نے وکلاء کے دلائل مکمل ہونے کے بعد سردار ایاز صادق کی درخواست مسترد کردی۔
۔
