Tag: NADRA

نادرا پاکستان کا ایک خودمختار اور آزاد ادارہ ہے جو حکومت کے اندرونی سیکریٹری کے زیر انتظام کام کرتی ہے۔ یہ تمام پاکستانی شہریوں کے حساس رجسٹریشن ڈیٹا بیس کو قانونی طور پر منظم کرتی ہے۔

NADRA کا قیام 10 مارچ 2000 کو کیا گیا تھا، جب 1973 کے آئین کے تحت قائم کردہ ڈائریکٹوریٹ جنرل آف رجسٹریشن پاکستان کو نیشنل ڈیٹا بیس آرگنائزیشن (این ڈی او) کے ساتھ ضم کر دیا گیا تھا۔ این ڈی او حکومت پاکستان کے وزارت داخلہ کے تحت ایک منسلک محکمہ تھا جسے 1998 کی مردم شماری کے لیے بنایا گیا تھا۔

شناختی کارڈ سے متعلق خبریں

NIC, NICOP، FRC, B-Form process information and news in Urdu- Pakistan- NADRA Information in Urdu

  • جی ایچ کیو سے رابطےکے لیے وزیردفاع کی ضرورت نہیں، چوہدری نثار

    جی ایچ کیو سے رابطےکے لیے وزیردفاع کی ضرورت نہیں، چوہدری نثار

    اسلام آباد: وزیر داخلہ چوہدری نثار کا کہناہے انہیں جی ایچ کیوسےرابطےکیلئےکسی وزارت دفاع کی ضرورت نہیں۔

    ملک کےوزیردفاع اوروزیرداخلہ میں بات چیت بند ہے چوہدری نثار نے بھی خواجہ آصف کےبیان کی تصدیق کردی،چوہدری نثارکا کہنا تھا کہ جی ایچ کیو سے رابطے کے لیے وزیردفاع کی ضرورت نہیں، وزیرداخلہ نے اختلافات کو پارٹی کااندرونی معاملہ قراردےدیا۔

    وزیرداخلہ چوہدری نثار نے کہا کہ ڈائیلاگ پراسس،ملٹری آپریشن پرکہیں وزیردفاع نہیں ہوتاتھا،وزارت داخلہ کافوج ، جی ایچ کیو،سول آرمڈفورسز سے باضابطہ رابطہ ہوتاہے۔

    ان کا کہنا تھا کہ گالم گلوچ کی سیاست ملک کے مفاد میں نہیں ہے شکست کوکھلے دل سے تسلیم کرنا چاہیئے، پی ٹی آئی نے کہا جوڈیشل کمیشن بنائیں ہم نےبنادیا، ہم نے تمام عمر حکومت میں نہیں رہنا اور پی ٹی آئی نے اپوزیشن میں نہیں رہنا۔

    چوہدری نثار نے کہا کہ الزام لگا کے بہت سارے ووٹ آخری وقت میں ادھر سے ادھر کردیے گئے، انہوں نے مزید کہا کہ ہمارے دوست دشمن کی زبان بولیں گے تو ردعمل ضرور آئے گا ۔

    چوہدری نثار علی خان کا کہنا تھا کہ نادرا ازخود کسی کا ووٹ دوسری جگہ منتقل نہیں کرسکتی ووٹرز کی درخواست کے بغیر ووٹ ایک حلقے سے دوسری جگہ منتقل نیہں کیئے جا سکتے چھبیس اگست کے بعد ووٹرلسٹ میں کوئی تبدیلی نہیں کی گئی۔

  • نادرا کے 138ملازمین برطرفی کے بعد گرفتارکرلئے، چوہدری نثار

    نادرا کے 138ملازمین برطرفی کے بعد گرفتارکرلئے، چوہدری نثار

    اسلام آباد : وفاقی وزیرداخلہ چوہدری نثارعلی خان نے اے آر وائی نیوزکی خبرکانوٹس لے لیا۔ چوہدری نثارنے کہا ہے کہ بدعنوانی کےالزامات کے تحت نادرا کے ایک سواڑتیس ملازمین کوفارغ کرکےگرفتارکرلیاگیاہے۔

    تفصیلات کے مطابق اسلام آباد میں میڈیا سے گفتگو کرتے ہوئے چوہدری نثار کاکہناتھاکہ وزارت داخلہ ایس ایم ایس رابطہ سروس شروع کررہی ہے۔ جس سے عوام کوپاسپورٹ کےحصول میں آسانی ہوگی۔

    شہریوں کو پاسپورٹ کے حصول کیلئے کسی سفارش یا پیسے دینے کی ضرورت نہیں پڑے گی اور وہ پاسپورٹ کی تکمیل کے عمل سے ساتھ ساتھ آگاہ ہوتے رہیں گے۔

    انہوں نے کہاکہ حکومت کی جانب سے ای سی ایل کےحوالےسے واضح پالیسی کااجرا کیاجارہاہے۔ بلیک لسٹ اورای سی ایل سے پینسٹھ ہزار افراد کانام نکالاجارہاہے۔

      ان کا کہنا تھا کہ ماضی میں قوانین کو گھر کی لونڈی کی طرح استعمال کیا جا رہا تھا ،ذاتی رنجشوں اور میاں بیوی کے جھگڑوں کی بنیاد پر نام ای سی ایل میں ڈالے گئے ہیں۔

    انہوں نے کہا کہ اب کسی کا نام ای سی ایل میں بلا جواز نہیں ڈالا جائے گا ، اور نہ ہی اب کسی کانام ای سی ایل میں ڈالنےکےلئےنوٹی فکیشن جاری ہوگا۔

    چوہدری نثار کا کہناتھا کہ نادراکی مدد سے میگاسینٹر زبھی کھولےجارہےہیں۔ پاسپورٹ اورشناختی کارڈ کااجراایک ہی جگہ سے ہوگا جبکہ آئندہ ماہ پاسپورٹ کی گھرتک فراہمی کا اسلام آبادسے آغازکررہےہیں۔

  • جعلی شناختی کارڈ کیس میں ملوث 9ملزمان کی عدالت میں پیشی

    جعلی شناختی کارڈ کیس میں ملوث 9ملزمان کی عدالت میں پیشی

    کراچی : جعلی شناختی کارڈ اسکینڈل کیس میں نادرا کے ڈپٹی اسٹنٹ ڈائریکٹر،اسٹنٹ ڈائریکٹر،اے ایس آئی سمیت 9 ملزمان کوعدالت میں پیش کردیاگیا۔

    ملزمان کوسینئر سول جج ویسٹ عبد الغفور کاکڑ کی عدالت میں پیش کیا گیا ان میں ڈپٹی اسٹنٹ ڈائریکٹر قمر ندیم،اسٹنٹ ڈائریکٹر رحمن محمود بٹ،اے ایس آئی منور حسین بلوچ،سہولت کار زر علی،ویجیلنس آفیسر محمد فہیم،چار افغان بهائیوں محمد امین،نور خان،اکبر خان اور انور خان شامل تھے۔

    اس موقع پر.تفتیشی آفیسر کاکہناتھا کہ ورکنگ دن کم ہونے کی وجہ سے تفتیش کے لئے مزید جسمانی ریمانڈ چاہئیے، ملزمان کی جانب سے وکیل کا کہناتھا کہ ملزمان نے کوئی جعلی شناختی کارڈ نہیں بنائے اورنہ ہی ملزمان سے تاحال کوئی شناختی کارڈ ملے ہیں۔

    وکیل نے کہا کہ ملزم محمد فہیم ویجیلنس کا کام کرتا ہے اس کا دور دور تک کوئی تعلق نہیں. ملزمان کی جانب سے وکیل نے بتایا کہ گل نار نامی خاتون کا شناختی کارڈ ہی نہیں بنا اور جس خاتون کو استعمال کیا گیا اس کا نادرا میں کوئی ریکارڈ ہی نہیں۔

    وکیل نے کہا کہ تفتیشی افسر تشدد کر کے اے ڈی جی کا نام لینے پر دباؤ ڈال رہا ہے .تفتیشی افسر نے اس موقع پربتایا کہ ہم نے کوئی تشدد نہیں کیا۔ایجنٹ ملزم وسیم کالیا انسانی اسمگلنگ جسے گهنائونے کام میں ملوث ہے.نادرا سے تمام ریکارڈ حاصل کر لیا ہے،ملزمان کا جسمانی ریمانڈ دیا جائے۔

    .

  • ریاست کی رٹ کو چیلنج کرنے والوں کو کچل دیا جائے گا: چوہدری نثار

    ریاست کی رٹ کو چیلنج کرنے والوں کو کچل دیا جائے گا: چوہدری نثار

    اسلام آباد: نیشنل ایکشن پلان پرعملدرآمد کےسلسلے میں ایک اعلیٰ سطحی اجلاس ہوا جس میں ملک میں قیامِ امن کے لئے اہم فیصلے کئے گئے۔

    اجلاس میں وزیراعظم نواز شریف، وفاقی وزیرداخلہ چوہدری نثار، چاروں صوبائی وزرائے اعلیٰ، آرمی چیف اور اہم ملکی شخصیات شریک تھیں۔

    اجلاس کے بعد میڈیا کو بریفنگ دیتے ہوئے چوہدری نثار نے کہا کہ اجلاس میں نیشنل ایکشن پلان کے علاوہ کچھ اہم ایشوز ہیں جن پر صوبوں اور وفاق کو ایک پالیسی اختیار کرنی چاہئے۔

    این جی اوز

    غیر ملکی این جی اوز کے معاملے پر گفتگو کرتے ہوئے انہوں نے کہا کہ پاکستان میں کچھ عرصے سے این جی اوز کو مادر پدر آزادی ملی ہوئی ہے اور بہت سی ایسی این جی اوز ہیں جنہوں نے پاکستان میں کام کرنے کی درخواست تک نہیں دی اور انہیں ویزے ملے ہوئے ہیں اوران کے دفاتر یہاں قائم ہیں۔

    انہوں نے کہا کہ غیر ملکی این جی اوز کو قانون کے دائرہ کار میں لانا مکمل طور پر وفاق کی ذمہ داری ہے اور اس پر ڈھائی ماہ سے کام کررہے تھے اور اب ایک جامع پالیسی تیار ہے۔

    مقامی این جی اوز کے بارے میں گفتگوکرتےہوئے ان کا کہنا تھا کہ وہ صوبائی دائرہ کار میں آتی ہیں اور کسی کو نہیں معلوم کہ کس این جی او کو کتنی فنڈنگ ہورہی ہے اور ان کے اغراض و مقاصد کیا ہیں۔

    این جی اوز کو قانون کے دائرہ کار میں لانے کے لئے نادرا کے تعاون سے ڈیٹا بینک تشکیل دیا جائے گا اور ایک قانون کے تحت ملکی اور غیر ملکی این جی اوز کی رجسٹریشن ہوگی تاکہ ایک سسٹم کے تحت این جی اوز کی مانیٹرنگ کی جا سکے۔

    اسلحہ لائسنس کا اجراء

    چوہدری نثار نے اسلحہ لائسنس کے اجرا کے حوالے سے کہا کہ ماضی میں بے حساب لائسنس جاری کئے گئے ہیں۔

    انہوں نے کہا کہ پنجاب اور سندھ نادرا کے تعاون سے کمپیوٹرائز لائسنس کا اجرا کررہے ہیں اور باقی صوبوں سے بھی کہا گیا ہے کہ اسی سسٹم کے تحت کمپیوٹرائز لائسنن جاری کرنے کا عمل شروع کریں۔

    سیکیورٹی کمپینیز

    وفاقی وزیرِ داخلہ کا کہنا تھا کہ پاکستان میں کام کرنے والی زیادہ ترسیکیورٹی کمپینیز نام کی ہیں ان کے اہلکاروں کو ہتھیار چلانے کی باضابطہ تربیت حاصل نہیں اورہتھیار ہیں تو چلتے نہیں ہیں۔دوسری جانب اہلکاروں کو ہیلتھ انشورنس اورلائف انشورنس بھی میسر نہیں ہے۔ سیکیورٹی کمپینیزکو ان کے چارٹر کے مطابق اپ ڈیٹ کیا جائے گا تاکہ وہ معاشرے میں قیام امن میں اپنا کردا ادا کرسکیں۔

    انہوں نے یہ بھی کہا کہ گاڑیوں کی جعلی بلٹ پروفنگ اپنے آپ سے دشمنی ہے ایسی تمام کمپینیز جو کہ جعلی بلٹ پروفنگ کررہے ہیں ان کے خلاف کاروائی ہونی چاہئیے کیونکہ ان کی تیار کردہ گاڑیاں معیار کے مطابق نہیں ہوتیں۔

    افغان مہاجرین

    افغان مہاجرین کے متعلق گفتگو کرتے ہوئے چوہدری نثار کا کہنا تھا کہ قانون کے مطابق مہاجرین کو کیمپوں تک محدود رہنا چاہئے نہ تو وہ یہاں کاروبار کرسکتے ہیں اور نہ پراپرٹی خرید سکتے ہیں لیکن یہ سب ہورہا ہے اور انہیں جعلی شناختی دستاویز بھی جاری کی گئی ہیں جن پر کام ہورہا ہے اور بہت سے ایسے افراد کو گرفتار کیا گیا ہے جن کی شناختی دستاویز مستند نہیں تھیں۔

    مدارس کی رجسٹریشن

    مدارس کی رجسٹریشن اور نصاب کے حوالے سے ان کا کہنا تھا کہ مدارس کے نصاب کی اصلاح کرکے وہاں پاکستان کا نصاب رائج کی جائے گا۔

    رجسٹریشن کے حوالے سے انکا کہنا تھا کہ تمام مسالک کے علمائے کرام سے مشاورت کرکے ایک جامع اور آسان رجسٹریشن فارم تشکیل دیا جارہاہے۔

    فنڈنگ کے حوالے سے ان کا کہنا تھا کہ آئندہ مدارس کی تمام فنڈنگ بینکوں کے ذریعے ہوگی اور ان کا باقاعدہ آڈٹ کیا جائے گا۔

    انہوں نے یہ بھی کہا کہ نفرت آمیز تقاریر میں ملوث مدرسوں میں کیمرے نصب کئے جائیں گے اور ثبوت کی بنا پر کاروائی ہوگی۔

    قومی ایکشن پلان

    قومی ایکشن پلان جو کہ آج کے اجلاس کا خاص ایجنڈا تھا جس پر گفتگو کرتے ہوئے انہوں نے کہا کہ ریاست کے خلاف کھڑے ہونے والوں کو بزورِ قوت کچل دیا جائے گا۔

    انہوں نے یہ بھی کہا کہ مذہب کے نام پرفساد پھیلانے والوں کوعلماء کے تعاون سے ان کے منطقی انجام تک پہنچایا جائے گا۔

    انہوں نے کہا کہ محرم الحرام کی آمد قریب ہے اور کسی کو بھی اشتعال انگیز تقاریرکرنے کی اجازت نہیں دی جائے گی اورایسے واقعات میں ملوث افراد کے خلاف کاروائی کی جائے گی۔

    انہوں نے کہا کہ گزشتہ 08 مہینوں میں عوام ، میڈیا اوراداروں کے تعاون سے سیکیورٹی کی صورتحال کافی بہتر ہوئی ہے۔

    ان کا کہنا تھا کہ نیشنل ایکشن پلان کے 15 نکات پرکام ہورہا ہے، مل جل کر سب ہی کام کررہے ہیں جبھی اب ہفتوں امن رہتا ہے اور بہت بڑے بڑے افراد ہتھیار ڈالنے پرآمادہ ہورہے ہیں۔

    انہوں نے کہا کہ صحافیوں پرحملے دہشت گردی کے خلاف جنگ کو نقصان پہنچانے کی کوشش ہے اکا دکا واقعات سے آپریشن پر سوالیہ نشان نہیں اٹھنا چاہئے۔

    انہوں نے بتایا کہ گزشتہ 9 مہینوں میں 5 ہزارآپریشن انٹیلی جنس اطلاعات کی بنیادوں پر کئے گئے ہیں۔

    انہوں نے کہا کہ ہم ہرجگہ ناکے نہیں لگا سکتے اوراپنے بازار اور اسکول بند نہیں کرسکتے لیکن وہ دن نزدیک ہے جب ملک سے دہشت گردی کا مکمل خاتمہ ہوجائے گا۔

  • وزیر داخلہ کی ہدایت پر نادرا کا اسسٹنٹ ڈائریکٹر گرفتار

    وزیر داخلہ کی ہدایت پر نادرا کا اسسٹنٹ ڈائریکٹر گرفتار

    اسلام آباد: وزیر داخلہ کی ہدایت پر جعلی شناختی کارڈ بنانے میں ملوث نادرا کا اسسٹنٹ ڈائریکٹر گرفتارکرلیا گیا۔

    مذکورہ اہلکار کی نشاندہی میڈیا رپورٹ کے ذریعے ہوئی تھی۔ وزیرداخلہ چوہدری علی خان کا کہنا ہے کہ نادرا جیسے اہم قومی ادارے کے تشخص کو نقصان پہنچانے والے اور ملکی سلامتی کو خطرے میں ڈالنے والے عناصر کسی رعایت کے مستحق نہیں۔

    وزیر داخلہ نے چیرمین نادرا کو ہدایت غیرملکیوں کو غلط طریقوں سے پاکستانی شناخت دینے والوں کے خلاف بلا تفریق و امتیاز تیز کارروائی کی جائے۔

    دوسری جانب جعلی شناختی کارڈ بنوانے والا اسلام آباد پولیس کا آفسر بھی گرفتارکرلیا گیا ہے، اے ایس آئی منور سیکورٹی ڈویژن میں تعینات تھا۔ ایف آئی اے نے جعلی کارڈ بنوانے میں مبینہ ملوث اسسٹنٹ ڈائریکٹر قمر ندیم کو پہلے ہی گرفتار کرلیا ہے۔

  • سب سے زیادہ سندھ کے لوگ تبدیلی چاہتے ہیں، عمران خان

    سب سے زیادہ سندھ کے لوگ تبدیلی چاہتے ہیں، عمران خان

    سکھر: تحریک انصاف کے سربارہ عمران خان نے سندھ کے بلدیاتی سیٹ اپ میں آکر صوبے کی تقدیر بدلنے کا اعلان کردیا۔ کہتے ہیں سندھ کا سب سے بڑا مسئلہ کرپشن ہے۔

    تحریک انصاف کے کپتان براستہ سکھر شکارپور پہنچے جہاں انہوں خطاب کرتے ہوئے کہا کہ  سب سے زیادہ غربت سندھ میں دیکھی ہے۔

    ان کا کہنا تھا کہ سندھ کا  سب سے بڑا مسئلہ کرپشن  ہے ملک کی دولت لوٹ کر ملک سے باہر لے جائی جا رہی ہے کالے دھن سے دبئی میں محل بنائے جارہے ہیں۔ سب سے زیادہ سندھ کے لوگ تبدیلی چاہتے ہیں، کالے دھن سے دبئی میں محل تعمیر کیے جارہے ہیں۔

    عمران خان نے بلدیاتی سیٹ اپ کا حصہ بن کر صوبے کی تقدیر بدلنے کا وعدہ بھی کیا۔عمران خان نے رینجرز کو دعوت دی کہ وہ خیبرپختونخوا میں بدعنوانوں کو پکڑیں۔

    انہوں نے چار اکتوبر کو اسلام آباد میں الیکشن کمیشن کے باہر تاریخی احتجاج کرنے کا بھی اعلان کیا۔

  • ایف آئی اے/ نادرا جعلی شناختی کارڈز بنانے والوں کے خلاف سرگرم

    ایف آئی اے/ نادرا جعلی شناختی کارڈز بنانے والوں کے خلاف سرگرم

    اسلام آباد: چیئرمین نادراعثمان مبین نے ڈائریکٹرایف آئی اے شاہدحیات سے جعلی شناختی کارڈز کے اجرا کے حوالے سے تفصیلی ملاقات کی۔

    تفصیلات کے مطابق آج بروز منگل اسلام آباد میں ہونے والی ملاقات میں چیئرمین نادراعثمان مبین اور ڈائریکٹرایف آئی اےشاہدحیات کے درمیان غیر ملکیوںکو جاری ہونے والے جعلی شناختی دستاویزسے متعلق اہم معاملات پرتبادلہ خیال کیا گیا۔

    ملاقات کے دوران ملک میں پاسپورٹ کے اجراء میں ملوث ایجنٹ مافیااورغیر ملکیوں کو قومی شناختی کارڈجاری ہونے کےمعاملےپر بھی تفصیلی تبادلہ خیال کیا گیا۔

    ڈائریکٹرایف آئی اے شاہد حیات نے نادرا کے ڈائریکٹرکو یقین دہانی کرائی کہ ایف آئی اے جعلی دستاویزات بنانے والی مافیاز اور ایجنٹوں کے خلاف پہلے ہی کاروائیوں میں مشغول ہے اوراس میں مزید تیزی لائی جائے گی۔

  • چیئرمین نادرا اورالیکشن کمیشن عہدیداران مستعفی ہو جائیں، عمران خان

    چیئرمین نادرا اورالیکشن کمیشن عہدیداران مستعفی ہو جائیں، عمران خان

    اسلام آباد : پاکستان تحریک انصاف کے سربراہ عمران خان نے کہا ہے کہ انتخابی بے ضابطگیاں مجرمانہ فعل ہیں لہٰذا این اے ایک سو بائیس کے فیصلے کے بعد چیئرمین نادرا اورالیکشن کمیشن کے عہدیداران مستعفی ہو جائیں ۔

    انہوں نے کہا کہ چیئرمین نادرا نے ن لیگ کے امیدوار کو بچانے کی کوشش کی تھی۔ ان خیالات کا اظہار انہوں نے تحریک انصاف کی ایڈوائزری کونسل کے اجلاس کے بعد اسلام آباد میں پریس کانفرنس کرتے ہوئے کیا۔

    انہوں نے کہا کہ  فوج کو بدنام کرنا نواز لیگ کا پرانا وطیرہ ہے، دھرنے میں کسی سابق جرنیل نے ہماری مدد نہیں کی۔

    عمران خان کا کہنا تھا کہ این اے ایک سو بائیس کے فیصلے میں تحریک انصاف کے مؤقف کی تائید ہو گئی۔ حکومت اتنی ہی دلیر ہے تو سپریم کورٹ کے پیچھے چھپنے کے بجائے چوتھا حلقہ کھولے۔

    ایک سوال کے جواب میں انہوں نے کہا کہ  ایاز صادق سے کوئی اختلاف نہیں، نظام ٹھیک کرنا چاہتے ہیں۔ دو سال تک ایسا شخص ایوان چلاتا رہا جس کی اپنی نشست ہی مشکوک تھی۔

  • افغان صدر اشرف غنی’پاکستانی شہری‘نکلے

    افغان صدر اشرف غنی’پاکستانی شہری‘نکلے

    کوئٹہ: افغانستان کے صدر اشرف غنی کے بارے میں ایک انتہائی دلچسپ انکشاف ہوا ہے کہ ان کے پاس پاکستان کا شناختی کارڈ بھی موجود ہے۔

    اس بات کا انکشاف ضلعی کونسل کے چیئرمین دل مراد حسنی نے چاغی میں ہونے والی ایک میٹنگ میں کیا ہے۔

    اطلاعات کے مطابق دل مراد حسنی نے میٹنگ میں نادرا کی جانب سے جاری کی گئی افغان صدراشرف غنی کی شناختی دستاویز بھی دکھائی۔

    دل مراد حسنی نے دعویٰ کیا ہے کہ افغانستان کی جنگ آزادی کے مشہور سپاہی احمد شاہ مسعود بھی پاکستان کی شناختی دستاویزرکھتے تھے۔

  • رینجرزکوآئین اورقانون کےمطابق اختیارات دیئےگئےہیں، چوہدری نثار

    رینجرزکوآئین اورقانون کےمطابق اختیارات دیئےگئےہیں، چوہدری نثار

    اسلام آباد: وزیر داخلہ چوہدری نثار نے کہا کہ رینجرزکراچی میں آئین کےمطابق اختیارات کےتحت ہی کارروائی کررہی ہے،شہر میں بدامنی کم ہوئی ہے۔

    اسلام آباد میں میڈیا سے بات چیت میں وزیرداخلہ نے کہاکہ رینجرزکوکراچی میں اختیارات انسداددہشت گردی ایکٹ کےتحت دیئےگئے۔

    انہوں نے کہا کہ جوڈیشل کمیشن کافیصلہ پی ٹی آئی کے لیے سبق ہے،اعلیٰ ترین عدالت تحقیقات کے بعد حقائق قوم کے سامنے لائی ہے۔

    ان کا کہنا تھا کہ عمران فاروق قتل کیس میں برطانوی پولیس سے رابطے میں ہیں،اسکاٹ لینڈ یارڈ نےآخری گرفتار شخص تک رسائی کے لیے عید کےبعد درخواست کی ہے۔

    ان کا کہنا تھا کہ تمام سیکیورٹی ادارے متحرک ہیں،دہشت گردی کا خاتمہ کرینگے۔