اسلام آباد (2 اگست 2025): قومی شناختی کارڈ کی معیاد ختم ہو چکی ہے تو پریشان ہونے کی ضرورت نہیں کیونکہ اس تحریر میں آپ کو تجدید کا انتہائی آسان طریقہ اور مرحلہ وار بیان کیا جا رہا ہے۔

اکثر شہری شناختی کارڈ کی معیاد ختم (EXPIRED) ہونے پر پریشان ہو جاتے ہیں اور کوئی ان کی رہنمائی کرنے والا نہیں ہوتا۔

نادرا شاختی کارڈ، ب فارم، فیملی رجسٹریشن سرٹیفیکٹ سے متعلق معلومات

اس تحریر میں نادرا رجسٹریشن سینٹر میں شناختی کارڈ کی تجدید (RENEWAL) کا آسان اور مرحلہ وار طریقہ موجود ہے۔

مطلبوبہ دستاویزات:

• اسمارٹ شناختی کارڈ
• اپنی تیاری مکمل کریں اور نادرا سینٹر تشریف لائیں

پہلا مرحلہ: ٹوکن حاصل کریں اور اپنی باری کا انتظار کریں

دوسرا مرحلہ: باری آنے پر کاؤنٹ پر تشریف لے جائیں اور بائیو میٹرک تصدیق کروائیں

تیسرا مرحلہ: اپنے کوائف درج کروائیں، انگلیوں کے نشانات اور تصویر بنوائیں

چوتھا مرحلہ: ڈیٹا انٹری کے بعد آفس انچارج درخواست کی منظوری دے گا۔ اگر آفس انچارج ضرورت محسوس کرے تو درخواست ہندہ سے اس کے خاندان کے بارے میں کچھ سوالات کر سکتا ہے جس کے ٹھیک جوابات دینا لازمی ہے

پانچواں مرحلہ: درخواست منطور ہونے پر آپ کے دیے ہوئے موبائل نمبر پر منظوری کا پیغام موصول ہوگا، مطلوبہ کیٹیگری کے مطابق نادرا دفتر یا آن لائن فیس جمع کروائیں

شناختی کارڈ کی تجدید کی فیس:

ایگزیکٹو کیٹیگری کی فیس 2500 روپے ہے اور ڈلیوری 7 دن میں ہوگی، ارجنٹ کیٹیگری کی فیس 1500 روپے اور ڈلیوری 15 دن میں جبکہ نارمل کیٹیگری کی فیس 750 روپے ہے اور ڈلیوری 30 دن کے اندر ہوگی۔

اپنی کیٹیگری کے مطابق مدت پوری ہونے پر اسی نادرا دفتر سے شناختی کارڈ وصول کریں۔

نیشنل ڈیٹا بیس رجسٹریشن اتھارٹی (نادرا) کا کہنا ہے کہ رجسٹریشن وین جلد آپ کے علاقے کا دورہ کرے گی۔

نادرا کی جانب سے جاری کردہ سوشل میڈیا پوسٹ میں کہا گیا ہے کہ 4 تا 8 اگست 2025 کے دوران پاکستان بھر کے مختلف دور دراز علاقوں میں نادرا موبائل رجسٹریشن وین کے دوروں کا شیڈول جاری کردیا گیا ہے۔

نادرا موبائل رجسٹریشن وین آپ کے علاقے میں کب آئے گی شیڈول دیکھیں۔

موبائل وین پنجاب کے جن شہروں کا دورہ کرے گی ان میں بہاولپور، ڈیرہ غازی خان، خانیوال، بہاولنگر، بہاولپور، خانیوال، کوٹ ادو، لیہ، ملتان، لودھراں، مظفر گڑھ، پاکپتن، رحیم یار خان، ساہیوال، وہاڑی، رحیم یار خان، راجن پور شامل ہیں۔

اگر آپ نادرا میں ملازمت کے خواہشمند ہیں تو خوشخبری ہے کہ اب نادرا میں ملازمت کے لیے درخواست دینا پہلے سے کہیں زیادہ آسان ہوگیا ہے۔

پاک آئی ڈی موبائل ایپ کے ذریعے نادرا کیریئر پورٹل پر سنگل سائن آن (ایس ایس او) سے سائن ان کریں، اپنا کیریئر ڈیش بورڈ کھولیں اور گھر بیٹھے آن لائن درخواست جمع کروائیں۔

تفصیلی رہنمائی کے لیے مکمل ویڈیو دیکھیں اور نادرا میں ملازمت کے سفر کا آغاز کریں۔

سب سے پہلے اپنا اکاؤنٹ رجسٹرڈ کروائیں، موبائل فون پر موبائل ایپ کھولیں، لاگ ان پیج کھول کر رجسٹریشن بٹن پر کلک کریں۔

متعلقہ خانوں میں اپنا نام، موبائل نمبر، ای میل ایڈٖریس اور دیگر معلومات مکمل کرنے کے بعد 8 ہندسوں پر مشتمل پاس ورڈ لکھیں اور پھر وہی پاس ورڈ کنفرم کریں اس کے بعد، اپنا شناختی کارڈ نمبر درج کرکے تاریخ پیدائش یا ایشو ڈیٹ کا آپشن سلیکٹ کرکے نیکسٹ پر کلک کریں۔

اس کے بعد ای میل ویریفکیشن کا پیج کھلے گا، اپنے موبائل فون یا ای میل پر موصول ہونے والا او ٹی پی متعلقہ خانوں میں درج کریں، او ٹی پی ویریفکیشن کے بعد آپ کی رجسٹریشن مکمل ہوجائے گی۔

اس کے بعد اکاؤنٹ کی ویریفکیشن کا مرحلہ شروع ہوگا، پروسیڈ ٹو لاگ ان پر کلک کریں، اپنا ای میل ایڈریس، پاس ورڈ لکھ کر لاگ ان پر کلک کریں، اپنی تصویر لینے کے لیے کیپچر پر جائیں، اس بات کو یقینی بنائیں کہ تصویر کا بیک گراؤنڈ سفید ہو، اس کے بعد اپلائی پر کلک کرکے ڈن کریں۔

تصویری کی ویریفکیشن کے بعد فنگر پرنٹس کے لیے ویریفائی فنگر پرنٹس پر کلک کریں، دونوں ہاتھوں کی چار انگلیوں یا دو انگوٹھوں میں سے کسی ایک کو اسکین کریں، ویریفکیشن مکمل ہوجائے گی، پھر پروسیڈ ٹو لاگ ان پر کلک کریں آپ کا اکاؤنٹ ویریفائی ہوگیا ہے۔

یہ دونوں مراحل مکمل کرنے کے بعد نادرا کیریئر پورٹل کی ویب سائٹ پر جائیں، نیچے ڈسکرپشن میں دیا گیا ہے، ویب سائٹ کے اوپر سائن ان ود پاک آئی ڈی کے بٹن پر کلک کریں، اپنے پاک آئی ڈی اکاؤنٹ کی تفصیلات درج کریں۔

اس کے بعد موبائل پر نوٹیفکیشن موصول ہوگا، یہ یقینی بنائیں کہ آپ کے موبائل میں پاک آئی ڈی موبائل ایپ کی نوٹیفکیشن ان ایبل ہو، آپ کے سامنے لاگ ان ریکوئسٹ کی اسکرین کھلے گی، یس کے بٹن پر کلک کرتے ہوئے نادرا کیریئر ڈیش بورڈ اوپن ہوگا اب آپ گھر بیٹھے نادرا میں جاب کے لیے باآسانی آن لائن اپلائی کرسکتے ہیں۔

اسلام آباد (30 جولائی 2025): اگر آپ نادرا سے اپنا فیملی رجسٹریشن سرٹیفکیٹ یعنی ایف آر سی بنوانا چاہتے ہیں تو یہ تحریر آپ کیلیے ہے۔

اس تحریر میں نادرا سینٹر جا کر ایف آر سی بنوانے کا تفصیلی، آسان اور مرحلہ وار طریقہ بیان کیا گیا ہے تاکہ شہریوں کو کسی قسم کی پریشانی نہ ہو۔

نادرا معلومات اور خبریں- NADRA

درخواست دینے کا اہل کون ہے؟

فیملی میں سے کوئی ایک ممبر شریک حیات یا خونی رشتے دار دے سکتا ہے جبکہ لے پالک (گود لیے گئے) یا یتیم بچوں کے معاملے میں قانونی سرپرست درخواست دے سکتا ہے۔

مطلوبہ دستاویزات اور تیاری:

• 18 سال سے کم عمر کے بچے جن کا بے فارم بغیر تصویر کے بنا ہوا ہے انہیں تصویر لینے کیلیے ساتھ لانا ضروری ہے
• جن بچوں کا بے فارم تصویر کے ساتھ ہے یا جن کے پاس جوینائل کارڈ ہے انہیں موقع پر موجود ہونے کی ضرورت نہیں
• تمام تیاریاں مکمل کر کے والدین یا قانونی سرپرست کے ساتھ نادرا سینٹر جائیں

ایف آر سی حاصل کرنے کے مراحل:

• نادرا سینٹر میں استقبالیہ سے ٹوکن حاصل کریں اور اپنی باری کا انتظار کریں
• جب آپ کی باری آئے تو کاؤنٹر پر جائیں، بائیو میٹرک تصدیق کے بعد نادرا کا نمائندہ آپ کی خاندانی تفصیلات کی تصدیق کرے گا اور ایف آر سی کی اقسام کی وضاحت کرے گا

ایف آر سی کی اقسام

• پیدائش کے لحاظ سے (By Birth)
• شادی کے لحاظ سے (By Marriage)
• گود لینے کے لحاظ سے (By Adoption) اور تمام (By All)

مطلوبہ ایف آر سی قسم کا انتخاب کرنے کے بعد ڈیٹا انٹری کی جائے گی اور 18 سال سے کم عمر کے بچوں کی تصاویر لی جائیں گی جن کا بے فارم بغیر تصویر والا ہے۔

درخواست دہندہ تمام خاندانی تفصیلات کا جائزہ لے گا۔ اگر کوئی اعتراض نہیں ہے تو درخواست دہندہ تصدیق کیلیے فارم پر دستخط کرے گا اور منظوری کیلیے انچارج آفس بھیجی جائے گی

یہ بھی پڑھیں: نادرا سے بچے کا ب فارم بنوانے کا آسان طریقہ

منظوری کے بعد فراہم کردہ موبائل نمبر پر ایک SMS نوٹیفکیشن موصول ہوگا۔ ایف آر سی فیس نادرا آفس یا آن لائن ادا کی جا سکتی ہے۔

بائی آل کیٹیگری میں ایف آر سی کی فیس 2000 روپے جبکہ سنگل کیٹیگری جئ فیس 1000 روپے ہے۔ ادائیگی کے بعد اسی دن نادرا آفس سے ایف آر سی حاصل کیا جا سکتا ہے۔

کراچی : نئے ڈیجیٹل دور میں نادرا کی ایک اور سہولت مل گئی، گاڑیوں کی رجسٹریشن اور اسلحہ لائسنس کے ڈیجیٹل کارڈ مفت ڈاؤن لوڈ کرنے کا طریقہ کار سامنے آگیا ۔

تفصیلات کے مطابق نیشنل ڈیٹا بیس اینڈ رجسٹریشن اتھارٹی (نادرا) نے شہریوں کے لیے پاک آئی ڈی موبائل ایپ کے ذریعے ایک اور جدید سہولت متعارف کرا دی ہے۔

اب شہری اپنی گاڑی کی رجسٹریشن اور اسلحہ لائسنس کے ڈیجیٹل کارڈ اپنے موبائل فون پر مفت حاصل کر سکتے ہیں۔

نادرا نے اس سروس کی تفصیلات ایک ویڈیو کی صورت میں جاری کر دی ہیں، جس میں مرحلہ وار طریقہ کار واضح کیا گیا ہے۔

نادرا شاختی کارڈ، ب فارم، فیملی رجسٹریشن سرٹیفیکٹ سے متعلق معلومات

ڈیجیٹل کارڈز ڈاؤن لوڈ کرنے کا طریقہ

اپنے موبائل فون پر Pak ID ایپ ڈاؤن لوڈ کریں ، ایپ میں رجسٹریشن کے بعد لاگ اِن کریں۔

اس کے بعد "Other Government Services” کے آپشن پر کلک کریں۔

"Show More” پر کلک کریں، اس کے بعد "Vehicle Card” یا "Digital Arms License” کے آپشن کو منتخب کریں

سامنے آنے والی معلومات کا بغور مطالعہ کریں اور "Download” بٹن پر کلک کریں۔

اب آپ کی فائل "ID Vault” میں منتقل ہو جائے گی ، وہاں جا کر Vehicle Card یا Arms License کو منتخب کریں ، آپ کے کارڈز اسکرین پر ظاہر ہوں گے، جنہیں آپ موبائل فون میں محفوظ کر سکتے ہیں۔

نادرا کے مطابق اس سروس پر کسی قسم کی کوئی فیس نہیں لی جائے گی۔

خیال رہے نادرا نے حال ہی میں ایک عوامی آگاہی مہم کا آغاز بھی کیا ہے جس میں شہریوں پر زور دیا گیا ہے کہ وہ اپنے شناختی کارڈ (CNIC) میں مکمل اور درست تاریخِ پیدائش درج کروائیں۔

نادرا کے مطابق بہت سے شناختی کارڈز پر صرف مہینہ اور سال درج ہوتا ہے جبکہ دن کی تاریخ درج نہیں ہوتی، جس کے باعث مختلف قانونی و مالیاتی معاملات میں مسائل پیدا ہو سکتے ہیں۔

نادرا نے خبردار کیا ہے کہ نامکمل تاریخِ پیدائش والے CNIC پر شہریوں کو بینک، پاسپورٹ اور دیگر قانونی عمل میں مشکلات کا سامنا کرنا پڑ سکتا ہے۔

یہ اقدام نادرا کی اس کوشش کا حصہ ہے جس کا مقصد تمام شہریوں کے شناختی ریکارڈ کو معیاری اور قانونی حیثیت سے درست بنانا ہے۔

مزید پڑھیں : شناختی کارڈ پر درج غلط تاریخ پیدائش کیسے درست کرائیں؟

(23 جولائی 2025) اگر آپ پاکستانی شہریت ترک کر چکے ہیں اور آپ POC یعنی پاکستان اوریجن کارڈ حاصل کرنا چاہتے ہیں تو آپ کو سب سے پہلے اپنا بے فارم، جوینائل کارڈ، شناختی کارڈ یا نائکوپ منسوخ کروانا ہوگا۔

شناختی کارڈ کی منسوخی کیلیے آپ کو کسی نادرا سینٹر جا کر قطار میں لگنے کی ضروت نہیں بلکہ پاک آئی ڈی موبائل ایپ کے ذریعے گھر بیٹھے کر سکتے ہیں۔

نادرا شاختی کارڈ، ب فارم، فیملی رجسٹریشن سرٹیفیکٹ سے متعلق معلومات

طریقہ سمجھیں:

پاک آئی ڈی موبائل ایپ پر لاگ ان کریں اور ID CANCELLATION پر کلک کریں۔ اپنے لیے MYSELF اور اہل خانہ (ماں، باپ، شریک حیات، بہن، بھائی، بیٹا یا بیٹی) کے کارڈ کی منسوخی کیلیے MY BLOOD RELATIVES کا انتخاب کریں۔

اگلی اسکرین پر SURRENDER پر کلک کریں گے تو APPLICATION DETAILS کی اسکرین ظاہر ہوگی، VERIFY FINGERPRINTS پر کلک کریں۔ اگر اپنے لیے اپلائی کر رہے ہیں تو اپنی اور اگر اہل خانہ کیلیے کر رہے ہیں تو ان کی انگلیوں یا انگوٹھے کی تصدیق کریں۔

یہ بھی پڑھیں: نادرا میں آن لائن فیس ادائیگی کا آسان طریقہ

انگلیوں یا انگوٹھے کی تصدیق کا عمل مکمل کر کے NEXT پر کلک کریں۔ اب اپنی درخواست کی پروسسنگ کیٹیگری منتخب کر کے START APLLICATION پر کلک کریں۔ سب کیٹیگریز کی ایک ہی فیس یعنی 15 امریکی ڈالرز ہے جو کہ پاکستانی روپے میں تبدیل کر کے دکھائی جائے گی۔

اب APPLICANT PHOTOGRAPH کی اسکرین کھلے گی وہاں CAPTURE پر کلک کریں (اگر آپ اپنے لیے اپلائی کر رہے ہیں تو اپنی تصویر لیں ورنہ اہل خانہ کی)۔ تصویر بغیر عینک اور سفید BACKGROUND کے ساتھ بنائیں۔ آپ کا چہرہ کیمرے کی اسکرین پر موجود FACE SHAPE کے دائرے کے اندر رہے، فوٹو بنانے کے بعد اپلائی پر کر کے پھر DONE کر دیں۔

پھر APPLICANT DETAILS میں معلومات مکمل کر کے NEXT کریں۔ اب SUPPORTING DOCUMENTS کی اسکرین پر متعلقہ دستاویزات اپلوڈ کریں جیسے کہ RENUNCIATION CERTIFICATE یا FOREIGN PASSPORT ہیں۔

یاد رہے کہ اگر آپ نے کسی ایسے ملک کی شہریت حاصل کی ہے جس سے پاکستان کا دوہری شہریت کا معاہدہ ہے تو اس صورت میں RENUNCIATION CERTIFICATE لازمی مہیا کرنا ہوگا۔

ان ممالک میں آسٹریلیا، بیلجیم، کینیڈا، مصر، فرانس، آئیس لینڈ، آئر لینڈ، اٹلی، اردن، ہالینڈ، نیوزی لینڈ، سوئیڈن، سوئٹزرلینڈ، شام، امریکا، برطانیہ، بحرین، فن لینڈ، ڈنمارک، جرمنی، ناروے شامل ہیں۔

دستاویزات اپلوڈ کرنے کے بعد SUBMIT پر کلک کریں جس کے بعد آپ کی درخواست ارسال ہو جائے گی۔ اس کے بعد نادرا آپ کی درخواست پر ضروری کارروائی کرے گا، منظور ہونے کی صورت میں آپ کی ٹریکنگ آئی ڈی کے دائیں طرف PAY NOW کا آپشن ظاہر ہوگا اس پر کلک کرنا ہے۔

آپ فیس کی ادائیگی ای سہولت، جاز کیش، ایزی پیشہ یا ڈیبٹ اور کریڈٹ کارڈ کے ذریعے کر سکتے ہیں۔ فیس ادائیگی کے بعد CANCELLATION CERTIFICATE پاک آئی ڈی ایپ سے براہ راست ڈاؤن لوڈ کیا جا سکتا ہے۔

اسلام آباد : نادرا کی جانب سے شناختی کارڈ بنوانے کے قوانین میں کی جانے والی تبدیلیوں کی تفصیلات سامنے آگئیں۔

تفصیلات کے مطابق نادرا میں اہم اصلاحات، شناختی نظام کو مزید آسان اورمحفوظ بنادیا گیا، نیشنل ڈیٹا بیس اینڈ رجسٹریشن اتھارٹی نے عوامی سہولت کے لیے قومی شناختی قوانین میں نمایاں تبدیلیاں کیں۔

نادرا شاختی کارڈ، ب فارم، فیملی رجسٹریشن سرٹیفیکٹ سے متعلق معلومات

اقدامات کے تحت پیدائش ، موت ، شادی اورطلاق کے سرٹیفکیٹس بدستوریونین کونسل جاری کرے گی۔

ب فارم میں بچوں کی تصاویر اور بائیو میٹرک تصدیق شامل کردی گئی ہے، تین سال تک کےبچوں کے لیے بغیر تصویر والا سرٹیفکیٹ برقرار رہے گا اور تین سے دس سال تک تصویر اور بائیومیٹرک لازم ہوگی۔

دس سے اٹھارہ سال کے بچوں کے لیے نیا سی آر سی بنے گا، جو پاسپورٹ کے اجرا کے لیے ضروری ہے، پرانے ب فارم پر پاسپورٹ نہیں بنے گا۔

نادرا کی ایپ سے فیملی کی تفصیلات حاصل کرناممکن ہوگیا،ایف آرسی اب وراثتی معاملات اور قانونی امور میں قابلِ قبول ہوگا، جس میں خاندان کی مختلف اقسام کی درجہ بندی شامل ہوگی۔

ایک سے زائد شادیاں کرنے والے مردوں کے کوائف بھی ایف آر سی میں ہوں گے، قوانین میں تبدیلی کے بعد شادی شدہ خواتین کوشناختی کارڈپروالد یا شوہر کا نام درج کرانےکا اختیار دے دیا گیا۔

اس کے علاوہ بغیرچپ والے قومی شناختی کارڈ میں اسمارٹ کارڈ کی خصوصیات شامل کردی گئی ہیں۔

نیشنل ڈیٹا بیس اینڈ رجسٹریشن اتھارٹی (نادرا) کے ترجمان سید شباہت علی نے اے آر وائی نیوز کے پروگرام میں گفتگو کرتے ہوئے ادارے کے نظام میں حالیہ تبدیلیوں کی وضاحت کی ہے۔

انہوں نے بتایا کہ نادرا کا قیام 25 سال قبل عمل میں آیا، اُس وقت شناختی کارڈ کا نظام ہاتھ سے لکھے گئے کارڈز پر مشتمل تھا، جو کمپیوٹرائزڈ نہیں تھا۔ ادارے کا مقصد ایک نیا نظام متعارف کروا کر زیادہ سے زیادہ شہریوں کو رجسٹر کرنا اور انہیں سہولت فراہم کرنا تھا۔

پرانے نظام میں موجود خامیاں

ترجمان کے مطابق وقت کے ساتھ ادارے کو اس نظام میں کمزور پہلوؤں (لوپ ہولز) کا اندازہ ہوا، جن کے باعث بعض ایسے افراد کو بھی شناختی کارڈ جاری ہو گئے جن کے اہل ہونے پر سوالات تھے۔ اس کے برعکس کچھ شہریوں نے اپنی فیملی کی مکمل معلومات درج ہی نہیں کروائیں، جس سے قومی ڈیٹا میں خلا پیدا ہوا۔

رجسٹریشن نظام کو مضبوط بنانے کا فیصلہ

سید شباہت علی کا کہنا تھا کہ حالیہ تبدیلیوں کا مقصد رجسٹریشن سسٹم کو مضبوط اور شفاف بنانا ہے۔ انہوں نے واضح کیا کہ بعض اوقات ایسے افراد کو خاندان میں شامل کر دیا جاتا ہے جو درحقیقت اس خاندان کا حصہ نہیں ہوتے، اس لیے ایسے معاملات کی روک تھام کے لیے دستاویزی ثبوت ضروری قرار دیے گئے ہیں۔

چائلڈ رجسٹریشن سرٹیفکیٹ (CRC) کی اہمیت

ترجمان نے بتایا کہ بچوں کے لیے جاری کیا جانے والا چائلڈ رجسٹریشن سرٹیفکیٹ (جو بی فارم بھی کہلاتا ہے)، نادرا کی اہم دستاویز ہے جو 18 سال سے کم عمر شہریوں کی شناخت کے لیے استعمال ہوتی ہے۔

ماضی میں اس سرٹیفکیٹ پر تصویر شامل نہیں کی جاتی تھی، تاہم نئی پالیسی کے تحت اب 3 سال کی عمر تک تصویر لازمی قرار دی گئی ہے، 3 سال کے بعد تصویر کے ساتھ بائیومیٹرک تصدیق بھی لازم ہے۔

یہ اقدامات بچوں کی شناخت کو محفوظ، درست اور بین الاقوامی معیار کے مطابق بنانے کے لیے کیے جا رہے ہیں۔