ARYNews.tv | Urdu – Har Lamha Bakhabar

Tag: NA Speaker asad qaisar

  • کرتارپور راہداری کی تعمیر عمران خان کا تاریخی اقدام ہے، اسپیکر اسد قیصر

    کرتارپور راہداری کی تعمیر عمران خان کا تاریخی اقدام ہے، اسپیکر اسد قیصر

    اسلام آباد : اسپیکر قومی اسمبلی اسد قیصر نے کہا ہے کہ کرتارپور راہداری کی تعمیر وزیر اعظم عمران خان کا تاریخی اقدام ہے، اس سے پاکستان کا پرامن تشخص بھی دنیا میں اجاگر ہوگا۔

    یہ بات انہوں نے اسلام آباد میں میڈیا سے گفتگو کرتے ہوئے کہی۔ انہوں نے کہا کہ کرتار پور راہداری کھولنے کا فیصلہ اسلامی تعلیمات، پاکستان کی بین المذاہب ہم آہنگی کی پالیسی کے فروغ اور پرامن ہمسائیگی کے اصولوں کے مطابق ہے۔

    اسپیکر اسد قیصر نے کہا کہ کرتارپور راہداری فراہم کرنا سکھ برادری کی دیرینہ خواہش تھی جسے وزیراعظم پاکستان عمران خان نے پورا کر دیا، اس سے نہ صرف سکھ برادری کو ان کے مقدس مقامات کی زیارات کا موقع فراہم ہوگا بلکہ پاکستان کا پرامن تشخص بھی دنیا میں اجاگر ہوگا۔

    انہوں نے کہا کہ آئین پاکستان اقلیتوں کے تحفظ کی ضمانت دیتا ہے اور انہیں ہر قسم کی مذہبی عبادات ورسومات کی ادائیگی کی مکمل آزادی فراہم کرتا ہے۔

    اسپیکر قومی اسمبلی اسد قیصر نے بابا گرو نانک کے 550 ویں جنم دن کے موقع پر سکھ برادری کو مبارکباد دیتے ہوئے کہا کہ بابا گرو نانک نے ہمیشہ بھائی چارے اور انسان دوستی کا درس دیا۔

    انہوں نے کہا  کہبابا گرو نانک صحیح معنوں میں امن کے سفیر تھےاور انہوں نے ساری زندگی انسانیت کی فلاح اور امن و آشتی کو فروغ دینے میں صرف کی۔

     

  • بھارت میں اس وقت مودی کی نہیں آر ایس ایس کے غنڈوں کی حکومت ہے، اسد قیصر

    بھارت میں اس وقت مودی کی نہیں آر ایس ایس کے غنڈوں کی حکومت ہے، اسد قیصر

    چارسدہ : اسپیکر قومی اسمبلی اسد قیصر نے کہا ہے کہ بھارت میں اس وقت مودی کی نہیں آر ایس ایس کے غنڈوں کی حکومت ہے، کشمیر کے حوالے سے ہمارے تمام آپشن امن کے ہیں، سی پیک پر کسی قسم کا سمجھوتہ نہیں کیا جائے گا۔

    ان خیالات کااظہار انہوں نے چارسدہ میں میڈیا سے بات چیت کرتے ہوئے کیا، اسپیکرقومی اسمبلی نے کہا کہ مقبوضہ کشمیر ک یموجودہ صورتحال پر پر او آئی سی اجلاس کے فیصلوں کا خیرمقدم کرتے ہیں۔

    انہوں نے کہا کہ بھارت نے کشمیرکی متنازع حیثیت ختم کرکے عالمی قوانین خلاف ورزی کی، مقبوضہ کشمیر کے حوالے سے بھارت کے فیصلے سے ان کا مکروہ چہرہ دنیا کے سامنے آچکا ہے۔

    اسد قیصر کا مزید کہنا تھا کہ بھارت میں اس وقت مودی کی نہیں آر ایس ایس کی حکومت ہے، مقبوضہ کشمیر کے حوالے سے ہمارے تمام آپشن امن کے لیے ہیں۔

    ایک سوال کے جواب میں اسپیکر اسد قیصر نے کہا کہ سی پیک پر کسی قسم کا سمجھوتہ نہیں کیا جائے گا، بعض ایم این ایز کے پروڈکشن آرڈرز دینے میں قانونی پیچیدگیاں ہیں۔

  • حکومت کی اوّلین ترجیح ملک کو معاشی بحران سے نکالنا ہے، اسپیکر اسد قیصر

    حکومت کی اوّلین ترجیح ملک کو معاشی بحران سے نکالنا ہے، اسپیکر اسد قیصر

    لندن : اسپیکر قومی اسمبلی اسد قیصر نے کہا ہے کہ ملکی معیشت دہشت گری کی وجہ سے تباہ ہوئی، سب سے اہم مسئلہ معاشی بحران سے نکلنا ہے۔

    ان خیالات کا اظہار انہوں نے لندن میں پاکستانی ہائی کمیشن میں منعقدہ تقریب سے خطاب کرتے ہوئے کیا، اسد قیصر کا کہنا تھا کہ ملکی معیشت کی صورتحال آپ سب کے سامنے ہے، بجٹ میں خسارہ 30ارب ڈالر تک پہنچ گیا ہے۔

    انہوں نے کہا کہ دہشت گری کی پے در پے کارروائیوں کی وجہ سے ملکی معیشت تباہ ہوئی، حکومت اپنے اہداف سامنے رکھ کر کام کر رہی ہے، سب سے اہم مسئلہ پاکستان کو معاشی بحران سے نکالنا ہے، درآمدات اوربرآمدات میں توازن حکومت کی اوّلین ترجیح ہے۔

    اسپیکر قومی اسمبلی نے کہا کہ برطانیہ کی ترقی میں پاکستانیوں کا اہم کردار ہے، اوورسیز پاکستانیوں نے تحریک انصاف کو بھی بہت زیادہ سپورٹ کیا۔

    مزید پڑھیں: احتساب قانون کے مطابق سب کا ہونا چاہیے، عام انتخابات وقت پرہی ہوں گے، اسد قیصر

    ان کا مزید کہنا تھا کہ پاکستان یورپ اور چین میں رابطے کا کردار ادا کرسکتا ہے، مدینے کی ریاست کی بنیاد انصاف ہے، ملک کی ترقی اور خوشحالی کیلئے وزیراعظم عمران خان صبح نو سے رات آٹھ بجے تک کام کرتے ہیں۔