کولالمپور : ملائیشیا کے سابق وزیر اعظم نجیب رزاق پر 70 کروڑ ڈالرز کی کرپشن کے الزام کے باعث بیرون ملک سفر پر پابندی لگاتے ہوئے ان کا نام ای سی ایل ڈال دیا گیا۔
تفصیلات کے مطابق ملائیشیا کے نو منتخب وزیر اعظم مہاتیر محمد نے کہا تھا کہ اداروں کے سربراہان کے خلاف چھان بین ہوگی، اداروں کے کرپٹ سربراہان کو برطرف کیا جائے گا، کرپٹ شخصیات کے ساتھ قانون کے مطابق سلوک ہوگا۔
غیر ملکی خبر رساں ادارے کے مطابق امیگریشن ڈپارٹمنٹ کا کہنا تھا کہ نو منتخب وزیر اعظم مہاتیر محمد نے ملائیشیا کے سابق وزیر اعظم نجیب رزاق پر ملک سے باہر جانے پر پابندی لگاتے ہوئے نام ای سی ایل میں ڈال دیا ہے۔
غیر ملکی میڈیا نے گفتگو کرتے ہوئے سابق وزیر اعظم نجیب رزاق کا کہنا تھا کہ میں نے اپنی اہلیہ کے ہمراہ ہفتے کے روز چھٹیوں پر جانے کی منصوبہ بندی کی ہوئی تھی۔
یاد رہے کہ گذشتہ رواں ہفتے نجیب رزاق کی گذشتہ کئی دہائیوں سے ملائیشیا ہر حکومت کرنے والی جماعت باریسن نیشنل پارٹی کو پارلیمانی انتخابات میں بری طرح شکست کا سامنا کرنا پڑا ہے۔
ملائیشیا انتخابات: مہاتیر محمد واضح اکثریت سے کامیاب
غیر ملکی خبر رساں ادارے کا کہنا تھا کہ ملائیشیا کے سابق وزیر اعظم نجیب رزاق پر سنہ 2015 میں قومی مالیاتی ادارے کے فنڈ میں 70 کروڑ ڈالرز کی خرد برد کا الزام تھا۔
یاد رہے کہ جمعرات کے روز 92 سالہ مہاتیر محمد نے ملائیشیا کے نئے وزیر اعظم کی حثیثت سے حلف اٹھانے بعد دنیا کے معمر ترین سیاست دان بن گئے ہیں۔
اداروں کے کرپٹ سربراہان کو برطرف کیا جائے گا، مہاتیر محمد
مہاتیر محمد کا کہنا تھا کہ اداروں کے سربراہان کے خلاف چھان بین ہوگی، اداروں کے کرپٹ سربراہان کو برطرف کیا جائے گا، کرپٹ شخصیات کے ساتھ قانون کے مطابق سلوک ہوگا، تحقیقات میں قومی مالیاتی ادارے میں کروڑوں ڈالرز کی خرد برد کرنے والوں کے خلاف بھی کارروائی کی جائے گی۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
http://s27.postimg.org/a6q54c0wz/download.jpg