ARYNews.tv | Urdu – Har Lamha Bakhabar

Tag: naeem ul Haq

  • شیخ رشید نے خرم نوازگنڈا پوراورنعیم الحق میں صلح کرادی

    شیخ رشید نے خرم نوازگنڈا پوراورنعیم الحق میں صلح کرادی

    اسلام آباد : عوامی مسلم لیگ کے سربراہ شیخ رشید نے خرم نواز گنڈا پور اور نعیم الحق میں صلح کرادی، ان کا کہنا ہے کہ دونوں کی قیادت نے فیصلہ کیا ہے کہ یہ لڑائی ختم کرادی جائے۔

    ان خیالات کا اظہار انہوں نے اے آر وائی نیوز سے خصوصی بات چیت کرتے ہوئے کیا، تفصیلات کے مطابق گزشتہ روز سپریم کورٹ کے باہر پی ٹی آئی اور پاکستان عوامی تحریک کے رہنماؤں نعیم الحق اور خرم نواز گنڈاپور کے درمیان ہونے والی تلخ کلامی کا ڈراپ سین ہوگیا۔

    دونوں رہنماؤں میں صلح کرادی گئی، عوامی مسلم لیگ کے سربراہ شیخ رشید نے صلح کرانے میں اہم کردا رادا کیا ہے، عوامی مسلم لیگ کے سربراہ شیخ رشید نے اے آر وائی سے بات چیت کرتے ہوئے کہا کہ دونوں رہنما سمجھدار ہیں، دونوں میرے بھائیوں کی طرح ہیں دونوں لیڈر ہیں، دونوں کی لیڈر شپ نے یہ فیصلہ کیا ہے لڑائی ختم کردی جائے۔

    انہوں نے کہا کہ اس بات کو جانے دیں۔ آپ سے بھی درخواست ہے کہ اس حوالے سے مزید سوالات نہ پوچھیں، سب سے پہلے ملک ہے ایسی باتوں پر توجہ نہ دی جائے، غلطیاں انسان سے ہو ہی جاتی ہیں۔

    انہوں نے مزید سوالات سے بچنے کے لیے لائن کاٹ دی ، دریں اثناء اس حوالے سے پاکستان عوامی تحریک کے سربراہ طاہرالقادری نے بھی کہا ہے کہ اس معاملے پر مزید بات نہ کی جائے۔

  • سیاسی کزنز میں لڑائی اچھی نہیں، جلد ختم کرادوں گا، شیخ‌ رشید

    سیاسی کزنز میں لڑائی اچھی نہیں، جلد ختم کرادوں گا، شیخ‌ رشید

    اسلام آباد: عوامی مسلم لیگ کے سربراہ شیخ رشید نے خرم نواز گنڈا پور اور نعیم الحق کے جھگڑے پر کہا ہے کہ کزنز میں لڑائی ہوگئی جسے ختم کرنا ہے اگر میڈیا والے اس معاملے کو نہ اچھالیں تو یہ تلخی کل ہی ختم ہوجائے گی۔

    دونوں کے جھگڑوں میں بیچ بچائو کرانے والے عوامی مسلم لیگ کے سربراہ شیخ رشید نے اے آر وائی نیوز سے ٹیلی فونک گفتگو کرتے ہوئے کہا کہ سپریم کورٹ کے باہر چشم زدن میں فائر ہوگئے، دونو ں میرے برخوردار اور چھوٹے بھائی ہیں، جلد ان دونوں سے بات کرکے کھانا رکھوں گا تاکہ معاملہ رفع دفع ہو۔

    یہ پڑھیں: خرم نوازگنڈ اپوراورنعیم الحق کے درمیان تلخ کلامی

    انہوں نے کہا کہ پاکستان میں گرمی بہت ہوگئی ہے، میں تو حیران رہ گیا، میڈیا نے بھی کوئی اور کیس نہیں دیکھا حالاں کہ اتنے بڑے کیس کی سماعت ہوئی۔

    ایک سوال پر شیخ رشید نے کہا کہ تحریک انصاف کے ترجمان نعیم الحق کی عوامی تحریک کے سیکریٹری جنرل خرم نواز گنڈاپور سے فون پر بات ہوتی تھی وہ ان کی شکل سے واقف نہیں تھے، میرے لیے دونوں محترم ہیں معاملات کل تک ٹھیک ہوجائیں گے آج میں کچھ مصروف رہا۔

    انہوں نے خاتون اینکر کے ایک اور سوال پر کہا کہ مجھ سے سخت سوالات نہ کریں، ساری قوم ہی تلخ ہوگئی ہے، ہوگئی تلخی اب اس قضیے کو ختم کرنا ہے ، کزنز میں لڑائی ہوگئی اور یہ لڑائی ختم کرنی ہے، کزنز مل کر ہی رہیں تو اچھا ہے کزنز میں لڑائی اچھی نہیں لگتی۔

    یہ بھی پڑھیں: نعیم الحق اور خرم نواز گنڈا پور کا ایک دوسرے پر جوابی وار

    انہوں نے مزید کہا کہ اگر میڈیا والے اس معاملے کو نہ اچھالیں تو یہ معاملہ کل ہی ختم ہوجائے گا۔

  • خرم نوازگنڈ اپوراورنعیم الحق کے درمیان تلخ کلامی

    خرم نوازگنڈ اپوراورنعیم الحق کے درمیان تلخ کلامی

    اسلام آباد: پانامہ کیس کی سماعت کے بعد تحریک انصاف کے نعیم الحق اورپاکستان عوام تحریک کے درمیان تلخ کلامی‘ شیخ رشید نے بیچ بچاؤ کرایا۔

    تفصیلات کے مطابق اسلام آباد سپریم کورٹ میں پانامہ کیس کی سماعت کے بعد پاکستان عوامی تحریک کے رہنما خرم نواز گنڈا پور میڈیا سے گفتگو کرنے آئے تو تحریک انصاف کے وکلاء کی جانب سے انہیں پیچھے ہٹایا گیا اور میڈیا سے گفتگو کرنے سے روکا گیا۔

    اس موقع پر تحریک انصاف کے ترجمان نعیم الحق بھی موجود تھے اوردونوں رہنماؤں کے درمیان بات بڑھ کر تلخ کلامی تک جا پہنچی‘ جس پر شیخ رشید نے دونوں رہنماؤں کے درمیان بیچ بچاؤ کرایا اور معاملے کو رفع دفع کرنے کی کوشش کی۔

    پاکستان عوامی تحریک کے رہنما خرم نواز گنڈا پور نے اے آروائی نیوز سے گفتگو کرتے ہوئے کہ کہ نعیم الحق نے جو زبان استعمال کی ‘ منہاج القرآن سے تعلق رکھنے والے افراد نہ اس زبان میں بات کرسکتے ہیں ، نہ برداشت کرسکتے ہیں۔

    ان کا کہنا تھا تحریک انصاف کا ابھی یہ حال ہے تو طاقت ملنے پر کیا کریں گے۔ خرم گنڈا پور کے مطابق ہم تحریک انصاف کے پارٹنر ہیں اور پارٹنرشپ برابری کی سطح پر ہوتی ہے اور تحریک انصاف کو یہ بات سمجھنا ہوگی۔

    گنڈا پور نے یہ بھی الزام عائد کیا کہ وزیر اعلیٰ خیبر پختونخواہ پرویز خٹک نے اپنے خطاب میں کہا کہ ’’یہ طاہر القادری کی پارٹی نہیں ہے کہ 14 افراد قتل ہوجائے اور خاموش رہیں‘‘۔ وہ جواب دیں کہ جب پولیس نے ان کا راستہ روکا تو وہ صوبے کے چیف منسٹر ہونے کے باوجود دم دبا کر بھاگ گئے ‘ ہم تو عام شہری تھے جو کہ ریاست کے تشدد کا نشانہ بنے۔

    انہوں عمران خان کے بیان کا حوالہ دیا جس میں انہوں نے کہا تھا کہ ’ڈاکٹر طاہر القادری دلہن کی طرح ناراض بیٹھے ہیں‘، ان الفاظ پر خرم نواز گنڈا پوربھی  شدید غم وغصے کا اظہار کیا۔

  • تحریک انصاف کا چیئرمین نیب سے مستعفی ہونے کا مطالبہ

    تحریک انصاف کا چیئرمین نیب سے مستعفی ہونے کا مطالبہ

    اسلام آباد: تحریک انصاف نے قومی احتساب بیورو(نیب) کی کارکردگی پر عدم اعتماد کا اظہار کرتے ہوئے چیئرمین نیب سے مستعفی ہونے کا مطالبہ کردیا۔

    اس حوالے سے تحریک انصاف کے ترجمان نعیم الحق نے کہا ہے کہ چیئرمین نیب قمر الزماں کی کارکردگی غیر تسلی بخش ہے، چیئرمین نیب لٹیروں کو نہیں پکڑ سکتے تو عہدے سے استعفیٰ دے دیں، اپنی کارکردگی سے متعلق ان کے دعوے مضحکہ خیز ہیں۔

    انہوں نے کہا کہ ملک میں یومیہ 12 ارب کرپشن کی نذر ہو رہے ہیں، چیئر مین نیب اپنی ناکامی تسلیم کریں اور رویے پر نظر ثانی کریں،چیئرمین نیب کسی ایک مجرم کا نام بتادیں جسے کٹہرے میں کھڑا کیا گیا ہو۔

    انہوں نے قمر الزماں کو مخاطب کیا کہ وہ بتائیں کہ پاناما لیکس پر آج تک انہوں نے کیا کیا؟نیب وقت گزرنے کے ساتھ اپنی ساکھ اور عوام کا اعتماد کھو رہا ہے،نیب کا کام چھوٹے چور کو پکڑ کرنا بڑے کو تحفظ فراہم کرنا ہے۔

    انہوں نے مزید کہا کہ چیئرمین نیب بدعنوانی کا تدارک چاہتے ہیں تو وزیر اعظم سے ابتدا کریں اور استعفی دے دیں۔

  • فیصل وائوڈا گرفتار: پی ٹی آئی کی مرکزی اور کراچی قیادت میں اختلاف

    فیصل وائوڈا گرفتار: پی ٹی آئی کی مرکزی اور کراچی قیادت میں اختلاف

    کراچی: فیصل واؤڈا کی گرفتاری کے معاملے پر تحریک انصاف کی مرکزی اور کراچی قیادت میں اختلاف کھل کر سامنے آگیا، مرکزی ترجمان نعیم الحق کہتے ہیں کہ فیصل کے خلاف سخت کارروائی کی جائے،کراچی کے رہنما عمران اسماعیل کا کہنا ہے کہ گرفتاری سے قبل بات تو کرلیتے۔

    اے آر وائی نیوز سے بات کرتے ہوئے تحریک انصاف کراچی کے رہنما عمران اسماعیل کا کہنا تھا کہ شارع فیصل پر احتجاج کرنے کا فیصلہ فیصل وائوڈا کا اپنا تھا اس کا پارٹی سے کوئی تعلق نہیں تاہم حکومت کو کارروائی کرنے سے قبل بات کرلینے چاہیے تھی، فیصل کی گرفتاری کی مذمت کرتے ہیں حکومت اوچھے ہتھکنڈوں سے باز رہے،فیصل پی ٹی آئی کا رہنما ہے رہائی کے لیے حکام سے رابطہ کررہے ہیں۔

    دریں اثنا عمران اسماعیل ایئرپورٹ تھانے پہنچ گئے جہاں میڈیا سے گفت گو میں ان کا کہنا تھا کہ فیصل کا مطالبہ درست تاہم  طریقہ کار غلط ہے، فیصل نے جو کچھ کیا وہ عام شہری کے طور پر کیا، ٹریفک جام سے جن لوگوں کو تکلیف پہنچی ان سے معذرت کرتا ہوں،فیصل کی ضمانت دینے کے لیے تیار ہوں۔


    Sindh law minister says Vawda-led protest was… by arynews

    فیصل واؤڈا کے خلاف سخت کارروائی کی جائے، ترجمان تحریک انصاف

    دوسری جانب تحریک انصاف کے مرکزی ترجمان نعیم الحق نے بیان دیا ہے کہ فیصل وائوڈا نے لوگوں کو اذیت میں مبتلا کیے رکھا، فیصل وائوڈا کے خلاف سخت کارروائی ہونی چاہیے، عوام سے معذرت چاہتا ہوں کہ پی ٹی آئی کے رہنما نے عوام کو تکلیف میں مبتلا کیے رکھا۔

  • پرویز رشید پی ٹی آئی رہنماؤں کیخلاف جلد کارروائی کریں، نعیم الحق

    پرویز رشید پی ٹی آئی رہنماؤں کیخلاف جلد کارروائی کریں، نعیم الحق

    اسلام آباد : تحریک انصاف کے ترجمان نعیم الحق نے پی ٹی آئی کو ایک بار پھر احتساب کے لیے پیش کر کے حکومت کو مشکل میں ڈال دیا ہے۔ عمران خان کی جانب سے آف شور کمپنی بنانے کےاعتراف نے نیا پنڈورا باکس کھول دیا۔

    تفصیلات کے مطابق تحریک انصاف کے ترجمان نعیم الحق نے پرویز رشید کو چیلنج کرتے ہوئے کہا ہے کہ پرویز رشید تحریک انصاف کے ان چھ رہنماؤں کے خلاف 24گھنٹے میں کارروائی کریں جن پر انہوں نے اپنی پریس کانفرنس میں الزام لگا یا ہے۔

    ان خیالات کا اظہارانہوں نے وفاقی وزیراطلاعات پرویزرشید کی پریس کانفرنس کے جواب میں اسلام آباد میں میڈیا سے بات کرتے ہوئے کیا۔

    نعیم الحق کا کہنا تھا پاکستان تحریک انصاف ہر طرح کے احتساب کے لیے تیار ہے ،عمران خان کے تمام اثاثوں کی تفصیل ویب سائٹ پر موجود ہے۔

    انصاف نعیم الحق نے کہا کہ عمران خان نے محنت کے پیسے سے آف شورکمپنی بنائی جو اب ختم بھی ہوچکی ہے جب کہ نوازشریف بتائیں کہ انہوں نے آف شورکمپنیوں کے لیے پیسہ کہاں سے کمایا۔

    ترجمان پی ٹی آئی نے کہا کہ نوازشریف بتائیں آف شورکمپنیاں کب بنائیں، پیسہ کہاں سے کمایا اور کس طرح وہ ملک سے باہر گیا۔

    وزیراعظم نے مزاحمت کو طول دیا تو معاملات بگڑ جائیں گے۔ ایک سوال پر انہوں نے کہا کہ سپریم کورٹ کے جواب سے ہمارے مؤقف کی تائید ہوئی،ٹی او آرز نئے قانون کے تحت بنائے جائیں ،اپوزیشن اور حکومت بیٹھ کر ٹی او آرز طے کر ے ورنہ حالات مزید خراب ہونگے۔

     

  • ڈی جے بٹ کا عمران خان کے خلاف 8 کروڑ کا دعویٰ

    ڈی جے بٹ کا عمران خان کے خلاف 8 کروڑ کا دعویٰ

    اسلام آباد: پاکستان تحریک انصاف کے دھرنے کی شان ڈی جے بٹ نے عدم ادائیگی کے سبب پارٹی کے قائد عمران خان کے خلاف عدالت میں جانے کا فیصلہ کرلیا ہے۔

    تفصیلات کے مطابق پی ٹی آئی نے ڈی جے بٹ کو دھرنے کے 126 دنوں تک خدمات فراہم کرنے کے عوض کل 14 کروڑ روپے ادا کرنے ہیں جس میں سے 6 کروڑ روپے ادا کیے جاچکے ہیں جبکہ بقیہ رقم تحریک انصاف کے ذمے واجب الادا ہے۔

    ڈی جے بٹ نے اے آر وائی نیوز سے گفتگو کرتے ہوئے بتایا کہ ’’تحریک انصاف سے 6 لاکھ 80 ہزار روپے فی یوم معاہدہ طے پایا تھا لیکن نہ مجھے خبر تھی نہ عمران خان کو کہ دھرنا 126 دن تک جاری رہے گا‘‘۔

    انہوں نے یہ بھی کہا کہ ’’ بارش کے باوجود سسٹم چلا کر نقصان کیا 14 کروڑ کا بل ہے جس میں سے 12 کروڑ روپے اخراجات آئے ہیں چالیس فیصد رقم مل جاتی تھی باقی نہیں ملتی تھی‘‘۔

    ڈی جے بٹ کا کہنا تھا کہ ’’تنخواہوں اوردیگرمدوں میں پانچ کروڑ روپے کی ادائیگی کرنی ہے ، عمران خان نے ادائیگی کے لئے علیم خان اورشعیب صدیقی کو نامزد کیا تھا لیکن وہ فون نہیں اٹھاتے‘‘۔

    ڈی جے بٹ نے یہ بھی بتایا کہ ’’انہوں نے کئی مرتبہ عمران خان کو ادائیگی کے لئے ای میلز کیں لیکن ان کی جانب سے بھی جواب موصول نہیں ہوالہذا اب وہ عدالت کا رخ کریں گے‘‘۔

    اے آروائی نیوزنے مصالحتی کاوش کرتے ہوئے پی ٹی آئی کے رہنماء نعیم الحق سے اس معاملے میں رابطہ کیا تو انہوں نے فوری ردعمل کا اظہار کرتے ہوئے کہا کہ ’’ڈی جے بٹ ان کے چھوٹے بھائی کی طرح ہیں فوری طور پر ان سے آکر ملاقات کریں تا کہ ان کا معاملہ ترجیحی بنیادوں پر حل کرایا جاسکے‘‘۔

    نعیم الحق کا یا بھی کہنا تھا کہ ڈی جے بٹ ہمارے دھرنے کے ہیرو ہیں اورپی ٹی آئی ان کی خدمات فراموش نہیں کرسکتی۔

    ڈی جی بٹ کا کہنا تھا کہ وہ اے آروائی نیوز کے مشکور ہیں جس نے ان کے ئے آواز اٹھائی اور تحریک انصاف اگر ان کے پیسے ادا کردے تو وہ ان کے بھی شکرگزارہوں گے۔

    ٹویٹر صارفین نے اس معاملے میں ملے جلے ردعمل کا اظہا رکیا ہےجس کے لئے درج ذیل  ٹرینڈ گردش کررہا ہے۔

    #JusticeForDJButt

  • پی ٹی آئی میں تنظیمی انتخابات ہوں گے

    پی ٹی آئی میں تنظیمی انتخابات ہوں گے

    اسلام آباد: تحریک انصاف نے پنجاب کے بلدیاتی انتخابات کےبعد انٹراپارٹی الیکشن کرانے کا فیصلہ کرلیا ہے۔

    تفصیلات کے مطابق جسٹس وجیہ الدین ٹریبونل کی رپورٹ اورکارکنان کا دباؤکارگرثابت ہوا اورکپتان ہتھیارڈالتے ہوئےدوبارہ پارٹی الیکشن کرانے پررضامند ہوگئے۔

    ذرائع کا کہنا ہے کہ عمران خان کچھ دن میں دوبارہ انٹرا پارٹی الیکشن کی تاریخ کا اعلان کریں گے۔

    ترجمان پی ٹی آئی نعیم الحق کہتےہیں پارٹی الیکشن نئے آئین کےتحت ہوں گے۔ تاریخ کا اعلان ووٹرلسٹیں مکمل ہونے پرکیاجائے گا۔

    ذرائع کا کہنا ہےکہ پی ٹی آئی نے جسٹس وجیہ الدین ٹریبونل کی سفارشات پرعمل درآمد کافیصلہ کرلیا ہے لیکن ان کی سفارشات پرعملدرآمد ممکن ہوگا اس کا جواب تو عمران خان ہی دے سکتے ہیں۔