Tag: name in ECL

اسلام آباد : نوازشریف اور ان کے خاندان کانام ای سی ایل میں ڈالنے کیلئے درخواست پر سماعت آج اسلام آباد ہائیکورٹ میں ہوگی۔

تفصیلات کے مطابق شریف خاندان کا نام ای سی ایل میں ڈالنے کیلئے درخواست پر سماعت آج اسلام آباد ہائیکورٹ میں ہوگی، پی ٹی آئی کی درخواست کی سماعت جسٹس عامر فاروقی کریں گے، درخواست میں مؤقف اختیار کیا گیا ہے کہ ٹرائل سے بچنے کیلئے نوازشریف بیرون ملک منتقل ہوسکتےہیں، پاناماکیس کے منطقی انجام تک پہنچنے کیلئے ٹرائل ضروری ہے۔

درخواست گزار نے نواز شریف، کیپٹن ریٹائرصفدر ، مریم ، حسن، حسین ،اسحاق ڈار کو فریق بناتے ہوئے موقف اختیار کیا ہے کہ فریقین کی جائیداد کی خرید و فروخت پر پابندی لگائی جائے، شریف خاندان کے افراد کے اکاؤئنس بھی منجمد کئے جائیں۔

مزید پڑھیں : شریف خاندان کا نام ای سی ایل میں شامل کیا جائے، درخواست منظور

درخواست گزار وکیل کا کہنا تھا شریف خاندان کے خلاف سپریم کورٹ نے نیب ریفرنس دائرکرنے کا حکم دیا تھا، شریف خاندان کے فرد ملک سےباہر گئے تو واپس نہیں آئیں گے، نواز شریف پر منی ٹریل کا جرم ثابت ہو چکا ، پیسے واپس نہیں لا رہے، ان کے نام ای سی ایل میں ڈالے جائیں۔

اسلام آباد ہائیکورٹ کے جسٹس عامرفاروق نے دلائل سننے کے بعد فیصلہ محفوظ کیا تھا، جس کے بعد درخواست پر عائد تمام اعتراضات دور کرتے ہوئے سماعت کیلئے منظور کرلیا گیا تھا۔

خیال رہے کہ یکم اگست کو خدمات گار تنظیم کی جانب سے بھی شریف خاندان کے خلاف سپریم کورٹ لاہور رجسٹری میں درخواست دائر کی گئی تھی۔

واضح رہے کہ پاناما کیس میں سپریم کورٹ نے نوازشریف کو نااہل قرار دیا تھا اور نواز شریف ، حسن، حسین، مریم نواز، کیپٹن صفدر اور اسحاق ڈار کے خلاف نیب میں ریفرنس بھیجنے اور چھ ماہ میں فیصلہ کرنے کا حکم دیا تھا۔

اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔