Tag: NA 60

  • چیف جسٹس  این اے 60 میں انتخاب ملتوی کرنے کا نوٹس لیں، شیخ رشید

    چیف جسٹس این اے 60 میں انتخاب ملتوی کرنے کا نوٹس لیں، شیخ رشید

    راولپنڈی: عوامی مسلم لیگ کے سربراہ شیخ رشید نے چیف جسٹس آف پاکستان ثاقب نثار سے اپیل کی ہے کہ وہ این اے 60 میں انتخاب ملتوی کیے جانے کا نوٹس لیں۔

    تفصیلات کے مطابق شیخ رشید احمد نے پریس کانفرنس کرتے ہوئے الیکشن ملتوی کیے جانے کو سازش قرار دیا اور کہا کہ آج پاکستان کی تاریخ کا سیاہ دن ہے، وہ الیکشن کمیشن کے فیصلے کے خلاف کل ہائی کورٹ میں اپیل کریں گے۔

    شیخ رشید نے کہا ’الیکشن کمیشن نے اختیارات کا غیر آئینی استعمال کیا ہے، میں الیکشن کمیشن گیا تو مجھ سے کہا گیا کہ کل آپ کو فیصلے کی کاپی دی جائے گی۔‘

    ان کا کہنا تھا کہ قانون کے تحت صرف امیدوار کی موت پر الیکشن ملتوی ہوتا ہے، الیکشن کمیشن نے الیکشن ایکٹ 2017 کا غلط استعمال کیا۔

    ایفی ڈرین کوٹہ کیس، حنیف عباسی کو عمر قید کی سزا

    سربراہ عوامی مسلم لیگ نے کہا کہ الیکشن کمیشن کو ہائی کورٹ میں اپنے اقدام کا جواب دینا ہوگا، الیکشن کے لیے ہماری تیاری مکمل تھی، اب ہمیں خوف زدہ کیا جا رہا ہے۔

    شیخ رشید احمد نے کہا کہ مریم نواز اور کیپٹن صفدر کے حلقوں میں الیکشن ملتوی کیوں نہیں کیے گئے، آئین کے تحت کوئی طاقت الیکشن روک نہیں سکتی، مجھے امید ہے الیکشن کمیشن آئینی راستہ اختیار کرے گا۔

    واضح رہے کہ انسداد منشیات عدالت نے ایفی ڈرین کوٹا کیس میں مسلم لیگ ن کے رہنما اور امیدوار حنیف عباسی کو عمر قید کی سزا دی ہے، ان پر 500 کلو ایفی ڈرین منشیات اسمگلروں کو فروخت کرنے کا الزام تھا۔


    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • این اے 60 اور 62 پر ایک لاکھ کی لیڈ سے جیتوں گا‘ شیخ رشید

    این اے 60 اور 62 پر ایک لاکھ کی لیڈ سے جیتوں گا‘ شیخ رشید

    راولپنڈی: عوامی مسلم لیگ کے سربراہ شیخ رشید نے کہا ہے کہ پنجاب کے حلقہ این اے 60 اور 62 پر ایک لاکھ کی لیڈ سے جیتوں گا۔

    تفصیلات کے مطابق عوامی مسلم لیگ کے سربراہ شیخ رشید انتخابی مہم میں زور شور سے مصروف ہیں جبکہ الیکشن سے متعلق ان کا کہنا ہے راولپنڈی کے حلقہ این اے ساٹھ اور باسٹھ پر ایک لاکھ کی برتری سے میدان ماروں گا، اقتدار میں آکر میگا پروجیکٹ مکمل کراؤں گا۔

    عوامی مسلم لیگ کے سربراہ صبح سویرے راولپنڈی کے علاقے ولایت کالونی پہنچ گئے ووٹرز سے ملاقاتیں کیں اور ساتھ ناشتے میں چنے پائے اور نہاری کھائی بھی کھائی۔


    نوازشریف کوعوامی مسلم لیگ نے گھربھیجا‘ شیخ رشید


    قلم دوات کے انتخابی نشان پر انتخابات میں حصہ لینے والے شیخ رشید احمد جیت کے لئے خاصے پر امید ہیں، این اے ساٹھ اور باسٹھ میں ان کا مقابلہ ن لیگ کے حنیف عباسی اور دانیال چودھری سے ہوگا۔

    خیال رہے کہ گذشتہ روز راولپنڈی میں میڈیا سے گفتگو کرتے ہوئے شیخ رشید نے کہا تھا کہ قلم دوات اور بلا الیکشن میں کامیاب ہوگا، حالات جیسے بھی ہوں الیکشن کی طرف بڑھنا چاہیے، ہمارے خلاف قبضہ اور ڈرگس ڈیلر گروپ ہے۔


    ووٹ ذلیل ہی نوازشریف کے ہاتھوں ہوا ہے‘ شیخ رشید


    انہوں نے یہ بھی کہا تھا کہ کوئی بھی شخص پنڈی والوں کو پیسوں سے نہیں خرید سکتا، تاریخی فتح ہوگی، پنڈی کے لوگ میرے ساتھ کھڑے ہیں، آمروں کے خلاف سب سے پہلے ہم نکلے اور نوازشریف کو عوامی مسلم لیگ نے گھر بھیجا۔


    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔