ARYNews.tv | Urdu – Har Lamha Bakhabar

Tag: Nab court

  • آصف زرداری نامعلوم ایجنڈے پر کام کررہےہیں ،سعد رفیق

    آصف زرداری نامعلوم ایجنڈے پر کام کررہےہیں ،سعد رفیق

    اسلام آباد : وفاقی وزیر ریلوے خواجہ سعد رفیق کا کہنا ہے کہ آصف زرداری نامعلوم ایجنڈے پر کام کر رہے ہیں، جمہوریت کو پاؤں جمانے نہیں دیئے جاتے ، ایسی صورتحال پیدا کی جاتی ہے جس سے جمہوریت کو نقصان پہنچتا ہے۔

    تفصیلات کے مطابق وفاقی وزیر ریلوے خواجہ سعد رفیق نے نواز شریف کی احتساب عدالت میں پیشی کے موقع پر کہا کہ کسی کی ذات پر حملہ نہیں کرنا چاہتے، آصف زرداری نامعلوم ایجنڈے پر کام کررہےہیں، آصف زرداری پارٹی کو ہدایت کررہے ہیں، کسی قانون سازی میں حصہ نہ لیں۔

    سعد رفیق کا کہنا تھا کہ آصف زرداری نے پوری پارٹی کو قابو میں کررکھا ہے، یہ لیکس سچ ہے یا نہیں ،زیادہ تر جھوٹ ہی ہوتا ہے ، جمہوریت کو پاؤں جمانے نہیں دیئے جاتے ، ایسی صورتحال پیدا کی جاتی ہے جس سے جمہوریت کو نقصان پہنچتا ہے۔

    وفاقی وزیر ریلوے نے کہا کہ حلقہ بندیوں پر پیپلزپارٹی اپنے مؤقف کی بھی وضاحت پیش نہیں کرپارہی، ہم پوری کوشش کریں گے حلقہ بندیوں سے متعلق تمام سیاسی جماعتوں کو ایک پیج پر لائیں۔

    انھوں نے مزید کہا کہ مردم شماری کے بعد سب سے بڑا مرحلہ حلقہ بندیوں کا ہوتا ہے لیکن ایک جماعت وقت سے پہلے انتخابات کا مطالبہ کر رہی ہے، مردم شماری ہونے کے بعد الیکشن نئی مردم شماری کے مطابق ہوتا ہے، مردم شماری کے تقاضے پورے کیے بغیر کیسے انتخابات ہوں گے۔

    مزید پڑھیں : مخالفین ووٹ کےبجائےسازش سےاقتدارمیں آنا چاہتے ہیں‘ سعد رفیق

    گذشتہ روز وفاقی وزیرریلوے خواجہ سعد رفیق کا کہنا تھا کہ نئی حلقہ بندیوں کے لیے ترمیم نہ کی توانتخابات کا بروقت انعقاد نہیں ہوپائے گا، نئی مردم شماری کے ابتدائی نتائج کا اعلان ہوچکا، انتخابات پرانی مردم شماری کی بنیاد پر کرانا آئین سے متصادم ہوگا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • نااہل وزیراعظم کی تیس گاڑیوں کے شاہانہ پروٹوکو ل میں نیب کورٹ آمد

    نااہل وزیراعظم کی تیس گاڑیوں کے شاہانہ پروٹوکو ل میں نیب کورٹ آمد

    اسلام آباد : احتساب عدالت میں نااہل نوازشریف ان کی بیٹی اورداماد کی پیشی کا انداز ایسا کہ جیسے کوئی بادشاہ دورے پر نکلا ہو۔

    تفصیلات کے مطابق نااہل نوازشریف کی احتساب عدالت میں پیشی پر آج بھی لاؤلشکرمیں کمی نہ تھی، گاڑیوں کا قافلہ پنجاب ہاؤس سے شاہانہ اندازسے نکلا اور قافلے میں ایک یا دو نہیں پوری 30 گاڑیاں ان کے آگے پیچھے تھیں۔

    مریم نواز اور کیپٹن صفدر بھی احتساب عدالت پہنچے۔

    ملزمان کے پہنچنے سے پہلے ہی وزارء، وکلاء و رہنما عدالت پہنچ چکے تھے، راجاظفرالحق ،آصف کرمانی ، مشاہداللہ، پرویز رشید، طلال چوہدری، دانیال عزیزسمیت کئی لیگی وزراء اپنے اہم امور چھوڑ کرحاضری لگانا نہ بھولے۔

    پابندی کے باوجود کارکن عدالت کے باہر جمع ہوئے اور نعرے لگائے، مختلف مقامات پر استقبالی بینرز بھی آویزاں تھے جبکہ احتساب عدالت کے باہر اہلکاروں کی بڑی تعداد تعینات تھی۔

    مزید پڑھیں : سزایافتہ نااہل نوازشریف کی وطن واپسی پرشاہانہ پروٹوکول

    یاد رہے گذشتہ سماعت میں بھی نااہل نوازشریف شاہانہ انداز میں چھپن گاڑیاں کے جھرمٹ میں احتساب عدالت میں پیش ہوئے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیسبک وال پر شیئر کریں۔

  • نوازشریف کے تاخیری حربے صرف پی ٹی آئی اورمیڈیاناکام بناسکتی ہے،فوادچوہدری

    نوازشریف کے تاخیری حربے صرف پی ٹی آئی اورمیڈیاناکام بناسکتی ہے،فوادچوہدری

    اسلام آباد : پاکستان تحریک انصاف کے رہنما فواد چوہدری کا کہنا ہے کہ پی ٹی آئی اورمیڈیا خاموش ہوا تو یہ لوگ لندن دوڑ لگادیں گے ، نوازشریف کے تاخیری حربے صرف پی ٹی آئی اور میڈیا ناکام بناسکتی ہے۔

    تفصیلات کے مطابق ونا پاکستان تحریک انصاف کے رہنما فواد چوہدری نے نواز شریف کی احتساب عدالت میں پیشی کے موقع پر میڈیا سے گفتگو کرتے ہوئے کہا کہ یہ لوگ چاہتے ہیں پی ٹی آئی اور میڈیا کا دھیان بٹ جائے، پی ٹی آئی اورمیڈیا خاموش ہوا تو یہ لوگ لندن دوڑ لگادیں گے،آج تو ضرورت نہیں تھی پھر بھی پیش ہوگئے۔

    فواد چوہدری کا کہنا تھا کہ جب ضرورت ہوگی تو یہ لوگ پیشی کے بجائے لندن میں بیٹھ جائیں گے، کرپشن ریفرنسز میں تاخیری حربے استعمال کئے جارہےہیں ، سعدرفیق ، مشاہد اللہ جیسے لوگوں کے اپنے ریفرنسز بھی کھلنے چاہییں۔

    انھوں نے مزید کہا کہ نوازشریف کے تاخیری حربے صرف پی ٹی آئی اور میڈیا ناکام بنا سکتی ہے، ن لیگ اپنی ہر تکلیف کی ذمہ داری پی ٹی آئی پر ڈالنے کی کوشش کرتی ہے۔

    مزید پڑھیں : انتخابات کی التوا کی بھرپور مخالفت کریں گے، فواد چوہدری

    یاد رہے گذشتہ روز فواد چوہدری کا کہنا تھا کہ ذاتی مفاد کی خاطر انتخابات کے التوا کی کوششیں مہلک ہیں، پاکستان سنگین نوعیت کے سیاسی و معاشی بحرانوں سے دوچار ہے، پی ٹی آئی مطالبے کی مخالفت کے پیچھے ن لیگ اور پی پی مک مکا ہے، بینظیر بھٹو نے 1993ء میں قبل از وقت الیکشن کے لیے تحریک چلائی۔

    پی ٹی آئی رہنما کا کہنا تھا کہ نواز شریف کی تحریک نجات کا مطالبہ بھی قبل ازوقت الیکشن تھے، ن لیگ، پی پی نے اسمبلیوں کی نصف مدت کے قریب تحریکیں چلائی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • بائیس کروڑعوام کوامیدہے،نوازشریف پھر وزیراعظم ہوں گے،کیپٹن صفدر

    بائیس کروڑعوام کوامیدہے،نوازشریف پھر وزیراعظم ہوں گے،کیپٹن صفدر

    اسلام آباد : سابق وزیر اعظم نواز شریف کے داماد کیپٹن ریٹائرڈ صفدر کا کہنا ہے نواز شریف پاکستان کو معاشی طور پر مستحکم کر چکے ہیں،22 کروڑعوام کوامیدہے،نوازشریف پھروزیراعظم ہوں گے۔

    تفصیلات کے مطابق سابق وزیر اعظم نواز شریف کے داماد کیپٹن ریٹائرڈ صفدر نے احتساب عدالت کے باہر میڈیا سے گفتگو کرتے ہوئے کہا تھا کہ 22 کروڑ عوام کو امید ہے، نواز شریف پھر وزیراعظم ہوں گے، سی پیک پاکستان کی تقدیر ہے جس کو روکنے کی کوشش کی جا رہی ہے۔روکنے والے رک جائیں گے پاکستان کی ترقی نہیں رکے گی۔

    کیپٹن ریٹائرڈ صفدر کا کہنا تھا کہ ملکی استحکام، جمہوریت کی بقا، آئین کی مضبوطی کیلئے نوازشریف پھر وزیراعظم ہونگے۔

    صحافی نے کیپٹن (ر)صفدر سے سوال کیا کہ پارٹی میں آپ سے متعلق کچھ ناراضگیاں ہیں، جس کے جواب میں کیپٹن (ر)صفدر کا کہنا تھا کہ اللہ اورنبیﷺ کی خوشنودی کا طلب گار ہوں، نارضگیاں ہوتی بھی ہیں اور نہیں بھی۔

    پامانا لیکس کی تحقیقات کرنے والی جے آئی کے سربراہ پر تنقید کرتے ہوئے سابق وزیراعظم کے داماد نے کہا کہ واجد ضیا نے میرے خلاف جھوٹ لکھا۔2018میں شیر دھاڑے گا اور جے آئی ٹی کے والیوم ٹین کو پھاڑ دے گا۔

    بعد ازاں  احتساب عدالت میں سابق وزیراعظم نوازشریف، ان کی صاحبزادی مریم نواز اور داماد کیپٹن ریٹائرڈ صفدر احتساب عدالت میں پیش ہوئے، عدالت نے سماعت کے آغاز پر اسلام آباد ہائی کورٹ کے فیصلے کی کاپی موصول نہ ہونے پرسماعت میں 15 منٹ کا وقفہ لیا گیا جس کے بعد تھوڑی دیر بعد عدالت نے سماعت بغیر کارروائی کے منگل 7 نومبر تک ملتوی کردی۔

    مزید پڑھیں : قوم دیکھےگی نوازشریف سرخرو ہوں گے‘ کیپٹن صفدر

    یاد رہے کہ کیپٹن صفدر کا کہنا تھا کہ نوازشریف نے تہیہ کرلیا جینا مرنا صرف قائداعظم کے پاکستان کے لیے ہے، زیادتی نوازشریف کے ساتھ نہیں بلکہ نظریہ پاکستان اور ریاست کےساتھ ہورہی ہے،  یہ لوگ نوازشریف کو کتنی بار باہر نکالیں گے۔

    انہوں نے کہا تھا کہ ایک عدالت اٹک قلعہ میں دیکھی اورایک اسلام آباد قلعہ میں دیکھ رہا ہوں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • نااہل وزیراعظم نوازشریف نے مریم نواز کو اسلام آباد میں طلب کرلیا

    نااہل وزیراعظم نوازشریف نے مریم نواز کو اسلام آباد میں طلب کرلیا

    اسلام آباد : نااہل وزیراعظم نوازشریف نے اپنی صاحبزادی مریم نواز کو اسلام آباد طلب کرلیا ہے، مریم نواز والد کے ساتھ کل عدالت میں پیش ہوں گی۔

    تفصیلات کے مطابق سابق وزیراعظم نواز شریف نے وطن پہنچتے ہی اپنی صاحبزادی مریم نواز کو ظلب کرلیا ہے ، مریم نواز اسلام آباد میں پارٹی میٹنگز میں شریک ہوں گی۔

    مریم نواز سہ پہر اسلام آباد کے لیے روانہ ہوں گی اور والد کے ساتھ کل عدالت میں پیش ہوں گی۔

    اس سے قبل نااہل وزیراعظم نواز شریف کی صاحبزادی مریم نواز نے لاہور کے علاقے مزنگ میں میڈیا سے گفتگو کرتے ہوئے کہا کہ والد کی واپسی سےکچھ لوگ مایوس ہوئے، اقتدار سے باہر رکھنا کسی انسان کے بس کی بات نہیں، اقتدارکے فیصلے اللہ اورعوام کے ہاتھ میں ہیں۔

    مریم نواز نے خاندان میں رنجشوں سےمتعلق خبروں کو مسترد کرتے ہوئے کہا کہ خاندان میں اختلاف کی باتوں میں صداقت نہیں، خاندان میں رنجش کی توقعات رکھنےوالوں کو مایوسی ہوگی، ن لیگ 2018میں دوبارہ اقتدار میں آئے گی۔

    دوسری جانب نیب ٹیم نے نا اہل سابق وزیراعظم نواز شریف کے سمن کی تعمیل کرادی ہے، نوازشریف کی جانب سے طارق فضل چوہدری نے10کےمچلکےجمع کرادیئے، وکلاکی ٹیم بھی آج سہ پہر نواز شریف سے ملاقات کرے گی۔ ملاقات میں نوازشریف کو کل احتساب عدالت میں پیشی سےمتعلق بریفنگ دی جائیگی۔

    مزید پڑھیں : نا اہل سابق وزیراعظم لندن سے اسلام آباد پہنچ گئے

    خیال رہے سابق وزیر اعظم آج صبح وطن واپس آئے ہیں ، جبکہ کل احتساب عدالت میں پیش ہونگے۔

    واضح رہے کہ زشتہ سماعت میں احتساب عدالت نے نااہل وزیراعظم نوازشریف کی حاضری سے استثنیٰ کی درخواست کو مسترد کرتے ہوئے2 ریفرنسز میں قابل ضمانت وارنٹ جاری کئے تھے اور3نومبر کو طلب کرلیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • نوازشریف آج لندن سے پاکستان کیلئے روانہ ہونگے

    نوازشریف آج لندن سے پاکستان کیلئے روانہ ہونگے

    لندن: سابق وزیراعظم نوازشریف آج لندن سے وطن واپسی کیلئے روانہ ہونگے، نوازشریف 2نومبرکی صبح اسلام آباد پہنچیں گے جبکہ 3 نومبر کو وحتساب عدالت میں پیش ہونگے۔

    تفصیلات کے مطابق نواز شریف نے وطن واپسی اوراحتساب عدالت پیش ہونے کا فیصلہ کرلیا ، سابق وزیراعظم آج لندن سے پاکستان کیلئے روانہ ہونگے اور جمعہ کواحتساب عدالت میں پیش ہوں گے۔

    نواز شریف پی کے 786 سے جمعرات کی صبح 8 بجے اسلام آباد پہنچیں گے، نوازشریف کےٹکٹ کی کاپی اےآروائی نیوز کو موصول ہوگئی ہے۔

    دوسری جانب پارٹی قیادت نے چند وزرا کے علاوہ دیگر کو ایئرپورٹ آنے سے روک دیا جبکہ ہدایت کی گئی ہے کہ کوئی کارکن بینظیر انٹرنیشنل ایئرپورٹ نہ آئے۔

    واضح رہے کہ گزشتہ سماعت میں احتساب عدالت نے نااہل وزیراعظم نوازشریف کی حاضری سے استثنیٰ کی درخواست کو مسترد کرتے ہوئے2 ریفرنسز میں قابل ضمانت وارنٹ جاری کئے تھے اور3نومبر کو طلب کرلیا تھا۔

    احتساب عدالت نے وارننگ دے رکھی ہے کہ نااہل وزیراعظم پیشی پر نہ آئے تو ان کےناقابل ضمانت وارنٹ گرفتاری جاری کر دئیے جائیں گے۔

    مزید  پڑھیں : نوازشریف کے قابل ضمانت وارنٹ گرفتاری جاری

    گذشتہ روز وزیراعلیٰ پنجاب شہبازشریف کی نوازشریف سے طویل ملاقات ہوئی، ملاقات میں سیاسی صورتحال، نیب کیسز سے متعلق مشاورت کی گئی، نوازشریف نے شہبازشر یف کو ترقیاتی منصوبے جلد مکمل کرنے کی ہدایت کی۔

    ملاقات میں ااتفاق کیا گیا کہ مریم نواز،حمزہ اورسلمان شہبازملکرکام کرینگے۔

    اس موقع پر حسن نواز، حسین نواز اور سلمان شہباز بھی موجود تھے۔

    سابق وزیراعظم نوازشریف نے لندن میں میڈیا سے گفتگو کرتے ہوئے کہا تھا کہ مائنس اورپلس عوام کے فیصلے ہوتے ہیں، پاکستان کے عوام ہی مائنس ون کا فیصلہ کرسکتےہیں، مائنس ون کا فیصلہ کوئی اور نہیں کرسکتا۔

    مزید پڑھیں : احتساب عدالت کا حسن، حسین نواز کی جائیداد قرق کرنےکا حکم

    خیال رہے کہ ناقابل ضمانت وارنٹ گرفتاری کےبعد احتساب عدالت نے نااہل وزیر اعظم کے بیٹوں حسن اورحسین کی جائیداد منجمد کرنے کا حکم دیا تھا، رپورٹ میں بتایا گیا کہ ایس ای سی پی ریکارڈکےمطابق حسن ،حسین کے چھ کمپنیوں میں شیئرزہیں۔

    احتساب عدالت نے حکم دیا تھا کہ اگر ملزمان دس نومبر تک پیش نہ ہوں تو حسن حسین کو اشتہاری قراردے کر اثاثے ضبط کرنے کی کارروائی کی جائے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • نااہل وزیراعظم کی بیٹی مریم نواز کی پیشی یا شہزادی کی آمد

    نااہل وزیراعظم کی بیٹی مریم نواز کی پیشی یا شہزادی کی آمد

    اسلام آباد : سابق وزیراعظم کی صاحبزادی آج بھی چمچماتی گاڑیوں اور سیکیورٹی گارڈز کے جھرمٹ میں شاہانہ انداز میں احتساب عدالت میں پیش ہوئیں۔

    تفصیلات کے مطابق نااہل وزیراعظم کی بیٹی مریم نواز کی احتساب عدالت میں پیشی کے لئےخصوصی طیارہ سےاسلام آباد پہنچی تو اسلام آباد ائیرپورٹ پر کچھ دیر کے لئے عام آدمی کا داخلہ بند کردیا گیا۔

    مریم نوازکا قافلہ بادشاہی شان  میں درجنوں گاڑیوں کے ساتھ ائیرپورٹ سے نکلا تو لیگی کارکنان نے مریم نواز کی گاڑی کا استقبال پھولوں کی پتیوں سے کیا۔

    مریم نوازکے پہنچنے سے پہلے کیپٹن صفدر نے کی سواری گارڈز کے گھیرے میں احتساب عدالت پہنچی، صحافی نے کیپٹن صفدر سے سوال کیا کہ آپ اور مریم الگ الگ کیوں آتے ہیں تو انہوں سیکیورٹی پر بات ٹال دی۔

    احتساب عدالت کےباہرسیکیورٹی کے سخت اقدامات کے گئے اس کےباوجود کچھ وکلاء اور پولیس کے درمیان تلخ کلامی دیکھنے میں آئی ۔

    مزید پڑھیں : لندن کی سڑکوں پر عام افراد کی طرح گھومنے والی مریم نواز کا پاکستان میں شہزادیوں سا انداز

    مریم نواز اور کیپٹن صفدر کی پیشی پر فاقی وزرا آج بھی نیب عدالت دوڑے چلے آئے ، جن میں طلال چوہدری ،دانیال عزیز ،طارق فضل چوہدری، وزیر اطلاعات مریم اورنگزیب سمیت طارق فاطمی اور پرویز رشید بھی شامل تھے۔

    اسلام آباد کی احتساب عدالت میں پیشی پر مریم نواز کو کسی اعلیٰ ترین افسر کا پروٹوکول دیا گیا، آگے پیچھے گاڑیوں کی لمبی قطاریں لگی تھی، چمچماتی گاڑیوں کیساتھ مریم نواز کے لیے سیکورٹی کے بھی کڑے انتظامات کئے گئے تھے۔

    عدالت کی سیکیورٹی کے لئے چارسو اہلکارتعینات کئے گئے جبکہ خاردارتاریں بھی لگائی گئی تھیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • انصاف کاتماشہ نہ بنائیں، سزاسنانی ہے تو سنادیں ،روز روز کی پیشیاں نہ کریں، مریم نواز

    انصاف کاتماشہ نہ بنائیں، سزاسنانی ہے تو سنادیں ،روز روز کی پیشیاں نہ کریں، مریم نواز

    اسلام آباد : سابق وزیراعظم نواز شریف کی صاحبزادی مریم نواز نے کہا کہ انصاف کاتماشہ نہ بنائیں، سزاسنانی ہے تو سنا دیں ، روز روز کی پیشیاں نہ کریں، احتساب کوانتقام بنانےوالوں کابھی احتساب ہوگا۔

    تفصیلات کے مطابق سابق وزیراعظم نواز شریف کی صاحبزادی مریم نواز نے احتساب عدالت میں پیشی کے بعد کمرہ عدالت سے باہر آکر میڈیا سے گفتگو کرتے ہوئے کہا کرپشن ریفرنسز میں فرد جرم عائد ہونے پر پھٹ پڑیں اور کہا کہ انصاف کاتماشہ نہ بنائیں، جے آئی ٹی کافراڈپکڑا گیا یانیب زندہ ہوگیا ہے، فیصلہ پہلے آگیا ٹرائل بعد میں ہورہا ہے، ہم بھاگنےوالوں میں سےنہیں۔

    مریم نواز کا کہنا تھا کہ والدہ کالندن میں علاج ہورہاہے، ہم قانون اور عدالتوں کے احترام میں وطن واپس آئے، صبر،امید اور حوصلے کے ساتھ ٹرائل کاسامنا کررہے ہیں، 1999میں عدالتوں کا سامنا کیا تھا، یہ سب نیا نہیں، دوبارہ ٹیلی کاسٹ ہورہا ہے، ایک خاندان کے ٹرائل کوتماشا نہ بنایا جائے۔

    نواز شریف کی صاحبزادی نے کہا کہ ہم وہ لوگ ہیں جوبیرون ملک سے واپس آئے ، بڑے بڑے ڈبوں والے ثبوت کہاں گئے، یہ نہیں ہوسکتا کہ ناانصافی اور ظلم چلتارہے، روزروزکی پیشیوں سے قوم کا وقت ضائع ہونے سے بچائیں، ایک ہی بار سزا سنا دیں ،روز روز کی پیشیاں نہ کریں۔

    انکا مزید کہنا تھا کہ قانون اور آئین کا تماشا نہ بنایا جائے ، ہمیں توڑنےکی خواہش والےخود ٹوٹ رہےہیں، فیملی میں کوئی اختلاف نہیں،اختلاف رائے ضرورہوسکتا ہے، پارٹی میں کسی کونوازشریف کےفیصلوں پراختلاف نہیں۔

    مریم نواز نے کہا کہ امید ہے جنہوں نے انتقام کواحتساب بنایا ان کا بھی احتساب ہوگا۔ انصاف ہوتاہوانظرنہ آئےتوانصاف کیلئےآوازاٹھاناہماراحق ہے۔

    مزید پڑھیں : ایون فیلڈریفرنس میں نوازشریف،مریم نواز،کیپٹن صفدرپرفردجرم عائد

    اس سے قبل ایون فیلڈریفرنس میں نوازشریف، مریم نوازاور کیپٹن ریٹائرڈ صفدرپر فردجرم عائد کردی گئی، ملزمان نےصحت جرم سےانکارکردیا جبکہ احتساب عدالت میں باقی دو ریفرنسز سے متعلق فیصلہ دو بجے سنایا جائے گا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئرکریں۔

  • نااہل وزیراعظم کی بیٹی مریم نواز کی احتساب عدالت میں شاہانہ آمد

    نااہل وزیراعظم کی بیٹی مریم نواز کی احتساب عدالت میں شاہانہ آمد

    اسلام آباد : نااہل وزیراعظم کی بیٹی مریم نوازکی لاہورسے اسلام آباد شاہانہ آمد خصوصی طیارےکے ذریعےاسلام آبادپہنچی اور پھر لمبے چوڑے پروٹوکول میں چمچماتی گاڑیوں اور سیکیورٹی گارڈز کے جھرمٹ میں احتساب عدالت  آئیں۔

    تفصیلات کے مطابق نااہل وزیراعظم کی بیٹی کا پروٹوکول ایسا جیسے کسی ملکہ کی شاہی سواری ہو، لاہور سے خصوصی طیارہ مریم نواز کو لے کر اسلام آباد پہنچا، قافلہ ائیرپورٹ سے نکلا تو آگے پیچھے گاڑیوں کی لمبی قطاریں ہمراہ تھیں۔

    سائرن بجاتی چمچماتی گاڑیوں کا قافلہ احتساب عدالت کے قریب پہنچا تو کارکنان نے مریم نواز کی گاڑی کوروک لیا اور کارکنان نے نواز شریف کے حق اور عمران کیخلاف نعرے لگائے۔

    چمچماتی گاڑیوں کیساتھ مریم نواز کے لیے سیکورٹی کے بھی کڑے انتظامات کئے گئے تھے۔

    مریم نواز کی بلٹ پروف گاڑی شاہانہ انداز میں احاطہ عدالت میں داخل ہوئی توایک یا دو نہیں کئی گارڈز اُن کی گاڑی کے ہمراہ نظرآئی، پروٹوکول کے سائے میں مریم نواز کوتو عدالت پہنچایا گیا مگرجگہ جگہ راستے بند ہونے سے شہریوں کو بھی شدید مشکلات کا سامنا کرنا پڑا۔

    اس موقع  وفاقی وزرا کی فوج بھی عدالت پہنچی ۔ مریم اورنگزیب ، طلال چوہدری،دانیال عزیز،آصف کرمانی،طارق فاطمی ،عابدشیر علی سمیت دیگر وزرانے نوازشریف کےبچوں سےاظہاریکجہتی کیا۔

    مزید پڑھیں : لندن کی سڑکوں پر عام افراد کی طرح گھومنے والی مریم نواز کا پاکستان میں شہزادیوں سا انداز

    یاد رہے اس سے قبل سماعت میں بھی مریم نواز شاہانہ انداز میں چمچماتی گاڑیوں اور سیکیورٹی گارڈز کے جھرمٹ میں احتساب عدالت میں پیش ہوئیں تھیں۔، احتساب عدالت میں پیشی پر مریم نواز کو کسی اعلیٰ ترین افسر کا پروٹوکول دیا گیا تھا اور آگے پیچھے گاڑیوں کی لمبی قطاریں لگی تھی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • احتساب عدالت میں ہنگامہ آرائی، پولیس اہلکاروں کو توہین عدالت کا نوٹس جاری

    احتساب عدالت میں ہنگامہ آرائی، پولیس اہلکاروں کو توہین عدالت کا نوٹس جاری

    اسلام آباد : احتساب عدالت میں ہنگامہ آرائی پر اسلام آباد ہائی کورٹ نے پولیس اہکاروں کو توہین عدالت کا نوٹس جاری کردیا۔

    تفصیلات کے مطابق احتساب عدالت میں مریم نواز اورکیپٹن صفدر کی پیشی پر احتساب عدالت کے باہر ہنگامہ آرائی ہوئی، پولیس کے نون لیگ کارکنوں کو عدالت میں جانے سے روکنے پر وکلا بھی بیچ میں آگئے۔ پولیس اور وکلاء کے درمیان ہاتھا ہوئی۔

    اسلام آباد ہائی کورٹ نے ایس ایس پی ساجد کیانی،جمیل ہاشمی،ڈی ایس پی ادریس راٹھور کو نوٹس جاری کردیئے گئے، درخواست گزار وکیل خالد محمود کا کہنا ہے کہ احتساب عدالت کے باہر وکلا پر تشدد کیا گیا، پولیس نے ہائیکورٹ کےحکم نامےکی توہین کی ہے۔

    جسٹس میاں گل حسن اورنگذیب نے استفسار کیا کہ واقعہ کہاں پیش آیا، جس پر وکیل کا کہنا تھا کہ واقعہ احتساب عدالت کےباہرسروس روڈکے ناکے پر پیش آیا، عدالت ان 3افسران کو ذاتی طور پر طلب کرے۔

    عدالت نے کہا کہ پہلے نوٹس پھرجواب،پھرتوہین عدالت کے ذمہ دارجیل جائیں گے۔

    بعد ازاں عدالت نے کیس کی سماعت بدھ تک ملتوی کر دی گئی۔

    مزید پڑھیں : احتساب عدالت میں بدمزگی‘ سماعت بغیرکارروائی کے ملتوی

    یاد رہے کہ احتساب عدالت مریم نواز کی پیشی کے موقع پر مریم نواز اور کیپٹن صفدر کےمسلح گارڈ کمرہ عدالت میں جانا چاہتے تھے،عدالت میں داخلےسے روکنے سےمسلح گارڈز اور پولیس میں ہنگامہ آرائی شروع ہوئی، جس کے بعد ن لیگ کے وکلا بھی آپے سے باہر ہوگئے۔

    پولیس نے وکلاء پر لاٹھی چارج کیا، وکلا کا کہنا تھا کہ پولیس نے تشددکی انتہا کردی، پولیس کے تشددسے معاملہ بگڑا، مبینہ پولیس گردی کی تحقیقات کی جائیں۔

    ہنگامہ آرائی اورہلڑبازی کے باعث سماعت بغیرکارروائی ملتوی کردی گئی تھی۔

    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تواسے اپنی فیس بک وال پرشیئرکریں۔