ARYNews.tv | Urdu – Har Lamha Bakhabar

Tag: nancy Pelosi

  • نینسی پلوسی کو حادثہ، اسپتال منتقل

    نینسی پلوسی کو حادثہ، اسپتال منتقل

    امریکی ایوانِ نمائندگان کی سابق اسپیکر نینسی پلوسی لڑکھڑا کر گرنے کے باعث زخمی ہوگئیں، جنہیں فوری طور پر اسپتال منتقل کیا گیا۔

    بین الاقوامی خبر رساں ادارے کی رپورٹ کے مطابق 84 سالہ سابق اسپیکر نینسی پلوسی کو لگسمبرگ میں حادثہ پیش آیا جس میں ان کو چوٹیں آئی ہیں۔

    سابق اسپیکر سرکاری دورے کے دوران لوگوں سے ملاقات کرتے ہوئے اچانک گر پڑیں، جنہیں فوری طور پر لگسمبرگ کے اسپتال میں داخل کرا دیا گیا۔

    نینسی کی ترجمان نے بتایا کہ اس صورتِ حال کے باعث نینسی دورے کے باقی معاملات میں شریک نہیں ہوسکیں گی۔

    واضح رہے کہ امریکی ایوان نمائندگان کی پہلی خاتون اسپیکر نینسی نے 2022میں ڈیموکریٹ پارٹی سربراہ کے عہدے سے دستبردار ہونے کا اعلان کیا تھا۔

    خالد مشعل کے بھائی کو 20 سال بعد امریکی جیل سے رہائی مل گئی

    امریکی ایوان نمائندگان پر ری پبلکنزکے کنٹرول کے بعد ڈیموکریٹ اسپیکر عہدہ چھوڑنے پر مجبور ہوگئی تھیں، نینسی نے جنوری میں مستعفی ہونے کا اعلان کیا تھا۔

  • اداکار اور ڈونر جارج کلونی اور نینسی پلوسی نے جو بائیڈن کو کیا مشورہ دیا؟

    اداکار اور ڈونر جارج کلونی اور نینسی پلوسی نے جو بائیڈن کو کیا مشورہ دیا؟

    واشنگٹن: ڈیموکریٹس نمائندگان کے بعد اب سینیٹرز بھی صدر جو بائیڈن سے دست برداری کا مطالبہ کرنے لگے ہیں۔

    تفصیلات کے مطابق اداکار اور ڈونر جارج کلونی نے بھی جو بائیڈن کو صدارتی ریس سے باہر ہونے کا مشورہ دے دیا ہے، کانگریس کی سابق اسپیکر نینسی پلوسی کا بھی کہنا ہے کہ بائیڈن کو اپنے فیصلے پر نظر ثانی کرنی چاہیے کیوں کہ وقت نکلتا جا رہا ہے۔

    سینیٹر پیٹر ویلچ نے کہا ملک کی بہتری کے لیے صدر بائیڈن کو الیکشن کی دوڑ سے باہر ہو جانا چاہیے، صدارتی مباحثے میں بائیڈن کی کارکردگی کو نظر انداز نہیں کر سکتے۔

    جارج کلونی نے امریکی میڈیا سے بات کرتے ہوئے انھوں نے کہا میں بائیڈن سے محبت کرتا ہوں، لیکن ڈیموکریٹس کو نیا امیدوار چاہیے، اگر بائیڈن نامزدگی سے الگ نہیں ہوئے تو وہ انتخابات، ہاؤس اور سینیٹ سب ہار جائیں گے۔

    انھوں نے کہا یہ رائے صرف میری نہیں ہے،بلکہ ڈیموکریٹس نمائندگان اور سینیٹرز بھی یہی چاہتے ہیں، جن سے میری بات ہوئی ہے۔

    اس دوران سابق صدر ڈونلڈ ٹرمپ نے جو بائیڈن کو دوبارہ مباحثے اور گالف کھیلنے کا چیلنج دے دیا ہے، ٹرمپ نے کہا اگر بائیڈن جیت گئے تو ان کی پسندیدہ کسی بھی خیراتی تنظیم کو 10 لاکھ ڈالر دوں گا، صدر بائیڈن نے جواب میں کہا کہ ٹرمپ کی عجیب و غریب حرکتوں کے لیے ان کے پاس وقت نہیں ہے۔

  • نینسی پلوسی کے شوہر پر ہتھوڑے سے حملہ، امریکی صدر کا رد عمل

    نینسی پلوسی کے شوہر پر ہتھوڑے سے حملہ، امریکی صدر کا رد عمل

    واشنگٹن: نینسی پلوسی کے شوہر پر ہتھوڑے سے حملے کے معاملے پر امریکی صدر نے کہا ہے کہ سیاست میں نفرت آمیز حملے برداشت نہیں کیے جائیں گے۔

    امریکی میڈیا کے مطابق صدر جو بائیڈن نے امریکی ایوانِ نمائندگان کی اسپیکر نینسی پلوسی کے شوہر پر حملے کی شدید مذمت کی ہے، انھوں نے کہا کہ سیاست میں نفرت آمیز حملے برداشت نہیں کیے جائیں گے۔

    سان فرانسسکو میں حملہ آور نے صبح کے وقت گھر میں گھس کر پال پلوسی پر ہتھوڑے سے حملہ کیا تھا، امریکی میڈیا کے مطابق 82 سالہ پال پلوسی کی حالت خطرے سے باہر ہے۔

    حملے کی خبر آنے کے بعد نینسی پلوسی واشنگٹن سے سان فراننسکو پہنچ گئی ہیں، دوسری طرف حملہ آور پولیس کی حراست میں ہے اور اس سے تفتیش جاری ہے۔

    اسپیکر امریکی ایوان نمائندگان نینسی پلوسی کے شوہر پر قاتلانہ حملہ

    بی بی سی کے مطابق اسپیکر نینسی پلوسی کے شوہر پال پلوسی حملے کے بعد سرجری سے صحت یاب ہو رہے ہیں، ہتھوڑے سے مارے جانے کی وجہ سے ان کی کھوپڑی کی ہڈی ٹوٹ گئی تھی، اور ان کے دائیں بازو اور ہاتھ پر شدید چوٹیں آئیں۔

    حملہ آور نے گھر میں گھسنے کے بعد نینسی پلوسی سے ملنے کا مطالبہ کیا تھا۔

    صدر جو بائیڈن نے اس حملے کو سیاسی تناظر میں دیکھا اور اسے ’قابل نفرت‘ قرار دیا۔ حملے کے وقت نینسی پلوسی واشنگٹن ڈی سی میں تھیں، وہ اپنے شوہر کو اسپتال میں دیکھنے کے لیے واپس چلی گئیں۔

  • کانگریس پر حملے کے بعد ٹرمپ کو مواخذے سے کس نے بچایا؟ انکشاف

    کانگریس پر حملے کے بعد ٹرمپ کو مواخذے سے کس نے بچایا؟ انکشاف

    واشنگٹن: حال ہی میں‌ لکھی جانے والی ایک کتاب میں یہ سنسنی خیز انکشاف سامنے آیا ہے کہ کانگریس پر حملے کے بعد ٹرمپ کو مواخذے سے کسی اور نے نہیں بلکہ نینسی پلوسی ہی نے بچایا تھا۔

    سابق امریکی صدر ڈونلڈ ٹرمپ کے دور اقتدار میں اسپیکر نینسی پلوسی وہ شخصیت تھیں جو ان کی سب سے بڑی نقاد تھیں، اور ہر بار ان کے خلاف مواخذے کی تحریک لانے کے لیے سرگرمی کا مظاہرہ کرتی رہیں، جس کی وجہ سے ٹرمپ نے انھیں تاریخ کی بدترین اسپیکر قرار دیا تھا۔

    تاہم اب ٹرمپ کے مواخذے کی کوششوں سے متعلق آنے والی کتاب ’ان چیکڈ‘ میں انکشاف کیا گیا ہے کہ یہ نینسی پلوسی ہی تھیں جنھوں نے ٹرمپ کو کانگریس پر حملے کے فوری بعد مواخذے سے بچایا تھا۔

    کتاب میں لکھا گیا ہے کہ کانگریس پر حملے کے فوری بعد ٹرمپ کا آسانی سے مواخذہ ہو سکتا تھا، مواخذے کے لیے ریپبلکنز سینیٹرز کی مطلوبہ تعداد کی حمایت بھی حاصل تھی، لیکن ایوان نمائندگان کی اسپیکر نینسی پلوسی نے فوری مواخذے کے خلاف مزاحمت کی۔

    کتاب کے متن کے مطابق سینئر ڈیموکریٹ رکن کانگریس نے اسی روز مواخذے کا مسودہ بھی ڈرافٹ کر لیا تھا، لیکن نینسی کی وجہ سے ایسا نہ ہو سکا۔

    یہ کتاب 4 اکتوبر کو چھپ کر مارکیٹ میں آئے گی، اس کے مصنفین میں کارون ڈیمرجیان اور راچل بادے شامل ہیں۔

  • امریکا تائیوان سے متعلق اپنے عزم سے پیچھے نہیں ہٹے گا: نینسی پلوسی

    امریکا تائیوان سے متعلق اپنے عزم سے پیچھے نہیں ہٹے گا: نینسی پلوسی

    تائی پے: تائیوان کے دورے پر موجود نینسی پلوسی نے کہا ہے کہ امریکا تائیوان سے متعلق اپنے عزم سے پیچھے نہیں ہٹے گا۔

    تفصیلات کے مطابق امریکی ہاؤس اسپیکر نینسی پلوسی نے صدارتی دفتر میں تائیوان کی صدر سائی انگ وین سے ملاقات کی، اس سے قبل انھوں نے ڈپٹی اسپیکر سے بھی ملاقات کی تھی۔

    نینسی پلوسی نے کہا کہ ان کا دورہ دوستی اور علاقائی امن کے لیے ہے، امریکا اپنے عزم سے پیچھے نہیں ہٹے گا۔

    سائی نے پلوسی کو تائیوان کے لیے ان کی دیرینہ حمایت اور واشنگٹن اور تائی پے کے درمیان تبادلے کو بڑھانے میں ان کی شان دار خدمات کے اعتراف میں "اسپیشل گرانڈ شوچنگ یون میڈل” پیش کیا۔

    تائیوان کی صدر نے پلوسی کے تائیوان کے لیے ان کی غیر متزلزل حمایت پر اظہار تشکر کیا، اور انھیں تائیوان کے سب سے مخلص دوستوں میں سے ایک قرار دیا۔

    اسپیکر امریکی ایوان نمائندگان کے دورہ تائیوان پر چین کا ردعمل آگیا

    صدارتی دفتر میں ایک خطاب میں سائی نے کہا کہ روس کے یوکرین پر حملے نے آبنائے تائیوان کی سلامتی کو عالمی توجہ کا ایک اور مرکز بنا دیا ہے اور یہ کہ جزیرے کے خلاف کسی بھی جارحیت کا پورے ہند-بحرالکاہل کی سلامتی پر زبردست اثر پڑے گا۔

    دوسری طرف بیجنگ میں چینی نائب وزیر خارجہ کی جانب سے امریکی سفیر نکولس برنز کی طلبی ہوئی، چینی نائب وزیر خارجہ نے نینسی پلوسی کے دورہ تائیوان پر سخت احتجاج ریکارڈ کرایا۔

  • نینسی پلوسی آج تائیوان پہنچیں گی، تائیوانی وزارت خارجہ کا تبصرے سے انکار

    نینسی پلوسی آج تائیوان پہنچیں گی، تائیوانی وزارت خارجہ کا تبصرے سے انکار

    واشنگٹن: نینسی پلوسی آج تائیوان پہنچیں گی، دورے سے متعلق تائیوانی وزارت خارجہ نے تبصرے سے انکار کر دیا ہے۔

    تفصیلات کے مطابق امریکی ایوان نمائندگان کی اسپیکر نینسی پلوسی 4 ایشیائی ممالک کے دورے پر آج تائیوان پہنچیں گی، اور کل صبح تائیوان کی پارلیمنٹ کا دورہ کریں گی۔

    تائیوانی وزارتِ خارجہ نے میڈیا کے استفسار پر کہا کہ نینسی پلوسی کی سفری منصوبے پر کوئی تبصرہ نہیں کر سکتے۔

    کیا امریکا اور چین میں بھی جنگ چھڑنے والی ہے؟

    دوسری طرف ترجمان چینی دفترِ خارجہ ژاؤ لیژان کا کہنا ہے کہ نینسی پلوسی کا دورہ تائیوان کی خود مختاری کو چیلنج کرتا ہے، اور ایسی صورت میں چین کی طرف سے سخت ردِ عمل کا سامنا کرنا پڑے گا۔

    اس سے قبل چین نے امریکا کو خبردار کرتے ہوئے کہا تھا کہ اگر امریکی ایوان نمائندگان کی اسپیکر نینسی پلوسی نے تائیوان کا دورہ کیا تو یہ خوفناک سیاسی اثرات کا سبب بنے گا۔

    واضح رہے کہ نینسی پلوسی گزشتہ روز سنگاپور پہنچی تھیں، امریکا نے چین کو خبردار کیا ہے کہ نینسی پلوسی کے دورے کو بحران میں بدلنے سے باز رہے۔

  • امریکی ایوان نمائندگان کے رکن کو نینسی پلوسی کو ہتھوڑا مارنے کا مذاق مہنگا پڑ گیا

    امریکی ایوان نمائندگان کے رکن کو نینسی پلوسی کو ہتھوڑا مارنے کا مذاق مہنگا پڑ گیا

    واشنگٹن: امریکی ایوان نمائندگان کے اعلیٰ رکن کو نینسی پلوسی کو ہتھوڑا مارنے کا مذاق مہنگا پڑ گیا۔

    تفصیلات کے مطابق امریکا کے ایوان نمائندگان میں ریپبلکن پارٹی کے ایک اعلیٰ رکن کیون میک کارتھی نے ہفتے کی رات ریاست ٹینیزی میں فنڈ ریزنگ عشائیے کے دوران ایک بڑا ہتھوڑا ہاتھ میں اٹھاتے ہوئے مذاقاً کہا تھا کہ اگر وہ اسپیکر بنے تو انھیں اس ہتھوڑے سے موجودہ اسپیکر نینسی پلوسی کو مارنے سے خود کو روکنے میں مشکل ہوگی۔

    میک کارتھی نے کہا تھا کہ میں چاہوں گا کہ آپ نینسی پلوسی کو مجھے یہ ہتھوڑا پکڑاتے ہوئے دیکھیں، مجھے انھیں اس میں مارنے سے خود کو روکنے میں مشکل ہوگی۔

    عشائیے میں موجود واشنگٹن پوسٹ کا رپورٹر اور ریاست ٹینیزی کا ایک مقامی صحافی مذاق میں یہ کی گئی یہ گفتگو سامنے لایا تو میک کارتھی مشکل میں پڑ گئے، انھیں اب مسلسل تنقید کا سامنا ہے، اور ان سے معافی طلب کی جا رہی ہے۔

    کیلیفورنیا سے تعلق رکھنے والے ایوان کے ایک نمائندے ٹیڈ لو اور ایک دوسرے وزیر، ایرک سول ویل نے کیون میک کارتھی پر نینسی پلوسی سے معافی مانگنے پر زور دیا۔ نیو میکسیکو کی ایک نمائندہ ٹیریزا لیجا فرنینڈز نے اس حوالے سے ٹوئٹر پر لکھا کہ خواتین کے خلاف تشدد کوئی مذاق نہیں، سیاسی تشدد کی دھمکی کوئی مذاق نہیں، یہ کمنٹس خطرناک ہیں۔

    مشیگن کی نمائندہ ڈیبی ڈنگل کا کہنا تھا کہ اس قسم کی زبان سے امریکا میں کیپیٹل ہل میں تشدد اور ہلاکتیں ہوئی تھیں۔ انھوں نے کیون میک کارتھی کو مخاطب کرتے ہوئے لکھا کہ ’انھیں معلوم ہے کہ ان کی باتوں کا اثر ہوگا۔‘

    واضح رہے کہ گزشتہ ہفتے نینسی پلوسی نے کیون میک کارتھی کو گھٹیا شخص قرار دیا تھا، اور ان کے لیے انگریزی لفظ ’مورون‘ استعمال کیا تھا، کیوں کہ انھوں نے کرونا وائرس سے بچاؤ کے لیے ماسک پہننے کی ضرورت کو مسترد کیا تھا۔

  • اسپیکر نینسی نے امریکی صدر کی تقریر پھاڑ کر پھینک دی

    اسپیکر نینسی نے امریکی صدر کی تقریر پھاڑ کر پھینک دی

    واشنگٹن: اسپیکر نینسی پلوسی نے نہایت جرات کا مظاہرہ کرتے ہوئے ایوان نمایندگان میں امریکی صدر ڈونلڈ ٹرمپ کی تقریر کی کاپی پھاڑ کر پھینک دی۔

    تفصیلات کے مطابق آج امریکی صدر ٹرمپ نے ایوان نمایندگان میں خصوصی تقریر کی، اس تقریر کو اسٹیٹ آف دی یونین کہا جاتا ہے، تاہم ٹرمپ نے جیسے ہی تقریر ختم کی، ان کے پیچھے کھڑی اسپیکر آف دی ہاؤس نے تقریر کی کاپی پھاڑ کر پھینک دی۔

    ویڈیو میں دیکھا جا سکتا ہے کہ امریکی صدر کو بھی اس کا احساس ہو گیا تھا تاہم انھوں نے خود پر قابو پاتے ہوئے پیچھے مڑ کر نہیں دیکھا۔ ویڈیو دیکھنے والوں کو نینسی پلوسی کی اس جرات نے بہت حیران کیا۔ یاد رہے کہ کچھ دیر قبل ٹرمپ نے نینسی سے ہاتھ ملانے سے انکار کر دیا تھا۔

    واقعے کے بعد رپورٹرز نے انھیں گھیر لیا، اور پوچھا کہ انھوں نے تقریر کی کاپی کیوں پھاڑی، نینسی پلوسی کا جواب سن کر صحافی اور بھی حیران ہوئے۔ اسپیکر کا جواب تھا کہ انھوں نے کاپی اس لیے پھاڑی کیوں کہ یہی سب سے زیادہ شائستہ رد عمل تھا۔

    ٹرمپ کا خطاب، نینسی پلوسی سے ہاتھ ملانے سے بھی انکار

    نینسی پلوسی نے فوراً بعد مزید کہا کہ اس شائستہ رد عمل کا متبادل بھی زیر غور ہے۔ تاہم یہ واضح نہیں ہو سکا کہ اسپیکر کا ‘متبادل’ سے کیا مراد تھا۔ خیال رہے کہ ٹرمپ کے مواخذے کی کارروائی کے سلسلے میں ان دونوں کے درمیان سخت جملوں کا تبادلہ ہوتا رہا ہے، امریکی صدر انھیں تاریخ کی بد ترین اسپیکر قرار دے چکے ہیں۔

    یاد رہے کہ امریکی صدر ٹرمپ خطاب کے لیے کیپٹل ہل پہنچے تو متعدد ڈیموکریٹس اراکین کانگریس نے ٹرمپ کے خطاب کے بائیکاٹ کا اعلان کیا تھا، صدر ٹرمپ نے کانگریس میں خطاب انتہائی کشیدہ ماحول میں کیا، امریکی سنییٹ میں مواخذے کا سامنا کرنے والے صدر ٹرمپ نے اسپیکر نینسی پلوسی کے ہاتھ بڑھانے پر بھی ہاتھ نہیں ملایا، ری پبلکن سینیٹرز کو خطاب کے دوران بار بار سراہتے رہے، گزشتہ ڈیموکریٹ حکومت پر بھی تنقید کے نشتر چلاتے رہے۔

  • نینسی پلوسی امریکی تاریخ کی بدترین اسپیکر ہیں، صدر ڈونلڈ ٹرمپ

    نینسی پلوسی امریکی تاریخ کی بدترین اسپیکر ہیں، صدر ڈونلڈ ٹرمپ

    واشنگٹن : امریکی صدر ڈونلڈ ٹرمپ نے امریکی ایوان نمائندگان کی اسپیکر نینسی پلوسی کو تاریخ کی بدترین اسپیکر قرار دیدیا۔

    ان کا کہنا ہے کہ ڈیمو کریٹس نے ایوان میں امریکی تاریخ کا غیرشفاف ترین کام کیا ہے، اپنے ایک بیان میں ان کا کہنا تھا کہ مواخذے کی کوشش سے ڈیمو کریٹس کو کوئی فائدہ نہیں ملے گا۔

    ڈونلڈ ٹرمپ نے کہا کہ ڈیمو کریٹس جو کام خود نہ کرسکے اب وہ ری پبلکنز سے کہہ رہے ہیں، ڈیمو کریٹس ایوان میں مجھے قصور وار ثابت نہیں کرسکے، امریکی عوام کے لیے مواخذے سے زیادہ اہم دوسری چیزیں ہیں۔

    واضح رہے کہ نینسی پلوسی نے مواخذے کا معاملہ اگلے ہفتے سینیٹ میں پیش کرنے کا اعلان کیا تھا۔

    مزید پڑھیں : نینسی پلوسی کا ارکان کانگریس کے ہمراہ دورہ اردن، ٹرمپ کی تنقید

    اس سے قبل بھی امریکی صدر ڈونلڈ ٹرمپ نے ایوان نمائندگان کی اسپیکر نینسی پلوسی کے سینئر ارکان کانگریس کی معیت میں اردن کے دورے کی شدید مذمت کی تھی جس میں انھوں نے اردنی حکام کے ساتھ شام کی صورت حال پر تبادلہ کیا۔

    انہوں نے شامی بحران کو اوباما انتظامیہ کی تباہ کن میراث قرار دیتے ہوئے سوال کیا تھا کہ صدر اوباما نے شام میں کس بات کو ”سرخ لکیر“ قرار دیا تھا؟

    ایک ٹویٹ میں ڈونلڈ ٹرمپ نے کہا کہ نینسی پلوسی اردن کا دورہ کرنے والے ایک 9 رکنی وفد کی قیادت کر رہی ہیں جس میں آدم شیف نامی بد عنوان شخص شامل ہے تاکہ شام کی صورت حال کی تحقیقات کر سکیں۔

  • ٹرمپ کو جنگ سے روکنے کے لیے آج رائے شماری ہوگی

    ٹرمپ کو جنگ سے روکنے کے لیے آج رائے شماری ہوگی

    واشنگٹن: امریکی صدر ڈونلڈ ٹرمپ کو ایران کے ساتھ جنگ سے روکنے کے لیے آج ایوان نمایندگان میں رائے شماری ہوگی۔

    تفصیلات کے مطابق امریکی ایوان نمایندگان کی اسپیکر نینسی پلوسی نے امریکا کو ایران کے خلاف جنگ سے روکنے کے لیے رائے شماری کرانے کا مطالبہ کیا تھا، آج ایوان نمایندہ گان میں ٹرمپ کو روکنے کے لیے رائے شماری ہوگی۔

    نینسی پلوسی کا کہنا تھا کہ گزشتہ ہفتے ٹرمپ انتظامیہ نے کانگریس کے علم میں لائے بغیر ایرانی جنرل پر حملہ کیا تھا، اس حملے کے حوالے سے ٹرمپ انتظامیہ ہمارے تحفظات دور کرنے میں ناکام رہی ہے۔

    میزائل استعمال نہیں کرنا چاہتے، ایران جوہری منصوبے سے دستبردار ہوجائے، ٹرمپ

    گزشتہ روز نینسی پلوسی نے ٹرمپ کی جنگ پر مبنی پالیسی پر بھی تنقید کرتے ہوئے کہا تھا کہ ٹرمپ انتظامیہ کی غیر ضروری اشتعال انگیزی کا خاتمہ یقینی بنانا ہوگا، ہمیں امریکی اہل کاروں کی حفاظت کرنی ہے، اسپیکر کا کہنا تھا کہ عراق میں امریکی فوجیوں کو ہدف بنا کر بم باری کے بعد پیدا ہونے والی صورت حال کا باریک بینی سے جائزہ لیا جا رہا ہے، ایسے میں اپنے اہل کاروں کا تحفظ ضروری ہے۔

    انھوں نے ایک ٹویٹ میں لکھا کہ ٹرمپ انتظامیہ بے مقصد اشتعال انگیزی کر رہی ہے، جسے روکنا ضروری ہے۔ گزشتہ روز امریکی صدر ڈونلڈ ٹرمپ نے کہا تھا کہ ایران کو جوہری منصوبے سے دست بردار ہونا پڑے گا، میں جب تک امریکا کا صدر ہوں ایران ایٹمی طاقت نہیں بن سکتا۔