Tag: Nadir Magsi

  • چولستان جیپ ریلی : فیصل شادی خیل اور ماہم فیروز کامیاب قرار

    چولستان جیپ ریلی : فیصل شادی خیل اور ماہم فیروز کامیاب قرار

    بہاولپور : صحرائے چولستان میں 18 ویں ڈیزرٹ جیپ ریلی کی اے کیٹگری میں فیصل شادی خیل کامیاب قرار پائے، نادرمگسی اور جعفرمگسی کو شکست کا سامنا کرنا پڑا۔

    تفصیلات کے مطابق اٹھارہویں چولستان جیپ ریلی میں بڑا اپ سیٹ سامنے آیا ہے، ریلی پریپئرڈ کیٹگری اے میں فیصل شادی خیل نے میدان مار لیا، جبکہ نادر مگسی اور جعفر مگسی کامیابی حاصل نہ کرسکے۔

    فیصل شادی خیل نے3گھنٹے59منٹ میں ریس مکمل کرکے پہلی پوزیشن حاصل کی جبکہ زین محمود نے دوسری اور آصف فضل چوہدری نے تیسری پوزیشن حاصل کی۔

    اس کے علاوہ خواتین کی خصوصی کیٹگری میں ماہم فیروز نے پہلی پوزیشن حاصل کی، راشدہ انور نے دوسری اور ام رباب نے تیسری پوزیشن حاصل کی ہے۔

    ذرائع کے مطابق خواتین کی کیٹیگری میں کل چار ریسرز نے حصہ لیا تھا۔ واضح رہے کہ اس بار نادرمگسی اور جعفرمگسی اپنے ٹائٹل کا دفاع کرنے میں ناکام رہے۔

    قبل ازیں چولستان کے صحرا میں جیپ ریلی کے دوران دو گاڑیاں آپس میں ٹکرا گئیں، ریسکیو ذرائع کے مطابق چولستان جیپ ریلی میں حادثے کے شکار بولان گاڑی میں 6 افراد سوار تھے، جنہیں شدید چوٹیں آئیں جن میں سے 2 کی حالت تشویشناک بتائی جارہی ہے۔

  • مقابلے میں نادر مگسی کی ہلاکت پر ایس ایچ او پیرآباد کے خلاف مقدمہ درج

    مقابلے میں نادر مگسی کی ہلاکت پر ایس ایچ او پیرآباد کے خلاف مقدمہ درج

    کراچی: شہر قائد کے علاقے پیر آباد میں سیاسی کارکن کو مقابلے میں مارنے پر پولیس افسران کے خلاف مقدمہ درج کر دیا گیا۔

    تفصیلات کے مطابق پیر آباد میں مبینہ پولیس مقابلے کے دوران سیاسی کارکن نادر مگسی کی ہلاکت پر تھانہ پیر آباد میں پولیس افسران و اہل کاروں کے خلاف مقدمہ درج کیا گیا ہے۔

    پولیس حکام کا کہنا ہے کہ مقدمہ ایس ایچ او پیر آباد سمیت پولیس پارٹی کے خلاف درج کیا گیا، جس میں دہشت گردی اور قتل کی دفعات شامل کی گئی ہیں۔

    پولیس حکام کے مطابق سیاسی کارکن نادر مگسی 4 مقدمات میں نامزد اور 2 کیسز میں مفرور تھا، ایس ایچ او پیر آباد پر الزام ہے کہ انھوں نے ملزم کو جعلی پولیس مقابلے میں ہلاک کیا۔

  • نادر مگسی 10ویں بار چولستان جیب ریلی کے چیمپئن بن گئے

    نادر مگسی 10ویں بار چولستان جیب ریلی کے چیمپئن بن گئے

    بہاولپور: چولستان جیپ ریلی کا سہرا ایک بار پھر نادرمگسی کے سرسج گیا، نادرمگسی نے دسویں بار ٹائٹل اپنے نام کرلیا۔

    تفصیلات کے مطابق نادرمگسی نے سب سے کم وقت میں مقرر کردہ فاصلہ طے کیا، زین محمود دوسری اور صاحبزادہ سلطان نے تیسری پوزیشن حاصل کی۔

    اس سے قبل خواتین کیٹگری میں سابق چیمپیئن تُشنا پٹیل فاتح قرار پائیں، اسٹاک کیٹگری میں منصور کنور نے معرکہ مار لیا۔

    چولستان میں منعقد ہونے والی اس جیپ ریلی کے انعقاد کا سہرا ٹوارزم ڈیولپمنٹ اتھارٹی کو جاتا ہے، یہ جیپ ریلی گزشتہ 14 سال سے مسلسل منعقد ہورہی ہے۔

    اس سے قبل گزشتہ سال گوادر میں 19 اکتوبر سے 21 اکتوبر تک جاری رہنے والی آف روڈ جیپ ریلی پاک آرمی اور ایک نجی ادارے کی معاونت سے منعقد کی گئی تھی ، اے آر وائی نیوز آف روڈ ریلی کا آفیشل میڈیا پارٹنر تھا، ریلی میں 150 سے زائد ڈرائیورز حصہ لے رہے تھے۔

  • تھل جیپ ریلی: نادر مگسی نے میدان مار لیا

    تھل جیپ ریلی: نادر مگسی نے میدان مار لیا

    مظفرگڑھ: جنوبی پنجاب میں سیاحت کو فروغ دینے کے لیے منعقد کی گئی دوسری ’تھل ڈیزرٹ جیپ ریلی‘ میں نادر مگسی نے میدان مار لیا، صاحبزادہ سلطان نے دوسری پوزیشن حاصل کی۔

    تفصیلات کے مطابق جنوبی پنجاب میں سیاحت کو فروغ دینے کے لیے حکومتِ پنجاب کی جانب سے منعقدہ ریلی میں 41 گاڑیوں نے ریتیلے اور دشوار ٹریک پر خوب مہارت دکھائی۔

    جیپ ریلی میں سب کی نظریں نادر مگسی اور صاحبزادہ سلطان پر تھی‘ دونوں نے ایک دوسرے پر سبقت لےجانےکے لیے کٹھن ٹریک پر خوب محنت کی۔

    ٹریک میں شامل متعدد گاڑیاں ریتیلے ٹریک پر پھنس گئیں جبکہ صاحبزادہ سلطان جوکہ پہلے نمبر تھے ریس ختم ہونے سے 40 کلو میٹر قبل ٹائر برسٹ ہوجانے کے سبب دوسرے نمبر پر آگئے‘ اس خطرناک صورتحال میں بھی انہوں نے گاڑی پر قابو رکھا اور تین ٹائروں کے ساتھ پہلی پوزیشن نہیں تو دوسری کو ہاتھ سے جانے نہیں دیا۔

    نادر مگسی نے 184 کلو میٹر کا فاصلہ دو گھنٹے‘ 17 منٹ اور 7 سیکنڈ میں طے کرکے سب کو پیچھے چھوڑ دیا‘ جبکہ صاحبزاد محمد علی سلطان دوگھنٹے‘ 32 منٹ اور 7 سیکنڈ کے ساتھ دوسرے اورانس خاکوانی تیسرے نمبر پر رہے۔

    اس جیپ ریلی کے انعقاد کے مقصد صحرائے تھر اور جنوبی پنجاب کی ثقافت کاابلاغ‘ سیاحت کا فروغ اور مقامی لوگوں کو روزگار فراہم کرنا اور موٹر سپورٹس کے شوق کی حکومتی سطح پر سرپرستی ہے۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔