کراچی (22 جولائی 2025): آپ پاکستان میں ہوں یا بیرون ملک، پاک آئی ڈی موبائل ایپ کے ذریعے آپ انتہائی آسانی کے ساتھ نادرا کی شناختی دستاویزات کیلیے فیس ادا کر سکتے ہیں۔

اسمارٹ آئی ڈی، سی آر سی (بے فارم) اور ایف آر سی کی درخواستوں کی فیس ای سہولت، جاز کیش یا ایزی پیسہ کے ذریعے ادا کی جا سکتی ہے۔

نادرا شاختی کارڈ، ب فارم، فیملی رجسٹریشن سرٹیفیکٹ سے متعلق معلومات

نادرا کی آن لائن فیس ادائیگی کیلیے نیچے دیا گیا آسان طریقہ اختیار کریں:

• سب سے پہلے پاک آئی ڈی موبائل ایپ میں لاگ ان ہو جائیں اور نیچے دیے گئے آپشنز میں ان باکس پر کلک کریں آپ کو منظور شدہ درخواست کی ٹریکنگ آئی ڈی دکھائی دے گی۔
• ٹریکنگ آئی ڈی کے دائیں طرف PAY NOW کا آپشن نظر آئے گا (اگر نہیں آئی تو اس کا مطلب ہے کہ آپ کی درخواست ابھی پراسیس میں ہے)۔ PAY NOW پر کلک کریں
• دیگر شناختی دستاویزات کی فیس صرف DEBIT CARD یا CREDIT CARD کے ذریعے کی جا سکتی ہے۔
• DEBIT یا CREDIT کارڈ سے ادائیگی کیلیے PROCEED TO PAYMENT کے بٹن پر کلک کریں
• PAYMENT DETAILS میں نام، ای میل اور دیگر معلومات درج کر کے NEXT پر کلک کریں
• CONFIRM AND PAY کے بٹن پر کلک کریں، آپ کا بینک تصدیق کیلیے VERIFICATION CODE بھیجے گا، اسے متعلقہ خانے میں لکھیں اور SUBMIT کر دیں جس کے بعد PAYMENT SUCCESSFUL کا میسج ظاہر ہوگا۔

ایزی پیسہ کے ذریعے فیس ادائیگی کا طریقہ

• ایزی پیسہ ایپ کے ذریعے ادائیگی کیلیے ایزی پیسہ ایپ میں لاگ ان کریں اور نادرا فیس کے آپشن پر کلک کریں
• اگلی اسکرین پر ٹریکنگ آئی کے خانے میں آئی ڈی درج کریں اور NEXT پر کلک کریں
• معلومات کی تصدیق کے بعد PAY IN FULL پر کلک کریں
• اگلی اسکرین پر بھی معلومات کی تصدیق کر کے PAY NOW پر کلک کریں، اس کے بعد اسکیرن پر فیس ادائیگی کا CONFIRMATION MESSAGE نظر آئے گا۔

جاز کیس ایپ سے فیس ادائیگی کا طریقہ

• جاز کیس ایپ کے ذریعے ادائیگی کیلیے لاگ ان کریں اور GOVT PAYMENTS کے آپشن پر کلک کریں
• اگلی اسکرین پر نادرا کے آپشن کا انتخاب کر کے دو آپشنز میں سے NIS پر کلک کریں
• پھر ٹریکنگ آئی ڈی درج کر کے آگے بڑھیں
• درخواست سے متعلق تفصیلات نظر آنے کے بعد CONFIRM پر کلک کریں
• اس کے بعد اپنے جاز کیش اکاؤنٹ کا 4 ہندسوں والا MPIN درج کریں، آپ کو فیس ادائیگی کا CONFIRMATION MESSAGE اسکرین پر نظر آئے گا۔

ای سہولت پر فیس ادائیگی کا طریقہ

• ای سہولت کے ذریعے فیس ادائیگی کیلیے کسی بھی قریبی ای سہولت فرنچائز تشریف لے جائیں
• نمائندہ کو اپنی ٹریکنگ آئی ڈی فراہم کریں اور فیس ادا کریں

واضح رہے کہ آپ کی شناختی دستاویزات مقررہ وقت کے اندر آپ کے منتخب کردہ پتے پر موصول ہو جائے گی۔

اسلام آباد : شناختی کارڈ قوانین میں 23 سال بعد بڑی تبدیلیوں کے حوالے سے شہریوں کے لئے اہم خبر آگئی۔

تفصیلات کے مطابق نادرا نے شناختی کارڈ قوانین میں 23 سال بعد بڑی تبدیلیاں کرتے ہوئے آن لائن سہولیات متعارف کرا دی ہیں۔

نادرا شاختی کارڈ، ب فارم، فیملی رجسٹریشن سرٹیفیکٹ سے متعلق معلومات

نیشنل ڈیٹا بیس اینڈ رجسٹریشن اتھارٹی (نادرا) نے شناختی کارڈ سے متعلق ضوابط میں دو دہائیوں سے زائد عرصے بعد اہم تبدیلیاں کی ہیں اور شہریوں کے لیے آن لائن سروسز کا آغاز کرنے کا اعلان کیا ہے۔

نادرا کے مطابق اب پاکستانی شہری شناختی دستاویزات سے متعلق مختلف سہولیات جیسے کہ نیا شناختی کارڈ حاصل کرنا، اس کی تجدید، اور دیگر خدمات گھر بیٹھے موبائل ایپ یا ویب پورٹل کے ذریعے حاصل کر سکیں گے۔

نادرا کے ایک سینئر افسر کے مطابق نئی پالیسی کے تحت بائیومیٹرک تصدیق کے نظام کو جدید تقاضوں سے ہم آہنگ کیا گیا ہے، جس سے نہ صرف ڈیٹا کے تحفظ کو یقینی بنایا جا سکے گا بلکہ نظام کی شفافیت میں بھی اضافہ ہوگا۔

ساتھ ہی، بچوں کی پیدائش کے اندراج کے لیے یونین کونسل میں رجسٹریشن کو لازمی قرار دیا گیا ہے تاکہ جعلی ریکارڈز کی روک تھام کی جا سکے۔

یہ اصلاحات حال ہی میں وفاقی کابینہ کی منظوری کے بعد نافذ کی گئی ہیں، جن کا مقصد ملک کے شناختی نظام کو بین الاقوامی معیارات کے مطابق اپ گریڈ کرنا ہے۔

نادرا کے جاری کردہ اعلامیے میں کہا گیا ہے کہ ان اقدامات سے نہ صرف شہریوں کو آسانی میسر آئے گی بلکہ بائیومیٹرک ٹیکنالوجی میں ہونے والی عالمی ترقی کو بھی مدنظر رکھا گیا ہے، تاکہ اعتماد، سہولت اور سیکیورٹی کو فروغ دیا جا سکے۔

اب نادرا کی موبائل ایپ، جو گوگل پلے اسٹور اور ایپ اسٹور پر دستیاب ہے، کے ذریعے شہری بآسانی شناختی معلومات سے متعلق امور انجام دے سکیں گے۔

.یہ سہولت خاص طور پر ان افراد کے لیے فائدہ مند ہوگی جو دور دراز علاقوں میں مقیم ہیں اور نادرا دفاتر تک رسائی نہیں رکھتے۔

نادرا نے اس اقدام کو “ڈیجیٹل پاکستان” کی طرف ایک اہم پیش رفت قرار دیا ہے، جو نہ صرف ٹیکنالوجی کے استعمال کو فروغ دے گا بلکہ عوام کے لیے بہتر خدمات کی فراہمی کو بھی یقینی بنائے گا۔

نیشنل ایڈوانس ڈیٹابیس رجسٹریشن اتھارٹی (نادرا) نے ملک بھر کے شہریوں کے لیے انتباہ جاری کرتے ہوئے انہیں جعلسازوں سے ہوشیار رہنے کی ہدایت کی ہے۔

نادرا کی جانب سے جاری ایک اعلامیہ میں عوام الناس کو آگاہ کیا گیا ہے کہ نادرا دفاتر کے باہر کچھ افراد غیر قانونی طور پر شہریوں کو PAK-ID موبائل ایپ کے ذریعہ درخواستوں کی تیاری میں مدد دینے کے عوض پیسے وصول کر رہے ہیں۔

نادرا نے اس عمل کو مکمل طور پر غیر قانونی قرار دیتے ہوئے کہا ہے کہ نادرا کی تمام خدمات کی فیس سرکاری طور پر مقرر ہے اور کسی غیر مجاز کو پیسے وصول کرنے کا اختیار نہیں۔

نادرا کی جانب سے عوام الناس کو ایسے عناصر سے ہوشیار رہنے کا انتباہ جاری کرتے ہوئے ہدایت کی ہے کہ شہری کسی بھی فرد کو نادرا سے متعلق درخواست کے لیے پیسے نہ دیں اور صرف نادرا دفاتر، ویب سائٹ یا PAK-ID ایپ کے ذریعہ درخواست دیں۔

نادرا نے شہریوں کو مزید معلومات یا شکایات درج کرانے کے لیے ہیلپ لائن پر کال یا ویب سائٹ وزٹ کرنے کی ہدایت کی ہے۔

واضح رہے کہ نادرا پاکستانی شہریوں کو کمپیوٹرائزڈ شناختی دستاویزات فراہم کرتا ہے اور انہیں قومی شناختی کارڈ سمیت ب فارم، فیملی رجسٹریشن سرٹیفکیٹ، ازدواجی حیثیت کی تبدیلی، شناختی کارڈ کی منسوخی ودیگر سہولتیں فراہم کی جاتی ہیں۔

https://urdu.arynews.tv/nadra-expands-biker-service-in-karachi/

کراچی: نادرا نے برتھ، ڈیتھ سرٹیفکیٹس اور نکاح نامے کے حوالے سے اہم وضاحت جاری کی ہے۔

تفصیلات کے مطابق نادرا نے کہا ہے کہ پیدائش، وفات اور ازدواجی حیثیت میں تبدیلی کا اندراج صوبائی قوانین کے تحت متعلقہ یونین کونسل میں ہوتا ہے، جس کی بنیاد پر وفاقی قانون کے تحت نادرا شناختی دستاویزات جاری کرتا ہے۔

سوشل میڈیا پر گردش کرنے والی ایک ویڈیو پر نادرا کی جانب سے وضاحت جاری کی گئی ہے کہ ویڈیو میں جو شخص نادرا آفس میں خود کو فوت شدہ ظاہر کرنے پر تعجب کا اظہار کر رہے ہیں، ان کی وفات کا اندراج متعلقہ یونین کونسل میں ان کے قریبی رشتہ دار نے کروا رکھا تھا۔

نادرا کے مطابق پیدائش، وفات اور ازدواجی حیثیت میں تبدیلی کا اندراج متعلقہ یونین کونسل کی ذمہ داری ہے، جس کی روشنی میں نادرا شہریوں کو شناختی دستاویزات کا اجرا کرتا ہے۔

نادرا کے مطابق ملک بھر میں 70 لاکھ سے زائد افراد کی وفات کا اندراج متعلقہ یونین کونسلوں میں ہو چکا ہے، لیکن ان فوت شدہ افراد کے قریبی رشتہ داروں نے اس ریکارڈ کو نادرا میں اپ ڈیٹ نہیں کرایا، اور ان کے شناختی کارڈ منسوخ نہیں کرائے۔

ناردا کا کہنا ہے کہ ایسے تمام لوگوں کے موبائل فون پر اور ان کے قریبی رشتہ داروں کے موبائل فون پر پیغامات ارسال کیے گئے ہیں تاکہ اگر وہ واقعی فوت شدہ ہیں تو ان کے قریبی خون کے رشتہ دار قریبی نادرا دفتر میں آ کر ان کا شناختی کارڈ منسوخ کروائیں اور اگر وفات کا اندراج غلط ہوا ہے تو متعلقہ یونین کونسل میں ریکارڈ کی تصحیح کروائیں۔

کراچی : گھر بیٹھے شناختی کارڈ بنوانے کا طریقہ کار سامنے آگیا، جس سے شہریوں کی بڑی پریشانی ختم ہوگئی۔

تفصیلات کے مطابق نادرا نے کراچی کے شہریوں کے لیے بائیکر سروس کا آغاز کر دیا ، جس سے شناختی کارڈ کی تجدید سمیت دیگر سروسز سے استفادہ کیا جاسکے گا۔

ڈی جی نادرا کراچی ریجن نے متعلقہ آلات سے آراستہ بائیک کی چابیاں بائیکرز کے حوالے کیں ، اس موقع پر ڈی جی نادرا سندھ نے کہا کہ شہری نادرا کی ہیلپ لائن سے خود کو رجسٹر کراسکتےہیں۔

ڈی جی نادرا سندھ کا کہنا تھا کہ بائیکرسہولت سے نیاکارڈ نہیں بن سکے گا، پیر سے جمعہ صبح 8 سے 5 بجے تک بائیکرسروس دستیاب ہوگی۔

انھوں نے بتایا کہ ابتدائی طور پر کراچی، حیدرآباد اور میرپور خاص میں بائیکر سہولت دستیاب ہوگی، شہریوں کو 7000 یا 111786100 پر کال کرنا ہوگی، کال سینٹر پرشہری سے ایڈریس اور مطلوبہ سہولت سے متعلق پوچھا جائےگا، ابتدائی طور پر کراچی میں3،حیدرآباد اور میرپورخاص میں ایک بائیکر رائیڈر ہوگا۔

خیال رہے نادرا نے شہریوں کے لئے بڑی سہولت کے آغاز کا اعلان کیا تھا ، جس سے بڑی پریشانی ختم ہوگئی۔

حکام کا کہنا تھا کہ بائیکرسروس کا آغاز کراچی، حیدرآباد اور میرپور خاص کیلئے ہوگا جبکہ کراچی ریجن میں سروس پیر 20 جنوری شروع کی جائے گی۔

نادرا کی خبریں- NADRA

کراچی : شناختی کارڈ اور بے فارم بنوانے والوں کی بڑی مشکل آسان ہوگئی، شہری کب سے نئی سہولت سے فائدہ اٹھاسکیں گے۔

تفصیلات کے مطابق کراچی اور اندرون سندھ کے شہریوں کیلئے خوشخبری آگئی ، نادرا نے شہریوں کے لئے بڑی سہولت کا آغاز کردیا ، جس سے بڑی پریشانی ختم ہوگئی۔

نادرا کی جانب سے کہا گیا ہے کہ گھر بیٹھے شناختی کارڈ بنوانے کی سہولت کا آغاز 20 جنوری سے ہوگا، بائیکر سروس سے نیا شناختی کارڈ، تجدید اور بے فارم بنوایا جا سکے گا۔

حکام کا کہنا تھا کہ بائیکرسروس کا آغاز کراچی، حیدرآباد اور میرپور خاص کیلئے ہوگا جبکہ کراچی ریجن میں سروس پیر 20 جنوری شروع کی جائے گی۔

اس کے ساتھ کراچی کیلئے 3 ، حیدرآباد اور میرپور خاص کیلئے ایک ایک موٹرسائیکل مختص کی گئی ہے۔

نئی سہولت کے حوالے سے حکام نے مزید بتایا کہ بائیک سروس کے نمائندے بیک پیک (پراسیس کے آلات) سے لیس ہوں گے اورسہولت سے فائدہ اٹھانے کیلئے ایک ہزار روپےفیس مقرر کردی گئی ہے، جس میں فیس میں 825 روپے سروس اور 175 روپے ڈیلیوری چارجز شامل ہیں۔

نادرا اور شناختی کارڈ سے متعلق خبریں- NADRA