لاہور : قومی احتساب بیورو ( نیب ) نے چوہدری شوگر ملز کیس میں مسلم لیگ ن کی نائب صدر مریم نوازکی ضمانت خارج کرنے کیلئے درخواست دائر کردی ، جس میں کہا مریم نوازکی ضمانت منسوخ کی جائے۔
تفصیلات کے مطابق قومی احتساب بیورو ( نیب ) نے مسلم لیگ ن کی نائب صدر مریم نوازکی ضمانت خارج کرنے کےلیے ہائی کورٹ میں درخواست دائر کردی۔
نیب کی جانب سے درخواست میں مؤقف اختیار کیا گیا ہے کہ مریم نواز لاہور ہائی کورٹ سے چوہدری شوگرملزکیس میں ضمانت پررہاہیں اور ضمانت کاناجائزفائدہ اٹھارہی ہیں۔
درخواست میں کہا گہا ہے کہ مریم نوازکیخلاف چوہدری شوگرملزسمیت دیگرانکوائریزپرتحقیقات جاری ہیں، وہ ضمانت پر رہا ہونےکےبعد تحقیقات میں تعاون نہیں کر رہیں۔
نیب نے لاہورہائی کورٹ سے مریم نواز کی ضمانت منسوخ کرنے اور درخواست کی فوری سماعت کی استدعا کردی، چیف جسٹس لاہورہائی کورٹ آئندہ ہفتے درخواست سماعت کےلیےمقررکریں گے۔
یاد رہے نومبر 2019 میں احتساب عدالت نے چوہدری شوگر ملز منی لانڈرنگ کیس میں مریم نواز کو ضمانت پر رہا کر دیا تھا۔
خیال رہے سابق وزیراعظم نواز شریف اور ان کی صاحبزادی مریم نواز چوہدری شوگرملزکیس میں ضمانت پر ہیں، چوہدری شوگرملز کیس میں نیب کی رپورٹ میں انکشاف کیا گیا تھا کہ نواز شریف نے یوسف عباس، مریم کے ساتھ مل کر 410 ملین کی منی لانڈرنگ کی، ایک کروڑ 55 لاکھ 20 ہزار ڈالر کا قرض شوگرملز میں ظاہر کیا، یہ قرضہ1992میں آف شورکمپنی سے لیا تھا۔
