ARYNews.tv | Urdu – Har Lamha Bakhabar

Tag: Naeem ul Haque

  • کوئی شک نہیں بی جے پی حکومت نے پاکستان دشمن پالیسی کا آغاز کیا ہے، نعیم الحق

    کوئی شک نہیں بی جے پی حکومت نے پاکستان دشمن پالیسی کا آغاز کیا ہے، نعیم الحق

    اسلام آباد: وزیراعظم کے معاون خصوصی نعیم الحق نے کہا کوئی شک نہیں بی جےپی حکومت نےپاکستان دشمن پالیسی کاآغازکیاہے ، بھارت نےمقبوضہ کشمیر سے متعلق جو قدم اٹھایاوہ ناقابل قبول ہے۔

    تفصیلات کے مطابق وزیراعظم کے معاون خصوصی نعیم الحق نے اپنے بیان میں کہا ہے کہ کوئی شک نہیں بی جےپی حکومت نےپاکستان دشمن پالیسی کاآغازکیاہے، بی جے پی کا پہلے ہی دن سے یہ رویہ واضح ہو چکا تھا۔

    نعیم الحق کا کہنا تھا کہ پاکستان کوشش کررہا تھامسئلہ کشمیرسمیت دیگرامورپربات چیت ہوسکے، بھارت نےمقبوضہ کشمیرسے متعلق جو قدم اٹھایاوہ ناقابل قبول ہے۔

    معاون خصوصی نے مزید کہا پارلیمنٹ کے مشترکہ اجلاس میں قوم کی رائے طے کی جائے گی، پاکستان کشمیریوں کی آزادی اورخودمختاری کیلئے اقدامات کرتا رہےگا ، کشمیریوں کی جدوجہد اب مزید تیز ہو جائےگی۔

    یاد رہے بھارتی پارلیمنٹ کے اجلاس میں بھارتی وزیرداخلہ نے آرٹیکل 370 ختم کرنے کا بل پیش کیا، تجویز کے تحت غیر مقامی افراد مقبوضہ کشمیر میں سرکاری نوکریاں حاصل کرسکیں گے۔

    مزید پڑھیں :   پاکستان نے مقبوضہ کشمیر سے متعلق بھارتی اعلان مسترد کردیا

    بعد ازاں بھارتی صدر نے آرٹیکل 370 ختم کرنے کے بل پر دستخط کر دیے اور گورنر کا عہدہ ختم کرکے اختیارات کونسل آف منسٹرز کو دے دیئے، جس کے بعد مقبوضہ کشمیر کی خصوصی حیثیت ختم ہوگئی ہے۔

    پاکستان نے مقبوضہ کشمیر سے متعلق بھارتی اعلان مسترد کرتے ہوئے کہا تھا بھارت کا کوئی بھی یک طرفہ قدم کشمیر کی متنازعہ حیثیت ختم نہیں کر سکتا، بھارتی حکومت کا فیصلہ کشمیریوں اور پاکستانیوں کے لیے ناقابل قبول ہے۔

  • انشاءاللہ پی ٹی آئی 27 جنوری کومیانوالی میں جلسہ کرےگی‘ نعیم الحق

    انشاءاللہ پی ٹی آئی 27 جنوری کومیانوالی میں جلسہ کرےگی‘ نعیم الحق

    اسلام آباد : وزیراعظم کے مشیر خصوصی برائے سیاسی امور نعیم الحق کا کہنا ہے کہ عمران خان 27 جنوری کو میانوالی میں جلسے سے خطاب کریں گے۔

    تفصیلات کے مطابق وزیراعظم کے مشیرخصوصی برائے سیاسی امورنعیم الحق نے سماجی رابطے کی ویب سائٹ ٹویٹرپراپنے پیغام میں کہا کہ انشاءاللہ پی ٹی آئی 27 جنوری کو میانوالی میں جلسہ کرے گی۔

    نعیم الحق نے اپنے پیغام میں مزید کہا کہ وزیراعظم عمران خان میانوالی میں جلسے سے خطاب کریں گے، حکومت بننے کے بعد پہلی بارعمران خان کا جلسے سے خطاب ہوگا۔

    یاد رہے کہ گزشتہ روز لاہور میں پنجاب حکومت کی 100 روزہ کارکردگی سے متعلق طلوع سحر کے 100 دن کے عنوان سے منعقدہ تقریب سے خطاب کرتے ہوئے عمران خان کا کہنا تھا کہ اپوزیشن کی سب باتیں مان سکتے ہیں لیکن احتساب سے پیچھے نہیں ہٹ سکتے۔

    کچھ بھی ہوجائے احتساب کا عمل نہیں رکے گا‘ عمران خان

    وزیراعظم کا کہنا تھا کہ وہ شخص کیسے ملک سے وفادار ہوگا جب اس کی اربوں روپے کی دولت پاکستان سے باہر ہے۔

    وزیراعظم کا مزید کہنا تھا کہ کرپشن میں حکومت نہیں عوام کا پیسہ چوری ہوتا ہے اور عوام کو ہی اس کی قیمت ادا کرنا پڑتی ہے، جو بھی معاشرہ آگے بڑھتا ہے وہ کرپشن کو پنپنے نہیں دیتا۔

  • عمران خان کہاں رہیں گے، فیصلہ ایک دو دن میں ہو جائے گا، نعیم الحق

    عمران خان کہاں رہیں گے، فیصلہ ایک دو دن میں ہو جائے گا، نعیم الحق

    لاہور: پاکستان تحریکِ انصاف کے رہنما نعیم الحق کا کہنا ہے کہ وزیرِ اعظم بننے کے بعد عمران خان کہاں رہیں گے، اس کا فیصلہ ایک دو دن میں ہو جائے گا۔

    ان خیالات کا اظہار انھوں نے اے آر وائی نیوز کے پروگرام پاور پلے میں گفتگو کرتے ہوئے کیا، ان کا کہنا تھا کہ عمران خان وزیرِ اعظم ہاؤس میں نہیں رہیں گے، ایک دو دن میں فیصلہ ہو جائے گا کہ وہ کہاں رہیں گے۔

    نعیم الحق کا کہنا تھا کہ عمران خان کہاں رہیں گے اس کا فیصلہ عمران خان ہی کریں گے، کچھ لوگوں کی تجویز تھی کہ اسپیکر ہاؤس میں رہا جائے، تاہم انھوں نے ابھی فیصلہ نہیں کیا کہ وزیرِ اعظم ہاؤس کے علاوہ کہاں رہیں گے۔

    انھوں نے کہا کہ پی ٹی آئی دراصل پاکستان سے وی آئی پی کلچر کا خاتمہ کرنا چاہتی ہے، ہماری حکومت میں اخراجات کم کرے گی، اس پر تو سب کا اتفاق ہے کہ ملک میں فضول خرچی انتہا کو پہنچ چکی ہے، ہم پہلے ہی ہفتے سے انقلابی اقدامات اور بڑے ترقیاتی کام کریں گے۔

    اے پی سی: ایوان کے اندر اور باہر احتجاج، وزارتِ عظمیٰ کے لیے مشترکہ امیدوار لانے کا فیصلہ

    نعیم الحق نے آل پارٹیز کانفرنس کے فیصلوں کو جمہوریت کے لیے فائدہ مند قرار دیتے ہوئے کہا کہ ہم یہی چاہتے ہیں کہ ملک آگے بڑھے، اپوزیشن کی طرف سے پارلیمنٹ میں آنے کا فیصلہ اچھا اقدام ہے، تاہم اپوزیشن ایک طرف پارلیمنٹ میں آنے کی بات کرتی ہے اور دوسری طرف الیکشن کو مسترد کرنے کی بات بھی۔

    پی ٹی آئی رہنما نے کہا کہ ہمارے پاس اسپیکر کے لیے نمبرز پورے ہیں، شیری رحمان کا بیان حقائق کے منافی ہے۔ خیال رہے کہ اپوزیشن کا کہنا تھا کہ ان کے پاس قومی اسمبلی کی سیٹیں زیادہ ہیں اس لیے اسپیکر وہ لائیں گے۔

    نعیم الحق کا کہنا تھا کہ انتخابات میں مبینہ دھاندلی پر پارلیمنٹ میں بات کرنی چاہیے، پارلیمنٹ خود مختار ادارہ ہے وہ کارروائی کر سکتی ہے، احتجاج برائے احتجاج نہیں ہونا چاہیے۔ واضح رہے کہ آج اے پی سی میں اپوزیشن جماعتوں نے ایوان کے اندر اور باہر دونوں جگہ احتجاج کرنے کا مشترکہ فیصلہ کیا ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • پی ٹی آئی وفاق کے بعد پنجاب میں بھی حکومت بنانے کی پوزیشن میں آگئی

    پی ٹی آئی وفاق کے بعد پنجاب میں بھی حکومت بنانے کی پوزیشن میں آگئی

    اسلام آباد: الیکشن 2018 میں سب سے زیادہ سیٹیں لینے والی پاکستان تحریکِ انصاف وفاق کے بعد پنجاب میں بھی حکومت بنانے کی پوزیشن میں آگئی۔

    تفصیلات کے بعد پی ٹی آئی نے نیا پنجاب بنانے کا بھی فیصلہ کر لیا ہے، سب سے بڑے صوبے میں حکومت سازی کے لیے تحریک انصاف نے نمبر گیم پورا کرلیا۔

    وفاق میں حکومت: ایم کیو ایم اور آزاد ارکان کی اہمیت

    دریں اثنا وفاق میں حکومت سازی کے لیے بنی گالہ میں اجلاس ہوا جس میں پی ٹی آئی کے اہم رہنماؤں نے شرکت کی، سید فخر امام سمیت کئی آزاد ارکان نے کپتان کے ساتھ بیٹھک کی۔

    مخصوص اور اتحادی سیٹوں کو ملا کر اب تک تحریکِ انصاف کو 162 ارکان کی حمایت مل چکی ہے، جب کہ پارٹی کو حکومت بنانے کے لیے 172 ارکان درکار ہیں، اس پسِ منظر میں ایم کیو ایم کے 6 اور 13 آزاد ارکان کا کردار اہم ہو گیا ہے، اس سلسلے میں جہانگیر ترین اور خالد مقبول کی ملاقات جلد متوقع ہے۔

    انتخابات 2018: کس پارٹی نے کتنے ووٹ حاصل کیے

    یوم آزادی کا جشن نئے پاکستان کے نئے وزیر اعظم کے ساتھ منایا جائے گا، پی ٹی آئی رہنما نعیم الحق کہتے ہیں عمران خان چودہ اگست سے پہلے وزارت عظمیٰ کا حلف اٹھالیں گے۔

    پی ٹی آئی پنجاب میں بھی حکومت سازی کی پوزیشن میں

    پنجاب میں حکومت سازی کے لیے آزاد امیدواروں کی اہمیت بڑھ گئی ہے، ڈیرہ غازی خان اور لیہ کے چار ارکان پی ٹی آئی میں شامل ہوگئے ہیں، جہانگیر ترین نے شاہ محمود قریشی کو ہرانے والے امیدوار سلمان نعیم کو کھلاڑی بننے کی دعوت دے دی۔

    پی ٹی آئی کی 123 سیٹیں سات آزاد ارکان کی شمولیت کے بعد ایک سو تیس ہوگئی ہیں، نعیم الحق کہتے ہیں مزید آزاد ارکان سے بھی رابطے ہیں، کل تک اعلان ہوجائے گا۔

    پنجاب میں پی ٹی آئی کے وزیرِ اعلیٰ کے لیے کوئی فیصلہ سامنے نہیں آیا ہے، اس سلسلے میں شاہ محمود قریشی، فواد، علیم خان یا یاسمین راشد کا نام لیا جا رہا ہے، تاہم یاسمین راشد کا کہنا ہے کہ بنی گالہ میں عہدے نہیں بانٹے جا رہے، فیصلہ سوچ سمجھ کر ہوگا۔

    پنجاب میں آزاد امیدواروں کو کھلاڑی بنانے کا مشن

    دوسری طرف پنجاب میں حکومت سازی کے لیے آزاد امیدواروں کو کھلاڑی بنانے کا مشن عروج پر ہے، جہانگیر ترین کے بعد چوہدری سرور نے بھی فیصل آباد، چنیوٹ اور جھنگ کا دورہ کر لیا ہے۔

    چوہدری سرور نے فیصل آباد سے آزاد ایم پی اے اجمل چیمہ سے ملاقات کی، جھنگ سے آزاد ایم پی ایز مہر اسلم بھر وانہ اور محمد معاویہ اعظم سے بھی ملاقات کی گئی۔

    پی ٹی آئی رہنما نے جھنگ سے آزاد ایم پی اے رائے تیمور بھٹی کو پی ٹی آئی میں شمولیت کی دعوت دے دی ہے، چینوٹ سے آزاد ایم پی اے ملک تیمور لالی کو بھی کپتان کا پیغام پہنچا دیا گیا ہے۔

    واضح رہے کہ تحریکِ انصاف نے پنجاب میں بھی حکومت بنانے کا فیصلہ کر لیا ہے، اس سلسلے میں آزاد امیدواروں نے پی ٹی آئی کوحمایت کی یقین دہانی کرا دی ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔