ARYNews.tv | Urdu – Har Lamha Bakhabar

Tag: Naga Chaitanya

  • ناگا چیتنیا اور سوبھیتا شادی کے بندھ میں بندھ گئے، تصاویر و ویڈیو منظر عام پر آگئی

    ناگا چیتنیا اور سوبھیتا شادی کے بندھ میں بندھ گئے، تصاویر و ویڈیو منظر عام پر آگئی

    ساؤتھ فلم انڈسٹری کے معروف اداکار ناگا چیتنیا اور اداکارہ سوبھیتا دھولیپالا گزشتہ روز ہندو رسم و رواج کے مطابق شادی کے بندھ میں بندھ گئے جس کی ویڈیو اور تصاویر سوشل میڈیا پر وائرل ہوگئی۔

    بھارتی میڈیا کے مطابق اداکار ناگا چیتنیا اور سوبھیتا دھولیپالا نے 4 دسمبر بروز بدھ اپنی ازدواجی زندگی کا آغاز کر دیا ہے، دونوں کی شادی کی تقریب بھارتی شہر حیدرآباد دکن میں منعقد ہوئی۔

     

    View this post on Instagram

     

    A post shared by Pinkvilla South (@pinkvillasouth)

    بھارت کے لیجنڈ اداکار ناگ ارجنا نے بیٹے کی شادی پر چند تصاویر شیر کی ہیں جبکہ سوشل میڈیا پر بھی دونوں اسٹارز کے مداحوں کی جانب سے انکی شادی کی تصاویر شیئر کی گئیں۔

    تصاویر میں جوڑے کو اپنے اہل خانہ اور قریبی دوستوں کے درمیان اپنی خوشیوں کے لمحات بانٹتے ہوئے دیکھا جا سکتا ہے، شادی کے دن سوبھیتا نے روایتی کنجیورم ریشم کی ساڑھی پہنی، جس پر اصلی سنہری زری کا کام کیا گیا تھا جو ان کی ثقافتی جڑوں کی عکاسی کرتا ہے۔

     

    View this post on Instagram

     

    A post shared by (@girizoom)

    دوسری جانب ناگا چیتنیا نے دلہن سے ہم آہنگ روایتی لباس کا انتخاب کیا اور دلہن کے ساتھ ہم آہنگی کا مظاہرہ کیا۔

    اس کے علاوہ ایک ویڈیو بھی سوشل میڈیا پر وائرل ہے جس میں ناگا چیتنیا کو اپنی فیملی اور دوستوں کے ہمراہ پنڈت جی کی موجودگی میں شادی کے منتروں کے درمیان اہلیہ سوبھیتا کو منگل سوتر  پہناتے دیکھا جاسکتا ہے جبکہ اس موقع پر تقریب میں موجود تمام مہمانوں کو خوشی میں ہوٹنگ کرتے بھی سنا جاسکتا ہے۔

     

    View this post on Instagram

     

    A post shared by (@girizoom)

    بھارتی میڈیا کا کہنا ہے کہ دونوں کی شادی کی تقریب تاریخی اننا پورنا اسٹوڈیوز میں منعقد کی گئی جسے 1976 میں ناگا چیتنیا کے دادا، اکی نینی ناگیشورا راؤ نے قائم کیا تھا۔

    رپورٹ کے مطابق ناگا چیتنیا نے اپنے دادا کو خراج تحسین پیش کرنے کے لیے شادی کے دوران روایتی پنچا پہنا جبکہ سوبھیتا نے اپنی والدہ اور دادی کے سنہری زیورات پہن کر اپنے خاندان کو خراج تحسین پیش کیا۔

  • ناگا چیتنیا اور سوبھیتا کی شادی کا آغاز، مایوں کی ویڈیو منظرِ عام پر

    ناگا چیتنیا اور سوبھیتا کی شادی کا آغاز، مایوں کی ویڈیو منظرِ عام پر

    ساؤتھ فلم انڈسٹری کی معروف اداکارہ سامنتھا روتھ پرابھو کے سابق شوہر و اداکار ناگا چیتنیا اور اداکارہ سوبھیتا دھولیپالا کی شادی کی تقریبات کا آغاز ہوگیا۔

    ناگا چیتنیا اور مشہور اداکار سوبھیتا دھولیپالا کی شادی کی تقریبات کا آغاز ہلدی کے ایک پروگرام سے ہوا، دونوں کی ہلدی کی تقریب کی اندرونی جھلک سوشل میڈیا پر خوب وائرل ہورہی ہے۔

    ویڈیو میں دولہا اور دلہن کو ایک ساتھ بیٹھے ہوئے دیکھتا جاسکتا ہے جب کہ فیملی میمبر ان پر پھولوں کی بارش اور دیگر رسومات کر رہے ہیں۔

    ہلدی کی تقریب کے لیے دھولیپالا نے سرخ ساڑھی کا انتخاب کیا اور بھارتی جوہرات پہن رکھے ہیں جبکہ ناگا چیتنیا نے اپنے اس دن کے لیے سادہ سفید کرتہ پاجامہ کا انتخاب کیا۔

    اسی ویڈیو میں اداکارہ سوبھیتا دھولیپالا کو دوسری رسومات کیلئے ایک مختلف ساڑھی میں بڑے برتن کے اندر بیٹھے ہوئے دیکھا جاسکتا ہے۔

    سامنتھا سے طلاق کے بعد اداکار ناگا چیتنیا  نے دو سال سے زیادہ عرصہ تک اداکارہ سوبھیتا  کو ڈیٹ  کرنے کے بعد رواں سال  8 اگست کو حیدرآباد میں منگنی کی تھی دونوں 4 دسمبر کو شادی کے بندھن میں بندھ جائیں گے۔

  • اداکار ناگا چیتنیا نے سوبھیتا سے منگنی کرلی، تصاویر وائرل

    اداکار ناگا چیتنیا نے سوبھیتا سے منگنی کرلی، تصاویر وائرل

    ساؤتھ فلم انڈسٹری کی معروف اداکارہ سامنتھا روتھ پربھو کے سابقہ شوہر و اداکار ناگا چیتنیا نے اداکارہ سوبھیتا ڈھولیپالا سے منگنی کرلی۔

    ناگا چیتنیا کے والد نے سوشل میڈیا سائٹ ایکس پر اپنے بیٹے کی منگنی کی تصاویر شیئر کی ہے اور لکھا کہ ’ہمیں اپنے بیٹے ناگا چیتنیا کی سوبھیتا ڈھولیپالا سے منگنی کا اعلان کرتے ہوئے خوشی  محسوس ہورہی ہے ‘۔

    ناگا چیتنیا کے والد نے کہا کہ منگنی کی تقریب کا انعقاد آج صبح 9:42 بجے ہوا جس میں قریبی رشتہ داروں نے شرکت کی، ہم سوبھیتا ڈھولیپالا کو اپنے خاندان میں خوش آمدید کہتے ہیں۔

    پیغام کے آخر میں انہوں نے اپنے بیٹے اور بہو کے لیے نیک خواہشات کا اظہار کرتے ہوئے کہا کہ ’ہم دونوں کیلئے زندگی بھر کی محبت اور خوشی کی خواہش کرتے ہیں ‘۔

    سوشل میڈیا پر سامنے آنے والی تصاویر میں بھارتی اداکار ناگا چیتنیا اور اداکارہ سوبھیتا ڈھولیپالا کو بنے سنورے دیکھا جاسکتا ہے، ناگا چیتنیا نے اپنی منگنی پر سفید شلوار قمیص کا انتخاب کیا جبکہ سوبھیتا ڈھولیپالا کو ہلکی گلابی ساڑھی میں دیکھا جاسکتا ہے۔

    خیال رہے کہ تیلگو سنیما کے اداکار ناگا چیتنیانے اداکارہ سامنتھا روتھ پربھو سے سال 2017 میں شادی کی تھی جو طلاق پر ختم ہوگئی۔

  • سابق اہلیہ سے احترام کا رشتہ ہے: بھارتی اداکار ناگا چیتنیا لوگوں کے رویے سے پریشان

    سابق اہلیہ سے احترام کا رشتہ ہے: بھارتی اداکار ناگا چیتنیا لوگوں کے رویے سے پریشان

    معروف بھارتی اداکار ناگا چیتنیا نے اپنی سابق اہلیہ سمانتھا پربھو کی تعریف کرتے ہوئے کہا ہے کہ ان دونوں کے درمیان احترام کا رشتہ قائم ہے اور وہ اپنی زندگیوں میں آگے بڑھ چکے ہیں۔

    تامل فلم انڈسٹری کے معروف اداکار ناگا چیتنیا اور سمانتھا پربھو سنہ 2017 میں رشتہ ازدواج میں بندھے تھے تاہم 2021 میں دونوں کے درمیان علیحدگی ہوگئی۔

    اب حال ہی میں ایک انٹرویو کے دوران ناگا نے کہا کہ ان کا اور ان کی سابق اہلیہ کے درمیان عزت واحترام کا رشتہ ہے، لیکن لوگ ان دونوں سے متعلق طرح طرح کی گفتگو کرتے ہیں جس سے ان کا دل برا ہوتا ہے۔

    اداکار نے اپنی سابق اہلیہ کے تعریف کرتے ہوئے کہا کہ وہ بہت اچھی خاتون ہیں اور وہ چاہتے ہیں کہ وہ زندگی میں ہمیشہ خوش رہیں۔

    ناگا کا یہ بھی کہنا تھا کہ وہ دونوں ہی اپنی اپنی زندگیوں میں آگے بڑھ چکے ہیں۔

    خیال رہے کہ کچھ عرصہ قبل ناگا کی ایک تصویر سوشل میڈیا پر وائرل ہوئی تھی جس میں ان کے ساتھ ایک اور اداکارہ شوبھیتا بھی موجود تھیں، بھارتی میڈیا کے مطابق دونوں 6 ماہ سے ایک ساتھ ہیں لیکن اس حوالے سے انہوں نے کوئی تصدیق یا تردید نہیں کی۔