Tag: naeem ul Haq

  • بجٹ بہت جلد منظور ہوجائے گا: نعیم الحق

    بجٹ بہت جلد منظور ہوجائے گا: نعیم الحق

    اسلام آباد: پاکستان تحریک انصاف کے سینئر رہنما نعیم الحق نے کہا ہے کہ بجٹ بہت جلد منظور ہوجائے گا.

    ان خیالات کا اظہار انھوں نے میڈیا سے گفتگو کرتے ہوئے کیا. ان کا کہنا تھا کہ انشا للہ 8 یا 9 دن میں بجٹ منظور کرا لیا جائے گا.

    وزیر اعظم کے معاون خصوصی نعیم الحق نے کہا کہ بجٹ منظور ہوگا، کئی اہم ارکان ہمارے ساتھ ہوں گے.

    نعیم الحق نے کہا کہ مطالبات کا مطلب اختلافات نہیں ہوتا، اس میں فرق ہوتا ہے، ذاتیات پرحملے نہ کئے جائیں، قانون کی حد تک رہا جائے.

    نعیم الحق نے کہا کہ امید کرتا ہوں، حالات بہتری کی طرف جائیں گے، اپوزیشن ہمارے خلاف حد سے باہر نکلتی ہے، تو ہمیں ایکشن لینا ہوگا.

    مزید پڑھیں: حکومت اقتصادی بحران سے مقابلہ کر رہی ہے، چند ماہ میں انقلابی تبدیلی آئے گی: نعیم الحق

    نعیم الحق نے کہا کہ اپوزیشن جماعت ہمارے خلاف احتجاج کرنا چاہے، تو کر سکتی ہے، البتہ میں امید کرتا ہوں کہ حالات جلد بہتری کی طرف جائیں گے.

    خیال رہے کہ 18 جون 2019 کو نعیم الحق نے اپنے بیان میں کہا تھا کہ حکومت شدید اقتصادی بحران کا مقابلہ کر رہی ہے، انھوں نے مزید کہا کہ پاکستان کی تاریخ میں اتنا زبردست عوامی فلاحی بجٹ پیش نہیں ہوا.

  • حکومت اقتصادی بحران سے مقابلہ کر رہی ہے، چند ماہ میں انقلابی تبدیلی آئے گی: نعیم الحق

    حکومت اقتصادی بحران سے مقابلہ کر رہی ہے، چند ماہ میں انقلابی تبدیلی آئے گی: نعیم الحق

    لاہور: وزیر  اعظم کے معاون خصوصی نعیم الحق نے کہا ہے کہ حکومت شدید اقتصادی بحران کا مقابلہ کرنے کی کوشش کر رہی ہے.

    ان خیالات کا اظہار انھوں نے میڈیا سے گفتگو کرتے ہوئے کیا. نعیم الحق کا کہنا تھا کہ پاکستان کی تاریخ میں اتنا زبردست عوامی فلاحی بجٹ پیش نہیں ہوا.

    ان کا کہنا تھا کہ گزشتہ 10 سال  میں 24 کھرب کے قرضے لیے گئے، پی پی، ن لیگ نے اربوں کے اخراجات کیے، جن کا کوئی ریکارڈ نہیں، نواز شریف اور آصف زرداری کے خلاف کرپشن کے مقدمات ان ہی کے اپنے ادوارمیں بنے، دونوں‌ کو حساب دینا پڑے گا، ایسےمجرموں کوعبرت ناک سزادی جائےتاکہ پھرکسی کوہمت نہ ہو.

    [bs-quote quote=”نواز شریف اور آصف زرداری کے خلاف کرپشن کے مقدمات ان ہی کے اپنے ادوارمیں بنے، دونوں‌ کو حساب دینا پڑے گا” style=”style-8″ align=”left” author_name=”نعیم الحق”][/bs-quote]

    نعیم الحق نے کہا کہ 50 لاکھ گھروں پر کام شروع کردیا گیا ہے، جس کسی کو گھر چاہیے ہوگا، وہ نادرا میں جا کر درخواست دے گا، ہزاروں کی تعدادمیں مکانوں کی تیاری شروع ہوگئی ہے، ہیلتھ کارڈ کا اجراشروع کردیا ہے.

    انھوں نے کہا کہ ہر سرکاری ادارےمیں چوری اورفراڈ موجود ہے، گزشتہ چند برس میں ہماری معیشت بہت کمزورہوئی.

    اس سال حکومت کو 4ارب روپےکی کمائی ہوئی، وزیراعظم ہاؤس کا خرچہ 52 کروڑ سے کم کرکے35 کروڑ پر لے آئے، بنی گالہ کی سڑک وزیر اعظم نے خود بنوائی. بنی گالہ میں میٹنگزکےاخراجات خودبرداشت کرتے ہیں.

    عمران خان آئندہ چند ماہ میں امریکا جائیں گے، وہ سفیر کے گھرقیام کریں گے، اگلے ہفتے امیر قطر پاکستان آرہے ہیں وہ 20ارب ڈالر کی سرمایہ کاری کریں، آپ دیکھیں گے چند ماہ میں انقلابی تبدیلی آئے گی، آئندہ چند برس میں پاکستان بہترین اسٹیٹ بن جائے گا.

    انھوں نے کہا کہ یہ بجٹ 29 جون تک پاس ہو جائے گا،  ہم آپ کےاورآپ ہمارے کسی رہنما کو تقریرسے نہیں روکیں گے، آپ سنجیدہ ہیں کہ جمہوریت، قومی اسمبلی آگے چلے، تو ضابطہ اخلاق سائن کریں.

    نعم الحق نے کہا کہ ایمنسٹی اسکیم سے فائدہ اٹھائیں اور قانونی طریقےسےکام کریں،40 ہزارارب کی معیشت ٹھیک اور 50 یا 60 ارب کی معیشت سیاہ ہے، یمنسٹی اسکیم30جون کوختم ہوجائے گی، وزیراعظم آئندہ چنددنوں میں دوبارہ قوم سے خطاب کریں گے.

  • پولیس اسکواڈ کا مسلسل استعمال، نعیم الحق کی اپنے ہی حکومتی وزرا پر تنقید

    پولیس اسکواڈ کا مسلسل استعمال، نعیم الحق کی اپنے ہی حکومتی وزرا پر تنقید

    اسلام آباد: وزیراعظم کے معاون خصوصی نعیم الحق نے پولیس اسکواڈ کا مسلسل استعمال پر اپنے ہی حکومتی وزرا پر تنقید کرتے ہوئے کہا بعض وزرا ہر جگہ پولیس اسکواڈ ساتھ لئے پھر رہے ہیں، یہ اقدام فوری طور پر رکنا چاہئے۔

    تفصیلات کے مطابق وفاقی وزرا کی جانب سے پولیس اسکواڈ کے مسلسل استعمال پر وزیراعظم کے معاون خصوصی نعیم الحق نے سماجی رابطے کی ویب سائٹ ٹوئٹر پر اپنے ہی حکومتی وزرا پر تنقید کرتے ہوئے کہا بعض حکومتی وزرا ہر جگہ پولیس اسکواڈ ساتھ لئے پھر رہے ہیں، ایسے اقدام سے وی آئی پی کلچر کو فروغ دیا جا رہا ہے۔

    نعیم الحق کا کہنا تھا وی آئی پی کلچر وزیراعظم کے وین کے خلاف ہے، جنہیں شدیدسیکیورٹی خطرات ہیں صرف انہیں پولیس اسکواڈکی اجازت ہے، وی آئی پیز اوروزرا کی جانب سے یہ اقدام فوری طور پر رکنا چاہئے۔

    یاد رہے کہ گذشتہ سال انتخابات میں کامیابی کے بعد عمران خان نے واضح کیا تھا کہ نہ گاڑیوں کی لمبی قطاریں ہوں گی نہ شہنشاہوں والا پروٹوکول ہوگا جبکہ وفاقی اور صوبائی وزرا کا پروٹوکول کم سے کم رکھنے کی بھی ہدایت کی تھی۔

    ان کا کہنا تھا کہ نہ خود پروٹوکول لوں گا نہ دوسروں کو لینے دوں گا۔ تمام وزراء ان کے بنائے گئے ایس او پی کے پابند ہوں گے۔

  • بلاول کی افطار پارٹی میں تمام چور ڈاکو اکٹھے ہورہے ہیں، نعیم الحق

    بلاول کی افطار پارٹی میں تمام چور ڈاکو اکٹھے ہورہے ہیں، نعیم الحق

    اسلام آباد: وزیر اعظم عمران خان کے معاونِ خصوصی نعیم الحق نے کہا بلاول کی افطار پارٹی میں تمام چور ڈاکو اکٹھے ہورہے ہیں، حکومت این آر او کسی صورت اور قطعاً نہیں دے گی۔

    تفصیلات کے مطابق وزیر اعظم عمران خان کے معاونِ خصوصی نعیم الحق نے ےآروائی نیوزسےبات چیت بلاول کی افطار پارٹی میں تمام چور ڈاکو اکٹھے ہورہے ہیں، وہی لوگ ہیں جن کاخمیازہ پاکستانی عوام بھگت رہے ہیں۔

    نعیم الحق کا کہنا تھا حکومت این آر او کسی صورت اور قطعاً نہیں دے گی، این آر او دینے کا سوال ہی پیدا نہیں ہوتا، عوام کو بے وقوف نہیں بنایا جاسکتا۔

    حکومت این آر او کسی صورت اور قطعاً نہیں دے گی

    وزیر اعظم کے معاونِ خصوصی نے کہا اختر مینگل سمیت کسی کو بھی دعوت دیں ہمیں اعتراض نہیں، ان لوگوں نے 10سال تک پاکستان کو لوٹا ہے، غریب کو غریب سے غریب تر کردیا گیا۔

    یاد رہے بلاول بھٹو زرداری نے اپوزیشن جماعتوں کے قائدین کو اتوار کو اسلام آباد میں افطار ڈنر پر مدعو کرلیا ہے، مسلم لیگ (ن) کی نائب صدر مریم نواز اور پنجاب اسمبلی میں اپوزیشن لیڈر حمزہ شہباز سمیت سینئر رہنماﺅں کو دعوت نامہ بھجوایا گیا۔

    افطار عشائیے سے قبل اپوزیشن قائدین کا مشترکہ مشاورتی اجلاس ہو گا، جس میں ملک کی سیاسی صورت حال، معاشی بحران سمیت اہم امور پر تبادلہ خیال کیا جائےگا، ذرائع کے مطابق حکومت کے خلاف تحریک سمیت مختلف امور پر بات چیت ہوگی۔

    یپلزپارٹی کے ذرائع کے مطابق بلاول بھٹو زرداری نے مریم نواز کو ٹیلی فون کرکے انہیں اور مسلم لیگ ن کو اتوار کو افطار ڈنر میں شرکت کی دعوت دی جسے مریم نواز نے قبول کرلیا  تھا۔

  • 50  لاکھ گھروں کی تعمیر کے مثالی منصوبے سے متعلق ناقص معلومات قابل مذمت ہیں، نعیم الحق

    50 لاکھ گھروں کی تعمیر کے مثالی منصوبے سے متعلق ناقص معلومات قابل مذمت ہیں، نعیم الحق

    اسلام آباد : وزیراعظم کے مشیر برائے سیاسی امور نعیم الحق کا کہنا ہے 50 لاکھ گھروں کی تعمیر کے مثالی منصوبے سے متعلق ناقص معلومات قابل مذمت ہیں، حکومت آسان ترین اقساط دینے والوں کیلئےگھر تعمیرکرنےجارہی ہے۔

    تفصیلات کے مطابق وزیراعظم کے مشیر برائے سیاسی امور نعیم الحق نے اپنے بیان میں کہا حکومت آسان ترین اقساط دینے والوں کیلئے گھر تعمیر کرنے جارہی  ہے، حکومت یہ اقدام 5، 10اور 15 ہزار ماہانہ کی اقساط والوں کیلئے اٹھارہی ہے، 21 لاکھ مالیت سےمتعلق اطلاعات غیرمصدقہ ہیں۔

    نعیم الحق کا کہنا تھا گھروں کی اصل قیمت بیان کی گئی قیمت سےکہیں کم ہوگی، گھر 10 ،15 سال میں اقساط ادا کرنے والے مالکان کو منتقل کئے جائیں  گے۔

    وزیراعظم کے مشیر نے کہا سماج کےمحروم اورکمزورطبقےکوچھت کی فراہمی اولین ترجیح ہے، مثالی منصوبے سےمتعلق ناقص معلومات قابل مذمت ہیں، حکومت غریب طبقے کیلئے 50لاکھ گھرکی تعمیرکامنصوبہ مکمل کرے گی۔

    گھروں کی تعمیرپرلاگت کیلئے سرمائےکا بہترین بندوبست کیاہے، میڈیاغیرمصدقہ اطلاعات کی ترویج سےگریزکرے۔

    مزید پڑھیں : وزیر اعظم کا نیا پاکستان ہاؤسنگ اسکیم کا افتتاح، ملک بھر میں ہاؤسنگ اسکیمیں شروع کرنے کا اعلان

    یاد رہے گذشتہ روز وزیر اعظم عمران خان نے نیا پاکستان ہاؤسنگ اسکیم کا افتتاح کرتے ہوئے ملک بھر میں ہاؤسنگ اسکیمیں شروع کرنے کا اعلان کیا تھا، پہلے مرحلے میں ڈیڑھ لاکھ اور 5 سال میں 50 لاکھ گھروں کی تعمیر کی جائے گی۔

    افتتاحی تقریب سے خطاب میں کہا تھا حکومت کا 50 لاکھ گھروں کا ٹارگٹ بہت اہم ہے، ہمیں اپنی آبادی کنٹرول کرنا پڑے گی اس میں کوئی شک نہیں،  آج تک کچی آبادیوں کے لیے کسی نے نہیں سوچا، کراچی کے 40 فی صد لوگ کچی آبادی میں رہتے ہیں، بلوچستان میں ایک لاکھ گھر بنا رہے ہیں، آزاد کشمیر میں 6 ہزار گھر بنائیں گے۔

  • وزراء کو تبدیل کرنے کیلئے کوئی فیصلہ نہیں کیا گیا، نعیم الحق

    وزراء کو تبدیل کرنے کیلئے کوئی فیصلہ نہیں کیا گیا، نعیم الحق

    اسلام آباد : وزیر اعظم عمران خان کے معاون خصوصی نعیم الحق نے کہا ہے کہ وزراء کو تبدیل کرنے کیلئے کسی قسم کا کوئی فیصلہ نہیں کیا گیا، فواد چوہدری سے میری کوئی لڑائی نہیں۔

    ان خیالات کا اظہار انہوں نے اسلام آباد میں صحافیوں سے گفتگو کرتے ہوئے کیا، معاون خصوصی وزیراعظم کا کہنا تھا کہ پاکستان ٹیلی ویژن کو بہتر طور پر چلانے کیلئے معاملات پر بات ہورہی ہے جس کے بعد اہم اقدامات کیے جائیں گے۔

    وزیر اعظم عمران خان نے وزراء کو تبدیل کرنے سے متعلق کسی قسم کا کوئی فیصلہ نہیں کیا، فواد چوہدری سے میری کوئی لڑائی نہیں ہے، ہم اچھے دوست ہیں۔

    ایک سوال کے جواب میں نعیم الحق نے کہا کہ قومی احتساب بیورو کے قوانین میں بہتری لانے کی اشد ضرورت ہے، نیب کی بہت سی کارروائیاں قانون کے مطابق نہیں ہیں، انہوں نے تجویز پیش کی کہ نیب کے پراسیکیوٹرز وزارت قانون سے مشاورت کے بعد مقرر کیے جائیں۔

    مزید پڑھیں: قائمہ کمیٹی نے ایم ڈی پی ٹی وی کی فوری بر طرفی کا مطالبہ کر دیا

    دریں اثنا گزشتہ دنوں پی ٹی وی ملازمین نے بھی ایم ڈی کو فوری طور پر عہدے سے بر طرف کرنے کا مطالبہ کیاتھا، ملازمین نے اس سلسلے میں پیمرا آفس کے باہر احتجاجی مظاہرہ کیا، جس میں مظاہرین نے کہا کہ ایم ڈی پی ٹی وی کو عہدے سے فوری ہٹایا جائے۔

    واضح رہے کہ گزشتہ دنوں وزیر اطلاعات فواد چوہدری اور وزیر اعظم کے معاون خصوصی نعیم الحق کے درمیان ایم ڈی پی ٹی وی سے متعلق اختلافات بڑھ گئے تھے، نعیم الحق اور ایم ڈی پی ٹی وی ارشد خان نے اس سلسلے میں وزیرِ اعظم سے ملاقات بھی کی تھی۔

    اپنے مستعفیٰ ہونے کی خبروں پر رد عمل دیتے ہوئے وفاقی وزیر اطلاعات کا کہنا تھا کہ میں نے کوئی استعفیٰ وزیراعظم آفس نہیں بھیجا، ٹیم بنانا صرف وزیراعظم کا کام ہے وہ جسے بہتر سمجھیں گے ٹیم میں رکھنے یا نہ رکھنے کا فیصلہ کریں گے۔

    فواد چوہدری کا کہنا تھا کہ پی ٹی وی کے منیجنگ ڈائریکٹر کے حوالے سے مجھے تحفظات ہیں لیکن حتمی فیصلہ عمران خان کا ہوگا، وزیراعظم سے میرا صرف سیاسی نہیں بلکہ ایک ذاتی تعلق بھی ہے اس لیے اگر وہ فون اٹھا کر بولیں گے تو وزارت ہی چھوڑ دوں گا۔

  • اقلیتی برادری کیخلاف بیان : فیاض الحسن چوہان کی وزارت خطرے میں پڑگئی

    اقلیتی برادری کیخلاف بیان : فیاض الحسن چوہان کی وزارت خطرے میں پڑگئی

    اسلام آباد : وزیراطلاعات پنجاب فیاض الحسن چوہان کی وزارت خطرے میں پڑگئی، اقلیتی برادری سے متعلق توہین آمیز گفتگو پر پارٹی قیادت نے نوٹس لے لیا۔

    تفصیلات کے مطابق پنجاب کے وزیر اطلاعات فیاض الحسن چوہان کی جانب سے اقلیتی برادری سے متعلق توہین آمیز بیان پر تحریک انصاف کی مرکزی قیادت نے سختی سے نوٹس لیا ہے۔

    اس حوالے سے پی ٹی آئی کے رہنما نعیم الحق کا کہنا ہے کہ حکومت ایسے فضول ریمارکس کسی صورت برداشت نہیں کرے گی، نعیم الحق نے اپنے ٹوئٹر پیغام میں کہا ہے کہ فیاض الحسن چوہان کےخلاف کارروائی کی جائے گی۔

    مزید پڑھیں: باکس آفس پرفلم طیارے زمین پرعرصے تک چھائی رہےگی ،فیاض الحسن چوہان

    وزیراعلیٰ پنجاب عثمان بزدار سے مشاورت کے بعد ایکشن لیا جائے گا۔ اس حوالے سے ذرائع کا کہنا ہے کہ ہوسکتا ہے کہ وزیر اطلاعات پنجاب فیاض الحسن چوہان کو ان کے عہدے سے برطرف کردیا جائے۔

  • عمران خان پر ذاتی حملےکی جرات کیسےہوئی ؟ نعیم الحق کی شہباز شریف کو پروڈکشن آرڈر منسوخ کرنے کی دھمکی

    عمران خان پر ذاتی حملےکی جرات کیسےہوئی ؟ نعیم الحق کی شہباز شریف کو پروڈکشن آرڈر منسوخ کرنے کی دھمکی

    اسلام آباد : وزیر اعظم کے معاون خصوصی نعیم الحق نے اپوزیشن لیڈر شہباز شریف کو آخری وارننگ دیتے ہوئے کہا شہباز شریف اور ان کے حواریوں کو  عمران خان پر ذاتی حملےکی جرات کیسےہوئی؟ کیا وہ چاہتے ہیں ان کا پروڈکشن آرڈر منسوخ کردیا جائے ؟

    تفصیلات کے مطابق وزیر اعظم کے معاون خصوصی نعیم الحق نے اپوزیشن لیڈر شہباز شریف کے بیان پر ردعمل دیتے ہوئے کہا شہباز شریف اور ان کے حواریوں کو عمران خان پرذاتی حملےکی جرات کیسےہوئی ؟ کیا شہباز شریف چاہتے ہیں وہ جیل میں مزیدوقت گزاریں ؟ اور کیا وہ چاہتے ہیں ان کا پروڈکشن آرڈر منسوخ کردیا جائے ؟

    گذشتہ روز قومی اسمبلی میں اظہار خیال کرتے ہوئے اپوزیشن لیڈر شہباز شریف نے ساہیوال واقعے پر وزیراعظم عمران خان اور وزیراعلیٰ پنجاب عثمان بزدار سے استعفیٰ کا مطالبہ کیا تھا اور کہا تھا کہ پنجاب حکومت وزیراعظم کی اجازت کےبغیر ایک کاغذ بھی نہیں ہلاسکتے، پنجاب کے وزرا واٹس ایپ پر وزیراعظم سے اجازت لیتے ہیں۔

    مزید پڑھیں : سانحہ ساہیوال: شہباز شریف کا وزیراعظم اور وزیراعلیٰ سے استعفیٰ کا مطالبہ

    شہباز شریف کا کہنا تھا کہ پنجاب ،وفاقی وزرا نےکہاجےآئی ٹی رپورٹ 72گھنٹے میں آئے گی، ساہیوال واقعے پر جے آئی ٹی رپورٹ سامنے نہیں لائی گئی اور واقعہ پر افسران کو 72 گھنٹے میں علیحدہ کردیا گیا ، راناثنااللہ اور ڈاکٹر توقیر نے 48گھنٹے میں استعفے پیش کئے تھے، پہلے وزیراعظم عمران خان اورپھر وزیراعلیٰ عثمان بزدارکو استعفیٰ دیناچاہیے۔

    یاد رہے قومی اسمبلی کے اجلاس میں پی ٹی آئی حکومت کی جانب سے منی بجٹ کے تحت اہم اعلانات پر اپوزیشن نے آسمان سر پر اٹھا لیا تھا اور اسد عمر کی منی بجٹ تقریر کے دوران اپوزیشن اراکین نے ایک لمحے کے لیے بھی شور شرابا ترک نہیں کیا اور مسلسل نعرے بازی کرتے رہے، ڈیسک بجاتے رہے۔

    بعد ازاں رہنماپاکستان تحریک انصاف نعیم الحق نے میڈیاسےگفتگو کرتے ہوئے کہا تھا کہ اپوزیشن سنجیدگی کامظاہرہ نہیں کررہی، قومی اسمبلی میں اپوزیشن کارویہ شرمناک تھا، اپوزیشن کےنعروں کےجواب میں کوئی نعرہ نہیں لگا، اجلاس سے پہلے اپوزیشن اور حکومتی اراکین میں چیزیں طے ہوتی ہیں۔

    قبل ازیں قومی اسمبلی کے باہر میڈیا سے گفتگو کرتے ہوئے رانا ثناء اللہ نے ساہیوال واقعے پر وزیراعظم اور وزیراعلیٰ سے استعفے کا مطالبہ کیا تھا، ان کا کہنا تھا کہ سانحہ ساہیوال پر جے آئی ٹی رپورٹ آنکھوں میں دھول جھونکنے کے مترادف ہے۔

    رانا ثناء اللہ کا کہنا تھا کہ وزراء نے ساہیوال میں مرنے والے تمام افراد کو دہشت گرد کہا، وزراء اپنے اس موقف پر وضاحت پیش کریں اور معافی مانگیں۔

  • پی پی کو گلی کی پارٹی بنادیں گے، واوڈا، زرداری جعلی لیڈر ہے، نعیم الحق

    پی پی کو گلی کی پارٹی بنادیں گے، واوڈا، زرداری جعلی لیڈر ہے، نعیم الحق

    لاہور / اسلام آباد : تحریک انصاف کے رہنما اور وفاقی وزیر فیصل واوڈا نے کہا ہے کہ پیپلزپارٹی کو آئندہ الیکشن میں ایک گلی کی پارٹی بنادیں گے، نعیم الحق نے آصف زرداری کو جعلی لیڈر قرار دے دیا۔

    تفصیلات کے مطابق پیپلز پارٹی کے شریک چیئرمین آصف علی زرداری کی جانب سے وزیر اعظم عمران خان پر تنقید کے جواب میں تحریک انصاف کے رہنماؤں کی جانب سے آصف زرداری پر لفظی گولہ باری جاری ہے۔

    وفاقی وزیر برائے آبی وسائل فیصل واوڈا نے کہا کہ پیپلزپارٹی کو آئندہ الیکشن میں ایک گلی کی پارٹی بنادیں گے۔ ان کا مزید کہنا تھا کہ چیئرمین واپڈا سے کہا ہے کہ کچھ فنڈز نکالیں ہمیں مزید جیلیں بنانے کی ضرورت ہے۔

    نعیم الحق نے آصف زرداری کو جعلی لیڈر قرار دیتے ہوئے کہا کہ آصف زرداری کا یوم حساب قریب آرہا ہے۔ نعیم الحق کا کہنا تھا کہ آصف زرداری کے دور میں سب سے زیادہ کرپشن ہوئی۔

    واضح رہے کہ سا بق صدر آصف علی زرداری نے حکومت پر تنقید کرتے ہوئے کہا تھا کہ پیپلز پارٹی کے دور میں کوئی بھی سیاسی قیدی نہیں تھا، ہم نے مخالفین کو جیلوں میں رکھا اور نہ کسی کا احتساب کرنے کا سوچا، ہم نے صدر اختیارات پارلیمنٹ کو ٹرانسفر کیے۔

  • یہ تو پہلی گرفتاری ہوئی ہے،ابھی مزید بڑی گرفتاریاں ہونےوالی ہیں، وزیراطلاعات فوادچوہدری

    یہ تو پہلی گرفتاری ہوئی ہے،ابھی مزید بڑی گرفتاریاں ہونےوالی ہیں، وزیراطلاعات فوادچوہدری

    اسلام آباد : وزیراطلاعات فوادچوہدری نے شہباز شریف کی گرفتاری پر کہا کہ یہ تو پہلی گرفتاری ہوئی ہے،ابھی مزید بڑی گرفتاریاں ہونے والی ہیں جبکہ نعیم الحق کا کہنا ہے کہ شہبازشریف کی گرفتاری قانون کے مطابق کارروائی ہے۔

    تفصیلات کے مطابق وزیراطلاعات فوادچوہدری نے سابق وزیراعلیٰ پنجاب اور مسلم لیگ ن کے صدر شہباز شریف کی گرفتاری پر ردعمل کا اظہار کرتے ہوئے کہا یہ تو پہلی گرفتاری ہوئی ہے، ابھی مزیدبڑی گرفتاریاں ہونے والی ہیں، احتساب کاعمل ابھی مزید آگے بڑھے گا۔

    فوادچوہدری کا کہنا تھا کہ حکومت مکمل طورپرغیرجانبدارہے، یہ وہ مقدمات ہیں جونیب نےان کے دور میں قائم کیے، نیب قانون کےمطابق پہلےانکوائری پھرریفرنس فائل کیا جاتا ہے۔

    انھوں نے کہا کہ  آشیانہ ہاؤسنگ میں56ارب کی کرپشن کےالزامات ہیں ، پاکستان کوجن لوگوں نےلوٹاہےان کااحتساب ہوناچاہیے، بڑےمقدمات میں ملوث لوگوں کوبھی گرفتار ہونا چاہیے۔

    وزیراطلاعات کا کہنا تھا کہ حکومت نیب کو ہر طرح کی مدد اور تعاون دینے کو تیار ہے ، نیب حکومت کے کنٹرول میں نہیں لیکن انتظامی مدد کریں گے۔

    فوادچوہدری نے کہا کہ جنہوں نےگاجرکھائی ہےدردبھی ان ہی کےپیٹ میں ہوگا، پہلے بھی کہا تھا ابھی اور بھی قدم اٹھائےجائیں گے، کرپٹ لوگوں کو اور بھی گرفتار کیا جائے گا۔

    ان کا کہنا تھا کہ شہبازشریف کی گرفتاری کاحکومت سے کوئی تعلق نہیں ہے، یہ تمام کیسزحکومت آنے سے پہلے کے ہیں۔

    شہبازشریف کی گرفتاری قانون کے مطابق کارروائی ہے،  نعیم الحق

    وزیر اعظم کے خصوصی مشیرو سابق انفارمیشن سیکرٹری نعیم الحق نے مسلم لیگ ن کے صدر شہباز شریف کی گرفتاری پر کہا کہ پوری کوشش ہےکوئی سیاسی انتقامی کارروائی نہ کی جائے۔

    نعیم الحق کا کہنا تھا کہ نیب کے پاس ثبوت ہوں گے اسی لیے گرفتار کیا ہوگا، قانون کےخلاف جانے والوں کو گرفتارکیا جائے گا، شہبازشریف کی گرفتاری قانون کے مطابق کارروائی ہے، قانون کی گرفت سے کوئی بھی شخص نہیں بچ سکتا۔

    مزید پڑھیں :کرپشن کیس: نیب نے شہبازشریف کو گرفتار کرلیا

    یاد رہے کہ قومی احتساب بیورو( نیب) نے آشیانہ کمپنی کیس میں مسلم لیگ ن کے صدر اور اپوزیشن لیڈر میاں شہباز شریف کو گرفتار کرلیا ہے۔

    رجمان نیب کا کہنا ہے کہ شہبازشریف پرغیرقانونی ٹھیکےدینےکےالزامات ہیں،  انھیںکل احتساب عدالت میں پیش کیاجائےگا جبکہ شہبازشریف کی گرفتاری سےمتعلق اسپیکرقومی اسمبلی کوآگاہ کردیاگیا۔