ARYNews.tv | Urdu – Har Lamha Bakhabar

Tag: Narowal

  • صدر مملکت، وزیر اعظم اور آرمی چیف کی طرف سے وزیر داخلہ احسن اقبال پر قاتلانہ حملے کی شدید مذمت

    صدر مملکت، وزیر اعظم اور آرمی چیف کی طرف سے وزیر داخلہ احسن اقبال پر قاتلانہ حملے کی شدید مذمت

    لاہور: صدر مملکت ممنون حسین، وزیر اعظم شاہد خاقان عباسی اور پاک فوج کے سربراہ جنرل قمر جاوید باجوہ نے وزیر داخلہ احسن اقبال پر قاتلانہ حملے کی شدید مذمت کردی۔

    تفصیلات کے مطابق وزیر اعظم نے آئی جی پنجاب سے واقعے کی فوری رپورٹ طلب کرلی ہے۔ وزیر اعلیٰ پنجاب شہباز شریف نے احسن اقبال کی لاہور سروسز اسپتال منتقلی کے لیے ہیلی کاپٹر بھی بھیج دیا ہے۔ صدر مملکت نے کہا ہے کہ اختلاف رائے کا اظہار تشدد کے ذریعے نہیں ہونا چاہیے۔

    نیول چیف ایڈمرل ظفرمحمود نے بھی وزیر داخلہ احسن اقبال پرحملے کی مذمت کی، ترجمان پاک بحریہ کے مطابق انھوں نے کہا ہے کہ قاتلانہ حملہ افسوسناک ہے، جلد صحت یابی کے لیےدعاگو ہوں۔

    دوسری جانب اس افسوس ناک واقعے پر ملک بھر سے برسر اقتدار پارٹی اور اپوزیشن کے سیاسی رہنماؤں نے  شدید مذمت کی ہے۔ انھوں نے احسن اقبال کی صحت یابی کے لیے دعائیں کیں اور حملے کی مکمل تحقیقات کا مطالبہ کیا۔

    وزیر اعلیٰ پنجاب شہباز شریف نے ٹوئٹ کیا ہے کہ اپنے دوست احسن اقبال پرقاتلانہ حملے کی شدید مذمت کرتا ہوں، احسن اقبال سے بات ہوئی ہے ان کے حوصلے بلند ہیں، ن لیگ کو ڈرادھمکا کر خاموش نہیں کیا جاسکتا۔

    اپوزیشن رہنما خورشید شاہ نے وفاقی وزیر داخلہ پر قاتلانہ حملے کی شدید مذمت کی اور کہا کہ اس حملے کی مکمل تحقیقات ہونی چاہیے، ملک کے وزیر داخلہ پر حملہ بہت بڑا سوالیہ نشان ہے۔ ان کا کہنا تھا کہ الیکشن سے قبل سیکورٹی کے لیے جامع حکمت عملی کی ضرورت ہے۔

    تحریک انصاف کے چیئرمین عمران خان نے ٹوئٹ کرتے ہوئے کہا ہے کہ احسن اقبال پر حملے کی شدید مذمت کرتا ہوں۔

    سابق صدر آصف زرداری نے بھی احسن اقبال پر فائرنگ کی مذمت کرتے ہوئے کہا حملہ تشویش ناک ہے، ایسے واقعات کو روکنا ہوگا، انھوں نے وزیرداخلہ کی صحت یابی کےلیے دعا بھی کی۔

    اسپیکر قومی اسمبلی ایاز صادق کا کہنا تھا کہ واقعے کے ذمہ داروں کو کٹہرے میں لایا جائے۔ چیئرمین پی پی بلاول بھٹو زرداری، عوامی نیشنل پارٹی کے سربراہ اسفندیار ولی خان ، تحریک انصاف کے ترجمان فواد چوہدری اور عثمان ڈار، ڈپٹی چیئرمین سینیٹ سلیم مانڈوی والا، مسلم لیگ ضیا کے سربراہ اعجاز الحق نے بھی احسن اقبال پر قاتلانہ حملے کی شدید مذمت اور دعائیں کیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • احسن اقبال پر قاتلانہ حملہ، فائرنگ کرنے والے ملزم کی تصاویر سامنے آگئیں

    احسن اقبال پر قاتلانہ حملہ، فائرنگ کرنے والے ملزم کی تصاویر سامنے آگئیں

    نارووال: وزیر داخلہ پر گولی چلانے والے ملزم عابد حسین نے جرم کا اعتراف کرتے ہوئے کہا ہے کہ  ختم نبوت کے معاملے پر احسن اقبال پر گولی چلائی۔

    تفصیلات کے مطابق نارووال میں وزیر داخلہ احسن اقبال پر قاتلانہ حملہ کرنے والے ملزم عابد حسین نے اپنا اعترافی بیان پولیس کو دے دیا ہے۔

    ملزم کا ابتدائی بیان میں کہنا تھا کہ میں نے ختم نبوت کے معاملے پراحسن اقبال پرگولی چلائی، قاتلانہ حملے کا فیصلہ میرا ذاتی تھا، ذرائع کے مطابق پولیس نے ملزم کا ابتدائی بیان وزیراعلیٰ پنجاب کو بھجوادیا ہے۔

    ذرائع کے مطابق ابتدائی تفتیش میں ملزم نے بتایا کہ احسن اقبال نے ختم نبوت کے حوالے سے جو بیانات دئیے تھے اس پر رنج تھا اس وجہ سے احسن اقبال پر حملے کے لیے موقع کی تلاش میں تھا ،آج جب احسن اقبال کرسچن کمیونٹی کی تقریب میں آئے تو موقع پا کر حملہ کردیا۔

    ملزم نے اعترافی بیان میں یہ بھی کہا ہے کہ احسن اقبال پر حملہ مکمل منصوبہ بندی کے تحت کیا، کچھ روز پہلے ہی کسی سے اسلحہ لیا تھا۔ عینی شاہدین کے مطابق ملزم دھوکہ دینے کیلئے ن لیگ کے حق میں نعرے لگاتا رہا اور پھر اچانک حملہ کر دیا۔

    ذرائع کا کہنا ہے کہ عابد حسین نے پہلے بھی احسن اقبال کی ریکی کی کوشش کی، ملزم روزگار کے سلسلے میں دبئی بھی جا چکا ہے۔

    حملہ آور عابد حسین کی عمر21 سال اور اس کا تعلق اسی گاؤں کنجروڑ سے ہے جہاں وزیر داخلہ کارنر میٹنگ میں شریک تھے، ملزم کے والد کا نام منظور گجر ہے، ملزم کا تعلق ایک مذہبی تنظیم سے بتایا جارہا ہے۔

    مزید پڑھیں: نارووال، وزیر داخلہ احسن اقبال قاتلانہ حملے میں زخمی ، اسپتال منتقل، ملزم گرفتار

    پولیس کے مطابق گرفتار ملزم عابد جلسہ گاہ میں موجود تھا اور خطاب کے وقت فرنٹ لائن میں بیٹھا تھا، پولیس کا کہنا ہے کہ ملزم عابد سفید رنگ کے شلوار قمیض میں ملبوس تھا۔

    ملزم کی تفصیلات

    ذرائع کے مطابق ملزم عابد حسین کے والد کا نام محمد حسین اور تاریخ پیدائش 13 مئی 1995 ہے جبکہ وہ دبئی بھی جاچکا ہے ، حملہ آور تحصیل شکر گڑھ کے علاقے ویرم کا رہائشی ہے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیاپر شیئر کریں۔  

  • نارووال:‌ وفاقی وزیر احسن اقبال پر جوتے سے حملہ

    نارووال:‌ وفاقی وزیر احسن اقبال پر جوتے سے حملہ

    نارووال : وفاقی وزیر داخلہ احسن اقبال بھی جوتا کلب کے ممبربن گئے، تقریب میں‌ ایک نوجوان نے ن لیگ کے سینئر رہنما پر جوتا پھینک دیا.

    تفصیلات کے مطابق نارووال میں ہونے والے ورکرز کنونشن کے دوران ایک شخص نے وفاقی وزیر پر جوتا پھینکا. جوتا ان کے ہاتھ پر لگا.

    یہ واقعہ تب پیش آیا، جب وفاقی وزیر داخلہ احسن اقبال اسٹیج پر پہنچے. جوتا پھینکنے والے نوجوان بلال حارث کو پولیس نے حراست میں لے لیا. البتہ وزیر داخلہ کے کہنے پرنوجوا ن کورہا کر دیا گیا۔

    واقعے کے بعد احسن اقبال نے ٹویٹ‌ کیا، جس میں‌ انھوں نے کہا کہ یہ واقعہ مخالفین کی شرارت تھی، البتہ تقریب پرسکون رہی. تقریب میں کوئی رخنہ نہیں پڑا، میں نےتقریر مکمل کی.

    اپوزیشن کا ردعمل

    پیپلزپارٹی کے سینئر رہنما قمر زمان کائرہ کا کہنا تھا کہ یہ افسوس ناک صورتحال ہے، رویہ کسی طور مناسب نہیں. ایسے رویے کی کبھی حوصلہ افزائی نہیں کی جاسکتی، البتہ عوام کے اندر ن لیگ کے خلاف غم وغصہ ہے، جس ترقی سے عوام کاپیٹ نہ بھرے، وہ ترقی نہیں ہوتی.

    پی ٹی آئی کے ترجمان فواد چوہدری نے اس عمل کو نامناسب قرار دیتے ہوئے کہا کہ ن سال کی پانچ سالہ کارکردگی پرعوام غصے میں ہیں۔ ن لیگی وزرا اپنی حرکتوں کی وجہ سےاس مقام پر پہنچے. انھوں نے مزید کہا کہ جب آپ غیرمقبول ہوجائیں تو پبلک میں جانا رسک ہے.

    شیخ رشید کی لاہور آمد، کسی نے ان پرجوتا اچھال دیا

    خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہچانے کےلیے سوشل میڈیا پرشیئر کریں۔

  • جس نے کبھی کوئی یوسی نہ چلائی ہو، وہ ملک کیسے چلاسکتا ہے: احسن اقبال

    جس نے کبھی کوئی یوسی نہ چلائی ہو، وہ ملک کیسے چلاسکتا ہے: احسن اقبال

    نارووال: وزیر داخلہ احسن اقبال کا کہنا ہے کہ جس نے کبھی کوئی یوسی نہیں چلائی، وہ بھلا ملک کیسے چلاسکتاہے، عوام کو منزل پر وہی پہنچاسکتا ہے، جو تجربہ کار ہوگا۔

    ان خیالات کا اظہار وزیر داخلہ نے نارووال میں طلبا سے خطاب کرتے ہوئے کیا۔

    احسن اقبال نے پی ٹی آئی رہنما عمران خان پر کڑی تنقید کرتے ہوئے کہا کہ ان سے زیادہ انتطامی تجربہ بلدیہ کے چیئرمین کو ہوتا ہے، انھوں‌ نے کبھی یوسی نہیں‌ چلائی، عمران خان میں‌ تجربے کا فقدان ہے۔

    یہ بھی پڑھیں: ٹرمپ کے آلہ کار ملک میں عدم استحکام پھیلا رہے ہیں، احسن اقبال

    مسلم لیگ ن کے مرکزی رہنما کا کہنا تھا کہ بیس کروڑ عوام کی قسمت کی چابی کسی ناتجربے کار شخص کے ہاتھ میں کیسے دے سکتے ہیں، ووٹ عوام کی امانت ہے، اسے سوچ سمجھ کر استعمال کیا جائے، ناتجربے افراد کو اپنی قسمت کی چابی مت دیں۔

    احسن اقبال نے نارووال میں‌ نئے پاسپورٹ اورنادراآفس کا سنگ بنیاد بھی رکھا۔

    اس موقع پر ان کا کہنا تھا کہ ملک میں مذہب کے نام پرخانہ جنگی کرانے کی کوشش کی گئی، بیرونی طاقتیں ہمیں للکاررہی ہیں،طاہرالقادری خیال رکھیں، کہیں عمران خان انھیں استعمال نہ کرلیں۔

    انھوں نے مزید کہا کہ ہمارے دشمن بلوچستان کو نشانہ بنارہےہیں، جمہوری عمل کےاندر رخنے ڈالے گئے تو دنیا ہم پر ہنسے گی، اب اگر کوئی اس سازش کا آلہ کاربنا تو نظام نہیں چلے گا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • تبدیلی کنٹینرسے نہیں کام اورتجربے سے آتی ہے، احسن اقبال

    تبدیلی کنٹینرسے نہیں کام اورتجربے سے آتی ہے، احسن اقبال

    نارووال : وفاقی وزیر داخلہ احسن اقبال نے کہا ہے کہ ہم کسی اناڑی کو پاکستان نہیں دیں گے، تبدیلی کنٹینرز پر کھڑے ہوکر نہیں کام اور تجربے سے آتی ہے، سیاستدان طاہرالقادری کو قربانی کا بکرا بنانا چاہتے ہیں۔

    ان خیالات کااظہار انہوں نے نارووال میں میڈیا سے گفتگو کرتے ہوئے کیا، انہوں نے کہا کہ ملک میں تبدیلی کنٹینرز پر کھڑے ہوکر نہیں بلکہ کام اور تجربے سے آتی ہے، کامیاب قومیں دھرنوں اور لانگ مارچ سے نہیں بنتیں، آج کاپاکستان دہشت گردی اور لوڈشیڈنگ سے پاک ہے۔

    ان کا کہنا تھا کہ پاکستان میں امن بحال ہورہاہے، معیشت ترقی کررہی ہے، آج پاکستان کو یکجہتی اوراستحکام کی ضرورت ہے، دنیا کو2013میں مدت پوری کرکے بتادیا تھا کہ ہم مستحکم ہوچکے ہیں۔

    احسن اقبال نے پی اے ٹی کے سربراہ کو مخاطب کرتے ہوئے کہا کہ طاہرالقادری صاحب یہ سارے لوگ آپ کو قربانی کا بکرا بنانا چاہتے ہیں، خود تو الیکشن کی تیاریاں کررہے ہیں اور آپ کو دھرنے کے چکر میں ڈال دیا۔

    ان کا کہنا تھا کہ تھر میں400سال کے کوئلے کے دخائر موجود ہیں، تھرمیں 5ارب روپے کی لاگت سے ترقیاتی کام ہورہے ہیں۔

    وفاقی وزیر داخلہ نے تمام سیاسی رہنماؤں سے اپیل کی کہ آئیں لڑیں خوب لڑیں، دہشت گردی، غربت، پسماندگی سے لڑیں، بےیقینی پھیلائی گئی تو سمجھیں ہم خود اس ملک کا نقصان کرینگے۔

    احسن اقبال کا مزید کہنا تھا کہ سینیٹ الیکشن نہ ہونے کی وجہ پی ٹی آئی ارکان کا جواب دینا ہے، سینیٹ الیکشن میں پی ٹی آئی عمران خان کو ووٹ نہیں دیگی کیونکہ پی ٹی آئی والے سینیٹ الیکشن سے بھاگ رہے ہیں، اگر آپ میں دم ہے توالیکشن میں آئیں۔

  • عمران خان کا کرپشن کی بات کرنا سیاسی ڈرامہ ہے، احسن اقبال

    عمران خان کا کرپشن کی بات کرنا سیاسی ڈرامہ ہے، احسن اقبال

    نارووال : وفاقی وزیر داخلہ احسن اقبال نے کہا ہے کہ عمران خان کا کرپشن کی بات کرنا سیاسی ڈرامہ ہے، پی ٹی آئی خود کرپٹ جماعتوں میں سےایک ہے، سوشل میڈیا پر جھوٹی خبریں اور جھوٹا پروپیگنڈا بہت بڑا ہتھیار ہے۔

    ان خیالات کااظہار انہوں نے نارووال میں میڈیا سے گفتگو کرتے ہوئے کیا، احسن اقبال کا کہنا تھا کہ آٹھ ماہ بعد ہماری حکومت دوسری بار اپنی مدت پوری کریگی، جس کے بعد ہی عام الیکشن ہوں گے، ن لیگی حکومت نے پاکستان کے دو بڑے جن بوتل میں بند کئے ہیں، پہلا جن دہشت گردی اور دوسرا لوڈ شیڈنگ کا تھا۔

    وزیر داخلہ نے کہا کہ تحریک انصاف کرپٹ جماعتوں میں سے ایک ہے، عمران خان کا کرپشن کی بات کرنا سیاسی ڈرامہ ہے، عمران خان اپنا ڈرامہ ن لیگ کےخلاف استعمال کرتےہیں۔

    انہوں نے کہا کہ صوبائی حکومت کی پالیسیوں سے آج خیبرپختونخوا کےعوام پریشان ہیں، پی ٹی آئی میں شامل ہونے والے ن لیگ میں واپس آرہے ہیں، ہم ملک میں فسادنہیں چاہتے لیکن شیخ رشید اور عمران خان حکومت ڈی ریل کرنے کی تلاش میں ہیں۔

    وزیر داخلہ احسن اقبال نے سابق صدر کو تنقید کانشانہ بناتے ہوئے کہا کہ آصف زرداری کی زبان پرکرپشن کی بات سجتی نہیں، پیپلزپارٹی دورمیں ہر ہفتے کرپشن کا نیا کیس سامنے آتا تھا۔

    انہوں نے کہا کہ سوشل میڈیا اہم میدان بن گیا ہے، اس کےمثبت اور منفی دونوں پہلو ہیں، سوشل میڈیا پر جھوٹی خبریں اور جھوٹا پروپیگنڈا بہت بڑا ہتھیار ہے جس کی حوصلہ شکنی ہونی چاہیے،سوشل میڈیا پرجمہوری آزادی کا احترام کیا جائے۔

  • وقت بتائے گا نوازشریف کو ہٹانا ملک کمزور کرنیکی سازش تھی، احسن اقبال

    وقت بتائے گا نوازشریف کو ہٹانا ملک کمزور کرنیکی سازش تھی، احسن اقبال

    نارووال : وفاقی وزیر داخلہ احسن اقبال نے کہا ہے کہ نوازشریف کو ہٹایا جانا پاکستان کو کمزور کرنے کی سازش ہے، تاریخ ثابت کرے گی کہ فیصلہ ملکی مفاد کیخلاف ہے، نون لیگ کو دھڑوں میں تقسیم کرنے والوں کے ارادے ناکام ہو گئے۔

    ان خیالات کا اظہار انہوں نے نارووال میں حافظ عبدالرحمن ٹرسٹ کے زیر اہتمام عید ملن پارٹی سے خطاب اور میڈیا سے گفتگو کرتے ہوئے کیا۔

    وفاقی وزیر داخلہ احسن اقبال کا مزید کہنا تھا کہ نارووال کو دس سالوں میں پنجاب کا بہترین ضلع بنائیں گے، اگر معشیت مضبوط ہو جائے تو کوئی پاکستان کو اوئے نہیں کہے گا، پاکستان کی ترقی سے دشمن خائف ہیں۔

    انہوں نے کہا کہ 20 سال بعد تاریح بتائے گی کہ نواز شریف کو ہٹانا ملک کے خلاف تھا، جو کہتے تھے نواز شریف کے جانے کے بعد نون لیگ کے 25 دھڑے بنیں گے وہ لوگ کامیاب نہیں ہوئے۔ ن لیگ کو ٹکڑے ٹکڑے ہوتا دیکھنے والوں کے سبھی ارادے ناکام ہو گئے۔

    انہوں نے کہا کہ مسلم لیگ ن نے پاکستان کو دہشت گردی سے پاک کر دیا ہے، 2018 تک لوڈشیڈنگ اور دہشت گردی کا خاتمہ کرتے ہوئے ترقی کرنا ہے۔

    احسن اقبال کا کہنا تھا کہ عمران خان کے جلسے پھیکے پڑ گئے ہیں، لاہور کے جلسہ میں آدھی کرسیاں خالی تھیں، عوام نے ان کی سیاست مسترد کر دی ہے۔

    وزیرداخلہ احسن اقبال نے کہا کہ عمران خان پچھلے چار سال سے ملک کا ستیا ناس اور بیڑہ غرق کرنے والی سوچ پھیلانے کیلئے کام کررہے ہیں۔

    عمران خان بیرونی فنڈنگ کیس کا سامنا نہیں کرتے، بیرونی فنڈنگ کی حقیقت سامنے آئی تو عمران خان کے چہرے سے سارے نقاب اتر جائیں گے جلد سامنےآجائے گا کہ یہ کس کے ایجنڈے پر کام کرتے ہیں۔

    انہوں نے کہا کہ محرم میں دشمن تفرقہ پھیلانے کی کوشش کرے گا لیکن عوام کسی کو موقع نہ دیں۔

     

  • عمران خان سازشوں کے ذریعے وزیراعظم بننا چاہتے ہیں، احسن اقبال

    عمران خان سازشوں کے ذریعے وزیراعظم بننا چاہتے ہیں، احسن اقبال

    نارووال : پاکستان مسلم لیگ (ن) کے سینیئر رہنما اور وفاقی وزیر منصوبہ بندی و ترقی احسن اقبال نے کہا ہے کہ عمران خان آج کرپشن کا گاڈ فادر اور چمپیئن بن چکےہیں، وہ سازشوں سے وزیر اعظم بننا چاہتے ہیں، نواز شریف کا گناہ سی پیک اور بجلی کےمنصوبے ہیں۔

    ان خیالات کا اظہار انہوں نے نارووال میں ایک تقریب سے خطاب کرتے ہوئے کیا، وفاقی وزیر احسن اقبال نے کہا کہ پاکستان کو ایشیا کا ٹائیگر بننے سے روکنےوالے کا عوام محاسبہ کریگی، ہم پاکستان کابراسوچنےوالوں سےاستعفی لیں گے۔

    انہوں نے کہا کہ نواز شریف کا یہ ہی گناہ ہے کہ انہوں نے سی پیک اور بجلی کے منصوبے شروع کیے، جس کی بدولت 2018میں پاکستان سستی بجلی پیدا کرنا شروع کردے گا۔

    احسن اقبال نے کہا کہ عمران خان سازشوں کے ذریعے اقتدار میں آنا چاہتے ہیں، وہ آج کرپشن کے گاڈ فادر اور چمپیئن بن چکےہیں، عمران خان نے ماضی میں بھی دھرنے میں مختلف اداروں کے عناصر کو استعمال کیا اوراس وقت بھی وہ ترکی کے فتح اللہ گولن کی طرح سے ملک میں سیاسی کنٹرول حاصل کرنا چاہتے ہیں۔

    احسن اقبال نے کہا کہ تحریک انصاف اور دیگر اپوزیشن جماعتیں 2014 سے ہی وزیراعظم سے استعفی مانگ رہی ہیں اور اگر نواز شریف نے استعفی دے دیا تو یہ ان کیلئے سیاسی خودکشی ہوگی۔ جے آئی ٹی کی رپورٹ مکمل طور پر بدنیتی پر مبنی ہے، ہم اس سیاسی جنگ کو بھرپور انداز میں عدالتوں میں لڑنے کیلئے تیار ہیں۔

  • مردہ پائی جانے والی طالبات کا پوسٹ مارٹم، لاشیں ورثاء کے حواالے

    مردہ پائی جانے والی طالبات کا پوسٹ مارٹم، لاشیں ورثاء کے حواالے

    نارووال : پراسرار طور پر مردہ پائی جانے والی دونوں طالبات کا پوسٹ مارٹم مکمل ہوگیا۔ اسپتال انتظامیہ نے لاشوں کا پوسٹ مارٹم کرنے سے انکارکردیا تھا، جس پرمتوفیہ لڑکیوں کے لواحقین نے احتجاج کیا۔

    تفصیلات کے مطابق نارروال کے نواحی گاؤں کے رہائشی مقبول خان کی بیٹی صباء مقبول اور اس کی دوست تنزیلہ ارشد کی لاشیں ملیں۔ مرنے والی لڑکیوں کی عمریں 20 سے 22 سال کے درمیان اور دونوں ایم اے کی طالبات تھیں۔

    دونوں کی ہلاکت کی وجہ کا پتہ نہیں چل سکا ہے، تاہم دونوں لڑکیوں کی لاشوں کا پوسٹ مارٹم ڈسٹرکٹ ہیڈ کواٹرز ہسپتال  میں اب مکمل ہوگیاہےاور اسپتال انتظامیہ نے لاشیں ورثاء کے حوالے کردیں ہیں، پوسٹ مارٹم کی رپورٹ آنے کے بعد اموات کی وجہ کا معلوم ہوگا۔

    اس سے قبل ڈی ایچ کیو اسپتال میں ڈاکٹرز نے طالبات صبا اور تنزیلہ کا پوسٹ مارٹم کرنے سے انکار کر دیا تھا۔لڑکیوں کے ورثاء کے احتجاج کرنے پر پوسٹ مارٹم کیا گیا۔

    ذرائع کے مطابق تنزیلہ گزشتہ رات اپنی سہیلی صباء کے گھر رہنے کے لئے آئی تھی۔ دونوں لڑکیوں کے بازوؤں پر لکھا ہے کہ ان کی تدفین ایک ہی قبرستان میں کی جائے۔

    جبکہ پولیس کا کہنا ہے کہ دونوں لڑکیوں نے نامعلوم وجہ کی بنا پر زہریلی گولیاں کھا کر خود کشی کر لی ہے۔ اہل خانہ کا کہنا ہے کہ دونوں لڑکیاں عرصہ دراز سے سہیلیاں اور ایم اے کی طالبات تھیں۔ پولیس نے واقعہ کی تفتیش شروع کر دی ہے۔

  • نارووال ضمنی الیکشن، ن لیگ اور پی ٹی آئی کے کارکنوں میں تصادم

    نارووال ضمنی الیکشن، ن لیگ اور پی ٹی آئی کے کارکنوں میں تصادم

    norwal