Tag: naseer soomro

کراچی: دنیا کے دوسرے طویل القامت شخص اور پاکستانی شہری نصیر سومرو تیزی سے روبہ صحت ہیں انہیں وینٹی لیٹر سے وارڈ میں منتقل کردیا گیا۔

تفصیلات کے مطابق کراچی کے علاقے گلستان جوہر میں واقع نجی اسپتال میں زیر علاج نصیر سومرو کے معالج نے تصدیق کی کہ اب اُن کی طبیعت کافی بہتر ہے۔

ڈاکٹر علی فرحان کے مطابق نصیر سومرو کو وینٹی لیٹر سے جرنل وارڈ میں منتقل کردیا گیا البتہ وہ ابھی بھی زیر نگرانی ہیں۔

یاد رہے کہ 14 روز قبل پاکستان کے طویل القامت شخص کو تشویشناک حالت کے بعد اسپتال منتقل کیا گیا تھا جہاں ڈاکٹرز نے اُن کی طبیعت کو دیکھتے ہوئے آئی سی یو میں داخل کرلیا تھا۔

مزید پڑھیں: دنیا کے دوسرے طویل القامت شخص نصیر سومرو کی حالت تشویشناک، اسپتال داخل

نصیر سومرو کو سانس لینے میں دشواری ہورہی تھی جس کے باعث انہیں ڈاکٹرز نے وینٹی لیٹر پر منتقل کرتے ہوئے 24 گھنٹوں کو انتہائی اہم قرار دیا تھا البتہ اب اُن کی طبیعت سنبھل چکی ہے۔

نصیر سومرو کون ہیں؟

سندھ کے علاقے شکار پور سے تعلق رکھنے والے نصیر سومرو کا قد 8 فٹ ہے اور وہ قومی ایئرلائن (پی آئی اے) میں شعبہ ٹریفک کے ملازم ہیں۔

دوسری جانب سابق کپتان قومی کرکٹ ٹیم وسیم اکرم کی اہلیہ شنیرا اکرم نے سماجی رابطے کی ویب سائٹ ٹویٹر پر نصیر سومرو کی صحت یابی کے لیے دعا کرتے ہوئے کہا تھا کہ کچھ لوگ زندگی سے بھی بڑھ کر ہوتے ہیں۔