پاکستان شوبز انڈسٹری کی معروف اور سینئر اداکارہ نادیہ جمیل نے گولا گنڈا کھانے کی ویڈیو شیئر کردی انہوں نے بتایا کہ گولا گنڈا زندگی میں پہلی بار کھایا ہے۔
سماجی رابطے کی ویب سائٹ ٹوئٹر پر اداکارہ نادیہ جمیل نے مداحوں سے اپنا تجربہ شیئر کرنے کیلئے پہلی مرتبہ گولا گنڈا کھاتے ہوئےایک ویڈیو پوسٹ کی۔
مذکورہ ویڈیو انہوں نے کچھ روز قبل ایک ریستوران میں اپنے دوستوں کے ساتھ گپ شپ کرتے ہوئے بنائی تھی۔
ویڈیو کے کیپشن میں انہوں نے لکھا کہ یہ میری زندگی کا پہلا گولا گنڈا ہے، میں نے یہ اپنی سہیلی عاشی کے کہنے پر منگوایا ہے اور مجھے یہ بات بتاتے ہوئے بہت شرمندگی محسوس ہو رہی ہے کہ میں نے آج تک گولا گنڈا نہیں کھایا تھا۔
My first Gola Ganda with my amazing friend Ashi…
She grew up on them. I grew up in London, then in Lahore. Where I’m embarrassed to admit I never had a gola ganda. 🤦🏻♀️
Now I’m in heaven and totally addicted.
And Ashi can’t stop laughing! #oldfriends #foodieaunties… pic.twitter.com/uO67nMyWu8— Nadia Jamil (@NJLahori) July 15, 2023
انہوں نے اپنے جذبات کا اظہار کرتے ہوئے لکھا کہ میں نے لندن اور لاہور میں پرورش پائی پر آج تک اس لذیز چیز سے واقف نہیں تھی، اسے کھا کر یوں لگتا ہے کہ میں جنت میں ہوں اور مجھے یہ بے حد پسند آیا ہے۔
اس ٹوئٹ میں انہوں نے اپنی سہیلی کا ردِ عمل بتاتے ہوئے لکھا کہ مجھے گولا گنڈا کھاتے دیکھ کر میری دوست عاشی کی ہنسی نہیں رک رہی تھی۔
اس ویڈیو میں اداکارہ کویہ بھی کہتے سنا جاسکتا ہے کہ میرے ہونٹ بالکل جم گئے ہیں، پھر وہ اپنی سہیلی سے پوچھتی ہیں کہ میں صحیح طریقے سے ہی کھا رہی ہوں نا ؟
واضح رہے کہ نادیہ جمیل کو 2020 میں کینسر کی تشخیص ہوئی تھی جس کی خبر نے ان کے مداحوں کو جذباتی کردیا تھا، تاہم اللہ کے فضل و کرم سے یہ 2021 میں مکمل صحتیاب ہوگئیں اور ایک مشکل جنگ جیت لی۔
