ARYNews.tv | Urdu – Har Lamha Bakhabar

Tag: Najam Sethi

  • قومی کرکٹر احمد شہزاد شادی کے بندھن میں بندھ گئے

    قومی کرکٹر احمد شہزاد شادی کے بندھن میں بندھ گئے

    لاہور: کرکٹر احمد شہزاد نے نئی اننگز کاآغازکردیا اس موقع پر ان کی بوم بوم کے ساتھ سیلفی نے دھوم مچادی۔

    کرکٹ ٹیم کے اوپنر احمد شہزاد کی شادی لاہور کی ثنا مراد سے انجام پائی ہے، شادی کی تقریب مقامی ہوٹل میں منعقد ہوئی، تقریب میں شاہد آفریدی سمیت ساتھی کھلاڑی بھی شریک ہوئے۔

    گولڈن شیروانی میں زیب تن سیلفی ماسٹر احمد شہزاد دلہنیا لینے گاڑی سے اترے تو سیلفی پارٹنر آفریدی نے ریسکو کیا۔ قومی ٹیم کے بیڈ بوائے بارات والے دن بھی سیلفی لینا نہ بھولے، بوم بوم نے بھی بیسٹ فرینڈ کا ساتھ نہ چھوڑا اور سیلفی لے ڈالی۔

    باراتیوں میں شامل بوم بوم شاہد آفریدی نے سیاہ شیروانی پہن رکھی تھی،نئی اننگز کا آغازکرنے پربوم بوم نے ٹوئٹر پر دلہے میاں کو اصل پویلین میں خوش آمدید کہا۔

    احمد شہزاد کی دلہنیاں سرخ عروسی جوڑا پہن کر سلہیوں کے ساتھ ہوٹل پہنچیں، جہاں قومی ٹیم کے بیڈ بوائے نے ثنا مراد کے ساتھ نئی اننگز کا آغاز کیا اور دلہنیا لے کر رخصت ہوگئے۔

    دس بجتے ہی ہوٹل انتظامیہ نے ہال کی لائٹیں بند کر دیں، جس کے بعد موبائل فونز کی روشنی میں دلہن کی رخصتی کی گئی، تقریب کے شرکاء نے دولہا دلہن کو مبارکباد دیتے ہوئے جوڑے کیلئے نیک تمناؤں کا اظہار کیا۔

  • احمد شہزاد 19 ستمبرکودولہا بنیں گے

    احمد شہزاد 19 ستمبرکودولہا بنیں گے

    لاہور: پاکستانی ٹیم کے اوپنراحمد شہزاد زندگی کی نئی اننگزکی شروعات کرنے والے ہیں، احمد شہزاد انیس ستمبر کو رشتہ ازدواج میں منسلک ہوجائیں گے۔

    قومی ٹیم کے اوپنگ بیٹسمین احمد شہزاد کا کہنا ہے کہ شادی گھروالوں کی پسند سے کررہاہوں۔

    چھوٹی عمر میں شادی کا مقصد اپنے کیرئیر پرتوجہ مرکوزکرنا ہے۔

    انھوں نے کہا کہ شادی کی تقریباب لاہور میں منعقد ہوگی جس میں کرکٹرز کی بڑی تعداد شرکت کرےگی۔

    احمد شہزاد نے اپنی خواتین مداحوں کو مخاطب کرکے کہا ہے کہ اپنا خیال رکھیں اورمجھےسپورٹ کرتی رہیں۔

    احمد شہزاد کی شادی کی اطلاعات کافی عرصے سے گردش کررہی تھیں لیکن پی سی بی کے چیئرمین نجم سیٹھی کے ٹویٹ سے ان اطلاعات کی تصدیق ہوئی تھی۔

  • بھارت کیخلاف سیریز نہ ہونے سے کوئی فرق نہیں پڑتا، شہریار خان

    بھارت کیخلاف سیریز نہ ہونے سے کوئی فرق نہیں پڑتا، شہریار خان

    لاہور: چئیرمین پی سی بی شہریار خان کا کہنا ہے کہ بھارت کیخلاف سیریز نہ ہونے سے کوئی فرق نہیں پڑتا،بھارت سے کھیلے بغیر بھی پاکستان کرکٹ زندہ رہ سکتی ہے۔

    پاکستان کرکٹ بورڈ کے چیئرمین شہریار خان نے بھارت کو دو ٹوک الفاظ میں بتادیا،کھیلنا ہے تو کھیلو ورنہ ہمارے پاس اور بھی آپشن موجود ہیں۔

    شہریا ر خان نے کہا کہ بھارت سے سیریزنہ ہوئی تو پلان بھی موجود ہے، وہ زیادہ انتظار نہیں کریں گے، بھارت معاہدے کی پاسداری نہیں کرتا تو ہمیں بھی اس بات کی اب کوئی فکر نہیں،ہم ایک دو ماہ تک بھارت کے جواب کا انتظار کریں گے اس کے بعد پلان بی پر عملدرآمد ہوگا۔

     چیئرمین پی سی بی کا کہنا تھا کہ موجودہ حالات میں دونوں ممالک کے درمیان کرکٹ سیریز کے امکانات بہت کم ہیں،بھارت کھیل اور سیاست کو ساتھ نہ جوڑے، بی سی سی آئی مالی طور پر ہم سے مضبوط ہے اور سیریز نہ ہونے سے زیادہ نقصان پی سی بی کا ہوگا لیکن ایسا نہیں ہے کہ ہم ان کے بغیر نہیں چل سکتے۔

     شہریا ر خان نے کہا کہ سیریز دونوں ممالک کے مفاد میں ہے، دونوں ممالک کے درمیان معاہدے کے تحت پاکستان کو رواں سال دسمبر میں متحدہ عرب امارات میں بھارت کی بھی میزبانی کرنا ہے۔

  • پاکستان سپر لیگ چار فروری سے دوہا میں ہوگی، نجم سیٹھی

    پاکستان سپر لیگ چار فروری سے دوہا میں ہوگی، نجم سیٹھی

    لاہور :  پی سی بی نے پاکستان سپر لیگ کے شیڈول کا اعلان کردیا۔ ایونٹ چار سے چوبیس فروری تک قطر کے شہر دوہا میں منعقد ہو گا۔

    تفصیلات کے مطابق پاکستان کرکٹ بورڈ نے آئندہ سال فروری میں  پاکستان سپر لیگ کے شیڈول کا اعلان کر دیا، قومی ٹیم کے سابق چیئرمین نجم سیٹھی نے بتایا کہ پی ایس ایل میں 5 ٹیمیں شرکت کریں گی۔

    دنیا بھرکےورلڈ کلاس کھلاڑی لیگ میں شامل ہوں گے، مذکورہ پاکستان سپر لیگ قطر کے دارالحکومت دوحہ میں چار سے چوبیس فروری تک منعقد ہوگی۔

    نجم سیٹھی کے مطابق  ایونٹ کی انعامی رقم 10 کروڑ روپے ہو گی، ہمیں اسپانسرز اور غیر ملکی کھلاڑیوں سے حوصلہ افزاء جوابات موصول ہو رہے ہیں۔

    نجم سیٹھی نے پی ایس ایل کے منصوبوں کے حوالے سے بتاتے ہوئے کہا کہ ہم 40 غیر ملکی کھلاڑیوں سے رابطے میں ہیں اور ان میں 25 کو لیگ کیلئے سائن کئے جانے کی توقع ہے، ان میں 15 دنیا کے ورلڈ کلاس کھلاڑی ہوں گے۔

    واضح رہے کہ پاکستان نے 2013 میں پہلی مرتبہ باقاعدہ ٹی ٹوئنٹی لیگ کرانے کا فیصلہ کیا تھا لیکن ملک کے حالات، مالی معاملات اور اسپانسرز کی عدم دلچسپی کی وجہ سے اسے دو مرتبہ ملتوی کرنا پڑا۔

  • پاکستان سپر لیگ: شہریار خان اور نجم سیٹھی میں اختلافات

    پاکستان سپر لیگ: شہریار خان اور نجم سیٹھی میں اختلافات

    لاہور: پاکستان سپر لیگ کے معاملے پر پی سی بی کے چیئرمین شہریار خان اور سابق چئیرمین نجم سیٹھی کے درمیان اختلافات کھل کر سامنے آگئے ہیں۔

    پی سی بی میں پی ایس ایل کو لیکر دو گروپ بن گئے ہیں، ایک موجودہ چیئرمین شہریار خان کا اور دوسرا سابق چئیرمین نجم سیٹھی کا گراپ ہیں، شہریار خان نے ایک انٹرویو میں پی ایس ایل کے انعقاد پر شکوک کا اظہار کیا ہے۔

    شہریار خان کا کہنا ہے  کہ پی ایس ایل پاکستان میں ہونی چاہئیے، اگر پی ایس ایل ہو تو اچھی طرح ہو ورنہ نہ ہو، سیٹھی یو اے ای یا قطر میں لیگ کرانے کے درپے ہیں، پیسہ پانی کی طرح بہا رہے ہیں۔

    ایک بین الاقوامی کمپنی کو دو کروڑ اسی لاکھ روپے دے چکے ہیں جو لیگ کا پلان بنا کر دیگی، تازہ اختلافات بتا رہے ہیں کہ آئندہ سال بھی لیگ کا انعقاد مشکوک ہے اور دو بار ملتوی ہونے والی لیگ سفید ہاتھی ہی رہے گی

  • نجم سیٹھی نے 35پنکچر سے زیادہ ظلم کیا، عمران خان

    نجم سیٹھی نے 35پنکچر سے زیادہ ظلم کیا، عمران خان

    کراچی : تحریک انصاف کے سربراہ عمران خان نے کہا ہے کہ عام انتخابات میں پینتیس سے بھی زیادہ پنکچرلگے، بی بی سی کی رپورٹ غلط ہے توایم کیوایم مقدمہ کرے۔

    تفصیلات کے مطابق پاکستان تحریک انصاف کےسربراہ عمران خان کاکہنا ہےکہ پینتس پنکچر والے کی بات بتانے والے اپنی بات پرقائم ہیں۔

    عمران خان کا کہنا تھا کہ نجم سیٹھی نے 35پنکچر سے زیادہ ظلم کیا۔ نجم سیٹھی کو نواز شریف نے نوازا اور دوبار چیئرمین پاکستان کرکٹ بورڈ بنایا۔

    کپتان نے جوڈیشل کمیشن میں پینتیس پنکچر کے ثبوت پیش نہ کرنے کی وجہ بھی بتادی۔ اتوار کو کراچی آمد کے بعد ایئر پورٹ پر میڈیا سے بات چیت کرتے ہوئے ان کا کہنا تھا کہ ملک میں پہلی مرتبہ الیکشن میں دھاندلی کی تحقیقات ہو رہی ہیں اور وہ انکوائری کمیشن کا فیصلہ قبول کریں گے۔

    انہوں نے بی بی سی رپورٹ پر ایم کیو ایم قیادت کو آڑے ہاتھوں لیا اور مفت مشورہ بھی دے دیا کہ اگر کوئی بات غلط ہے تو پھر بی بی سی کے خلاف مقدمہ کریں۔

    کراچی آئے تو سائیں سرکار کی کرپشن پر بولے بنا نہ رہ سکے ۔کہا کہ سندھ میں کرپشن کےسارےریکارڈٹوٹ گئے، ان کا کہنا تھا کہ نوازشریف نےجیوکوآگےکرکےفوج پروارکیااورخودبھاگ گئے۔

    تحریک انصاف کے سربراہ نے کہا کہ حکومت بھارتی خفیہ ایجنسی را کے سابق سربراہ کے بیان کو سنجیدگی سے لے۔

  • عمران خان خیبر پختونخواہ میں ری الیکشن پررضامند

    عمران خان خیبر پختونخواہ میں ری الیکشن پررضامند

    اسلام آباد: تحریک انصاف کے سربراہ عمران خان نے خیبر پختونخواہ میں بلدیاتی انتخابات دوبارہ منعقد کرانے پررضامندی ظاہرکردی۔

    اسلام آباد میں میڈیا کے نمائندوں سے گفتگوکرتے ہوئے کہا کہ اگرالیکشن کمیشن دھاندلی کے الزامات کو درست سمجھتا ہے تودوبارہ الیکشن کا انعقاد کرالے ہم تیارہیں۔

    ان کا کہنا تھا کہ تمام پارٹیوں نے مل کر ہمارے خلاف الیکشن لڑا لیکن پھربھی ہم جیت گئے ہیں، دوبارہ الیکشن کا انعقاد ہوگا تو پہلے سے زیادہ ووٹ حاصل کریں گے۔

    ان کا کہنا تھا کہ ’’ یہ پاکستان کی تاریخ کا سب سے بڑا الیکشن تھا جس میں ووٹرکو سات ووٹ کاسٹ کرنے تھے جنرل الیکشن میں تو صرف دو ووٹ ہوتے ہیں وقت کی کمی کے سبب تمام ووٹر ووٹ نہیں کاسٹ کرسکے۔

    عمران خان نے کہا کہ الیکشن کمیشن اپنی ذمہ داری قبول کرے اگرتمام جماعتیں کہتی ہیں کہ انتخابات میں دھاندلی ہوئی تو دوبارہ الیکشن کرالیا جائےیا اگرمخصوص کونسلوں میں کرانا چاہیں تو وہاں بھی کرالیا جائے تحریک انصاف کو کوئی اعتراض نہیں ہے۔

    عمران خان کا کہنا تھا کہ انہیں خیبرپختونخواہ میں دھاندلی کے الزامات پردلی صدمہ ہوا۔

    تحریک انصاف کے قائد عمران خان نے نجم سیٹھی کو تنقید کا نشانہ بناتے ہوئے کہا کہ اگر ان کے پاس اختیارنہیں تھا استعفیٰ کیوں نہیں دیا۔

  • نجم سیٹھی’ آئی سی سی‘ کی صدارت سے دستبردار

    نجم سیٹھی’ آئی سی سی‘ کی صدارت سے دستبردار

    لاہور: پاکستان کرکٹ بورڈ کے چیئرمین نجم سیٹھی آئی سی سی کی صدارت سےسابق کھلاڑیوں کے حق میں دستبردارہوگئے۔

    تفصیلات کے مطابق اس فیصلے کا اعلان پی سی بی کے چیئرمین نجم سیٹھی نے سماجی رابطے کی ویب سائٹ ٹویٹرپرکیا ہے۔

    اپنے ٹویٹر پیغام میں نجم سیٹھی نے کہا ہے کہ میں آئی سی سی کی صدارت سے دستبردار ہونے کافیصلہ کیا ہے۔ میری پی سی بی سے درخواست ہے کہ سابق کھلاڑیوں میں سے کسی بہترین کھلاڑی کو اس عہدے کے لئے نامزد کیا جائے۔

    ان کا کہنا تھا کہ انہوں نے یہ فیصلہ کھیل کی روح کو برقرار رکھنے کے لئے کیا ہے۔

    واضح رہے کہ نجم سیٹھی نے یکم جولائی 2015 کو آئی سی سی کی صدارت کا منصب سنبھالنا تھا۔

  • انتخابات میں دھاندلی: حامد میر، نجم سیٹھی جوڈیشل کمیشن میں طلب

    انتخابات میں دھاندلی: حامد میر، نجم سیٹھی جوڈیشل کمیشن میں طلب

    اسلام آباد: عام انتخابات 2013 میں مبینہ دھاندلی کی تحقیقات کرنے والے جوڈیشل کمیشن نے نجم سیٹھی اورحامد میرکوجرح کیلئےطلب کرلیاہے۔

    تفصیلات کے مطابق جمعے کے روز ہونے والی سماعت میں وکلاء نے سیکرٹری الیکشن کمیشن اشتیاق احمد پر جرح مکمل کرلی۔

    اشتیاق احمد نے جرح کے دوران جواب دیتے ہوئے کہا کہ طریقۂ کار کےمطابق ریٹرننگ افسران کو فارم چودہ اور پندرہ کا ایک ایک سیٹ انتخابی تھیلوں میں بند کرنے کی ہدایت دی گئی تھیں۔

    چیف جسٹس آف پاکستان ناصرالملک نے استفسارکیا کہ ’’کیاالیکشن کمیشن کی 9 دسمبر2013 کی رپورٹ جوڈیشل کمیشن کو فراہم کی گئی‘‘ تواشتیاق احمدنے بتایا کہ رپورٹ کمیشن کےریکارڈ میں موجودہے۔

    سابق سیکرٹری نے کہاکہ پولنگ کے دوران میڈیا اوراین جی اوزکو تمام پولنگ اسٹیشن تک رسائی دی گئی تھی۔

    جوڈیشل کمیشن نےسماعت پیرتک ملتوی کرتےہوئےسابق نگراں وزیراعلیٰ پنجاب نجم سیٹھی اورصحافی حامد میرکوجرح کیلیےطلب کرلیا ہے۔